| Body & Skin care

[uas grile]

السلام عليكم و رحمة الله و بركاته



الشآور

اول شيء .. بنآت !
كثير منآ ينسى شيء مهم انه يتعوذ من الشيطآن لما يدخل !
ويقول دعاء دخول دورة المياه الله يكرمكم
{ اللهم اني اعوذ بك من الخبث والخبائث }
وندخل بالرجل اليسرى
يعني .. حلو لو تحطون زي الورقه على الباب .. تذكركم !
مو ورقه تشوه الشكل وهيك ..
لآ مثلاً حطوا بطاقه .. واكتبوا عليها .. وحطوا شريطة وعلقوهآ على عروة الباب
فهمتوا قصدي ؟ زي بتآع الاوتيلآت .. الي نحط البطاقه لمآ نبي ينظفون الروم !
,

لمآ الوحده اصلاً .. تبي تروق وش زين الشآور
يخلي الوآحد يروق من جد
وغير اصلاً الوحده تحس بالنظآفه
..
وشيء اساسي الشآور ..
فيه بنآت .. يتيعجزون يآخذون شآور !
طيب الشعر المزيت + الريحه استغفر الله
مآ تحوم كبدك ؟ <
لآ صدق وراعي شعور الي جنبك
يعني مرا شعور حلو لمآ تحسسون انكم نظيفات

لما تدخلون الحمآم الله يكرمكم ..
تأكدوا الشامبو والصابون والليفه والفوطه موجودهـ
موو تقعدون تزاعقون يَ فلانه جيبي الشامبو .. يَ فلآنه جيبي الفوطه
وعآ آ د هاك يَ تعيجز .. ونذآله ، محد قالك تدخلين البآث روم وانتي ما اخذتي الشامبو < ابد ما تصير
الأغراض الي تحتاجونها غالباً

صابون

شآمبو ..

بلسم ..

ليفه خشنه ونآعمه




رغوه عشآن الروقآن

روب أو منشفه

قبل ما نبدا هذي مصطلحات تهمك كثير

\

بدآيةً الي تبي الروقآن .. والشعور الجميل
يعبي البآنيو موية دافية .. يحط رغوه .. ويرآعي الريحة تكون جميله
واصلاً .. تتحمسين تتروشين كل سآعه
مم .. رآعي تكون الموية دآفيه .. اول شيء عشآن تروقين وتحسين بالدفا .. بما انه اصلاً الجو بآرد !
ثاني شيء عشان المسامات تفنتح .. ولما تفركين بالليفه تطلع الحاقات الوصخه

ممم

لمآ تدلكين جسسمك .. حلو اصلا الصابون المغربي وفركي بالليفه .. تطلع كول الحاقات
وكمآن لرجولك .. استخدمي الحجر .. او عرفتوا مبرد الرجل ..
اصلا لما تتحسين ملمس رجولك .. خششن تعرفون ليش .. عشان بعض الاحيان تمشون حافين ..
لما تكون الحين رجلك فيها خلايا ميته .. فركيها بمبرد الرجل ..
ولما تروحين الخلآيا الميته .. ابدي اعتني فيها .. يعني ابداً لآ تمشين حافيه -_-



نروح للسنفرة الجسسم ..

مممم حلوو مرتين بالاسبوع يعني مرتين كآفي ..
وبيخلي جسسمك شيء جميل .. نآعم وشسمه رآح يوحد لون جسمك مُوحد


الي تحب تعمل لها سنفرهـ .. اول شيء
تبللي كل جسسممك وتحطي باطراف اصابعك سنفرة وتدلكين جسمك عادي بس بشكل دائري
والسنفرة ممُكن تشترينها جىآهزة
بنآت لآحظوا فيه فرق بين مقشر { سنفرة } للجسم وفيه للبشرة

ممكن الي تحب هي تسوي بنفسهآ السنفرة يعني سنعه
زيت زيتون + سكر خشن + ليمون
تبللين جسسمك وتتركينه على جسمك 20 دقيقه بعدين تغسلين !
بسيطه


