Calendar & Diary كويتيات ♥

[التوق]

السلام ’

عرايس كويتيات الله حيوووووه

هالموضوع بيكون مجرد كل وحدة تكتب متى تاريخ عرسها بيكون ؟
و أمنية لـ هذا اليوم و لـ حياتها ! ( فضفضوا )
كلنا بندش حياة يديدة فضفضوا مدى تخيلكم لـ هذي الحياة و أمنياتكم ,
يعني من ناحية شكلج , شكل الصالة , شكل الشقة أو حياتج ككل أو تجهيزج
من هالنواحي ’


( كل يوم دشوا وفضفضوا ) ..


* اللي ماتحدد مثلي يكتبون توقعهم متى بيكون أو متى ودها ؟

# بالنسبة لي أتوقع بسنة 2014 يً بالصيف أو بـ الربيع !
ودي يكون بـ ديسمبر

# امنيتي : مً تكون عروس ثانيه معاي ( ترى من حقي )
* ودي بـ شقة

* ودي أتغير من كل النواحي ابي أكون على طبيعتي و ماودي أكثر زعلاتي !
* ودي أهله يكونون نفس اللي تخيلته ببالي وأكثر ماودي يحسسوني إني غريبة
أو أنهم مانقوني من طيب خاطر لأن اهو اللي اختارني :eh_s(2):
* ودي بتوأم > مسختهاا , لا بس جد ودي الله يرزقني بتوينز ’
يرزقنا جميع ب الذرية الصالحة إن شاءالله
* ودي أمتن لأن عيزت وآنا آحاول إن شاءالله مع الأيام اوصل الوزن اللي أبيه ...

^ حاليا هذا اللي ببالي و عروساتي حبيباتي لا تقصرون فضفضوا

 

[أمورته]

انا مثلج عرسي ماتحدد للحين
بس بصلي وارجع افتح مخيلتي للحياه اليديده عساها خير علينا

 

[التوق]

^
حبيبتي إن شاءالله يتحدد
وتفرحين وتبشريناا

وتقبل الله وحيااج ناطرينج :*

 

[أمورته]

اللهم امين يارب
الله يسر لنا ولج ولكل مسلم جميع امور حياتنا

/

حياج الرحمن التوق

/

منا ومنج صالح الاعمال يارب ..

طبعا اتمنى انه يكون مثل الشخص الي بالي محترم وحنون وطيب وكريم
ويحبني حيل ومايزعلني كلش ويدور ع راحتي ورضاي يارب :d

ودي اهله يكونون زينين وياي وانا بشيله هو واهله بعيوني
ببدأ حياتي اليديده ع اساس التوكل ع الله والنيه الطيبه
والله يسخره هو واهله لي ويسخرني انا واهلي له يارب ..

ودي الله يزرقني منه بتؤم صباين يارب ومعافين ومشافين

ودي مايشوف غيري من نساء الارض واكون له كل شي بحياته

شقتي احبها تكون البسيطه الناعمه مرتبه

وامنيتي يكون عرسنا قبل رمضان ان شاءالله ..

ونسافر انا وياه شهر عسسسل :d

يارب تحقق كل امانيتي وامنيتاكم


اختكم : امورته

 

[التوق]

حبيبتي امورته

آمين يً رب تتحقق كل كلمة قلتيها
وآجمعيين يارب , وصااجه اهم شي التوكل ع الله
سبحان الله والله لو اقول شكثر مواقف كنت حاطه ببالي استحاله حدوثها
وسبحانه مع الدعاء والنيه تحققت الحمدلله والله ي كثر المواقف
حتى لما اقعد مع نفسي واتذكر اقول سبحان الله والحمدلله على كل حال ~

