iphone

[الأنوااار]

السلام عليكم
منو عندها آي فون؟
شرايكم فيه؟

 

[FunKa]

ماعليه كلام


وإضمني


...

 

[رغد84]

يهبــل شفته عند اختي
واحسن شيء التصوووير فيه خياااااال
كأنه صوره فوتغراف مو تصوير موبايل

خوذيه وانتي مغمضه لول

 

[بنات عطا]

انا عندي اي فون


كلمة رووووعه و عجيييب شووويه عليه


جــود

 

[F.A]

شنو أحسن نوع من الاي فون انا سمعت فيه 16 غيغا

 

[lina@lolo]

انا عندي 16 جيجا بس للحين موفاهمه فيه بس والله حلو

 

[LoLaTi]

اختي في ايفون يديد راح ينزل اسمه iphone 3gs
وفيه تطورات اقوا وحجمه 32 قيقا

والايفون عموما جهاز قوي وكل شي فيه حلو
وتقدرين انتي تسنعينه بدون محل حتى لو اخترب فيه شي فيه رستور وتردين شغلج مثل ما كان
وكل شي حلو فيه
مواصفاته حلوه وايد
و iphone 3g
الحين بينزل له فرموير يديد وهم مميزاته حلوه وايد بعد
والفرموير هذا اهو مثل تحديث او تطوير حق السستم اللي بالايفون
واي شي تبينه انا حاضره

 

[**MiMi**]

انزين بغيت اسال منو احسن هاتفiphone 3gs او xpress music 5800
لاني محتارة مثلج يا انوااار وان شاء الله البنات ما يقصرون في المساعدة

 

[بنات عطا]

**MiMi** :

iphone 3g احسن

جـود

 

[سويتي الحلوه]

اكيدiphone 3gs احسن

 

[**MiMi**]

جايبه لكم العيوبiphone عشان كل وحده تفكر قبل تشتري اي تيلفون؟

1- مافي 3G .. وهذا معروف .. يعني تستخدم إنترنت أسرع شي حول 200 كيلوبايت في الساعة .. مافي مكالمات فيديو ولا قنوات ولا مشاركة في ألعاب الشبكة!

2-مافيه تصوير فيديو !!!! أدري فيه كميرا بس تصوير ثابت !! (حاول بعض الهكر اللي فكوه وحطو برامج يسوون برنامج بس يخليك تلقط كم صورة ورى بعض وإنت في الكمبيوتر تشبكهم زي صور الجيف المتحركة اللي بعض الناس يحطونها بتواقيعهم!!)
وطبعاً الحركة متعبة وتقهر لذلك ما أعتقد إنها حل ينبسط به واحد يبي هالجهاز!!

3-مايقبل برامج خارجية !! وهذي قاصمة الظهر ... يعني الجهاز اللي يجيك ما تقدر تستخدم خصائص أكثر فيه أو تركب لعبة أو مسنجر ..

4-فيه برامج خارجية !! ما أستهبل .. بس عشان تستخدمها لازم تتصل بالنت !! مثلا فيه برامج مسنجر وفيه VOIP بس لازم نت يعني تستخدمها من المتصفح !!

5- فيه سفاري .. متصفح نت قوي .. ليش هذا عيب !! لأن النسخة ما تدعم تشغيل فلاش!! .. صح فيه برنامج يوتوب .. صح النسخة حقت إكبس موبايل تخليك تنزل الفيديو 3GP و صح اليوتوب موبايل يخليك تشغل الفيديو عبر الستريم (زي البث حق التلفزيون في الجيل الثالث) بس برضوا تخيل إنك تدخل الإقلاع أو موقع ثاني وفيه فلاش أو دخلت يوتوب العادي .. ماراح يشتغل الفلاش .. طيب معنى كلامي فيه أجهزة تشغل فلاش؟؟ إيه .. معك N95 ... العادي؟؟ إدخل يوتوب وشف

6-تعرفون A2DP ؟؟ هذي خاصية بالبلوتوث أو تسمى بلوتوث بروفايل .. تخليق تقدر تسمع الصوت عبر سماعة بلوتوث ستيريو !
إيه فيه سمعات بلوتوث زي الهيدفون اللي تستخدمه في الكمبيوتر بس بدون أسلاك !! والصوت فيها مجنون!! تخيل هذي الخاصية مو موجودة بالأيفون .. لذلك لما تشغل الأيبود اللي فيه راح تسمعه عبر سماعات بأسلاك (المشكلة هي نفسها أبل مطلعة كمبيوتر يشتغل بسلك واحد طالع من الجهاز اللي هو أي ماك .. ليش طيب .. قالو الأسلاك تبهذل المستخدم!!! طيب ومستخدم الجوال!!)

