guinea pigs اللي تعرف معلومات عنه ممكن تفيدني؟

[DenTisT]

شلونكم بنات ؟؟
انا وايد بخاطري اشتري guinea pigs
و عاجبني شكله و حدههه كيوووت
بس ابي اعرف طباعه ؟؟ شلون ترتبيته ؟ سهل و لا صعب
اهو تقريبا نفس الهامستر بس اكبر

​

 

[Dress Me Up]

سوي سيريش عنه بالنت ** راح يعطيج شرح مفصل عن فصيلته أطباعه أكله وكل شي يخصه + أتمنى البنات اللي يعرفون يفيدونج *

 

[DenTisT]

مشكوره حبيبتي
بس انا ودي وحده مربيته و تعرف له

 

[DenTisT]

ما في احد يعرف؟

 

[xXBountyXx]

هلا حبيبتي

الغيني أو الوبر أو الكافي

هذي كلها مسميات للخنزير الغيني

هذا الحيوان أقرب الى الارنب أكثر من الهامستر

من مميزاته أنه ماياكل لحم مثل الهامستر

ولا يعض

حاله حال الارنب

بس اينن

ياكل خضره

بس ديري بالج لا توكلينه خس امريكي

لأنه راح يأثر على كليته وماراح يعمر بالعمر عندج

غير جذي جسم الغيني مايصنع فيتامين سي

فلازم تحرصين انج توكلينه كل يوم يا اما جزر أو فلفل بارد (فلفل رومي)

عالاقل مره فاليوم

وهو من النوع الاكول

مثل الارانب

تنظمين له ثلاث وجبات

بس تربيته فعلا متعه

انا عندي ثلاثه حاليا

ذكر كبير وشعره طويل اسمه (فولي) >>> اختصار فولتير

وذكر صغير عمره اقل من شهر اسمه (نيوتن)

ونثيه صغيره اخت الذكر الصغير اسمها (الكترا)



واذا عندج اي استفسار انا حاضر



تقبلي مروري
xXBountyXx

 

[DenTisT]

مشكوووره حبيبتي باونتي و الله ما قصرتي
انزين وين احطه ؟؟ يعني يبيله قفص و العاب؟؟ و لا شلون ؟ و وين اقدر احطه .. يعني عادي بغرفتي و فيه ريحه مثل باجي الحيوانات عزج الله ؟
و هل اهو مثل القطوه و لا الجلب عزج الله يتدربون على اماكن اللي لازم تكرمين يخرجون فيها ؟؟ و لا حالهم حال الارانب؟
ممكن ادربه ؟؟ لانه انا ودي حيوان بس امسكه و افقص فيه
و شنو تنصحين اشتريه باي عمر؟؟ و لا ما يأثر العمر؟؟
و من ناحيه الاهتمام .. يبيله تطعيمات و لا شي جذي ؟؟ ادري انه لازم اقص اظافره .. و عندي سؤال مهم .. تتوقعين يتحمل السفر .. لاني بامريكا و عاجبني واحد بس ما يصير اخليه بالصيف و ارد الكويت .. و ابي اخذه معاي
وشكثر لازم اسبحه ؟؟ ادري دوختج بأسئلتي بس صج اول مره تمر علي وحده مربيه هالحيوان
و اذا عندج اي معلومه ثانيه ممكن تفيدني ؟؟​

 

[AmOoNa-]

حبيبتي تقدرين تحطينه فدارج بس لازم تراعين حجم القفص مايصير تحطينه بقفص صغير نفس الهامستر وهذي صور تاخذين منها أفكار حق القفص

اكيد في ريحه مثل باجي الحيوانات لكن نشاره الخشب تساعد بشككككككل كبير انه تمتص الروايح وانتي حافظي على نظافه القفص ونظافته ودايما شيلي الاكل القديم وانشالله ماراح يكون في ريحه

