Gust ولا جامعة الكويت ؟؟

[الحزن عنواني]

سلام بنات شلونكم بنات انا بغيت اسالكم

اي جامعة احسن Gust ولا الكويت

بليييز فيدوني علما بان انا نسبتي 84,5 علمي

ايهو احسنلي صراحه انا سجلت بـGust بعدين الكل انتقدني وقالي حرام نسبتج حلوه ليش مو جامعة الكويت

حبطووني وااايد انتوا شنو الي تشوفونه احسن عشان اذا هذ انقل اوراقي اسحب من Gust قالولي بعد ان جامعة الكويت احسن حق التوضيف بعدين:eh_s(10):

وسؤال ثاني صج ان جامعة Gust تاخذ الطلاب الي نسبتهم مو شي واي كلام ؟؟ بليز اذا اي عشان انقل

والي ترد علي لها دعوة مني :eh_s(7):​

 

[يمة يادلبي]

بصراحة انا اشوف ان جامعة الكويت أحسـن لأن جامعة الخليج تاخذ فضلة جامعة الكويت يعني الي ماقبلتهم جامعة الكويت وأكيد جامعة الكويت أقووووى ومايتخرجون منها الا الشطااار وتخصصاتها متنوعة عكس الجامعات الخاصة الي تخصصاتهم محدودة

 

[bal8es]

حرااام عليج نسبتج 84 لا خلي gust عنج واكيييد جامعة الكويت احسن من كل النواحي ع الاقل جامعة الكويت ما تاخذ اي احد والله يوفقج انشالله وسدد دربج واذا راح تسجيلج تبع جامعة الكويت تراا في تسجيل متأخر تاريخ 25 و28 و 29 للكويتين الي راح عليهم التسجيل وتاريخ 26 و27 للفئات الاخرى طبعا شهر 7 والله يوفقج ياارب

 

[dior-girl]

اي والله انا مثلج الكل نقد علي والكل يقوول اسحبي اوراقج ورووحي جاامعة الكويت يقوولوون انها اضمن وموالكل يدخلها مو مثل الخليج اي وااحد يدخلها بلييييز ياابنااات فيدوونا اكثر gust ولا جاااامعـة الكووويـــت ...؟؟؟؟؟

 

[LuLiTa]

نسبتج وااايد حلوة ,,حرام اتروحين guest التخصصات حيييل محدودة ,,, و التوظيف مو شي مضمووون ,,, و عل الاقل اي اعانات و امتيازات طلبة جامعة الكويت اهمه اول المستفيدين ,,,جنه توهم اقروو مكافأة حق المتفوقين و القرار بيمشي من بعد رمضان على طووول ,,,

 

[LuLiTa]

نسبتج وااايد حلوة ,,حرام اتروحين guest التخصصات حيييل محدودة ,,, و التوظيف مو شي مضمووون ,,, و عل الاقل اي اعانات و امتيازات طلبة جامعة الكويت اهمه اول المستفيدين ,,,جنه توهم اقروو مكافأة حق المتفوقين و القرار بيمشي من بعد رمضان على طووول ,,,

 

[sarah125]

انا معدلي 87.43 وعلمي ودخلت جامعة الشرق الاوسط الامريكية ،لكن انا لاني ابي ادرس هندسه بالتحديد،واختبار القدرات نزل معدلي فراح تصير صعبه اني اروح هندسه بجامعة الكويت،من جذي رحت بعثه داخليه.​

عزيزتي ...انا قبل ماقرر اني اترك جامعة الكويت ومشاكلها واتجه للخاص مريت البنك الوطني والخليج وسألتهم بالتحديد عن امكانية قبول خريجي الجامعات الخاصه ، كان ردهم التالي :الاولويه تكون لخريجي التخصصات الاداريه من جيست ثم العلوم الاداريه من جامعة الكويت،لان اللغة عند خريجي الجامعات الخاصه اقوى.​

لاحظي انا قلت اني دخلت جامعة الشرق الاوسط aum يعني ماقاعده اسوي دعايه لجيست .انتي معدلج
ينقبل بعثات داخليه لكن مو هندسه لان الهندسه ماياخذون اقل من 87%.جربي......​

بعدين تكفون جامعة الكويت اقوى بشنو؟؟؟؟ بالشعب المغلقه ولا بالدكاتره العنجهيين ولا بالقرارت الارتجاليه؟؟؟​

شوفوا معاناة الطلاب بفترة التسجيل للمواد وحجم الانهاك العصبي والنفسي اللي يعانونه حتى يكملون جدولهم ..ولا لما يقولج دكتور بالعلوم ان ال a لله والb لي وال c لكم​

 

[^^ROSE^^]

حبايبي من قالكم قست تاخذ الفضله و طايح سوقها حرام عليكم

مثل ماقالت ساره بالذات قست مطلوبه حيل حيل حيل بكل مكان
ما اقولكم الاداريه مو زينه
بس قست فوق الممتازة وكل مالها تصير احسن

انا على بالي اللي يقولولي هالحجي يتغشمرون اثاري صج في ناس على بالهم قست تاخذ اي ناس واللي طايح حظهم
ظلمتوا جامعتنا الله يهداكم

لو تشوفون بمعرض التوظيف اللي يصير عندنا كل كورس شلون الشركات والبنوك و ديوان المحاسبه و المركزي والنفط يقولون لنا انتوا جواز مروركم شهادتكم
لان من قست فهالشي بيساعدكم وايد

مع احترامي لجامعه الكويت انا الحين ماخذه ماده هناك لانها مو نازله عندنا فما بي اتأخر وانا بتخرج الكورس الياي
المهم
شفت الدكاتره بالاداريه اغلبهم دكاتره كبااااااار حيل بالسن
و فوق هذا عرب ماكو اجانب
وفوق كل هذا والاهم
دكاتره تخرجوا و اشتغلوا بالتدريس ماكو خبره عمليه و لو في ماكو خبره تذكر
صج انهم يشرحون وحافظين المنهج
بس هذا هو بس شرح المنهج اللي بالكتاب
بينما لو تشوفين ال cv مال دكاترتنا تلقين ان اغلبهم خبرتهم العمليه طويله
يعني اللي بالاداره مشتغل بكذا مكان و اماكن كبيره قبل لا يدرس عندنا
اللي بالمحاسبه مشتغلين استشاريين قبل لا يدرسون عندنا
واغلبهم مازالوا يشتغلون و يدرسون فلما يشرحون قاعدين يتكلمون عن واقع السوق مو عن شي مذكور بكتب
اي نعم يشرحون المنهج
بس اللي تستفيدينه من خبرتهم ماتتعلمينه من كتب

تخيلي عندنا دكتوره 16 سنه تشتغل بشركه محاسبه و عقبها انتقلت شركة كلوركس بامريكا

دكتور 20 سنه يشتغل بالاداره الاستراتيجيه و لازال مستشار بكذا شركه وهو يدرس

دكتور عنده 3 شركات يديرها وهو بالكويت
وفوق هذا مستشار لشركات و للجامعه نفسها و يدرس فيها

كلهم اجانب و غيرهم وايد وايد

حتى الدكاتره الكويتيين عندهم خبره عمليه كبيره

في فرق بين نهج قست و نهج جامعه الكويت

مادري عن باجي الجامعات الخاصه

لكن جامعتنا المحظوظ اللي يحصل فيها بعثه

وقبل لا تسمعين كلام فلان وعلان و تسحبين اوراقج وتتحسفين
سألي الناس المختصه
روحي الاماكن اللي حاطه ببالج تبين تشتغلين فيها و جربي ساليهم شرايكم بقست هي احسن ولا الاداريه وسمعي شيقولون لج

على فكره
حتى لو تبين تشتغلين بارت تايم وانتي طالبه
عندج فرصه اكبر لانج بقست
انا يوم قدمت بالغانم كانوا يقولون لي اذا عندج احد من ربعج بالجامعه يبي خل يقدم
قلتلهم اعرف بجامعه الكويت قالوا لا نبي جامعتكم لان المستوى غير

هذا مستقبل لا تسمعين حجي هني و هناك وتتحسفين بعدين

وشيلي من بالج سالفه ان قست تاخذ فضلة جامعه الكويت

النسبه 74 اقل شي يقبلونه

اما اللي على حسابهم 60 او نقطتين
بأي جامعه خاصه بالعالم هذا تقريبا معدل قبولهم للي على حسابه
ويبقى عليه يشد حيله
الكسلان عمره مايمشي لا بجامعه الكويت و لا بقست لو عنده ملايين
مايمشي الا المجتهد

فكري عدل والله يوفقج

 

[Om_eLfAl]

والله انا من رايي انج ترووحين جامعه الكويت وااايد احسن ...
لان الطلبه الخرجين من جامعه الكويت لهم الاولويه في التوظيف بكل قطاعات الدولة
و هذا شي معروف ... يمكن مكان ولا مكانين يبون gust لكن باجي الاماكن لا جامعه الكويت ..
و بعدين اذا تخرجتي من جامعه الكويت شهادتج راح تكون اقوي لانج دخلتي الجامعه بنسبه مو بفلووس !!
لانج بعد التخرج راح تتساويين مع الي دخلو الجامعه الخاصه بفلوسهم و ما كان عندهم نسبه تدخلهم حتى الجامعه ....
و انتي نسبتج حلوه حرام ترووحين خاص

و هدا راايي و انتي سويي الي يريحج

 

[عاشقة المايسترو]

على فكره كلآم مبالغ فيـه أن قست لها الأولويَـه ..

