Hambka Q8 in Dubai عيدالفطر (سبتمبر 2009)

[Hambka Q8]

السلام عليكم
​

شلونكم و شخباركم ؟


حبيت اليوم اوريكم رحلتي الى دولة الامارات العربية المتحده

تحديداً امارة دبي خلال العيد (الاسبوع الماضي)

من زمان مارحت دبي و ماشاء الله تبارك الرحمن وايد اعجبتني (رحتلها سنة 2007 بس ماقعدنا الا ترانزيت نص يوم بس شفنا مول الامارات و قبلها كنت رايحه لها سنة 2000 اذكر رنحنا حمرعين و سيتي سنتر و وافي ومادري شنو بعد نسيت)




الرحله كانت عبر
طيران الامارات

( التذكره اعتقد مش متأكده 70 دينار او يمكن 80 مش اكثر)

السكن في فندق The Address - Down Town
http://www.theaddress.com/en

( ملاحظه : في فندق ثاني The Address - Dubai mall متصل بـ دبي مول توه فاتح صارله اعتقد اسبوع او اسبوعين)


سعر الليله للغرفه المزدوجه : 125 دينار كويتي



قعدنا 6 ليالي في دبي من يوم الاثنين 21-9 الى يوم الاحد 27-9

.
.
.
.

يتبع
​

 

[Hambka Q8]

يوم الاثنين
​

الساعه 3.30 العصر راح زوج اختي الى المطار سوى Check in للشنط و اخذ البوردنج
على الساعه 5 طلعنا من البيت انا و الاهل و رحنا المطار

وصلنا المطار

كان المطار زحمه يادنيا زحمه


دخلنا و تمشينا شوي بالسوق الحره و على الساعه 6 الا ربع رحنا عند االبوابه
و دخلنا الطياره

( الطيران الاماراتي WOW 10\10 ممتع حيل نظامه الترفيهي شفت فلم من زمان ودي اشوفه
بس ماامداني اكمله LOL )

إلاا وصلنا دبي

هههههه بسرعه (ساعه و نص) المسافه

وصلنا تيرمنال 3 الخاصه بطيران الامارات

عجبني حلو التيرمنال اليديد بس التيرمنال القديم السوق الحره اللي فيه احلى

المهم
وصلنا على الساعه 9 يتوقيت دبي
اخذنا شنطنا و ختمنا الجواز

و شرينا خطوط من شركه اتصالات (90 درهم فيه رصيد 30 درهم اعتقد)

و رحنا بره عند التكاسي اخذنا تكسيين عشان يكفي شنطنا

طلعنا من المطار

و
رحنا الى الفندق

(دبي مول جنب فندقنا)
​

 

[Hambka Q8]

وصلنا الفندق و سوينا Check in

(اللوبي)


و اخذنا غرفنا..

انا و اختي عطونا اول (ليلتين) ستديو لان كان الفندق FULL
ماعجبني الاستديو :\ الغرف البريميير احلى..

بعد ما غسلنا و حطينا شنطنا
طلعنا من الفندق و رحنا دبي مول نتعشى (كانت الساعه اعتقد 10.30)

(دبي مول و برج دبي)



كنا ابنتعشى في جوني روكتس بس ماعجبنا
لان طريقته Self Serve

فقعدنا في مطعم (London Fish & Chips)

الصراحه ماعجبني طعم سمجهم
(شرمبي احلى بوايد)

طلبنا و عطونا هالـ شي

قالت لنا لما يجهز طلبكم راح يشب ليت

و هذا طلبنا ( ماصورت كل الطلبات خخخ فشله جدام زوج اختي)

و بعد ماكلينا الحمدلله



تمشينا بالمول

 

[Hambka Q8]

و شفنا الاكواريوم

هالمحل جنب الاكورايوم..

و قبل لا نروح الفندق رحنا السوبر ماركت
اسمه ويتاروز Waitrose (موجود بلندن اخوي يقول احلى ستيكات عنده)
ولا كانت الساعه 12 و زود و اثاريه سكرّ فرجعنا الفندق..

بردتنا للفندق صورت سوق البحار..

هالورد الحلو
لكل متابعين التقرير الحلوين

​

 

[amoon]

وااااااااااااااااو

نورتي دبي والامارات بكبرها

 

[Pink GirL]

الحمدلله على السلامة
خوش تقرير

متابعه

 

[زيـنـه]

الحمدلله على السلامه .. و متابعه معاج التقرير

 

[bnt_7waa]

5oosh 9wer

mtab3en

 

[bedour18]

الله يعطيج العافية

متابعه معاج التقرير عاد باروح دبي الاسبوع الياي انشالله

 

[أحلى همبه كويتية]

الحمد لله على السلامة
امووووووووت على تقاريرك
انا وياك بمنتدى المسافرون

انتي عجيبة
عليكم بالعافية

 

[om MaRyooM]

خوش صور ..