بهالمرحله احنا بين كتابين الكتاب الأول بيتسكر قبل عرسج بيوم وتحطين نقطه باخر الصفحه..
والكتاب الثاني بينفتح اول يوم عرسج بيكون لج مملكة خاصة على قولتهم قبل كنتي تحت مسؤولية اهلج
لج ظهر ابوج و اخوانج الحين انتي ملك ريلج واهو ظهرج وحياتج بيرتبط مصيرج بمصير إنسان بعد فتره بتعيشين معاه
كل تفكيرج وتصرفاتج بتكون لصالحه وبيكون اول ترتيب بالنسبة لج واول حب وآخره , هالشخص له حقوق وانتي لج حقوقج وعليج واجباات , كلنا بفتره حالياً نعيش بخيال ومحد ينكر هالشي كل لحظة تطري عليج تخيلينها مع شريك حياتج
كل تصرف تسوينه تخيلين يمج شريك حياتج ! ’
كلنااا الحين نحاول نسوي اللي يرضى الطرف اللي بيكون جدامنا كلنا نحاول نطلع بصوره بيرفكت
ترضي نفسج أول وترضي الطرف المقابل كل هالأشياء ماتحقق إلا اذا توكلتي ع الله والتزمتي بحدود الحلال والحرام !
كل هالأشياء تحقق بدعوة صادقة من قلب متوكل على الله و نيته صافيه ...


# مادري شقلت بالضبط بس جد ملاحظة نفسي من ناحية كل تصرف اسويه و خيااالي الواسع لوول

 

[التوق]

# وااايد أشياء راح اشتاقلها

أكيد بشتاق لأهلي شي طبيعي ’
لكن راح توحشني قعدتناا يومياً وسوالفناا ونغزاتناا ..
بشتاق لمتنا على سفره وحده وريوقنا على طاولهه وحده ,,
سهراتي بالليل مع أخوي وخوااتي

حنية ابوي وحضن أمي الله يخليهم لي ويطول بعمرهم

راح اشتاااق لداااري كل لحظة حلوة مرت علي تطري علي بهالدار
قعدة الصصصبح ولما افتح الشتر راح اشتااق لمنظر هالصبح

* بشتااق لفراشي و نومتي , بعد الزواج كل ساعة أنامها اكيد محسوبه علي !
بشتاق لطلعاتي مع رفيجاتي و بنت عمتي وبنات خالي وخوااتي ’
طلعااتي مع عمتي و كل هذا ممكن يصير بعد الزواج لكن لذته قبل
بشتاق لأيامي مع خطيبي أكيييييييد وماجذب عليكم اني جد مشتاقه لأيام اول
مشتاقة للمكالمات اللي 24 ساعهه مع بعض , مشتااقهه للمسجات والاشعاار
مشتاااقه لبعض الكلماااات اللي مً قمت أسمعها مو كلام حب لاا كلمة ارتبطت بموقف وساعه ومكااان

بشتااق لسهراتي مع خالاتي وبنت عمتي وخواتي وصح بعد الزواج ممكن اسهر بس أرد وأقول لذة السهرة قبل غيييير !
بشتاااق بشتاااق لأيام التجهيز صدقووني بشتااق صح بنحس بتعب بس عقب التعب راحه

كل شي تجهزينه لعرسج بيكووون ذكرى حلووه سواء ساعهه أو عطر أو حتى قميص وسواره ....
بشتااق لحياااتي قبل اكيييييد بشتاق وتوصل لي الدمعهه بعد حتى لو حياتج بعد الزواج افضل
إلا أن هناك ذكريات تفرض حلاوتها علينا ...
صدقووووني بنضحك ع ايااام مضت وموااقف ماتكرر .. بشتاااق للساني قبل لأن عقب الزواج كل كلمة محسوبة علينااا
بشتاااق لأيام يبدا فيها العد التنازلي لـ عرسي مشاعري تكون متلخبطة دقة معاها ذكرى حلوة ودقة معاها توتر وخوف !!
بشتااق لقبل عرسي بيوم .. أحاول استرجع ذكريااات واتخيل باجر وأحداثه .. احاول اتذكر اني نسيت شي او لاا
وانتظرررر مكالمة الإنسان اللي باجر تبدي اول صفحة بكتابي الجديد معاه .. انتظر هالمكالمة عشان يخفف علي توتري
انتظررررر حضن أمي وبوسة ابوي ودمعة خواتي واخواني اللي يبجون من داخلهم بس يكابرون بعيونهم ..
قبل اخر خطوة اخطيها قبل لا اروح للصالون اعطي غرفتي نظرة وفراشي نظره وابتسم ومن داخلي دمعتييي تحرررررق
وبداخل قلبي ادعي ان الله يتمم كل شي على خييييييير , صدقوووني بنشتاااق لأشياء واااايد وااااااايد لذكريات و مواقف وايااام حتى لو صارت بعد الزواج بس حلاوتها كانت قبل غييييير

وصدقووووني كل وحدة عرفت هالمنتدى اللي له فضل كبير علينا بعد الله , بنشتاااق له وبنشتاق لسوالفنا بـ قسم العروس , صح نقدر ندشه بعد الزواج بس مووضوع التجهيز و الحملات اللي بهالقسم كانوا لذتهم بوقت تجهيزج , تعرفنا على عروسااات وعشنا معاهم التجهيز لحظظةة بلحظة ولما نطالع عدادهم وانتي عرسج لو بعيد قلبج يدق يدق لان احساسنا واحد تحسين الوقت التنازلي بداا تحسين بإحساس غريب وكل يوم احسه رغم كل اللي كتبته ماقدرت أوصفه

 

[التوق]

* ودي يحددون العرس

up

 

[Lourdez]

تصدقنين انتي وايدًحساسه هههههههه انا من ملجت من اول اسبوعين كنت طالعة مع ريلي جان يقولي كلمة واااااايد حلوة قلت له انا يبيلي اروح اجهز من باجر يعني ما راح اشوفك وايد جان يقولي مشكلتكم يالحريم تضيعون احلى ايام العمر حق تجهيز و خرابيط مالها داعي عاد لما رجعت الييت فكرت وااااااايد بكلامه فعلا هال٣ شهور اللي بعيشها معاه قبل العرس اهي فعلا احلى ايام العمر طلعات روحات ردات وكلام رومنسي و ماكو مسؤوليات و لما بنطلع اكشخ له و استانس لا مدحني يعني شغلااات وايد بحرم نفسي منها اذا انشغلت بالتجهيز ف صج قررت اني اترك السوق و التجهيز لي قبل العرس بشهر و اعيش حياتي و الحمدالله كلش ما تحسفت و الود ودي كل البنات يسون مثلي السوق مهو طاير

موضوعج يهبل كملي حبيبتي

 

[Jolyan]

روعه الموضوعة جا بوقته لاني صج ابي افضفض
انا للحين ما تحدد عرسي بس احتمال بعد العيد او سنه اليايه ٢٠١٤ بعطله الربيع الله اعلم والله ان شاء الله يختار الي هو احسن لنا
اتمنى اول ايام تكون حلوه و ما أخربها بالخوف لاني خوافه بس ان شاء الله اتغلب عليها و ان شاء الله تصير شخصيتي قويه
و ما اخاف و اشتاق لبيتي امبيييييي الله يستر أتمني يصبر علي و يفهمني و يحترمني و انا نفس شي ان شاء الله اكون زوجه صالحه له
و يكون الزوج الصالح لي و الله يوفقنا مع بعض و يرزقنا الذريه الصالحه مهما كانو من بنات او اولاد لأنهم نعمه من ربي ❤❤
❤
الله يهني كل عروس و يسعدها و يوفقها و يسر امورها يا رب

 

[التوق]

تصدقنين انتي وايدًحساسه هههههههه انا من ملجت من اول اسبوعين كنت طالعة مع ريلي جان يقولي كلمة واااااايد حلوة قلت له انا يبيلي اروح اجهز من باجر يعني ما راح اشوفك وايد جان يقولي مشكلتكم يالحريم تضيعون احلى ايام العمر حق تجهيز و خرابيط مالها داعي عاد لما رجعت الييت فكرت وااااااايد بكلامه فعلا هال٣ شهور اللي بعيشها معاه قبل العرس اهي فعلا احلى ايام العمر طلعات روحات ردات وكلام رومنسي و ماكو مسؤوليات و لما بنطلع اكشخ له و استانس لا مدحني يعني شغلااات وايد بحرم نفسي منها اذا انشغلت بالتجهيز ف صج قررت اني اترك السوق و التجهيز لي قبل العرس بشهر و اعيش حياتي و الحمدالله كلش ما تحسفت و الود ودي كل البنات يسون مثلي السوق مهو طاير

