oOo طـريـقـة عـمـل الـفـورمــات oOo

[REEM Q8]

السلام عليكم ورحمة الله وبركاته

أخواتي الكويتيات الحلوات الأمورات:eh_s(17):

كل وحده فينا تبي تفرمت جهازها بنفسها

بدون مقدمات :eh_s(6):

في هذا الموضوع راح أعلمكم كيفية عمل الفورمات للكمبيوتر :eh_s(20):

يلا نبدأ:eh_s(13):

بسم الله الرحمن الرحيم

المتطلبات :
1) سيدي أكس بي بروفيشنال مدموج مع الحزمة الخدمية 2

Windows XP professional Service Pack

2) سيدي حزمة أوفيس 2003 عربي (اللي هو بوربوينت وورد وأكسل وأكسس .. إلخ)

Microsoft Office 2003


3) سيدي التعاريف (تعريف المودم + تعريف كرت الصوت + تعريف كرت الشاشه)

الله يعينج تشيلين جهازج وتروحين أقرب محل تقولين أسحب كل التعاريف اللي في الجهاز وحطهم بسيدي

4) سيدي برامج اللي تحتاجينها (ريل بلاير + فوتوشوب+ نيرو+ وين رار ... إلخ)

شوفي أنتي شنو تبين البرامج وروحي المحل و قولي حطلي هالبرامج في سيدي



طبعاً السيديات الأربعه اللي فوق لازم تجيبونهم قبل لا نبتدي دروس الفورماات

قائمة الدروس اللي راح أشرحها :

1) أشلون نخلي الجهاز يقلع من السيدي روم
2)أشلون نفرمت الجهاز ونركب ويندوز أكس بي
3) أشلون نعرف الكروت (كرت المودم + كرت الصوت + كرت الشاشة)
4) أشلون ننشئ أتصال جديد للأنترنت (للمبتدئين)

راح نبتدئ الدرس الأول باجر .. لكن هااا الله الله بالتركيز .. وأبيكم تقرون الدروس عدل مدل

تحياتي للجميع:eh_s(8): ​

 

[@Miss Dio@]

أبله أبله
اول شئ مشكورررررررررررررررره خوش شي بصراحه لأن سوا لي رفيج ريلي فورمات بس مافي ميكروسفت اوفيس شاسوي؟؟؟؟؟؟؟؟

 

[REEM Q8]

هلا @Miss Dio@

يعجبوني الطلاب المجتهدين

عفية على الشاطرة

شوفي يا @Miss Dio@ رفيج ريلج سوا لجهازج فورمات وركب الويندوز بس

وما حط لج حزمة أوفيس (مايكروسوفت أوفيس)

معناته روحي أقرب محل كمبيوتر وقولي أنسخ لي مايكروسوفت أوفيس 2003 في سيدي .. وخلاص

وتعالي وأنا أقولج أشلون طريقة تركيب مايكروسوفت أوفيس 2003

طريقة التركيب سهله ..

جيبي السيدي أول وأنا أشرح لج بالتفصيل الممل طريقة تركيب مايكروسوفت أوفيس

^_^

 

[بتبوتااا]

بلييييييييز انا ابي برنامج الي يخلي الصور مالت التواقيع او اي صور متحركه تتحرك /<<

 

[@Miss Dio@]

اهلا يا ابله منا للقافه خذيت سي دي 2007 وموراضي يطلع يقول ايرور لازم أحط 20003 اول صج؟؟

 

[REEM Q8]

اهلا يا ابله منا للقافه خذيت سي دي 2007 وموراضي يطلع يقول ايرور لازم أحط 20003 اول صج؟؟

2007 يركب على الأكس بي عاادي لكن يبيله ذاكرة (رام_Ram)

و مو شرط تحطين 2003 أول ...!! عشاان تحطين بعده 2007

حطي اللي تبينه ( سيدي 2007 أو سيدي 2003 )

