Chanel Mat Lumiere FOUNDATION review

[روبي قطر]

السلام عليكم ,,


شلونكم بنات ؟؟

اليوم باتكلم عن chanel mat lumiere foundation

شريته من كم شهر و استخدمته وايد ف كل اللي باقوله من تجربتي انا

اول الشي هاي شكله

شوي غالي ب 220 ريال قطري او 16 و شوي دينار بس يسوى و يتم مده طويله يعني يمكن 100 مره تستخدمينه ما يخلص و هاي احسن شي فيه

التغطيه : متوسط الي فل كوفرج يعني وايد زين حق اللي عنده بقع لون وجهه مب موحد يعطيج لوك فريش و حلو و flawless

احسن شي حق اللي بشرتهم combination يعني عادي بس في مناطق تقول دهنيه

its oil free و ما يطلع حبوب و حرار كلش يعني عجييب

و ريحته وايد وايد وايييددد حلوة جان زين يسوون عطر منه لووول

اسمه مات بس تحسين الفينيش ماله مات على شوي لمعه بس اللمعه الخفيفه الحلوة

مانصحج تستخدمينه بدون كونسيلر لان البقع ممكن تبين رماديه شوي فاستخدمي كونسيلر سائل بيطلع روعه.

فيه 12 shades اكيد بتلاقين لونج من بياض البيضه ليين chocolate

كاتبين انه يتم 12 ساعه بس من تجربتي حسين بين 7-8 ساعات يعني حق الشغل او الطلعه مناسب


انشالله استفدتوا

هاي اول ريفيو اسويه ف ابي تشجيعكم

xoxo

 

[law love]

شكرااا

وايد اسمع رفيوات عن اساس شنيل هالايام !

 

[SkyPink]

مشكوررررره..و بجد منتج حلووو ,,عموما كل منتجات شانيل روووعه,,انا استخدم الـ pro lumiere رووووعه بصراحه واستخدم معاه اللوز باودر من شانيل كماااااان مع فرشة كابوبكي,,روووووووعه..و تقدرين تتحكمين فيه كاستخدام طبيعي او الى سهرات .حلو على البشررره ومايخربهااااا..

 

[al-7nona]

يعطيج العافيه

 

[كلي هلآك]

يسلمووو حبيبتي وماقصرتي عالشرح

 

[Sparkle]

يسلموو حبي :*

 

[هزني الشوق؟]

خوووووش ريفيو

وماشاء الله معلوماتج كافيه وبالتفصيل

ونطمع بالمزيد

 

[BaiTotia]

عليج بالعافية

 

[eva beach]

يعطيج العافيه

 

[روبي قطر]

مشكورين عالكومينتات الحلوة شجعتوني

 

[بحر الرمال]

ماركه شانيل اهي الماركه الوحيده اللي ما عمري جربت منها شي و طلع مو زين, كل اغراضهم رووووعه و انا عندي كريم اساس منهم هذي صورته روووعه و كل من يسألني عنه

 

[روبي قطر]

ماركه شانيل اهي الماركه الوحيده اللي ما عمري جربت منها شي و طلع مو زين, كل اغراضهم رووووعه و انا عندي كريم اساس منهم هذي صورته روووعه و كل من يسألني عنه

شأسمه بالضبط ؟؟

 

[Zozowa j]

مشكورة حبيبتي

 

[عنود الغيد**]

شانيل موكلشي ناجح عندهم

 

[روبي قطر]

العفوو و يمكن اسوي ريفيو عن كريماتهم لان فيهم شي وايد سبشل بالذات حق اللي يدهن ويهم و يصير اويليي وايد

 

[N F N F]

مشكوره عسوله .. موضوعج للمفضله
انا هاليومين ادور اساس حلو وأبي شي غير عن اللي عندي

 

[قاهره عذالي]

انا شريته من ضمن جهاز عرسي واستعملته
صراحه كان غلطه اني شريته لان حيل مطفي ولونه يسمر ويبهت الوجه
حتى كنت حاطه بودره مضغوطة بلمعه خفيفه ممن شانيل وهم طالع وجهي باهت
ما انكر انه حلوو للبشره ومايضرها
بس كـ لون ما ناسبني

 

[روبي قطر]

بنات حبايبي عطوني منتجات تحبون اسوي عنها ريفيو لاني عقب كم يوم بارووخ اخم المحلات و باشتري احسن الاغراض ,,, و سعرها يكون معقول مب وايد غالي !

 

[قاهره عذالي]

عندج متجات ريفلون وريميل حلوين

 

[ام شريفه]

كريم اساس ديور روعه

و بودرة أساس جيفينشي روعه بعد