___ استانسي و تونسي .... بس لاتفسـفسين فليساااااتج ___!! أفكار و تجارب بالصوووووووور

[MJ_LoVeR]

السلام علييييييييييكم ..


شلونكم حبايبي ..



انا من تشاركت هاليوزر ماحطيت مشاركه فعاله .. قلت احط هالمووضوع ..


.
.


المهم ..



كلنا تمر علينا فترات قبل الراتب.. باسبوع ... بعشر ايام ... نبطل حلوووجنا ماكو فلوووس لوووووووووووول ..


مع هاذا نبي نستانس و نطلع ..

نبي نزور و نشوف الناس ..

بس مشكلتنا بالكويت ماكو طلعة مافيها صررررررررف!

يعني بالذمه وين تقدرين تروحين و تستانسين و ماتصرفين فلوس؟؟؟

نروووح مجمعات .. لازم نشتري و نقط فلووووس!

نروح مطاعم لازم نبلع و نقط فلوووووووس!!

نروح نتمشى عالبحر .. لازم فلوووس بانزين .. وفلوس عصير أو موووكا ..الخ

نروح السينما لازم نشتري تكت .. وهم فلوووس

نروح الصالون ..فلوووووس

نروح معارض و حريم .. نقول بس نبي نتطمش ... نشووف شي ونقول نبيييييييييه .. وروحي يافلووووووووس

نزور رفيجاتنا .. لازم مانروح ايدنا فاضيه .!.! لازم حلووو أو معجنات .. ونقط فلووووووووووووس ..


فلوووس
فلوووس
فلوووس
تروح يمييين و شمال واحنا مو حاسين ...!!




انا وحده بصراحه اقعد عالحـــديده قبل الراتب باسبوع لوووول اقعد اتسلف من امي و اخوي جم دينار حق بانزين السياره اللي كاسره ظهري اقسااطها لووول



المهم انا ودي اتغير و توني بديت .. شجعوني عشان استمر .. بقولكم افكاري بالصور .. وبلييييز ساعدوني بأفكاركم .. اللي ممكن نوفر فيها فلوووس و مع هاذا مااننحرم من الوناااسه ..



Lets Gooooooo



.
.




.
.
.



أول شي طلعة السينمااااااااا ...





في طريقتين ..


يا تروحون يوم الاثنين ... لييييش ؟ لإنه التكت يصير عليها خصم .. وتصير بدينار و نص بس! مو شي يديد .. بس في نااس للحين ماتدري بهالموضوع !!






..




الطريقه الثانيه اللي انا اسويها ووايد ارتحت عليها الصراحه ...





ديفيدات اللي على نص ديناااااااااار ...!!






مو من المواقع اللي بدينار .. لأ .. الهنود اللي ايون للبيت .. برسم الخدمه .. ويبطلج الجنطه وفيها كل شي .. اجنبي و عربي وباباي و هندي و مترجم وصااافي ...

5 دنانير فيها 10 أفلام ...! 10 افلام يكفوني شهر واكثر اذا كل ويك اند اشوف 2 او 3 ديفيديات ......

يعني بدال لاقط 30 دينار على 10 افلام بالسينما ..

قطيت 5 دنانير بس .. ووفرت 25 دينااااااااااار!!!!:rerrerek:

وكافي اني قاعده و مرتاحه بالبيت .. واذا عجبتني لقطه عدتها .. واذا بروح الحمام وقفت الفيلم و رحت ورديت على راحتي لوووووووووول ...

واذا سويتو قروب انتي وخواتج وبنات خوالج او عماتج .. وطفيتو اليتات .. يصير جو سينمائي صج ...

.
.
.




ثاني شي ..


اذا بستانس مع رفيجاتي ... العاده اتدقون على بعض و تقولون خل نتيمع الساعه الفلانيه بالمجمع الفلاني .. نتسوق و نتعشى ونشوف فيلم ... الخ ..


في طريقه ثانيه .. اذا رفيجاتج حيل ميانه و من النوع اللي اهم شي عندهم اليمعه مو مهم المكان ... اقترحي عليهم تصير اليمعه كل مره ببيت وحده فيكم .. لييييييييييييش ؟؟؟؟

لأنكم اذا تيمعتو بالسوووق لازم تمرون على محل ميك اب وكل وحده تشيش الثانيه و تشترون شغلات يمكن مو معتازينها !! أنا وحده مره شريت من ماك بس عشان رفيجتي دشت وقعدت تشتري وتقولي شووفي شوفي هاذا اشحلاته يالله اخذي شوراج ..!! ضيعت فلوووس عالفاضي ...


