My car

[حنانك سر حبي]

مادري وين احط الموضوع
بس بسال عن انواع السيارات الدارجه في الشوارع
شرايكم شنو افضل واحلى واقل انتشار واكشخ سياره وسعرها معقوول
لان مادري شاخذ :eh_s(10): ومالي خلق احوس بالوكالات
نصايحكم وارائكم

 

[ورور92]

حبيبتي عطيني الميزانية تقريبا و اقترح لج صح :* ..

لان انا فريت كل الوكالات و تقدرين تقولين اهتمامي السيارات وبين فترة وفترة احب اغير

الله يوفقج وتلقين اللي تبينه :*

 

[M!SS.LOBY]

شركة فورد حلووه واسعارهم معقوووله وموديلات روعة عندهم

 

[Patcholli]

أحب الاودي والكدلك

 

[حنانك سر حبي]

حبيباتي جزاكم الله خير عالمشاركه

يعني ابي شي مايطيح سوقه ومابي قطع غياره غالي ولازم انطر
الاودي يقولون قطع الغيار غالي ومو متوفر


ورور92

ومادري ماكو ميزانية معينه ببالي بس طبعا مو فوق الاربعين هههه

وعشان تتخيلوني بالسياره ترا انا مو طويله هههههه

 

[Eng_noor]

اممم المرسيدس حلوه ,,,
وعندج بعد البي ام واللكزس والبورش ...
لوووووولز هذا يعني بساعدج احس حيرتج زياده p:

 

[ورور92]

حياتي ما شالله حلو دام الميزانية راهية

انا ما اؤمن بسالفة الطول وهالسوالف لان انتي بالسيارة منو ودرا عنج

انا كنت ابي رنج روفر صرت اسوقه للطلعات مو للجامعة و الكل يقولي نتفه وراكبه هذا !
لان شكلي لما انزل يضحك لووول جني انط بس شكلج من داخل حيل حلو و رزة

عموما
عندج رنج روفر 2013 بـ 30 ألف قطع غياره زينة مو غالية عن تجربة وخدمتهم حلوة

البورش يبدا بـ 20 بالنسبة للكايين بس قطع غياره صلخ :'( صج جربتها مو صج سياقتها ثبات و نعومة وما ودج تغيرينها بس عندج مثلا طرمبة البانزين سعرها بحدود 700 دينار .. الرينج روفر بـ 100 وشي < سبورت

وفي عندهم الكايمن تغير شكلها تماما حق الـ2014 راح توصل بعد 4 شهور يعني شهر 6 صار شكلها من داخل مثل الكايين والباناميرا حيل عجيبة قبل اسبوع خذيت كاتلوجها وسعرها ب 18 الف

وعندج لاند روفر LR4 بـ 18 ألف حلو و نعوم

هالسيايير يبيلهم رقة بالتعامل و لازم تودينها سيرفس اول بأول ولا تبطل حلجها لا تأجلين ولا يوم

الاودي و البي أم وخري عنهم تكييفهم حار يلوع الجبد و خرابات انا احب الحر وما تحملت ال BMW

عندج لكزس شخصيا ما احبها بس احب منها الباب واحد is300c سعرها بحدود 16 الف

ميزراتي سعرها بحدود 30 الى 35 الف


مرسيدس SLK250 بحدود 17.600 ألف .. باب واحد تو سيتس...

واذا تقدرين على الـ G-class جيب مرسيدس حده قوي وراقي وقبل كان سعره 46 ألف الحين صار 37 الف !
بس قطع غياره غالية

واذا كلش اخذي سيارة وارد من برا المانيا او الخليج ارخص وايد ..
او مستعمل استعمال خفيف يطيح السعر وايد بالنسبة للسيارات الغالية حيل ..

عموما اولا واخيرا استخيري :* الله يوفقج ويعطيج خيرها و يكافيج شرها مقدما

 

[حنانك سر حبي]

ورور

مشكووووره ماقصرتي كفيتي ووفيتي

عاد صج انا ودي رنج بس انا نتفه على قولتج اخاف الكل راح يعلق مايخلون احد بحاله حتى القراب راح يعلقوون احس

وصح بيئم تكييفه حاار

اودي ماحبه

لكزس ماحبه

بورش بفكر فيه اهو والمرسيدس

ماعرفه الميزراتي تابع حق اي وكاله؟ وشلون صاير شكله

ومشكوره حبيبتي

 

[ورور92]

حبيبتي والله ما سويت شي :*

ما عليج من احد لو بخاطرج رنج .. طقيلج واحد ولا يهمونج .. انتي شنو عاجبج اخذيه

الرنج رزة والدليل الكل يتخامط عليه صارو يشترونه مستعمل وموديلات قديمة بس عشان اسمه رنج ..

بس الشكل اليديد تغير من 2012 و 2013 .. فهيبته غير ..

البورش لها طعم يختلف عن كل السيارات .. مميزة بسياقتها و ثباتها وقوتها .. بس مثل ما قلتلج يبيله ميزانية ثانية مخصصة لقطع الغيار .. صج ان القطع مو كل يوم ولا كل شهر بس مقارنة بباقي السيارات يقص الظهر ..
على ان الشكل اليديد للكايين مو حلو نفس القديم اللي 2010 وقبل ..
لو بتاخذين بورش اخذي باناميرا .. لذيذة هالسيارة ورزة



المرسيدس يكفيج فيها فخامة الاسم لكن لو ما عاملتيها بحنان .. راح تخدمينها ما تخدمج
وتكيفها مو ذاك الزود .. وقطع غيارها غالية ..

الميزراتي تبع شركة الزياني اللي فيها الـبـنــتــلــي والجاكوار و الميزراتي والفيراري و البوغاتي اللي تعتبر افخم واغلى سيارة بالعالم وسعرها فوق نص مليون ..

صورة البوغاتي

صورة للبنتلي

وهذي الميزراتي الباب واحد




وهذي داخليتها




طبعا جران سبورت اهي الباب واحد وفي بابين اللي اهي جران توريزمو

 

[ورور92]

هذي الباناميرا





رينج روفر 2013 السبورت





مرسيدس جي كلاس *_* قلبي الصغير لا يتحمل

 

[manoooram]

ورور92
يعطيها العافيه ما قصرت ان شالله

 

[Shinexo]

ورور كفت و وفت

 

[ورور92]

حبايبي الله يعافيكم :* ما سويت الا الواجب

حنانك عاد بشرينا شنو قررتي

الله يوفقج و يعطيج خيرها و يكافيج شرها مقدما ..

 

[Loloki]

وخري عن مرسيدس نصيحه وعن تجربه لان تكيفها مو شي والله بس اول ايام حلو بعدين لا

والمرسيدس صار نئامعا غير اذا وقفتي عند اشاره تطفي اوتاماتيك واذا دستي ع بانزين مشت ف انتي حره ياقلبي

الله يكتبلج فيه الخير