على فكرة أنا جربت الأوفيس 2007 .. بصراحة روووعه

شكله غير وزايدين أداوت وإضافات روووعه .. خصوصاً تأثيرات الصور في الورد صايرة رووعه

بس حذفته ورديت حطيت أوفيس 2003 .. لاني متعوده على 2003 :eh_s(22):

أنتي ألحين شريتي سيدي مايكروسوفت أوفيس 2003 ولا 2007 ؟؟​

 

[REEM Q8]

بلييييييييز انا ابي برنامج الي يخلي الصور مالت التواقيع او اي صور متحركه تتحرك /<<

حياااج الله أختي

هذا موضوع تعليم الفورماات

مو طلبات برامج :eh_s(6):

أنتي أفتحي موضوع وأطلبي البرنامج وإن شاء الله الخوات يساعدونج وإذا ما ساعدوج أنا راح أساعدج:eh_s(3):

بس أنتي روحي أفتحي موضوع :eh_s(8):​

 

[REEM Q8]

الدرس الأول (أشلون نخلي الجهاز يقلع من السيدي روم)

1) أول شي نشيل البرامج والملفات اللي نبيها من سطح المكتب أو من ماي ديكومنت (المستندات) ونحطها في قسم ال D
لان عملية الفورمات راح تمسح القسم C بأكمله

2) نقوم بإعادة تشغيل الجهاز، وقبل أن يبدأ التشغيل أي في ساعة ظهور شاشة البدء للنظام نقوم بالنقر على زر F10 أو زر Del في لوحة المفاتيح .
عندها ستظهر لنا شاشة البيوس BIOS، وهي التي سنقوم من خلالها بجعل الجهاز يقلع من القرص المدمج CD

مثل هذه الصورة :

أو هذي الصورة

3) سنقوم بالبحث عن النافذة المختصة بالإقلاع Boot ، ونترك الخصائص الأخرى لأنها قد تسبب لنا أعطالاً لا نرغب فيها، لذا يجب توخي الحذر والتأكد من الخطوات.

4) نقوم بالانتقال بين النوافذ عن طريق الأسهم على لوحة المفاتيح حتى نصل إلى Boot، ثم نقوم بتحديد أول إقلاع للجهاز، ويكون عن طريق CD Rom قبل القرص الصلب. لذا عند بدء التشغيل سيقوم الجهاز بالبحث عن الأقراص المدمجة المصممة خصيصًا ليتم الإقلاع منها، عند فشله في الحصول على هذا القرص سينتقل إلى الاختيار الثاني، إما القرص المرن أوالقرص الصلب. ما يهمنا هنا هو جعل الإقلاع من القرص المدمج CD- Rom ، ويتم هذا باستخدام الأسهم على لوحة المفاتيح وزر Enter وزري الجمع والطرح. بعد ترتيب الخيارات كالتالي:

1st. CD-ROM
اهم شي السي دي روم اللي بتحطون فيه سي دي XP

2nd. Hard Drive

3rd. Disabled

مثل هذي الصورة

أو هذي الصورة

5) نقوم بالنقر على زر F10 والموافقة على التغييرات باختيار Yes.

طبعاً عزيزاتي الكويتيات أنا شرحت على أكثر نوعين من البيوس أنتشاراً

وأي سؤال أو أستفسار أنا حاظرة:eh_s(15):

إلى اللقاء في الدرس القادم :eh_s(8):

 

[REEM Q8]

؟؟؟

شكلة ما في أحد يبي يتعلم فورمات

كيفكم وعلى راحتكم

 

[دانــــه]

الله يهداج .. طولي بالك .. الصبر طيب :eh_s(6):



لا تعصبين أبله Reem Q8

أنا متابعه لك .. ومتابعه هالشرح الحلو والعرض الرائع .. والله يجزاكي خير عليه وعلى مجهودك بكل موضوع تدخليه:eh_s(17): :eh_s(17):






كل شوي بييب لك فواله للموضوع عشان تعرفين اني متابعتك:eh_s(9):