~

فيسك وشعرآتك

اول شيء .. بنآت لما تغسلون فيسكم راعوا ان الصابونة تناسب نوع بشرتكم !
وكمآ آ ن شعرك .. يعني فيه نآس ينفع معهم شآمبو دوف .. وماشين معه ونآس العكس
يعني .. جربي شامبو نفع معك كآن بها ومشيتي معاه
ما نفع اتركيه


فيه نقطه

لمآ نغسسل شعورنآ .. على طول ما عندنا نحط الشامبو وعلى شعورنا بنخلص
ممم .. لآزم تخلطون المويه + الشآمبو

ممم .. بنات .. حلوو اذا خلصتي الشآور ..
تغسلين شعرك بمويه بآردة ..
عشآن تتقفل المسامات ..

الحين لما خلصتي من الروآق
نشفي شعرك بالمنشفه .. خلي راسك على تحت بحيث يكو شعرك نازل ونشفيه
،
شيء مهم قيرلز . .
لمآ ننشف جسمنآ .. بسرعه بسرعه ونفركه وبقوه اهم شيء ينشف !
هذآ شيء خطأ ..
تدرون ليه .. هالفرك كِله .. يسمر جسمك !
ممم .. عشآن تحسين بالنظآفه جد د ..
حُلوو ترطبين جسسمك بكريم .. يكون ريحته جميله
عندكم الكريم الي يجي مع العطور !
مثل لآكوست .. وأغلب العطور يجي معها كريم ولوشن ..
يعني ريحة قميله قداً ..

بعد مآ تخلصين استحمآم ..

الحين بعضنآ .. اهم شيء والله غسسلت شعري .. وجسمي .. !
لآ .. وين الترطيب ؟
وهو احلى شيء بالاستحمام لما تشمين نفسك ! وتحسسين ريحتك حلوهـ وهيك
يعني .. لآ تنسين الترطيب ..

,

طيب .. بتسألون ليه اعيد واكرر على نقطه الترطيب .. واننا لآزم ندهن جسمنا بالكريم .. ونرطبه .. ؟
لإن الجسم لما تاخذين شاور .. خصوصاً اذا كان الشآور بموية دافيه .. راح يفقد مويه كثيرة من جسمك .. فعشآن كذآ ضروري انك ترطبينه بما ان بشرتك
صآرت جآفه ولآ راح يكون جلدك متشقق
نروح للكريمآت حبيب الكل كثير بنات .. والله استخدموا الكريم الفلاني وجاب نتيجه وعجبهم .. وناس لآ !
بس فيه كريمات .. تنفع مع كل انواع البشره ..

بيبي اويل ..

انا مع الكِل يجنن ويخلي البشرة وش زينه
بسس مشكلته { التسمير }
مدري بس انا ولآ كيف

،

فآزلين بزبدة الككاو ..

مرآ شششيء جميييييل
طحت فيه طيحه مرآ .. وخلاص ما صرت استخدم الا هووو وَ كريم ثآني ..
ترطيب يجنن ويخقق
الريحة .. عآدية لآ هي شينة ولآ حلوه !
بس ترطيب من ججد يجنن

،

جرجنز

ترطيب مرآ حلوو
من زمآن استخدمه والى الحين ماشيه معه ويخقق كمآن
غير كذا ريحته حُلوهـ موب شينه ،
انا استخدم الي فيه حبوب زرقاء عرفتوه

,

كمآن فيه كريم تبع مآك

كثير مدحوه
,

وفيه كمآن كريمآت الي من زهور الريف
ريحتهآ تخقق ولما تحطينها تحسسين بالروقان
طيب نجي كيف نحط الكريم
حطوا الكريم بششكل دآئري .. كأنك تعملي مسآج
لإن لما تحطي الكريم بجسمك وتحركيه بشكل دائري رآح الدم يتحرك ويروح لكل منطقة بجسمك