7-ماراح ترسل أو تستقبل ملفات بلوتوث !! حركة قديمة المراسلة بلوتوث !! طيب ليش حاطين بلوتوث في الجهاز .. يبدو لي عشان سماعات البلوتوث العادية المعروفة ..بس !

8-مافي GPS .. لا تظن إن الشغلة ترف لأنك ممكن ما تستخدمها !! بجد ترى.. صارت مهمة جدا مثل الدليل السياحي والخريطة .. جرب لما تسافر ديرة غير ديرتك .. من الرياض مثلا رايح للشرقية أو مكة أو جدة .. تحس إنك عارف الديرة كلها ..
أبل حلوا هالمشكلة بمشكلة أخرى!!! حطوا لك قوقل ماب وريحوا عمارهم وإنت إبلش .. كم يكلفك الإتصال بالنت .. ولا هوب أي إتصال إلا مليييييييييييان صور وتعرفون قوقل كيف بطيء في الكمبيوتر وعلى دي إس إل كيف بجوال إذا !! ليش ماحطوا جي بي إس بلاش لا نت ولا هم يحزنون !

9- مافيه ريل بلاير حسب ما أعرف .. ولو فيه لكانو أزعجونا فيه .. أدري MP3 أفضل بس هو أقل حجم وصفاوة معقولة و بالنسبة لمقاطع الفيديو أخف من MP4 وأفضل دقة من 3GP اللي عادة مدمور! ..

10- مافيه أي تونز !! يعني تبي تنزل مقاطع أو أفلام جديدة .. الله لا يهينك إستخدم جهازك .. ممكن تحمل من موقع معين (خذ في بالك مافيه RM ولا RAM !!) لكن الأبل أيتونز تستخدمه من الكمبيوتر مو من الجوال .. يعني القعدة على الكمبيوتر فيك فيك .. هذا الموضوع إعتبرته عيب لأن فيه نوكيا مطلعين موقع و خدمة جديدة إسمها NOKIA MUSIC STORE إذا ما غلطت في التهجية .. تقدر تحمل من جوالك اللي تبي من المقاطع اللي عندهم .. وبكذا ضربوا أبل بالشي اللي أبل تتميز فيه

11-مافي FM .. بايخ أنا !! تخيل مع عدم وجود وسائل ترفيه إلا بالنت مافي ألعاب .. مافي بلوتوث صاحي .. ما تقدر تسمع الأيبود على كيفك بالسماعات البلوتوث .. طفشت من تصفح الصور ونظامها (اللي ماييطفش ) ما تقدر تصور فيديو .. طفشت من الملفات الصوتية وماتقدر تنزل جديد ولا به ريلابير عندك الحين بتعرف وش فايدة الإف إم .. خصوصا مع فك إحتكار بعض الناس يعني بيطلع عندك إذاعات جديدة .. بعدين لا تفكر بعقلية عيال الرياض .. لو كنت بالشرقية عرفت !! .. واحد يقول فيه حل .. إستخدم إذاعة من النت !! ثمن أبفلم فيه كلش نت نت نت !

12-ما تقدر تشيل البطارية .. هذا عيب و نفس الوقت ميزة ! ميزة لأن الجوال ماراح يدخله تراب وغبار مثلكم عارف جوّنا وكثرة تحرك البطارية من مكانه يقلل طاقتها ..وكل ما خفت التوصيلات كل ما صارت البطارية أطلق وأطول عمر .. طيب ليش عيب !! لأنها مثل بطاريات الأجهزة الأخرى .. ليثيوم أيون عادي .. ممكن بأي لحظة يضرب عليك .. الله لا يهينك إشتر جوال كامل ثاني !! ويخلف الله على ملفاتك !

13- مافيه تيفي أوت TV OUT .. لا تسأل وش فايدته ! إنت لابد تصير أخبر مني ..