 

[سويتي الحلوه]

مشكووووووووووره علي الموضوع المفيد


وياليت يتثبت الصراحه

 

[REEM Q8]

الله يهداج .. طولي بالك .. الصبر طيب :eh_s(6):



لا تعصبين أبله Reem Q8

أنا متابعه لك .. ومتابعه هالشرح الحلو والعرض الرائع .. والله يجزاكي خير عليه وعلى مجهودك بكل موضوع تدخليه:eh_s(17): :eh_s(17):






كل شوي بييب لك فواله للموضوع عشان تعرفين اني متابعتك:eh_s(9):

حيااااج الله أختي الغالية دانه

تسلمين على متابعتج لي:eh_s(15):

فديتج والله على ذوقج :eh_s(17): ​

 

[REEM Q8]

مشكووووووووووره علي الموضوع المفيد


وياليت يتثبت الصراحه

حيا الله سويتي :eh_s(17):

العفووو .. هذا واجبي:eh_s(6):

:eh_s(15): :eh_s(15): ​

 

[REEM Q8]

يا بنات اللي تبي تمشي معااي بالدروس

تطبق الدرس الأول .. عشااان إذا فيه أي سؤال

أنا حاظره

ناطرتكم تطبقون الدرس الأول .. عشان أستقبل الأسئلة:eh_s(3):

وعشان أول ما أخلص رد على الأسئله ..

أحط على طول الدرس الثاني

همتكم معاااي يا طالباتي المجتهدات:eh_s(15): ​

 

[الجوري74]

موضوع حلو ويونس بس المشكله اخاف يعفس علي الجهاز والبرمجه
يعني بدال لا اكحلها اعميها
س
ك بالنسبه حق السيديات اللي طلبتيهم مو نفسهم الموجودين مع الجهاز ؟؟؟؟

 

[^^دموع الكويت^^]

مشكووووووورة :eh_s(15):

يعطيج العافية

 

[REEM Q8]

موضوع حلو ويونس بس المشكله اخاف يعفس علي الجهاز والبرمجه
يعني بدال لا اكحلها اعميها
س
ك بالنسبه حق السيديات اللي طلبتيهم مو نفسهم الموجودين مع الجهاز ؟؟؟؟

السيديات اللي طلبتهم ما تجي مع الجهاز

السيديات اللي تجي مع الجهاز غالباً تكون التعاريف (كرت الصوت و الشاشه والمودم)

يبقى عليج تجيبين سيدي الويندوز
وسيدي حزمة الأوفيس 2003
وسيدي البرامج
وبس

وبعدين الفورمااات سهلة ... وما تخووف

وأنتي لازم تحاولين مرة مرتين وثلاث لين تحفظين الطريقة

ومشكوووورة على مرورج الكريم

وأي سؤال أنا حاظرة

 

[REEM Q8]

مشكووووووورة :eh_s(15):

يعطيج العافية

حياااااااااااج الله

العفووو هذا واجبي

أنا ودي أكمل الموضوع .. لكن ما أشوف فيه قبول من العضوات

أخاااااف أكمل وبعدين يروح جهدي هباااءاً منثورا:eh_s(2):

 

[REEM Q8]

بناااااااااااااااااااااات قولولي ... تبون تتعلمون ولا لا

ترى أنا مزهبه الدروووس

أنا حطيت الدرس الأول وباقي أربع درووس

لكن قبل لا أحط الدروس الأربعه أبي تطبقون الدرس الأول

عشان أستقبل أسألتكم

وإذا تبون أرص لكم الدروس ورا بعض قولوا لي ..

أنا في أنتظار ردودكم

 

[تولين]

يعل ايدج ما تنكسر قولي آآآميييييييييين


علقتيني بصراحه .. انا مزهبه الورقة و القلم و اكتب .. اخرتهاااا الخطووووة الاولى بسسسسسسسسسسسس ليش

يالله اللي بعدهاااااااااااااااا ناطرتج