N1h1 !!!

[Q8Lady]

السلام عليكم ورحمة الله وبركاته


:68_asmilies-com:


شلونكم بنات .. ان شاء الله بصحة وعافية ..

ويارب تبعد عني وعنكم كل مرض وكل سوء .. آمين

بنات كلكم سمعتوا عن هالمرض اللي منتشر االي هو انفلونزا الخنازير

وكلنا سامعين عن زيادة عدد الاصابات بشكل سريييع وكلنا عارفين ان الدوا ماراح يتوفر الا شهر 10 !!!

وهم اكيد سمعتوا من بعض وسائل الاعلام ومواقع الانترنت ان هالمرض مجرد كذبة روجتها الشركة اللي تصنع الدواء لانها خسرت بالازمة المالية العالمية وحبت تعوض الخسارة !!

وفي ناس يقولون وخصوصا المطاوعه ان هالمرض من صنع الاجانب عشان ينشرون بالارض الفساد !!!

يعني : اختلفت الآراء .. ومانعرف نصدق منو ولا منو !!! ومانقووول الا اللهم احفظنا وابعد عنا الشر ...

المهم ...

انا وحدة ساعات اصدق وجود هالمرض واخاف كل ما اطلع !! وساعات أقول هالمرض كذبة مثل مايقولون !!!

عشان جذي حبيت أطرح هالموضوع عليكم .....

منو تصدق وجود مرض انفلونزا الخنازير ؟؟؟

ومنو تعتقد ان المرض مجرد كذبة ؟؟؟

واذا في وحدة تعرف شخص أصيب بهالمرض قوليلنا تجربته ... من وين انتقل له المرض وشلون اكتشف الاصابة وشنو كانت العراض وشلون تعالج .....

وبالأخير ... قل لن يصيبنا إلا ماكتبه الله لنا ..... والله الحافظ ​

 

[عرموشة]

ما ادري زوجي يقول ان في شرطى يشتغل بالمطار اصابه المرض لان خذاه من طيارات احد الدول الاوبيه

هذا اللي اعرفه عن المرض

 

[جـــواهر]

يعني كل الاصابات اللي ينشرونها بالاخبار وماصدقتي ..@@
اي انا اصدق بهالمرض وعسالله يكافينا شره يارب ,,

تقبلي مروري

 

[Q8Lady]

يعطيكم العافية ... وبالنسبة للي تقول عن الاصابات اهي للحين مجرد اخبار يعني الناس اللي يقولون المرض كذبة يقولون ليش مايسون مقابلة مثلا مع مريض متعافي عشان يقول للناس تجربته !!!! والله انا للحين 70 % مصدقة و30 % مو مصدقة

 

[reem.q8]

منو تصدق وجود مرض انفلونزا الخنازير ؟؟؟
بعض المرات اصدق وبعض المرات مااصدق =/ لان كل مره مطلعين لنا مرض انفلونزا الطيوور والحين الخنازير


واذا في وحدة تعرف شخص أصيب بهالمرض قوليلنا تجربته
اخو وحده من رفيجاتي .. صار فيه
بس الحمدالله عرفوا مبجر ان فيه وقالوا له اقعد بالبيت 5 ايام بغرفه ولاتطلع وادويه وجذي
بس الحمدالله الحين مافيه شي !

 

[أمواج البحر]

أكيد اصدق بهالمرض

اهو مو خرافه صحيح الاعلم ضخم من هالمرض لكنه موجود

دوليا وعالميا ما اعتقد ان في احد بجذب بهالمرض

ممكن يكون مو بهالخطوره اللي صوروها لكنه موجود و قاعد يصيب وااااااااااايد ناس

وشوفي السعوديه من الحين قاعده تاخذ احتياطاتها من هالمرض لموسم الحج

الامر جدي و واقعي و الله يحفظنا من كل شر

 

[Q8Lady]

يعطيكم العافية بنات ... وترى في دكاترة يقولون ان المرض مو بهالخطورة وان علاجه سهل !!! والله محد يعرف لهم !!! لا ومزهبين لنا من الحين يقولون ورا انفلونزا الخنازير في انفلونزا الكلاب اعزكم الله

 

[reem.q8]

يعطيكم العافية بنات ... وترى في دكاترة يقولون ان المرض مو بهالخطورة وان علاجه سهل !!! والله محد يعرف لهم !!! لا ومزهبين لنا من الحين يقولون ورا انفلونزا الخنازير في انفلونزا الكلاب اعزكم الله

اي اهو المرض له علاج وعلاجه سهل بس على حسب مناعة كل شخص ..
وبعد في انفلونزا الكلاب @@
الله يستر

 

[Q8Lady]

اي شفتي شلون اختي ريم هذا اللي يخلي بعض الناس يقولون هالامراض كذبة وهدفها ضربة سياسية واقتصادية ... والله حتى مرة قريت بجريدة الوطن ان الخليج راح يصيبه انفلونزا البعارين !!!
وانفلونزا الكلاب هم كاتببين عنها بالوطن !!!
الله يحفظنا يارب

 

[reem.q8]

اي شفتي شلون اختي ريم هذا اللي يخلي بعض الناس يقولون هالامراض كذبة وهدفها ضربة سياسية واقتصادية ... والله حتى مرة قريت بجريدة الوطن ان الخليج راح يصيبه انفلونزا البعارين !!!
وانفلونزا الكلاب هم كاتببين عنها بالوطن !!!
الله يحفظنا يارب

اي والله الله يحفظنا : ( .. لاتحاتين ماكو الا الخير واللي الله كاتبه بيصير

 

[Q8Lady]

بنات شدعوة وينكــــــــــــــــــــــــــم نبي نسمع آرائكم ووجهات نظركم أو تجربة للمرض مرت عليكم !!!! الله يحفظنا ويحفظكم !!! نبي مشاركات عشان الكل يستفيد ...