بس اذا قعدتو بالبيت ماكو تشييش صدقوني


حطو قهوه وجاي و حلو وفطاير و سمبوسه ومكسرات وهالسوالف .. والله بيروح الوقت وانتو مو حاسين ....:eh_s(21):




.
.
.



ثالث شي ..

سالفه الحلو والففطاير اللي ناخذهم للزوارات ...!! على ابو بنكشخ نروح نكسر الميزانيه ...!
اذا ناس شوي غريبين ... مايخالف مو حلوه ناخذ اي شي ... بس اذا ناس ميانه .. يعني زوارتكم للبيت العود .. او بيوت خوالج أو عمامج .. أو رفيجاتج اللي حيييييييل قريبين منج ... بدال لانطلب حلو غالي .. في طريقه انا الحين اسويها .. لإني أحب المطبخ ..


تعرفون خليط الكيك الجاهز ...!!! اللي ب500 فلس .. واللي ب600 فلس؟


ممكن تسوون وايد اشياء .. ووايد نكهااات .. والافكار واااااااااااااااايد بالمنتديات ..

أنا ابسط شي اسويه .. أخلط الكيك وادخله الفرن .. ولمن تطلع كيكه اسفنجيه رووووعه .. اتفنن بتزينها !!


مثلا صبي عليها صوص توفي وزينيه بلوز أو قستق..




شوفي اشحلاته ..

.
.


أو صبي عليها صوص كاكاو زينيها بسبرنكلز تلاقينهم بمركز سلطان ...



او كسري عليهم فليك ..




.
.
.
أو في طريقه اسهل ..


تعرفون الكب كيك الجاهز اللي بربع دينار جنه 4 حبات من المطاحن.. فيه كاكاو و فيه فانيلا .. اخذوه من المخبز نفسه او من الجمعيات .. بس زينيه بدريم ويب وكسري عليه اوريو بيطلع وااااو




.
.






ماراح يطلع عليج الشغل كل على بعضه دينار ... ومع هاذا الكل بيسألج عنه .. وافتخري انه شغل ايدج .. وحري البنات اللي مايدشون المطبخ لوووووووووول



و مع الوقت اتفقو كل وحده اتييب طبق.. تصير سفره حلووه :


.
.


بس المعجنات .. ماعرف بصراحه .. اخذ سلة الساندويش من محل جوكليت ... تطلع ب3 ونص تقريبا حشواتها وايد حلوه .. وموغالي ..

.
.



هاذي بعض الافكااااااااااااااااااار ..


الحين بقوم عندي شغل .. انشالله ارد واكمل الموضوع .. وابي منكم تفاعل وافكااااااااااار حبايبي .. بااااي

 

[شيــوخه]

وااااااااااااااااي يا حلاتج ويا حلاتج افكارج ماتصيرين يارتي احب جمعات البيت ولمه وسوالف الحريم سوالف الحريم عاد السنعه مو حش ونتف بخلق الله

ومن ناحيت الاكل والله الي ايني احب انا اسوي يا كيك يا اشتري لانه فطاير ماعرف اسوي بتعلم ان شاءالله

اما من ناحيتي انا ماني موضفه بلبيت بس والله هم المصروف الي يعطيني اياه ريلي مرات مرات يكفي وعلى الله

ويلا علمينا على افكارج الحلوه بعد شنو عندج

 

[aengineera]

والله خوش افكااار
بعد نبي حل حق المليون هدية اللي بالشهر مرة ولادة مرة بيت مرة زواج واااي ما نخلص
والعروس صالون وبدلة بالشي الفلاني صج اللي تزوجو اثنين واللي ينو الفين
ويالله عطينا من افكارج الحلوة

 

[خجل العذاأارى]

موضوع رووعه ويالله ناااااطرينج نبي نستفيد خصوصا انا وحده اول ماينزل المعاش ايدي تحكني مارتاح الا لما افسفسه كله واقعد نص الشهر فقرااااااااااااانه,,,,,,,,,,

 

[لبا^زولي]

افكارج رووووووووووووعه يعطيج العافيه

 

[MJ_LoVeR]

اهلين حبااايبي نورتو الموضوع ..

و ترى انا مو خبره ولا شي انا توني باديه اضبط أموري .. يعني انا ابي منكم افكاااااااااااااااااااار بعد ...

شاركوووني... :eh_s(21)::eh_s(21):

 

[MJ_LoVeR]

.
.





في فكره للناس اللي يشترون سيديات الاغاني الاصليه ...!!

بدال لاتشترون من فيرجن السيدي الواحد على 5 دنانير ..



روحو اشترو السيديات الفاضيه من الجمعيه اببلااااش .. وحملو الاغاني من الانترنت ومن المواقع المعروفه على هالسيديات بلاش ...

انا مشكلتي بالالبومات الاجنبيه .. اتعب على ماأدورها بالنت واذا لقيت بفلوس.. يبون رقم الفيزا و مادري شنووو!! ليما طحت على موقع اسمه mp3 world تلاقون فيه كل شي وببلاااش بعد



أو







إذا عندكم جهاز ايبود حملو الاغاني عليه مو كل مره سي دي يديد وركبو بالسياره بالتوصيله مالتها .. وبس



أو



اذا مالكم خلق وتبون شي جاهز .. اكو محل بسيتي سنتر الشويخ .. عنده الاصلي ويقولج اذا تبين اسويلج نسخه من الاصلي بدينارين .. شغله وايد نظيف وصااافي

 

[سلايل*عبس]

امممممممم خووووش موضوع

بس عندي شغل لي عووووده

 

[MJ_LoVeR]

استخدمو تلفون البيت حق المكالمات الطويله.. والقصيره بعد...!!!




لاتقولون بدق دقيقه و بصكره .. والله شركات الاتصالات نهيبه بسرررعه يطير الرصيد و لمن احسبها الاقيها مكالمات بو دقيقه و دقيقتين بس جم مره باليوم والا ضاع الرصيد ..!!! طالما انتي بالبيت دقي من تلفون البيت ...

 

[ما أروعك!]

واااااو

خوش افكار يعطيكم العافية

انا عن نفسي قمت احاول اسوي شعري و مكياجي والشيرة بالبيت

فرق معاي صراحة بالميزانية

اللي عسى ما اسير على رفيجتي رحت صالون !

 

[MJ_LoVeR]

.
.
.



يالله بناااااااااااااااات ..



افكاااااركم ..



ابي اماكن او اشياء توووونس و مافيها مصرررررررف ..


:d
.
.

 

[PoP^Diva]

يا بنت الحلال


كللللللللش ولا روحه السينما يوم الاثنين

امبي تحسين انج هيلقيه لان الوضع ما يساعد

انا مع ريلي مرتين رحنا و كرهنا حياتنا
تخيلي يهال عمرهم 11 سنه مواعدين

والزلمات اللي اييبون عيالهم الرضع معاهم لا و يدشون بالعربانه

وع وع وع

احس الديفيديات واااااااااااااااااايد اهون

 

[MJ_LoVeR]

واااااو

خوش افكار يعطيكم العافية

انا عن نفسي قمت احاول اسوي شعري و مكياجي والشيرة بالبيت

فرق معاي صراحة بالميزانية

اللي عسى ما اسير على رفيجتي رحت صالون !

اييييي واذا عندج نفس هالجهااز



وايد راح ترتاحين .. لإنه يشيل كل شي وبسرعه ماله داعي لوية الشيره والصالون .. وتقدرين تستخدمينه كل يومين .. كل ماشفتي شعره طلعت .. طلعي مكينتج و شيليهااااااا

 

[MJ_LoVeR]

يا بنت الحلال


كللللللللش ولا روحه السينما يوم الاثنين

امبي تحسين انج هيلقيه لان الوضع ما يساعد

انا مع ريلي مرتين رحنا و كرهنا حياتنا
تخيلي يهال عمرهم 11 سنه مواعدين

والزلمات اللي اييبون عيالهم الرضع معاهم لا و يدشون بالعربانه

وع وع وع

احس الديفيديات واااااااااااااااااايد اهون

لووووووووووول انا شخصيا مارحت .. بس اللي بالدوام يقولون انهم كله يروحون هاليوم .. ويحجزون بالنت بعد ... قلت اكتب هالفكره .. آنا شخصيا عالديفيدات ...:rerrerek:

 

[أورلاسو نوفاز]

افكاركم اتيننن



في شغله حلوه انا قمت اسويها

قبل كنت كلا اروح السوق وبوكي مليان وارد البيت فاضي لاني اخم اللي ابيه والي ما بيه

