Just-Me و ريجيمي

[just-me]

مساء الخير عالجميع

شلونكم يا الباحثات عن الرشاقة

اللي متابعتني من اول أكيد عارفه قصتي مع الريجيم

بس باختصار..أنا وحده من مهوسات الريجيم

اضعف واول ما اوصل للهدف ....ارجع اعفس الدنيا وارد من اول ما بديت

لكن هالمرة ودي بصراحة لمن اوصل باذن الله اني استمر واحافظ

اليوم كان موعدي عند الدكتور عبدالله المطوع الغني عن التعريف

من بعد اخر مراجعه لي اللي كانت بتاريخ 23/11/2009

ووزني كان 69

لكن للاسف اليوم وزني 82.8الحمدلله على الصحه والنعمه

طولي 160>>>للاسف ما طلت لوووووووول


المهم

ودي اوصل 65 واثبت على هالوزن...

انا بحاجة لتشجيعكم ودعواتكم

وعسى ربي يوفقنا اجمعين

يالله....

بسم الله نبتدي

 

[just-me]

Just Me و ريجيمـــــــــــــــــــــي






الريوق : موزة أو 5 تمرات أو من 2 الى 3 دايجستف لايت + حليب خالي الدسم

الضحي : 1 روب أكتيفيا أو استكانة جوز و ا لوز + شاي

او two in one مع سكرين

الغدا : سلطه + صيخ مشوي (كباب او شيش طاووق )

أو صدر دياية بالفرن بس مو بالجيس

او سمجه طبعا كلهم بحجم كف اليد + دايت او ماي

قلت له دكتور ساعات ما بي اكل البيت او مو طابخين سالته يصير اكل من دايت كير وهالشركات قال

يصير بس اخذي الوجبة اللي فيها بين 300 الى 350 سعرة او 400 بس لاتكملينها

والهمبرجر مدح لي همبرجر Kobe تنباع بسولتان الحبة الوحدة ب 1,550 ومافيها دسم

المغرب:كاكاو وسط

(كتكات وسط او سناك او حلو قهوه )

أو 2 فاكهه اي نوع ما عدا الموز والمانقا + شاي او قهوه

العشاء:

نص خبزه سمره خفيفة مع تونا بالزيت او بيضه مع خضار و دايت او بيبسي

أو

نص صمونه صب واي بالتيركي او الدياي مع جبن وخضار و دايت او بيبسي

أو

اذا مطعم لبناني سلطه جرجير او تبولة مع صيخ مشوي مع قفشتين حمص او متبل

مع دايت بيبسي او ماي

أو

PinkBerry medium Size + fruits وبدون سيرب :eh_s(13):

أو

شريحة توست اسمر وحده مع جبن لايت و زعتر وخضار و 5 زيتونات

مع لبن خالي الدسم+تفاحة

أو

أناناس فريش مع افندي كمية مفتوحه

أو

قريك سالاد حتى لو ثنتين ملوت أمريكانا....

وعلى فكره انا بلشت بروحي اول فبراير بس اليوم بدا

الريجيم الجد ...ادعوا لي استمر والله يقوي ارادتنا مع بعض

موعدي الياي اذا ما استجد شي باذن الله بتاريخ 23 الشهر

طبعا نتيجة تحاليلي الكوليسترول مرتفع شوي

وسلامتكم وتعيشون

 

[LoOLoO-17]

رد : Just-Me و ريجيمي

موفقه جسووووته بصراحه المطوع ريجماته عجيبه وحلوووه :wqedqw:

وان شاءالله تمشين على ريجيمه عدل مدل وماتخربظين كلشششششششش:yaaaaaarb:




وكلنا بنتابع يومياتج ونشجعج:ggdw:

 

[just-me]

مشكورة لولو بعد عمري انتي اول المشجعات:blueSmCLR:

الله يوفقنا عشان صحتنا يارب

 

[سنـــابل]

انا وياج توني مسويه ريجيم
مستعده ادش تحدي وياج :n2006107: واكتب يومياتي وياج

ونشوف لي وين بنوصل ؟؟ شرايج ؟

اذا ما تبين وتبين الموضوع لج بروحج عادي قولي لي

 

[روعة خيال]

موفقة جسوووت

و ان شاء الله توصلين للوزن البيرفكت و انتي بصحة و سلامة

 

[fofa_80]

good luck:hjy5jewf:

 

[Mystique]

موفقه حبيبتي

 

[just-me]

Mystique / فوفا / روعه

مشكورين على التشجيع وعسى الله يعطينا مرادنا

سنابل حياج الله افا عليج..نعين ونعاون

بياناتج طال عمرج

 

[just-me]