الترطيب حبيبآتي لآزم يكون بشكل يومي
يعني بعد كِل شآور حطي كريم على جسسمك .. ودهنيه
بكذآ رآح تحسين بالانتعآش
حلو تدهنين جسسمك بكريم .. للجسم .. مو لليدين او للوجه

ممم كل اسبوع بنات خخصوا لكم يوم للحمام الزيت
عشآن يرطب جسسمك
كيف تعملي حمآم زيت بتآع الترطيب ؟
تعبي البآنيو مويه دآفيه وتحطين 5 نقآط زيت يكون مفيد لجسمك
استرخي وروقي لمدة 20 دقيقه
اصلا لما تسترخين اول شيء وترطبين جسمك نفسيتك ببتغير

’

شيء ثآني بنآت .. عندكم السكينول

حطيه على المرفق وامسحيه بالقطنه وكمآن استخدميه برقبتك .. ورآح يعطيكي نتآيج حلوه
وانا سمعت البنات يمدحون السكينول بالليون
,

معلومه مُهمه قداً

- لآ تلبسين ملآبسك قبل ما تنشفين جسمك .. لإن رآح يسسمرك

 

[uas grile]

وصلنا الحين للأقدآم الجميله إللي كثير بنآت مهملينهآ
شسمه ياكثر إللي مهملينه يابنات ..
لآ جد يعني تجيك الوحده رقيقه ونآعمه وكآشخه على الآخر
بس إذا نآظرتي برجلها ، تقرفين حيآتك
لأن هالبنت ماعندها إهتمآم أبداً
عشآن كذا خلونا نعطي أقدآمنا نص سآعه بالكثير من وقتنا إسبوعياً

أول شي نسوي بدكير ، ومايحتآج كل مابغيتي تسوينه
تروحين للمشغل !
سويه إنتي بنفسك والله يآهو شعور حلو

بالبدآية تحتآجين أدوآت البدكير ، روحي للصيدليه تلقين أدوآتهآ
وتلقينهآ بعد بزهور الريف

بالبدايه تجيبين مويه دآفيه + ملح الحمام العادى وحطي رجولك وانتعششَي
بعدين جيبي زيَ الشفره تكون مع المجَموعه ، وشيلي الترسبات الموجوده بالاصابع
بعدهآ تجيبينَ الفرشه عشان تزيَلين الجلد الميتَ اللي بأطراف أضافرك
بعد كذآ حطي شويه كريم مقششَر على رجولك
وسويَ مسآج للقدم عشان يرطبها ويعطيها نعومه
و لآتستهينون بالحجر خصوصا اللي عندها تشققَات بالاقدام لآن مفعوله مره كويس
بعد ماتحكيَن رجولك بالحجر دخليها مره ثانيه بمويه نظيفه وجففيها وحطي شويهَ كريم مرطب

ولآ تنسين قبل مآتنآمين تدهنين رجولك بالفآزلين ,
وإلبسي شرآب وإنعمي بنوم هني

إختآري شامبو و بلسم كويسين عشآن يحآفظ على توآزن شعرككْ

بعد مآ تشيلي البسلممْ حطي مويه بآرده على فروة رآسككْ و دلكٍكْي بـ خفه
عشآن يسآعد على تدفق الدم إلى بصيلآإت الشعر عشآن ينمو ويطول شعرككْ بـ شكل صحي ومتوآزن

طبعًا الـ كل عآرف إن لمن يكون الشعر فيه مويه يكون ضعيييف لـ درجة إنه يتكسر بـ سهوله
عشآن كذآ إذا تبي تشيلي تشابك شعرك ، إقسمي شعرككْ إلى أجزاء
وإبتدي بأطراف الشعر وبعدين في الـوسط وبعد كذآ في الجـذور ، وإستخدمي مشط عريض آلأسنان . . و لا تستخدمي الفرشآة

حاولي مآتمشطين شعرككْ بـ جو بآردد لأن بكون لمسآت كهربآئيه
نظفي فرشآة شعرككْ بـ إستمراار عشآن الأوسآخ و الدهون ماتتراكم وترجع لـ شعرككْ مرة ثآنيه

وصفـه للـ شعر قبل آلإستحمام تعطي الشعر نعومـه وتغذيهْ
حبـة موز - نص كوب زيت زيتون .

