السلام عليكم
هذي طريقه سهله لقيتها وحبيت اشاركم فيها
المكونات:
تقريبا كيلو ونص بطاط مفيوح عدل
ملح حسب الرغبه
1 و نص كوب حليب
6 ملاعق كبيره زبده
نص كوب كريمه حامضه
نص ملعقه صغيره فلفل اسود
كوبين جبن شيدر مبشور
بقدونس (حسب الرغبه و ممكن الاستغناء عنه)
الطريقه:
1- قطعي البطاط مكعبات صغيره و خليها تفوح بماي و ملح ضروري يكون الماي مالح.
2- بعد ما يغلي الماي شيلي الغطا من الجدر وخلي البطاط على نار هاديه 10 - 12 دقيقه.
3- سخني الحليب والزبده مع بعض عالسريع قبل لا يغلون.
4- اهرسي البطاط بعد ما يخلص وصبي فوقه الزبده والحليب واخلطي عدل وقبل لا يبرد البطاط ضيفي عليه الجبن وخلي يسيح مع البطاط وخلطي ليما يسيح كل الجبن وبعدها ضيفيله الكريمه الحامضه واخلطي عدل و تقدرين تضيفينله البقدونس لو تبين
وممكن تضيفينله دياي او لحم وينخلط معها او بروحه
ان شاء الله تعجبكم الطريقه