من خلال معرض التوظيف الطلابي عندنا همن قالولنآ أن الأولويـه لنا " الإداريه "
وهمن من دوره خذيتها ببنك بيت التمويل قالنا مدير مناك أن الحظوظ كبيره بالنسبه لنآ .. ~

وأنا أعرف واايد بنات يشتغلون بارك تآيم وسآئلتهم , وأنا بنفسي سألت .. ~

دكآتره الإداريه لو كبار ترى لهم خبره منو قالج ما لهم .؟

في دكاتره عباقره ولو كانو كويتيين !! يعني ما تبون دكاتره كويتيين ؟ بالله هاللي ياخذون دكتورآه وين يروحون ؟!!
وثاني شي الدكاتره الإنقلش مالهم ممتاز ..

للعلم : رفيجتي كانت بقست إسبوع ردت تبجي تقول ما تأقلمت مع البنات وايد مو كويتيين وشايفين عمرهم وسحبت أوراقها وقدمت كورس ثاني إداريه وحدها ماشي الوضع .. ~

بالنسبه للإنجليزي معروف إنجليزي الإداريه أقوى إنجليزي وأطول فتره تمهيديه بجامعه الكويت .. !!

حبيبتي إذا تبين شغل إداره ما إداره لج قست أو الإداريه إذا مقدمه قدرات وأفضل الإداريه .. ~

وإذا ما تبين دشي تخصصات ثانيه بجامعه الكويت ..

 

[كلي أنوثة]

مادري انا احس الافضل جامعة الكويت لان مو مقصرين بأي شي أحسها صج جامعة و كافي انها اقدم من gust هذا هم سبب وجيه لان الخبرة مهمة و بالتوفيق

 

[أدووويا]

القرار يرجع لج

انتي شنو تبين

و لا تتسرعين و تسحبين اوراقج

 

[يمة يادلبي]

امبيه شكو الاولية حق قست بالتوظيف ياماما الاولوية لا حق قست ولا حق جامعة الكويت اول شي يختارون حسب التخصص وحسب المعدل
بس مثل ماقلتلج جامعة الكويت أحسـن وأقوى وعلى قولتهم داشة بنسبتج وبمجهودج مو بفلوس

 

[الحورية الصغيرة]

انا قدمت على قست و سحبت أوراقي عمي يعرف دكاترة بالجامعة قالوا خلو عنكم الجامعات الخاصة الكويت أقوى و أفضل و الكويت مركزها 12 عربيا أما قست 74 عربيا و عالميا الكويت 2000 و شي و قست 6000 و شي

 

[Rurii]

.
.

امبيه انا نفسج بالضبط من اول مادخلت الثانوي حطيت براسي gust ..
وانا اختي داشه قست بعثه والحمدلله ماشيه ، و اخوي داش بفلوسه مايدرس فصلوه بعدين عطوه فرصه والحين هالكورس الصيفي اخر فرصه له ع العمووم ادعوو له .. >> شكو

والحين انا مقدمه على جامعه الكويت لووول
امبيه الله يستر وين بيقبلوني
وانشالله الدورات اللي يحطونها بقست عشان تنظاف بشهادتج باخذها عندهم ع الاقل عندي شي منهم
ع العموووم

احب قست ،
و انشالله بحب جامعه الكويت

 

[راووسا]