اليوم ريوقي قبل لا اروح موعدي كان نفس ريوقي مال الريجيمات القديمة

طبعا كان عبارة عن 2 شريحة توست اسمر مع لبنة بينار لايت وخيار وخس

مع زيتون و قهوه two in one مع سكرين

وسناكي كان عصير اناناس KDD

طبعا بعد ما استلمت الريجيم نقيت ان يكون غداي همبرجر Kobe



حطيتها بالفرن مع كوسا وبصل شرايح مع سلطة وماي

طعمها كان مقبول جنها ستيك مشوي فغطستها بشوية كتشب وماسترد عشان

اقدر أعلجها :dddds:

المهم سناكي عالمغرب كان كتكات بوصبعين



مع بلاك كوفي



والعشا Greek Salad أمريكانا



والحمدلله انا راضية عن يومي وربي

يثبتني ويقوي ارادتي معاكم يارب

 

[ام مهرة 2009]

موفقه جسوت
وان شالله توصلين بصحة وعافية

 

[mn.mn]

عاااااااشت جسوت رفيقة الدرب والكفاح

موفقة يا قلبي خوش رجيم

اهم شي العشا منوع

لاحقتج بعون الله دعوااااااتج

 

[سنـــابل]

جست مي
انا طولي 158 ووزني 101 :flower:
وان شاءالله ان شاءالله راح انزل هالكيلوات يبيلي تقريبا 35 الى 40 كيلو :s141: بس انا قدها ان شاءالله :n2006107:

انا اراجع عند بدر النصر الله والحمدلله نظامه عاجبني وبكمل اسبوعين الحين ان شاءالله



اليوم الصبح تريقت توسته وشربت ماي

سناكي كان فاكهه

الغدا تشيز بيرغر + سلطه

العشا ما تعشيت لان تغديت متاخر فكنت شبعانه

جست مي شرايج ننزل اكلنا بالصور ؟ ولا مالج خلق؟

 

[بطة رشيقة]

الله يوفقج ان شالله جسوووت وربى يسعدج ان شالله والرجيم هذا عساااه يكون ويهه خير عليج وتلتزمين ان شالله بس عاد مو تنسين دوانيتنا الحلوه وتعجيج دارج الخاصه هنى وما تطلين علينا

يالله ربى يسهل عليج وسيرى وانا من وراااااائج وباجر بحيل الله ببدى نظااامى اليديد .. ​

 

[عنيّد]

طااااااااااط
موووووووفقه جسوووووووووت
بس والله من زمان مورايحه للعبد ها !

يالله انشالله هالمره ربي يثبتج ويتمم عليج وتوصلين للي تبينه بصحه وعافيه :yaaaaaarb:

 

[عنيّد]

جسوت ،، أحلى عيون ردت فتحت مجال للي بيشتركون بالمسابقه ومولازم التحاليل
اشتركي معانا وانشالله تتشجعين ^ـ^

 

[اثمان]

رد : Just-Me و ريجيمي

جسوت موفقه:fun:

 

[Mystique]

شوقتيني عالصور

UP! :n2006107:

 

[كيكه توفي]

موفقه ان شاء الله

 

[just-me]

مساء الفل ع الكل :blueSmCLR::blueSmCLR::blueSmCLR:

اولا احب اشكر طله وتشجيع حبيباتي رواد الديوانية خواتي الغاليات

منمن وعنيد وبطه وزيون واثمان

واشكر كل من طل وشارك وشجع وعسى الله يوفقنا جميع :wqedqw:

للاسف البلوتوث بلاب توبي خربان اول ما يتصلح راح اباشركم بالصور

باذن الله

عموما خل نبدي بيومياتي

بسم الله

اليوم الثاني

البداية الفعليه من الريوق

تريقت كورن فلكس ويتابكس بالفايبر مع حليب سكيم




الصراحة المعاناة اني كل مرة اكل فتنس القوطي الصغير بس مشكلة ويتابكس

العلبة كبيرة فالمقدار حطيت نتفه ...في سبيل الرشاقه

والحليب السكيم حطيت نتفه على الكورن فليكس يادوبك يطريه والباقي حميته وشربته مع قهوه

سناكي الاول كان روب اكتيفيا بالفراولة

غداي كان معكرونه ارابياتا من دايت كير




فيها 350 كالوري مع سلطة ودايت سفن اب

سناك 2 كتكات بوصبعين مع بلاك كوفي

والعشا بيضة عيون وحده حشيها بنص خبزه سمره ودعست شريحة طماط

وخس وخيار ليمن انتفخت لوووووووول



ودزيتها بقوطي دايت بيبسي

والحمدلله علي النعمه

يومي كان تبارك الرحمن ميه ميه ولا فراخ القمعيه

بس للاسف تاخرت بالغدا فتلقائيا تاخر العشا

باذن الله باجر احسن من اليوم

تحياتي

وبحفظ الرحمن