N80

[كويتية أمورة]

مشاركة: N80

مشكورة بيرل على الرد
وصج خل ينزل سعره شوية حيل غالي

 

[ذكريات]

مشاركة: N80

يشوق شكله

بس غالي

 

[رمانه كويتيه]

مشاركة: N80

بنات تعالو بقولكم اشصارلى رحت اشترى ان 80 ولا اشوف وحده يايه المحل وتحلف انها امس شاريته مو شيى اول شيى ثقيل وبعدين بنفتح سحب مو شى وشاريته 300 وتبى تاخذ بداله ان 70 وارقامه اصغيره فهونت وخذيت ان 70 حتى اللى يبيع بالمحل مانصحنى حلفلى يقولى فى واحد قبلها بيوم راده بعد يقول مو شيى

 

[اعذريني يالهدايا]

مشاركة: N80

بالبحرين سعره 250

ليش احنا يضربون بالعلالي اول ما ينزل

بس هم نطرووو لمن ينزل سعره ولمن تسمعون عن سمعته هههههههههه

الله يستر على كل الاجهزه

 

[روووح كويتيه]

مشاركة: N80

هاااااااااااا بناااااااااات جم وصل سعره صارلي فتره انطره ينزل ويوم نزل سعره غاالي ويالله منو الي شرته ومجربته خل تقولنا شالفرق بينه وبين الان 70

 

[Pink GirL]

مشاركة: N80

انا شريته بالعكس حلوو ما فيه شي يمكن اللي ماخذة من اول دفعه طلعت فيه عيوب
بس انا قبل 5 ايام شاريته بالعكس حلوو والنغمات مشاء الله صوتهم عجيب والكاميرا مالته وايد زينة
وفيه اي ار وبلوتوث وخدمة الوايرلس ووزنه مو ثقيل عادي

 

[كويتية أمورة]

مشاركة: N80

والله N70 يهبببببببببببل كلشي فيه موناقصه شي
انا شريته ب 121 قبل اقل من شهر من الهاتف الاوربي بالعديليه
شلكم بالمصاريف الزايدة نطروا الفيرجن اليديد من N80 ينزل وشوفوا راي الناس فيه بعدين اشتروه لاتتوهقون

 

[مسك]

مشاركة: N80

والله اشزينـــه ماشوف فيه عيوب
انا مرتاحه عليه

 

[b6o6a]

مشاركة: N80

انا خذيته وبعته ما عجبني

 

[شاهة]

مشاركة: N80

لقيت هالمعلومة عن جهاز n 80 قلت احطها تستفيدون منها الجهاز قوي

ابد N80 بختصار كاميرا 3 ميا بكسل .... جيل ثالث ....MP3 كلها موجوده
طبعا انا ماجربت الجهاز لاكن مطلع على كل ميزاته وعيوبه من مواقع أجنبيه
الكميرات القياسيه اغلبها الحين 5 ميجا بكسل والجوالات الحين تحاول تلحقها شركه شارب اول من ادكج كميرا 3 ميجا بكسل فى الجوال فى طرزاها 903
واليوم نوكيا ترد على شارب بجهازها القوى N80 لاتستهينو بقوتها ابدا لانك راح تطبع فيها صور بنقاوه 6X5 بوصه بدون ما تعانى من الافتقار الى النوعيه المعتاده فى الطررازات الـ 2 ميجا بكسل. وهذا الجهاز ايضا مزود بقدره الاتصال السريع بشبكه الانترنت Wi-Fi وبجهاز mp3 وببلوتوث وهو ايضا رباعي الموجات يعني بيشتغل فى كل الكره الارضيه
سلببيته الوحيده براايي ولو لاحظتو معاى صور الـ N80 من على جمبراح تتفاجئو ان سمك الجوال كبير أشبه بجوالات نوكيا القديمه

الى ما يهمهم الحجم غير كذا اقلهم الجوال رااااااااائع

فى انتظارك N80
صبعا الكل ناطر الجهاز هذا بفارغ الصبر
صراحة الجهاز قمة في الروعه انا اخذته من المعرض بالكويت كفالة الأتصالات العالميه مدى الحياة
السعر 250 دينار

صراحه الجهاز رهيب بحجمه و مواصفاته ناهيك عن الكاميرا والتصوير الممتاز كان بودي احط صوره بس انتو عارفين الحجم ما اعتقد انه يسمح .

المهم الجهاز ممتاز و صوته رهيب و المواصفات رهيبه فضلا عن وسايل الأتصال البلوتوث و الوايفاي و ال 3g والانفراريد يعني جهاز كامل
الذاكره الداخليه ممتازه و الميموري الخارجيه الأظافيه من نوع مني اسدي ممتازه ايضا

لحد الآن ما واجهت اي مشاكل في الجهاز و جربت مكالمة فيديو الصراحه ممتاز بس في شغله وحده صراحه للحين مو قادر ابعث صوره ام ام اس اعتقد الجهاز ما تعرف على شبكة الكويت لأن الستنج موجود عندي ولكن لا استطيع ارسال الرساله

و هذا للحين و انشالله تشوفون مني الجديد و اذا قدرت لااح احط لكم صوره

متوفر لونين اسود و سلفر

وشكرا
طبعا منقول

 

[صاحبة المعالي]

مشاركة: N80

بمحلات شرق وصل سعره 250
واختي مستخفه عليه
بس امي حالفه عليها ماتاخذه الا اذا وصل 180
عاد قلت لها انطر يا .....

 

[to07aH]

مشاركة: N80

عاجبني

بس شلته من بالي :"(

مادري ليش

لاني انا مشتهيه تلفون يتسكر ..

 

[PearL]

مشاركة: N80

وصل سعره قبل اسبوع الى 180 بنات بس هم بنطر لوووول

 

[PearL]

مشاركة: N80

اى متاكده حصلته بالديره

 

[PearL]

مشاركة: N80

محل بمصافط سوق البلوكات للخام

 

[منطلقة بطموحي]

مشاركة: N80

شسم المحل اختي pearl اذا ما عليج كلافه,, وين صاير بالضبط؟؟

تحصلينه في شرق ..

اكو محلات اللي جدام المطافي .. اتبيع بهالسعر ..

و عموما .. اهو نازل سعره ..