اللي قاعدين يذمون gust قاعدين يذمونها عن جهالة مع احترامي لهم ...بس قاعدين يتحجون جنهم دشوا وشافوا الوضع
gust من ارقى الجامعااات واكثر جامعه ارتحت لما دشيتها ...مع العلم باني ما ادرس فيها بس كنت اروح مع اختي واشوف المجتمع اللي هناك
واللي تقول ناس شايفه روحها ..مايصير تحكم من موقف واحد ...مو شرط .. كا اختي داومت كورس بجامعه الكويت كوورس كامل مو (اسبوع) وما قدرت تتحمل الوضع ...تقول مر كورس وانا للحين ماتعرفت على احد هناك ..كلن يمشي مع قروبه ..كانت تطلع من الكلاس
وترد البيت على طول ...وتقول الشباب يقطون حجي عليج وموهامهم ..لانه من كبر الجامعه يدرون انج ماراح تشوفينهم مره ثانيه ..بس اول ما حولت gust من اول اسبووع تعرفت على قرووب كاامل ...والناس هناك حدهم نايس ..وما عرفت احد للحين شايف روحه
والدكاتره كويتيين او غيرهم تحسينهم صج دكاتره عندهم شهايد من ارقى الجامعات ..ما اقوولج كلللهم زينين اكيد في يتنيحسون بس قليييل
جامعة الكويت تقريبا كل الدكاتره فيهم داء العظمة جنه ماكو دكاتره غيرهم بالدنيا يمكن في زينين بس المرضى اكثر
وgust محد يتجرأ يقط حجي او يسوي شي مو حلو بحقج لانه المكان مسكر وصغير والكل يعرفون بعض فا يستحون انهم يتمادون

وايد ناس ماخذين فكره عن الجامعات الخاصه انها للفشله ..وشنو يعني نسبتج زينه حراام لا ادشين خاصه .. قست وااايد جديه ودراستها جديه
والحين عليها ضغغط زين اذا قبلوج ...واذا ما قبلوج هالكورس قدمي كورس ثاني لانه اختي ما قبلوها من اول كورس بس نسبتها كانت اقل منج 75

جامعة الكويت وجامعة الكويت ..شفادتنا فيه جامعة الكويت ...نكدح ونتعب 3 سنين ونيمع بهالمعدل واخر شي اختباار واااحد (اختبار القدرات) ينزل نسبنا 10% تقريبا مووو حرااام ... ويفضلون الوواافد علي لانه نسبته اعلى مني بشويه ...وانا كويتيه ولي الحق اني ادش جامعة (الكويت) اكثر من الوافد ما يقبلووني لييش!!

ادري كلامنا حيرج واايد بس انتي استخيري وشوفي ...بالتوفيق

 

[الحورية الصغيرة]

أنا فعلا لما رحت قدمت بقست حسيت انهم ناس يايين يدرسون مو يلعبون لانه يمكن أغلبيته نسبهم ما سمحتلهم يدشون جامعة الكويت أو لظروف خاصة و اهيا أقوى جامعة خاصة بعد جامعة الكويت لكن توه تعتبر في بداياتها ما نقدر نحكم على الجامعة الحين يمكن بس خرجون دفعتين او 3 و الجامعة توها فاتحينها من عام 2002 و الناس اهناك حدهم محترمين و خدومين و أنا صج اني متحسفة اني سحبت البعثة لكني إستخرت ما إرتحت للجامعة انتي استخيري و شوفي شنو يطلع لج بالنهاية قست الكويت كلهم بيعطونج شهادة بكالريوس

 

[ريماس21]

شوووووووووووووفي حبيبتي
مالج دخل بكلام ولا وحده فينا لانه مو احنا الي بندرس بدالج ولا احنا الي ببتعب نفسيتنا

قبل كل شيء حطي في بالج شيئ الاستخاره ثم الاستخاره ثم الاستخاره

والله يكتبلج الي فيه الخير لج يارب

 

[Ameeraaaaaa]

السلام عليكم بنات
اسمحي لي اعطيج رأي وهذا مو راي هذا رأي زوجي اللي تخصصه دكتوراة ادارة تعليمية ( تعليم عالي )
نصيحه روحي جامعة الكويت وانتي مغمضه ,, اولا جامعة محترمة ومشهود لها ,, واعتمدت اكاديميا اي ان معاييرها عالمية وبالنسبة للغة ترا الحين كلية العلوم الادارية كلها بالانجليزي وما يدخلها الطالب اللا اللي نسبته مرتفعه وناجح بامتحان القدرات ,,
الجامعات الخاصه توها تجربة جديده بالكويت من الصعب نمدح وااايد ونقارنها بجامعة الكويت اللي صارلها 42 سنه .
بس اذا معدلج يدخلج الجامعة روحي وانتي مغمضة . ولا يقولونلج جامعة الكويت كلها مشاكل وما دري شنو مو صحيح ,, لكل مجتهد نصيب
وايد ناس درسوا وتخرجوا منها والحين في اعلي المراتب
اما اللي نسبته ضعيفه ويبي يدخل جامعة ممكن يروح للجامعات الخاصة .
)