anti mullerian او هرمون الـ amh

[bint_looda]

السلام عليكم :eh_s(7):

حللت هرمون anti mullerian وطلع عندي اقل من المستوى الطبيعي بوايد الحمدالله

والي فهمته من الطبيبه ان هذا بس مخزون البويضات بالجسم وان يأثر على سن اليأس ان تنقطع العاده قبل العمر الطبيعي بجم سنه

وقالت ان متى ماقررنا نبدا علاج للحمل ان شالله لازم اخذ منشطات..
بس هني قريت مادري منو فيكم بنات ان قالت ان طبيبتها قالت لا مايأثر عالتبويض ؟
الحين شنو الصج ؟؟ الي انا فهمته ولا الي قريته ؟؟؟ :eh_s(10):

وودي اعرف اشكثر هالهرمون يأثر على فرصه الحمل لو كان الزوج طبيعي ؟؟

ويزاكم الله خير

 

[ملكه الحطب]

ماعندي فكره

بس للررررررررررررفع

 

[bint_looda]

مشكووره

 

[kitty eyes]

هلا حبيبتي

الهرمون هذا لازم تاخذين له منشطات حق الحمال

لانه شهر يكون في بويضة

وشهر يكون ما في

فاذا علشان الحمال لازم منشطات

بس هم كثرة المنشطات مو زينة لانها تخلص المخزون

انا نفس الحالة بس روحي لدكتور شاطر

 

[منال66]

بنت لودا ترا انا نفس حالتج لازم ابسرعه تسوين اطفال انابيب ترا يخلصون بويضاتج

 

[منال66]

جم نسبة التحليل مالتج كتبيها و لاتخافين انتي بس لازم تسرعين بالعلاج الله يرزقج يارب

 

[So MuCh PaIn]

والله ما عندي علم

سوي سيرج بالنت واقري عن هالهرمون وراجعيلج دكتور شاطر والله يسهلج ويرزقج بالحمل السليم

 

[bint_looda]

جم نسبة التحليل مالتج كتبيها و لاتخافين انتي بس لازم تسرعين بالعلاج الله يرزقج يارب

0.4 يعني اقل من واحد الحمدالله

 

[bint_looda]

كيتي ومنال عسى الله يشافيكم ويرزقكم الي تتمنونه يارب

انا والله ودي مثل ماقلتو ما اطول بالعلاج واروح باسرع وقت ان شالله بس لازم انطر اول ريلي يعالج ان شالله لان تحاليله ماكانت زينه وعقبها ابدا منشطات عشان لا اخلصهم عالفاضي

 

[منال66]

نصيحه ابدي سرعه بالعلاج ترا تخلص بويضاتج لان النسبه وااايد نازله عندج حبيبتي و الله يوفقج

 

[شيخه و طيبه]

أول شي الله يشفينا و يرحمنا برحمته
ثاني شي أختي خلي ايمانج بالله قوي و ثقي بقدرة الله حتى لو بقى عندج بويضه وحده والله كتب بتحملين
انا نفس حالتج و اول ماراجعت خرعوني و صبت عظامي وقالولي ابأي وقت تصير عندج اجسام مضاده و تروح كل بويضاتج و من هالحجي و الله مابي اقولج اشكثر نفسيتي تعبت بس الحمدلله ايماني بالله أكبر من كلام الدكاتره و بالأخير طلع حجي فاضي
و بعدها رحت حق دكتوره حفصه و سوتلي سونار داخلي و متابعة تبويض شهرين واللهم لك الحمد كان تبويضي زين بس تقول مو متأكدين هل هالبويضه جريب فاضي او بويضه صالحه للتبويض يعني كان مجرد اجراء روتيني
و بعدها رحنا حق دكتور فاطمي و طعت فحوصات زوجي و الحمدلله على كل حال طلعت الحركه عنده صفر و عطاه حبوب و قالي اكل حبوب مانع احفظ بويضاتي او ما اكل عطاني الاختيار و انا مابي اكل مو ناقصه خربطت هرمونات و قال ننطر على علاج زوجي لي شهر 6 اذا ما حملت طبيعي اسوي تلقيح صناعي شهر 7 و اذا الله ماكتب احمل اريح شهرين و نسوي انابيب
و عسى الله يرزقنا بدون هالعمليات يارب

 

[bint_looda]

شيخه وطيبه يعني الي تاخذ حبوب مانع توفر بويضات ؟؟ بس مادري احس خطر اخذهم اخاف عاد عقب لايت ابي احمل ان شالله الا ماقدر بسبة مناعة الحبوب !
عسى الله يرزقج قرييييب ان شالله يارب

 

[شيخه و طيبه]

والله انا هذا اللي قاله لي الدكتور بس ما اصر عليه و انا قلت مابي اكل اخاف تزيد الطين بله
و أقولج انا توني شفت تحليلي نسبتي قريبه من نسبتج تحت الواحد

تصدقين تحسفت سويت هالتحليل و لو أدري عنه ماسويته لعب بنفسيتي و هالشي اصلا بعلم الغيب الله وحده اللي يعلم ما بالارحام لو قاعده على ويهي جان مرتاحه بس خيره و قدر الله و ماشاء فعل و عسى الله يرزقنا و لا يحرمنا

 

[bint_looda]

عسى الله يرزقنا مافي شي على الله بعيد

 

[bint_looda]

^^^