متابعيييين

 

[kakawaq8]

يعطيج العافية
متابعين لا تطولين علينا مالى قلب على دبى

 

[Hambka Q8]

صور الغرفه (الاستديو)
​

الغرفه الثانيه اللي سكنا فيه عقب (البريمير) راح احطها صورها بعدين

(الجلسه اللي بالغرفه و على اليسار كاونتر المطبخ و المطبخ مجهز بكل شي)
هالغرفه تنفع للي معاه اطفال !!

(الجلسه)

(السرير - حسيته اصغر من السرير اللي في الغرف البريمير *المفروض سرايرنا دبل بس عطونا كنج كله من السفريات الغباء)

(تكرمون الحمام وايد صغير)

(الشاور البانيو)

(الشاور جيل و الشامبو و اللوشن حلو لوشنهم)

(المطبخ - فيه فرن و غساله صحون و غساله ملابس و مايكرويف و توستر و غلاية ماء )





​

 

[Hambka Q8]

( صور متفرقة للغرفه)
​

صور الممرات
​

المنظر من الغرفه على دبي مول
​

(هذا مادري شنو اللي جدامنا البحيره)

 

[Hambka Q8]

وااااااااااااااااو

نورتي دبي والامارات بكبرها

منوره بوجودكم
:ggdw:

ماقصرتي..

 

[Hambka Q8]

يوم الثلاثاء

قعدنا من النوم الساعه 11.30
بهاليوم كنا مقررين نخصصه حق دبي مول
على الساعه 12.30 طلعنا..

(صور الجلسات اللي جنب حمام الساحه)





و هذولا الصور صورتهم و احنا قاعدين نمشي باتجاه المول..

(الفندق و دبي مول)

(برج دبي)

(مكان النافوره + مول البحار)

(دبي مول + فندق The Address الثاني اللي قلتلكم عنه)

دخلنا المول

الشلال العجيب - حبيته وآآآآآآيد




قلنا بنفطر فـ شفنا كافيه اسمه (هافانا)

قعدنا فيه
قعدته و اكله حلوين

(ايس تي)

​

 

[Hambka Q8]

(كلوب ساندويش)


بعد ما تفطرنا الحمدلله
رحنا نتمشى و نتسوق بالمول

(الايس رنك - حلبة التزلج)


صور متفرقه للسوق

(عجبني هالديكور - مسوين من الجبس ورد)

دخلنا جاليري لافاييت

جان اشوف هالكورنر كله هيلو كيتي
عجبني

بعد ما تمشينا و خلصنا
طلعنا

صورت هالصور

برج دبي

سوق البحار

دبي مول

 

[الفريده]

الحمد الله على سلامتج
بس حبيبتى شنو اسم فندقج وجم سعر الشقه عندهم واذا فى غرف هم بجم ما عليج امر؟

 

[Hambka Q8]

بعدها رحنا سوق البحار
( ماعجبني و غمته و ظلمه )

بس فيه مطحنة مكسرات عجيبه انصحكم تروحونلها
تبيع مكسرات بالعسل مادري كراميل (خطييييييييييييير)

(دبي مول ورانا)

(تشوكليت بار - بس غير عن اللي بالكويت)



بعد ما تمشينا فيه و خلصنا
ردينا دبي مول

قعدنا بـ كافيه اسمه (كاكاو سمباكا)
عجبني اسمه لول جان اقول حق خواتي خلـ نقعد فيه

(هوت تشوكليت)



بعد ما خلصنا
طلعنا بره
و شفنا عرض النوافير


صورت فيديو عرض النوافير و رفعته على سايت يوتيوب شوفوه


http://www.youtube.com/watch?v=2wylsE3NKE4
http://www.youtube.com/watch?v=BAkFkw1SiRw
http://www.youtube.com/watch?v=ql38dMtHn30


عجيب ذكرني بالنافوره الراقصه اللي بـ مول الكوت عندنا بالكويت

(سوق البحار)

(The Address)

بعد ما خلص العرض على المغرب
رجعنا الفندق

​

 

[Hambka Q8]

الحمدلله على السلامة
خوش تقرير

متابعه

الله يسلمج

شاكره ردج PinK :ggdw:

الحمدلله على السلامه .. و متابعه معاج التقرير

الله يسلمج :ggdw:

5oosh 9wer

mtab3en

الله يسلمج
تابعي وياي :68_asmilies-com:

الله يعطيج العافية

متابعه معاج التقرير عاد باروح دبي الاسبوع الياي انشالله

الله يعافيج
و يخليج

و تروحين و تردين بالسلامه :eh_s(6):

الحمد لله على السلامة
امووووووووت على تقاريرك
انا وياك بمنتدى المسافرون

انتي عجيبة
عليكم بالعافية

الله يسلمج
ماقصرتي والله من ذوقج :ggdw::ggdw:
* شسمج اهناك ؟ :eh_s(6):

خوش صور ..


متابعيييين

الله يسلمج :ggdw:

يعطيج العافية
متابعين لا تطولين علينا مالى قلب على دبى

الله يعافيج ماراح اطولّ وايد بس تدرين رفع الصور يتعب
اول ما اخلص يوم جديد بحطه لكم
تابعيني :68_asmilies-com: