Bridal shower هبة العرايس اليديده ??

[لولو الكويت 88]

السلام عليكم ورحمة الله وبركاته


هيلوووو عرااايس شلونكم ????

طبعا الكل عارف ان هالايام الكل هاب بشي اسمه bridal shower او حفله تسويها العروس تعزم رفيجاتها وحبايبها
صراحه انا ولا مره رحت بس اشوف رفيجاتي وبانستغرام وجذي
وعارفه ان يصير عند الاجانب

حبيت الفكره لان بين البنات و وسوالف وهم اقعد مع اللي احبهم ويوخروون عني توتر العرس

منووو فيكم راحت ؟
قوليلنا التفاصيل
شنو حطو وشنو سوو وشنو الافكار والفناتق اللي شفتوها

حبيت اخذ منكم افكار

و اذا بسوي شنو البس ؟! طبعا هذا الشي اللي يحير كل بنت شنو البس لووووول

ودي اسويه على ثيم كويتي قديم ؟ شرايكم

لان احنا ماعندنا سوالف ليلة حنه وسوالف ايام اول



وايي صج اسويه قبل العرس ؟؟؟ بجم يوووم ؟؟؟

 

[<miss botamba>]

سوري بس انا اشوفه سخافه وماله داعي اوكي تسوين شي بسيط على هبال عرفتي هالنظام بس سوالف الي الحين مال امها داعي

قبل خمس سنين تقريبا رفيجتي سوت بس كان على يمعه عاديه ولبست تاج من مال بو 100 وماخذه ورد صناعي جذي حده اونس وكنا بس سته وكانت حفله عزوبيه bachelorette party

 

[لولو الكويت 88]

انا معاج اذا كنتي تقصدين شي مبالغ فيه مثل اني اخليه شي يقعد على قلبي جنه عرس ثاني

انا حابه اعزم رفيجاتي البنات اللي من عمري
ونقعد نسولف ومنها اشيل هم العرس
وهم لان بالعرس ماراح اقعد استانس معاهم

بس مو اعزم لسته واسويها هم بدال هم العرس


وقلت مدام الكل قام يسويها ولي الحين ماحظرت ولا حفله
فقلت يمكن تفيدوني بالافكار وجذي عشان لو بسويها اسويها صح


وبصراحه حلو الوحده تقعد مع حبايبها وتسانس هذا يومي وتعرفين بالعرس ماكو صار حق الناس مو حقج استغفر الله :/ خنكون واقعيين لووووول ماتاخذين راحتج بعرسج

 

[Gorgeous ~]

انا مفكره اسوي

و فكرتي هي اني ايمع البنات ورفيجاتي اللي احبهم بس يعني جذي مال 10 بنات
ونروح المطعم او كافيه ونستهبل ونغير جو وسوالف
وعقب نرجع البيت ونلبس كلنا بجايم " سليب اوفر " وتدرون سوالف وضحك ورقص وفرفشه لوول

لانه جد هاذا الشي راح يخف توتري ,,

 

[لولو الكويت 88]

انا فكرت بعد جذي بس صالون
ادور صالون هادي وبس حق نيلز ومساج ونستحله لوووول
سوالف مساج وبديكير ومنيكير واسترخاااء &#55357;&#56844;

بس مرات اقول بالبيت اريح وحلو ان اقعد والبس اللبس القديم ويزفوني مثل عرايس ايام اول لوووول
وكلها قعدة بنات من اهلي ورفيجاتي يعني وناسه


مادري شرايكم ؟؟ عندكم افكار بعد ؟

وهبة البرايدال شاور ماانتشرت الا ان لاقت اعجاب البنات فقولولنا شنو موضوع هالحفله p;

 

[Gorgeous ~]

^

انا بسوي هاذي الفكره بس قبل العرس بكم يوم
يعني بس انا واهلي وشوية رفيجات وبنلبس قدييم يعني " عرس ايام اول "

منها ننتصوور ونتونس
وهم راح احجز حق المساج والنيلز والرييلآكسينق ^^بس يمكن قبل العرس بيومين

 

[<miss botamba>]

انا معاج اذا كنتي تقصدين شي مبالغ فيه مثل اني اخليه شي يقعد على قلبي جنه عرس ثاني

انا حابه اعزم رفيجاتي البنات اللي من عمري
ونقعد نسولف ومنها اشيل هم العرس
وهم لان بالعرس ماراح اقعد استانس معاهم

بس مو اعزم لسته واسويها هم بدال هم العرس


وقلت مدام الكل قام يسويها ولي الحين ماحظرت ولا حفله
فقلت يمكن تفيدوني بالافكار وجذي عشان لو بسويها اسويها صح


وبصراحه حلو الوحده تقعد مع حبايبها وتسانس هذا يومي وتعرفين بالعرس ماكو صار حق الناس مو حقج استغفر الله :/ خنكون واقعيين لووووول ماتاخذين راحتج بعرسج

والله استغفر الله من الي تشوفينه من الناس تلوع جبدج من كل شي

حلات الشي في بساطته مادري الاوادم متى يتعلمون

مثلا سويها مع زوارتكم مع يمعتج مع رفيجاتج ويكون شي عفوي وتلقائي

وبالعرس ليش ماتاخذين راحتج تفاهمي مع ريلج وردي العرس بعد ماتتعشون مع بعض

احنا نص اهلنا جذي يسوون وحتى رفيجتي سوت جذي بعرسها ونزلوا واستانسوا شوي وعقب رجعوا حق رياييلهم ..