موضوعج يهبل كملي حبيبتي

حبيبتي ربي يوفقج ومنوررره

وبالعكس انا الحين بفتره قاعد اسوي حق نفسي ريفريش مو قاعده اجهز كلش
بس عنايه اللي قبل الزواج متعوده عليها وللحين احاول استمر ..
قاعده اغير كل شي عندي ميك اب شوزات وملاابس يعني نيوو لوك
فكل وقتي لي وله بالعكس نطلع ونروح بس اتعمد اوخر احس جذي احسن وانا مرتاحه
وصح على كلامج وايد حسااااسه فاي كلمه دمعتي بطرف عيني وعاد هوووووو ماشاءالله دفش بالكلاام والترقيعه جاهزه بجيبه :eh_s(10):
فخلي التجهيز بعيييييد انا قصدي سولفي عن احساسج وفضفي خلي الطلعات والروحات يعني معقوله ماراح تفقدين اشياء قبل العرس وخلي السوق اكيد مو طااير حتى ذكرياتج الحين وقت الملجه الطلعات والرروحاات معاه بتشتاقين لها

وقولي التوووق ماقالت
فالله لا يغير عليكم ويوفقج حبيبتي ويتمم لج على خير

روعه الموضوعة جا بوقته لاني صج ابي افضفض
انا للحين ما تحدد عرسي بس احتمال بعد العيد او سنه اليايه ٢٠١٤ بعطله الربيع الله اعلم والله ان شاء الله يختار الي هو احسن لنا
اتمنى اول ايام تكون حلوه و ما أخربها بالخوف لاني خوافه بس ان شاء الله اتغلب عليها و ان شاء الله تصير شخصيتي قويه
و ما اخاف و اشتاق لبيتي امبيييييي الله يستر أتمني يصبر علي و يفهمني و يحترمني و انا نفس شي ان شاء الله اكون زوجه صالحه له
و يكون الزوج الصالح لي و الله يوفقنا مع بعض و يرزقنا الذريه الصالحه مهما كانو من بنات او اولاد لأنهم نعمه من ربي ❤❤
❤
الله يهني كل عروس و يسعدها و يوفقها و يسر امورها يا رب

آمييين حبيبتي واجمعييين
وانتي نفسي ماتحدد واحتمال بالربيع 2014 او بصيفه وانا ودي بـ ديسمبر

وإن شاءالله يتحدد بوقت مناسب لج وتفرحين حبيبتي وتبشريناا
والخوف شي طبيعي بس حاولي تبدين فكرة ليلة العمر عالخوف عشان الذكرى
وإن شاءالله يفهمج ويصبر عليج وانا بعد محتاجه جذي اهو صبور بس يصدمني بأشياء وااايد يعني عرفتي مثل ارد الصاع بصاعين افففف حده حده والله يعين والله يستر

وماعليج حبيبتي بس ادعي ربج وتوكلي عليه وكل اللي ببالج يصير ويمشي ع الرااااااحه
ويوفقنا كلنا يارب ويتمم علينا ويسخرلنا ازواجنا ويسخرنا لهم
و يررزقنا الذرية الصالحة آآآمين يااارب

منورتني ي بعد حيي

 

[قلبها خالد]

وااه يالتووق موضووع حييييييييييييل روووعــــه ...

انا اتمني ان تكووون حياااتي اجممممل من كل التوقعاااااات باذن الله ,,,,:bbbiu:

واتمني يدووم حبنااااا وماينتهي الي االأبــــد واعيش احلااا حيااااة معاااه يارب ...:bbbiu:

اتمني اطلــع في هاليوووم قمرر:eh_s(22):

= وقفت كل العيون والحكي صابه سكون ... اول مايشوفوني == الله يكفينا من كل شر ويحمينا :bbbiu:

رااح اشتاااق لاهلي وامي وابوي اخواني اخواتي اموت عليهم واحبهم حب غير طبيعي الله لايحرمني منهم واحن الاياام ماضنتي بتررجع :eh_s(16):

رراح افقد غرفتي ونااستي ... ونومي :ch12:


واتمني من الله ان تكون ايامي القادمه اجممل امين :yaaaaaarb:

واتمني التوفيق وان الله يتمم على خير يارب

 

[مذهلة2013]

حبيبتي انا عرسي باذن الله بعد شهر وجم يوم تاريخ 6/6/2013
كل ماافكر احسه يقرب و اخاف ربي يتمم علينا ويرزقنا من حيث لا نحتسب
امنيتي انه حياتي تكون حلوة و الله يرزقني بالذريه الصالحه يارب ويكون زوجي شخص مثل اطباعي
وخايفه من شكلي يكون مو حلو اخااااااااااف واحاتي هالشيء واحاتي دشتي للصاله اخاف اشوف ويهه امي وابجي


ياااااااااااااااااااااااارب

 

[أنثى تشرين]

اممممم انا عرسي 11/1
للاسف ماكلمته كانت امنيتي اني اكلمه بس الخيره فيما اختاره الله
شعوري خااايفه حيل واحاتي وشعور طبيعي كل عروس تفكر فيه
وفعلا التوووق راح نفقد ونشتاق لاشياء وروتين يومي تعودنا عليه ونحبه جمعاتنا طلعاتنا مع رفيجاتنا سهراتنا كل هذا بعد العرس بيقل .
اتمنى اننا نكون متفاهمين و يكون بيننا احترام وحب وانسجام وقبول وارتياح
اتمنى ان يكون زواجنا ناجح وبيتنا هادي ومافيه مشاكل ومستقر ويستمر هالشي مو بس اول جم سنه


اتمنى اني ادخل بعد العرس والقى كل شي مثل ماابي وتكون اموري سهالات

 

[أمورته]

الله يسر امورنا ويحقق احلامنا كلنا يارب

 

[Jolyan]

آمييين حبيبتي واجمعييين
وانتي نفسي ماتحدد واحتمال بالربيع 2014 او بصيفه وانا ودي بـ ديسمبر

وإن شاءالله يتحدد بوقت مناسب لج وتفرحين حبيبتي وتبشريناا
والخوف شي طبيعي بس حاولي تبدين فكرة ليلة العمر عالخوف عشان الذكرى
وإن شاءالله يفهمج ويصبر عليج وانا بعد محتاجه جذي اهو صبور بس يصدمني بأشياء وااايد يعني عرفتي مثل ارد الصاع بصاعين افففف حده حده والله يعين والله يستر

وماعليج حبيبتي بس ادعي ربج وتوكلي عليه وكل اللي ببالج يصير ويمشي ع الرااااااحه
ويوفقنا كلنا يارب ويتمم علينا ويسخرلنا ازواجنا ويسخرنا لهم
و يررزقنا الذرية الصالحة آآآمين يااارب

منورتني ي بعد حيي

[/QUOTE]

حياتي توق والله ريحتيني ما في احد كامل في هذا الكون فلازم نصبر و نتحمل و نزهب روحنا للمسؤوليه
و ان شاء الله الله يعينا و يسر أمورنا و نحسن الظن بالله و ان شاء الله سهالات. لكل عروس و تستأنس

 

[سحرني منطوقك]

اتمنننننننى ان املج وتعدي على خير لان في ضغوطات وايد من ناس مقربين
ودي ان كل شي افكر فيه يصير
ودي يكون مثل مااتوقعه

.....

 

[غُروبِكَ]

^^

الله يسر امورج على خير يا رب ..


اتمنى ان الله يوفقني و يجملني بعينه و يسسر اموري و يتممها على خير ..
حيل احاتي دخلتي الصاله و شلون بترك اهلي و غرفتي للحين ماسكه اعصابي
بس كل شي امبين على بشرتي و ضعفت حيل .. سهالات ان شاء الله

الله يوفقنا يا رب

 

[elegantway]

الله يهنيكم يابنات و يبارك لكم ان شاء الله

 

[أمورته]

يارب عن قريب يجمعنا انا وياه بيت واحد وسعاده واستقرار وراحه من كل صوب
يارب انت تقدر يارب برحمتك استغيث سخرلي قلبه وعقله وفكره وبصره
امين يارب

 

[سحرني منطوقك]

غروبك ٬
امين يارب والله يوفقج ويهنيج ان شاء الله ^ ^