اي ممكن تدريبه وعلى فكره تره الارنب يتدرب بعد على الاماكن الي يوصخ فيها وعلى اشياء ثانيه بس هالحيوانات تدريبها يمكن يكون شوي اصعب من تدريب الجلاب عزج الله وفي نسبه منها ماتتعلم عشان جذي ماتسمعين انه ناس مدربين ارانبهم ولاهمستراتهم الحين شلون تدربينه على اي شي تستخدمين طريقه الاشراط يعني تسوي الشي اللي ابيه اعطيك اكل خاصه انه هالحيوانات تموت عالبلعه) طريقه تعليمه عالحمام بختصار لازم تخصصينله مكان بالقفص يكون بالزاويه ويفضل مخشوش شوي عشان يحس انه مرتاح في وحطي فبالج انه حمامه لازم يكون يم مكان اكله ونومه ولازم وتلاحظين اهو وين يحب يوصخ وعلى شنو في حيوانات تحب توصخ الخشب عادي في حيوانات تفضل ورق جرايد ولا كلنكس.. المهم انتي شوفي وين المكان الي يحب يوصخ فيه وخليه حمامه وحطي عليه وانتي بكرامه وصاخته عشان يشم ريحتها في ويروح وكل مره يوصخ فيه عطيه اكل يحبه وراح يتعلم انشالله.. تره تقدرين تعلمينه يمثل انه ميت بعد واشياء ثانيه بس لازم تصبرين عليه ومسكيه وفقصي فيه على كيفج لانه حبووب ولطيف ومايعض

من ناحيه الاهتمام اهم شي تهتمين بنظافته ونظافه مكانه واكله يكون في القيمه الغذائيه اللي يحتاجها لانه للاسف مايعطون تطعيمات حقه بالبيطري الي يم سوق الحمام يعني راح تضطرين تطقين طريج لي ميناء عبدالله المستشفى الدولي اذا بغيتي تطعيمات وهالسوالف حق الحيوانات اللي مثله بس دامج اب امريكا اي تودينه البيطري يسونله جك اب وتطعيمات وكل شي

بخصوص السفر اذا صغير مانصحج ومادري انا فكره السفر تخوفني وماندي فكره عن اجراءاتها بس ماحسها سهله

 

[DenTisT]

مشكوره حبيبتي امونه و الله يعطيج العافيه على المعلومات صج افادتني
بس بغيت اعرف اي عمر تنصحين اشتريه؟

 

[AmOoNa-]

اتوقع 5-6 اسابيع لانه المفروض امهم تفطمهم عالاربع اسابيع فزيدي عليهم سبوع او سبوعين عشان تتاكدين انه خلاص مايحتاجونها واتوقع كل المربين يفضلون ياخذون حيواناتهم صغار عشان ينشئوون رابط اقواا بينهم

 

[xXBountyXx]

**انزين وين احطه ؟؟
تقدرين تحطيمه بأي مكان عادي..حتى دارج اذا عندج مكان يكفي حجم القفص الخاص فيه مافي اي مشكله تخلينه بدارج



**يعني يبيله قفص و العاب؟؟ و لا شلون ؟
قفص حجمه مناسب تقريبا نفس اللي حطتهم اختي امونه -يعطيها العافيه- + نشارة خشب + مشربه + بيت ينام فيه طبعا في اشكال وااايد وانتي اختاري اللي يناسبج + ماعون للأكل الطري مثل الخضره + ماعون للأكل الناشف + بايب يناسب حجمه (ساعات تيي الاقفاص مجهزه للغيني يعني فيها بايبات تناسب حجمه)

وهذا فقص خنزيري الكبير (فولي)

**فيه ريحه مثل باجي الحيوانات عزج الله ؟
اي لازم كل الحيوانات لها ريحه بس الشي يترتب عليج انتي ومدى اهتمامج وتنظيفج للقفص وتغييرج للنشاره
انا عن نفسي انظف كل ثلاث ايام عشان اظمن انه ماتطلع ريحه
غير جذي كل مره تحطين له وجبه لازم تنظفين اماعين الاكل قبل لا تحطين الوجبه اللي بعدها
افضل تستخدمين اطباق ثقيله نفس الفخار او البايركس لأنه الغيني يطيح الماعون وعادي تلاقينه مقطط الاكل بكل مكان
فلازم اتنظفين



**هل اهو مثل القطوه و لا الجلب عزج الله يتدربون على اماكن اللي لازم تكرمين يخرجون فيها ؟؟ و لا حالهم حال الارانب؟
هو حاله حال الارنب بس حتى الارنب يتعلم يوصخ بمكان واحد وانتي تقدرين اتعلمينه بس في هالحاله يلزمج مكان كبير اشوي
يعني اكبر من القفص اللي حطيتلج صورته
وشغله التعليم محتاجه وقت وصبر وتعب