بس الطريقه روحي السوق وخلي بوكج بالبيت وشوفي الي تبينه ودوني سعره واي محل بموبايلج وردي البيت وسألي نفسج اذا تبينا او لا
وروحي ثاني يوم واشتريه وساعات بتكتشفين انا مالاداعي

لانا بصراحه ياكثر ماشريت شغلات وندمت عليها بعد مارديت البيت

اب

 

[MJ_LoVeR]

افكاركم اتيننن



في شغله حلوه انا قمت اسويها

قبل كنت كلا اروح السوق وبوكي مليان وارد البيت فاضي لاني اخم اللي ابيه والي ما بيه

بس الطريقه روحي السوق وخلي بوكج بالبيت وشوفي الي تبينه ودوني سعره واي محل بموبايلج وردي البيت وسألي نفسج اذا تبينا او لا
وروحي ثاني يوم واشتريه وساعات بتكتشفين انا مالاداعي

لانا بصراحه ياكثر ماشريت شغلات وندمت عليها بعد مارديت البيت

اب

ذكرتيني الله يذكرج بالشهاااده .... هالطريقه بعد وايد حلوه .. مادري شفت ببرنامج أو قريتها بمجله ..

اذا دشيتي المحل مو كل شي حلو تاخذينه .. انتي طلعي من المحل .. وكملي مشوارج .. أذا رديتي البيت و حسيتي ان الشي اللي كان خاطرج فيه للـــحيييييييييين خاطرج فيييييييه .. وللحين متذكرته و تبينه .. !!

معناتها انتي صج محتاجته ...

بس اذا رديتي البيت و نسيتي السالفه .. اعرفي انه اعجاب مؤقت .. مووو حب حقيقي .. لوووووووووووووول:d

 

[سوسو الأموره]

والله إنج صاجه أنا بعد إجازة الأمومة هذي طيرت راتبي كله

والله بداية الشهر أطر من زوجي فلوس وهو مايقصر

وعندي إقتراح

سوي إستقطاع بـ50 دينار وخلي الكرت عند إختج أمج

وننتظر الجديد

 

[احلى البنات]

افكاركم حلوه الله يعطيكم العافيه

 

[blue diamond]

متابعه بصمت
افكاركم روعه

 

[ام فجور 2008]

صباح المواضيع الحلوة :balo:
انا بصراحه صارت عندي خبرة بهالموضوع مو مني من الظروف الي صارت لي خلتني غصب عني اوفر اخلص من شي يدش علي شي ثاني بس الحمدلله على كل حال
خليني اقولج طريقتي وان شاءالله تستفيدون منها

اول شي كانت عندي فيزا والحمدلله انا ماكان مبلغ وايد يعني قدرت بشهر اني اسكرها وافتكيت منها ومن بلاويها
ثاني شي الي سويته اني فتحت لي حساب ثاني غير الي ينزل عليه راتبي ويفضل تقولين حق البنك انج ما تبين بطاقه حقي وحق بنتي واسوي استقطاع 100 حق حسابي توفير هذا يكون توفير ماا جيسه الا للحاجة الله لا يحوجنا حق شي
والي احوله حق بنتي توفير ومصروفها ابوها يعطيني ياه لاني انا الي اشتري لها الاغراض
ثالث شي سوي لج عمل خيري كفالة يتيم او اي شي كل شهر يقصون منج عشر دنانير صدقيني ماراح تحسين فيها
انتي لو تروحين الجمعيه بتقطن اكثر من عشره قطيها على شي يفيدج باخرتج وغير هذا شوفي ربي شلون بيوفقج خصوصا انج قاعدة تساعدين يتيم
وكل شهر يقصون منج عشرة بس وكل بين فترة والثانية يدزون لج تقاريره
صدقيني راح تستانسين لمن تشوفين التقارير ويدزون لج شهادته الدراسية وشلون تطور الولد او البنت
ثالث شي قسمي راتبج عدل عدل
وخلي مصروفج على الاقل كل اسبوع عشرين
ومو شرط بشهر واحد تشترين كل الي خاطرج فيه والسوق انا اعجبتني فكرة الاخت ان مااحط في بكوي ولا فلس
دخلي على هالموضوع وان شاءالله تستفيدين
http://www.q8yat.net/showthread.php?t=244364

http://www.q8yat.net/showthread.php?t=244364