وحتى انا اذا تزوجت جذي بسوي

 

[al_sheikha]

امممم اذا بتسوين سوي مثل ماقالت مس بوتمبا حفلة توديع عزوبيه احلا
وبين رفيجاتج بس صج صج بتستانسين وبيخف التوتر اللي قبل العرس

 

[д7βk βşķάť]

الله يوفقج يااقمرر

 

[طريق السعاده]

توديع عزوبيه حلوه كل قرايبي سووها وباذن الله لما اتزوج بسويها مره شيء جميل ويبقى بالذاكره

بنت خالي قبل سوينا لها قبل كم يوم طبعا مو هي الي تسوي حنا ي قرايبها وصحباتها نتفق و نسوي ونجهز كل شيء سويناها لها سبرايز
قاتوه وشموع وكاكاو ورق عنب وساندوتشات وكب كيكات وخرابيط جمعه البنات المعتاده يعني
وفيه شيء مميز صار وحده من صحباتها جابت لها زي الطرحه صغنونه تقريبا لين تحت الكتف شوي او نص الظهر بيضا نفس حقت طرحه الفستان الابيض وحطتها بشعرها وصارت زي الهدية الي تتوارث بين الشله كل بنت تتزوج تمسك هالطرحه وتبقى معها لين تلبسها للبنت الي تتزوج بعدها وعادي كانت لابسه فستان قصير ناعم وتصوير وهبال ورقص وزفيناها وجبنا لها هدايا بسيطه وكذا يعني الجو لايكون رسمي خليها عفويه احلى وكثير تخفف ضغط عنك وتستانسين وتعيشين الجو مع البنات

 

[لولو الكويت 88]

حبيباتي تسلمون عالردووود والله يوفق جميع العرايس &#55357;&#56469;&#55357;&#56469;


مس بوتمبا صعب اللي تقولينه يصير بليلة العرس اصلا انا نفسي بكون متوتره حتى لو قصيت على نفسي
وهم ياحلوها من توتر ورهبه تعطي ذكريات وجذي تعودنا عالعروس مانقدر نغيرها


لي الحين ماراح اسوي شي الا لما اشوف فكره تعجبني لوووول لان يا بيرفكت ومخطط له وشي له معنى يابلاها &#55357;&#56860;

و مثل ماقالت قورجيوس يمكن اخذ جم وحده من رفيجاتي اللي حييل معاي نروح صالون وريلاكسينق ونطلع نتريق مثلا وخلاص

لان لو صارت حفله بالبيت توديع عزوبيه او شي جذي بعزم عدد اكثر لان مابي اسوي حفله وانسا وحده
يعني رفيجاتي ٨ و البنات اللي يصيرولي من الجهتين ١٠

 

[كلي انوثه]

سوي بينج وبين رفيجاتج واهلج الخاصين

وعشا بسيط ودي جي ب30

او طلعه معتبرةة

 

[نبض شرياني]

حلاته يكون شي بسيط

طلعه او في بيتج

بدون تكاليف لان اغلب البنات يكونون منتفين واليي معاها حق المصورة والصالون

والافضل تكون قبل العرس بيومين او ثلاث

لان مرات في بنات مايقدرون يجون العرس فعالاقل اشوفهم واستانس ونسولف

وطبعا راح اعزم اللي يعز علي واعرف قدري عندهم ومعزتي

بس رفيجاتي

اما من اهلي راح اشوفهم دايم ان شاءالله

 

[<miss botamba>]

اهوا يعتمد عالعروس نفسها ونظامهم بالعايله احنا عندنا عادي اتيي وتقعد

وانا مثلا عندي مستحيييل ارقص بالعرس بس عادي ارجع و اقعد بالعرس

 

[آغليك~بسكآت]

آب آب ...~> بآلتووفيق يآالغلا

 

[جوري الصالح]

أأأب

 

[لوولوو_88]

بصراحه انا فكرت فيها بس كنسلت .. لانه اتفقت مع ريلي اني برد انزل بعد ما يزفونا بالعرس و بقعد مع رفيجاتي و بنات خالتي سوالف و نرقص باذن الله .. بس والله حلوه فكرت البرايدل شاور و مافي مانع انه الوحده تسويها و ترى مو مكلف والله على البنات ..

الي مرو علي يا اما يسوونها جنها يلوه و لبس الكويت اول او انها عروس و تلبس طرحه و تاج و ورد صناعي من بو اميه و كانت الطرحه تور بس و يابات بلونات على شكل معاريس و خواتم متوفرين مجمع التلال الي بالشويخ محل بلونات يوفر لج شغلات جذي و يابت كيكه عنونه و في نفس هالتفاصيل بس يابت مطعم برقر يسوون لهم و حطو مثل المسجله اغاني ورقص و في اجرت خيمه قعده بره و اضاءه بس لازم جو حلو .. كل واحده و ميزانيتها و الي عندها على راحتها بس والله الفكره حلوه

 

[مذهلة2013]

حلو يكون شيء بسيط مو اوفر للذكرى فقط

 

[شربـــات لـــوز]

الله يوفقج
انا عن نفسي بسوي وبستانس بس بسويها قلل العرس باسبوع جي لان راح انضغط اسبوع العرس

 

[جرحي الوحيد]

انا مفكرة فيها بس ان قبل الملجة احلي