**ممكن ادربه ؟؟ لانه انا ودي حيوان بس امسكه و افقص فيه
هو نفس الارنب مثل ماقلت تقدرين تمسكينه ونفقصين فيه حتى لو ماكان مدرب
بس بتحسين فيه خايف
عموما الغيني جباااااااان لي ابعد حد
بس اذا اعرفج وتعود عليج
راح يطلع صوت كل مايشوفج عشان توكلينه
فعلا هو حيوان حده كيووووت ويونس
مجرد انج تقعدين اطالعينه هذي بالنسبه لي متعه بحد ذاتها



**و شنو تنصحين اشتريه باي عمر؟؟ و لا ما يأثر العمر؟؟
اممممم أفضل تاخذينه صغير
يعني مو اكثر من 3 أو 4 أسابيع هذا أفضل عمر
لأنه الغيني ينولد كامل بالفرو وعيونه مفتوحه وعنده اسنان
يختلف تماما عن الهامستر
ومن اول يوم تشوفينه ياكل بروحه عادي
بس يحتاج لحليب الام مده ما تقل عن 3 اسابيع وبعدها يكون جاهز انج تفصلينه عن الام



**و من ناحيه الاهتمام .. يبيله تطعيمات و لا شي جذي ؟؟
للأسف تطعيمات الهامستر والوبر ما تتوفر عندنا
بس دامج في امريكا اكيد عندهم
بس عموما حتى لو ماطعمتيه مافي أي مشكله
لأنه تطعيمه مو ضروري مثل الجلاب والقطاوه



** تتوقعين يتحمل السفر؟؟
مثل ما قالت أختي أمونه فكرة السفر صعبه
ماجربتها بس ما اعتقد تصلح للغيني الصغار بس الكبير ممكن
مسألة الطريج وفترة السفر هذا شي متعب للانسان نفسه فما بالج بالحيوان! مو بس متعب الا مهلك
اعتقد اذا كان كبير ممكن يتحمل بس اذا صغار لأ ما انصح نهائي



**وشكثر لازم اسبحه ؟؟
أنا عندي ثلاثه
الكبير اسبحه كل اسبوع مره ومرات كل اسبوعين
بس الصغار ماتسبحينهم لين يتعدى عمرهم الشهر ونص
وطريقه السبوح تلاقينها في اليوتيوب
وايد فيديوات تعرض طريقة تحميم الغيني ( guinea pig bath )








اذا تبين اي شي انا حاضر

تقبلي مروري
xXBountyXx

 

[brettey]

وااااااااااي يهبل

 

[DenTisT]

اموونه و باونتي يعطيكم الف عافيه ما قصروتو و الله
وايد استفدت من معلوماتكم مشكووووريييييييييين
و برتي مشكوره على المرور

 

[&'الذآهبـھ'&]

رد : guinea pigs اللي تعرف معلومات عنه ممكن تفيدني؟

>>>اب اب اب
صج موضووووع مفيد حسافه ينطوي بآآآآآآآآآآآآخر صفحات القسم >>>>نبشته من الحطام لووووووووول
صج واللي عندها اشيااااء تفيد هم تكمل عليها >>>بعد اذن صاحبة الموضووووع طبعا
لايوقف لايوقف=)

 

[&'الذآهبـھ'&]

رد : guinea pigs اللي تعرف معلومات عنه ممكن تفيدني؟

أب أب

 

[بريتي كات]

رد : guinea pigs اللي تعرف معلومات عنه ممكن تفيدني؟

أبي وين يبيعوونـه

 

[&'الذآهبـھ'&]

رد : guinea pigs اللي تعرف معلومات عنه ممكن تفيدني؟

>>>مادري اكيد بسوق الحمام لان دورررررت بمزاد ماحصلت احد يبيعهه وجنه قالو في بمحل ورا الافيوز

 

[((البرنسيسا))]

رد : guinea pigs اللي تعرف معلومات عنه ممكن تفيدني؟

هذا رابط فيديو عن كيفيت تحميم guinea pigs إنشالله يفيدكم ^^

http://www.youtube.com/watch?v=EJ7u_zp7BVs

 

[&'الذآهبـھ'&]

رد : guinea pigs اللي تعرف معلومات عنه ممكن تفيدني؟

أب أب

 

[&'الذآهبـھ'&]

رد : guinea pigs اللي تعرف معلومات عنه ممكن تفيدني؟

يسلموووو برنسيسااااا
ا ب اب

 

[بـنت الكويت]

رد : guinea pigs اللي تعرف معلومات عنه ممكن تفيدني؟

الله يوفقج