+

إمزجوهم كويييس ولفييه بـ قبعة نايلون

وخليه لـ مدة سآعة أو ساعتين إللـي يريحككْ يعني

وُ صابون الغآر يمدحونه بعد ، حللو لـ الشعر ويغذيه

آلعنآيه بـ يدك مآ ينقص من آلعنآيه بـ مظهرككْ ، في كثير من آلبنـآإتْ يقولون إن اليدين وآلأظآفر شـي عآدي مو مهم
أهم شي شعري أو وجهي و ميك آب وتسآريح ومش عآرف أيش !!
وفيه كثيييير منّا يتعرضون مشآإكل أو إسـآءه في آلأنشطه آليوميه وهكّا

أول شـي إذآ جيتي بتغسلين موآعين أو شـي ، نعّمي يدينك بـ زيت آللوز يعني مو وآججدْ حوآإلـي ملعقه
مع المويه إللي بتستخدميه بـ آلصحون طبعًا فآئده ذآ آلشي بنعّم جلدككْ آلخشن و الزيت يسآعد طرآوة يدككْ

آلجلـد آلميت . .

تخلصي من آلجلد آلميت ، كييفْ !؟
حطّـي ملح + ليمون على يدينك وإدعكييه بـ فرشآة آسنآن قديمه أو مآتحتاجيهآ .. سوّيـه مرتين بـ آلإسبوع
هذآ يسآعد زيآدة نعومتهآ و يشيل آي تغير فـي لونهآإ . . " أنصحكم إنكممْ تجربووونه

المـاء الدآفئ . .

- إغسلي يدينككْ بـ بخفّـه بالمويه الدآفئه ، وبعدين إستخدمي المنشفه للوجه خشنه و إفركي يدك بهآ .
و طبعًا الجلد بكون رطب حطي عليه عسل و ملعقة زيت زيتون
وبعدين غطي أيآديك في أكياس بلاإستيكية صغيرة ، وقفازات القطنيه لـ مدة 30 دقيقة تسآعد الحرارة على إخترآق آلخليط وتشرب آلبشرةة به
وبعد كـذآ تقدري تغسلي الصحون = )

ملآإحظة مهمةة حبآإيب قلبي | إن مانستخدم آظآفرنا فـي أي شي ، مثلًا الأشيآء الحاده ، فتح العلب ، تحكّين شعرككْ ومدري أيشش ! لآ يَ بنآت هذآ الشي خطأ ولازم نحذر منه لأن الاظافر بعدين بتتكسر ومابتتحمل اي شي = ‘)

الحليب آلدافـئ . .

أغلي كوب حليب أو لبن ، لـ مدة 30 ثانيه أو لـ حد مآيصير دآفئ يعني إلمسيه وشوفي

بعدين نقعي يدينك لـ مدة 5 دقآئق هذا يساعد على تقوية أظافرككْ وطرآوة بشرة يدك ، مو بس اللبن موجود فيه الحامض اللبنـي
فيه حمض ألفا هيدروكسيل الطبيعي وهذا يساعد على تقشير الجلد الميت بـ لطف ، و مثل ما أنتو عارفين الكالسيوم يساعد على تقوية الاظافر
يديكٍ و عوامل الطقس . .
قرّب الشتاء وبصير جفاف على بشرتك
فـ إحرصي على شـي يقي يديك في البرد أو حتى في الصيف يعني بشكل عآإم تغيرات الجو وهيك
يعني بـ الشتا إلبسي قفازات أو شي مثل كـذا ؛ لأن له تأثير مبآإشـر على نعومة يدينكْك


إححذري من الماء الساخن ! . .

