help meeee قطوتي لي وين بتم جذي!!

[ام مسااعد]

السلام عليكم ياحلوين

انا شريت قطوة يوم الخميس اللي طاف واول ماشريتها وديتها البيطري على طوووووووول

وسويت لها فحص شامل والحمدلله زينة بس قالتلي الدكتورة فيها فطريات خفيفة وطقتها ابرتين خنت حيلي تصرخ من قمة راسها وطبعا من طقتها وهي ميته خوووف وكارهتني بس الحمدلله اليوم تييني وتلزق ع الخفيف

بس مسكينة ماتقدر تمشي عدل ريولها تعري وتعورها وفوق هذا شقتي كل مكان موسخة فيه

ليش هالتصرف مع انها عارفة مكانها ودالته وموسخة فيه بعد!!

بليز ساعدوني بعرف اللي ماره بهالحالة شصار معاها:eh_s(8):​

 

[Me Myself & i]

اولا مبروك و تتربى ابعزج يارب :ggdw:

شوفي بالنسبه للوسخ يمكن يكون صندوق ترابها بعيد عنها وما تشم ريحته لأن القطاوه يعتمدون على حاسة الشم حتى يتعرفون على مكانهم خصوصا انها يديده و ما تدل كل مكان في بيتكم و وين تروح .. في حلين يا انج اتخصصين لها كذا صندوق تراب و توزعينهم ابزوايا البيت أو انج اتخصصين لها مكان او غرفه في البيت و اتوفرين اكلها و مايها و اكيد اترابها و تخلينها في هالغرفه ابشكل مؤقت لين تتعود عالمكان و شوي شوي ابتدي طلعيها بس خليج دايما يمها وكل بين فتره و فتره رجعيها لغرفتها اللي فيها ترابها

وبالنسبه لريولها لا تخافين هذا تاثير غزة الابره .. كم يوم و طيب ان شاء الله

:eh_s(8):

 

[ام مسااعد]

بعد قلبي مشكوووووورة على هالنصايح وربي يطمن قلبج مثل ماطمنتي قلبي

وربي يبارك بحياتج

 

[بنت عبدالغني شربت]

شوفي ام مساعد نفس سالفت قطوتي اول ما شريتها كله توصخ

حكريها بالمكان الي فيه الحمام يومين لما تعلم عليه بعدين راح تعرف

 

[barbreeta]

حبيبتي لا تخافين هذا من الابره جم يوم ويروح وبالنسبه للوصخ شيليها وحطيها داخل الحوض خليها اتشمه عشان اتعرف مكانها واي مكان بالشقه اموصخه فيه نظفيه عددددل لا تخلين فيه ريحه كلش لانه اذا شمت نقطة ريحه راح اتسوي بنفس المكان وماراح تفتكين ومثل ما قتلج اول ما تحسين انها بتسوي شي شيليها بسرعه وحطيها داخل حمامها عشان اتعرف مكانها
والله يخليها لج انشالله :tek:

 

[soo_soo]

نفس ماقالت
الي ؤضخت فييه نظفييييييه عدل مدل ؤاهم شي الريحه ترؤح عشان ماتشمها
بعدين الفتره هاذي راقبيييها شؤفي متى ماتبي الحمام على طؤل شيليلها ؤ ؤديها حمامها

بعدين اذا سؤته برا شلي الله بي بي طبعا بلشسمؤنه حق تنظيف الي يشيل
المهم شلييه ؤؤديه حمامه
ؤمسكيي القطؤؤه ؤقعدييه فيييه ؤخليها تشم بؤكس عشان تعرف ان هذا حمام خليها كذا خمس دقايق بالبؤكس ؤانتي ماسكتها ؤخليها ترؤح
اهم شي تشم ان هذا مكانها
كذا كم مره ليما تعؤد

 

[manoo00oora]

رد : help meeee قطوتي لي وين بتم جذي!!

اضن ان جذي فادوج البنات
تتربى بعزج