14-مافيه خاصية إنك تكلم أحد بضغطة زر وحدة ! .. بالنوكيا .. ويمكن بجوالات ثانية ما أدري .. فيه خاصية إسمها الإتصال السريع .. إضغط رقم 5 مثلا وبتّل عليه إستمر بالضغط ثانية أو ثانين وشف وش يقول لك

15-ابل خدعونا بحركة دعائية مجنونة .. وش قالو ؟ قالو يشتغل 8 ساعات مكالمات و6 إنترنت و7 فيديو و 24 صوت .. هبال!! .. ما قالو إن الجهاز يقعد ستنادباي 250 ساعة في أحسن الأحوال .. يعني إشحنه فل ثم إتركه ولا تجيه أي مالكمة ولا لمسة ولا أدنى شي بيوصل 10 أيام وست ساعات تقريبا .. بينما جهاز مثل الإن خمسة وتسعين المطور يقعد حتى 280 ساعة .. يعني 11 يوم وزيادة بينما يقعد سامسنوق بلاك جاك 264 ساعة أو 11 يوم .. طيب قالو لنا إنه نحيف جداً جداً .. 11.7 ملي تقريباً .. يتهيئ لك إنه خفيف أجل .. تراه أثقل من N95 العادي وخلوكم من البلاك جاك(135 جرام مقابل 120 جرام والبلاكجاك 107 جرام ونفس النحف 11.7 ملي) .. و أنا عادي أحط بلونة بمخباي بس مانيب حاط حصاة .. طيب نجيب كذبة أبل المشهورة (عدلوها في وقت لاحق لكن فيها أخطاء بعد !) قالو N95 مافيه WIFI (وعدلوها بعد ماشبوا عليهم البلوقز وهزأوهم) وقالو السامسونق بلاكجاك مافيه برضو وهو أصلا فيه !! وقالو البالم تريو يقعد في مكالمة 4 ساعات وهو 4.5 ونص وقالو البلاك جاك يقعد 5 ساعات ونص وهو يقعد بس 3 ساعات!! وبرضوا حطوا النوكيا يقعد 4 ساعات مكالمة وهو أصلا يوصل حتى 6 ساعات ونص .. أبل تستهبل ..كلتنا!! ساعتين ونص وين راحن !!

16-مافيه إمكانية إنك ترسل SMS لأكثر من شخص ولا حتى أكثرمن إيميل.. وحدة وحدة الله لا يهينك

17-لا تفرح وتقول إنسخ وإلصق من الرسايل !! مافيه شي إسمه نسخ ولصق !!

18-ما فيه أوامر صوتية ؟؟ ولا إتصال بأمر صوتي .. وتشغل بلو توس

19-مافيه نغمات غير اللي هم يحطونها لك .. وهذي إنحلت في ما بيدو .. في ما بعد وخلاص تقدر تحط نغمة على كيفك

وللحين تبون iphone وعموما انا نقلت لكم العيوب للعلم فقط وشكرا​

 

[banota 3emya]

امبي كنت حاطه ابالي بشتري خلاص هونت مابي... عالعموم مشكووره اختيMiMi والله يعطيج العافيه

 

[تــوتــه]

هالعيووب كانت بالنسخه القديمه
الحين كل شي تغير

صار فيه فيديو وبلوتوث وتسوي فوروورد للمسجات وفيه نسخ ولص وتنزل كل البرامج اللي تحتاج لها بالمجااان ووايد شغلات روووعه

 

[رموشه]

اختي اهو حلو بس مشكلته بالرسايل ما يصير تسوين اعاده ارسال والشحن يخلص بسرعه هذي مشكلته !

 

[تــوتــه]

الحين بال بالفيرجن اليديد 3.0 ... تقدرين تسوين اعاده ارسال للمسجات

بس صح المشكله اللي اواجهها البطاريه ... لازم الشحن معاي على طول احتياط

 

[Kawaii GiяL]

بنات ابطاريه ب 3gs تنشال و تتركب ؟؟

 

[قدساويه مصرقعه]

انا ناطره السعر ينزل شوي :-d

 

[Kawaii GiяL]

up jawbone plz

 

[تــوتــه]

لا ما اعتقد تنشال وتتركب .... يكون الجهاز كله لازق ببعضه مثل ال 3g