الحمام الساخن مثل ما ذكرنا يشعرككْ بـ الراحه ، لكن في المقابل تصير بشرتك جافه ويجرد البشرة من كل المرطبات الطبيعية إللي يفرزها الجسم
فـ عشان كذا إستخدموا مويه تكون درجة حرارتها معتدله عشان بشرتككْ مآإ تكون جافه مرة
التـرطيب المستمر للـ بشرتكٍ . .

خلّي ترطيب بشرتككْ عآده عندكْ لأن الترطيب ثم الترطيب ثم آلترطيـب ، شي مهم يَ بنآت
لأن كل مآتعرض جسمككْ للـ بلل رطبي بشرتككْ ، خصوصًا فـي الفصل الجاف لأن البشرة تكون أكثر عرضه في آلأجواء الجافه

من أهم علآمآت الجمآل ،
وأشوف كثييير بنآت مهملينهآ
فلآزم تتركين الكسل عنك وتعطين شفآيفك دقيقه من وقتك
للعنآيه :

- يومياً حطي زيت زيتون أو فآزلين قبل ماتنآمين لأن الشفآيف تفتقر للزيوت
عشآن كذآ لآزم نعوضهآ بالزيوت
بكذا رح تصير شفآيفك نآعمه ورقيقه وخآليه من التشققآت
- أحياناً لما تجف شفآيف
أول شي تسوينه إنك تبللينهآ وهالشي طبعاً غلط
لأنك بهالحركه قآعده تزيدين من جفآفهآ ،
يعني حسك عينك تسوين هالحركه والأفضل إنك تشربين مويه
كثيير لأن هالشي رح يفيد شفآيفك بشكل ماتتصورينه

- شسمه أنا ماحب أسولف مع بنت تآكل ( تقضم ) شفآيفهآ
ياناس شكلهآ مقرف !
يعني تخيلي إنك تسولفين مع وحده وهالوحده شغآله بشفآيفهآ
وقسم ودك تصقعينهآ
يابنات ياحلوين هالحركه أبداً مو حلوه
ياليت نبتعد عنهآ

- إيه وفيه سبب ثآني للتشققآت ماقلته
إللي هو المعجون ، لأنه ممكن يكون عندك حسآسيه من أي مآده
موجوده بالمعجون وهالشي سبب لك تشققآت ..

1 / الغجر
إما تطحنينه أو تغلينه وتحطين معه فازلين و تحطينه في علبه وتمسحين شفايفك
قبل النوم ..
تقدرين بدل الكركديه تستخدمين العكر الفاسي ( دم الغزال )

2 / تفركين الشفايف بعصير الليمون مع محاولة دعكها بالقشره ايضا يعني تقريبا 3 دقائق
وبعدين تشطفينها بماء دافئ
وتمسحينها بشكل خفيف بماء ورد .. بعدين تحطين مرطب أو فازلين ..

[ الأسنآن ]

ماينفع أبداً أبداً تكون شفآيفك حلوه وأسنآنك لونهآ أصفر
عشآن كذا حآبه أتكلم شوي بس عن هالنقطه
- المعجون كل يوم .. في الصبآح وفي الليل

- غسلهآ بعد الأكل وخآصةً بعد القهوه والشآي

- إستخدآم غسول للفم وهالشي مرره كويس
ينفعك بأشيآء كثيير ولرآئحة الفم خصوصاً لو إخترنا نوع برآئحه حلوه
وإللي ذآبحهآ العجز لآ تروح الصيدليه
تستبدله بمويه وملح

- طريقه شفتهـأإ فِ برنآمجْ التفاح الأخضر لِ تبييضِ الأسنآنِ

والليْ هي : بكنج بودر + فراوله . . تهرسينِ الفرآوله وتضيفينهـآِ ع البيكنجٍ بودر وتحطينهمِ ع الفرشه وخليهمِ ع اسنآنك 5 دقايقِ واغسليهمِ : )

ماسكات للجسم

حمّام الزيتي لتجميل الجسم


المكونات :
2 بيضة.
16 ملعقة كبيرة زيت زيتون.
8 ملاعق كبيرة زيت ذرة.
8 ملاعق كبيرة زيت لوز.
3 ملاعق صغيرة عسل نحل.
8 ملاعق كبيرة كحول نقي.
16 ملعقة كبيرة لبن.
2 ملعقة صغيرة صابون مبشور.

التحضير والاستعمال :
يُضرب البيض مع العسل والزيوت ثم يقلب الخليط مع إضافة الكحول واللبن والصابون.. يُعبّأ المستحضر في زجاجة ، ويحفظ بالثلاجة.
تُضاف كمية صغيرة من هذا الخليط لماء الحمام الدافىء ، ويخلط بالماء ، مع تجنب استخدام ماء ساخن.
هذا الحمام قد يكون مرتفع التكاليف ، إلاّ أن له فوائد جمالية عظيمة تفوق بكثير فوائد المستحضرات التي تباع بالمحلات لعمل الحمامات..
حيث تعمل الزيوت والبيض على ترطيب الجلد وتغذيته بينما يعمل العسل على تليين الجلد وإكسابه النعومة والحيوية..
كما يساعد الكحول على التقوية والتنشيط.. أما اللبن فهو من أعرق وأقوى وسائل التجميل المعروفة:...
حمام زيت الياسمين ـ لنعومة البشرة

لمكونات :
ـ 3 ـ 4 ملاعق كبيرة زيت ياسمين.
ـ 285 مل كحول نقي.
ـ 425 مل زيت خروع.
التحضير والاستعمال :
تخلط المكونات جيداً ببعضها البعض ، وتحفظ في زجاجة.
يضاف كمية بسيطة من المستحضر لماء الحمام ( لا تتعدى ملء ملعقة كبيرة )..


حمامات من زيوت مختلفة

المكونات :
يمكن الاستفادة من العديد من الزيوت النباتية والعطرية بإضافتها لماء الحمام .. فمن خلال عمل هذه الحمامات بصفة منتظمة
تعمل هذه الزيوت على تجميل الجسم لما تضفيه على البشرة من نعومة ونضارة وحيوية .. ذلك بالإضافة لانتفاع الجسم ببعض الفوائد الصحية المعروفة عن هذه الزيوت.
ويكون عمل هذه الحمامات بإضافة بضع نقاط من الزيت لماء الحمام سواء كان بارداً أو دافئاً.
وهذه أمثلة لبعض الزيوت المستخدمة في عمل الحمامات :
ـ زيت الزيتون ( من أفضل الزيوت لعمل الحمامات ).

ـ زيت الخروع.
ـ زيت اللوز.
ـ زيت الاُفوكادو.
ـ زيت كبد الحوت.
ـ الجلسرين.
ـ زيت الياسمين.
ـ زيت العُصفُر.
ـ زيت السمسم.
ـ زيت بذر الكتان.
ـ زيت عباد الشمس.
ـ الزيت التركي الأحمر.
ـ زيت ( روح ) الورد..







ماسك لأزاله السواد والأنتفاخ حول العينين



المكونات

* كأس شاي أخضر
* شرائج بطاطس مقطعه بشكل دائري
* زيت الوز
* ملعقه موضوعه في الثلاجه لمده 2 او 3 ساعات

الطريقه

* نغمس شرائج البطاطس ب كأس الشاي الأخضر بشكل جيد وتوضع على العينين لمده 10 دقائق مع تحريكها من وقت الأخر بشكل دائري

* بعد ذالك نقوم بأخذ كميه قليله من زيت الوز ونمسح به منطقه حول العينين بشكل دائري ايضا

* ولـأزاله الأنتفاخ حول العينين نقوم بأخذ الملعقه ونضعها في مكان الأنتفاخ لمده قليله - بشرط ان تكون الملعقه بارده وليست مثلجه -


:
:
:



ماسك الخس للبشره العاديه الى الجافه
لترطيب البشره

المكونات

* كميه من الخس مضروبه بالخلاط
* كميه قليله من زيت الزيتون
* عصير ليمون

الطريقه

* نضع كميه قليله من عصير اليمون على الخس ثم نضيف اليه كميه مناسبه من زيت الزيتون
* نخلطه بشكل جيد
* يوزع على البشره بشكل جيده ويوضع لمده 10 دقائق الي 15 دقيقه






Homemade Body Scrub
Chickpea Powder Recipe
للبششره الدهنيه

المكونات :-

1- اربع ملاعق من مسحوق الحمص
2- نصف ملعقه من مسحوق الكركم
3- كميه قليله من ماء الورد
4- كميه مناسبه من الحليب السائل

الطريقه :-

1- نخلط جميع المكونات بشكل جيد حتى يصبح الخليط سميكاً
2- يوزع على الجسم بشكل دائري مع الحرص على تغطيه جميع الاماكن
3- ننتظر الخليط حتى يجف على الجسم ثم نقوم بأزالته بواسطه " لوفا " وبشكل دائري ايضا
حتى يزيل الجلد الميت

:

Body Scrub

المكونات :-

1- كوب من زيت اللوز
2- كوب من السكر البني
3- اي زيت مفضل لديك مثل ( زيت الزيتون - Baby Oil )



الطريقه :-

1- خلط الكونات بشكل جيد مع بعضها البعض
2- يوضع على الجسم ثم يفرك بشكل دائري
3- عند الانتهاء من استخدام الخليط يجب ان يحفظ في وعاء غامق اللون وضيق



| Body & Skin care ||
و حمام الهنا
بنآت لأ تنسون لمآ تطلعون من البآث روم تقولون \ غُــفرآنك












:
:

 

[عسى الله يهديني]

المعذره حبيبتي موضوعك احسه طويل على الفاضي يعني مافي زبده عرفتي كيف

ومافيه تجارب شخصيه واثباتات يعني مابعرف كيف اشرح لج

اشكرج على النقل او الكتابه اذا كنتي كاتبته

بس مادري احسه شوي طويل ومكرر يعني



شكرا تقبلي وجهه نظري

 

[كويتيه سبيشل]

ابداااااع ،،،

' قواج الله اختي ع الموضوع الاكثر من رااائع '
ابدعتي

وننتظر القااادم £

 

[نوفآ]

يعطييج العافيه

عجبني حييل ويشوووق

 

[أنثى اليمامة]

مشكوره حبيبتي الف شكر موضوع مرتب ومنسق ومفيد للبنات الي ما عندهم جدول للعنايه او ما يعرفون بشنو يعتنون

مثلا في ناس عندهم الاهتمام بالصابون والشامبو بس مايعرفون ان كل قطعه بالجسم لها اهتمام خاص ،،


الف شكر
​

 

[سالم الروح]

مشكوره حبيبتي

 

[batooly]

مشكورة خيتوو

الموضوع جمييل

^.^

 

[kokokokolovely]

مشكورة بس كنت اتمني يبقي الموضوع ابسط من كده لانة كده مش مفييييييييييييييييييييييد يعني لو بطريقتك انتي كان هيبقي احلي

 

[_zahra]

شكرا لج ويعطيج العافيه

 

[تفدى رويشد]

اب اب

 

[غرور الريم]

مشكوره

 

[تــوت و كــرز]

الله يعطيج العافيه
مشكوره على النصايح والله كلامج صح
عجبتني الصور و طريقة الترتيب مثل عضوات شمواه

 

[مسكـ الامارات]

يزاج الله خير ^^