=_=_=عيادة أسنان مضمونه حق تبييض وتنظيف الأسنان=_=_=

[احلا_ريومة]

قوه عضوات منتدى كويتيات
الموضوع مبين من العنوان أبي أعرف وين أحسن عياده ومجربينها حق تنظيف وتبييض الأسنان؟ منو أحسن دكتور بهالشغله؟ يريت تفيدوني بهالشي وأكون شاكرتلكم

 

[حبـك سـراب]

اعتقد عيادة الميدان حلوو شغلهم والحكمه بعد << حلووو حييل ,,

واتمنى البنات يفيدوونج........

 

[Dallo3ah]

رفيجتي بيضت اسنانها بعيادة الميدان ... تمدح شغلهم بس تقول انها ردت للونها الطبيعي بعد 6 شهور

 

[روحـ روحه]

كل اللي سووا تبييض رجع لونهم الطبيعي بعد فتره قصيره يعني مايشجع الواحد يسوي تبييض

 

[sharoo_e5]

بنات على حسب

اذا البنت تشرب قهوى وشاى وسجاير لازم يرجع اللون مثل الاول واكثر ويعتمد من وحدة لاخرى انا عندى للحين زين

 

[nono78]

بنات الميدان جم يسوون التبيض ؟؟

 

[رمز الترف]

نفس السؤال

 

[Viva La Vanilla]

طيبة كلينك عند دكتور محمد رمضان
احدث جهاز فعال للتبييض جهاز زووم
170 دينار
و فعلا الاسنان لمااا يكونون بيييييييييييض حدهم يشوقون
خصوصا برمضان من غير مكياج
مالج الا بشرتج الصافية و اسنانج اللولي

 

[music_teacher88]

طيبه كلينك صج اسعارهم تينن

انا سمعت عن الحكمه ان زيين بالتبيض بس ماجربت الصراحه يمكن اجرب طيبه كلينك

 

[Viva La Vanilla]

طيبه كلينك صج اسعارهم تينن

انا سمعت عن الحكمه ان زيين بالتبيض بس ماجربت الصراحه يمكن اجرب طيبه كلينك

الحكمة بجم اللي عندهم
و تاكدي اذا جهاز زووم او لا
لانه اقوى واحد
اذا ارخص بسوي عندهم

 

[jaggy-cat]

قوه عضوات منتدى كويتيات
الموضوع مبين من العنوان أبي أعرف وين أحسن عياده ومجربينها حق تنظيف وتبييض الأسنان؟ منو أحسن دكتور بهالشغله؟ يريت تفيدوني بهالشي وأكون شاكرتلكم

[frame="1 50"]عزيزتي انا انصج بمركز المنار الطبي عند الدكتور احمد الهق جراح سوري بس والله من غير مبالغه الرجال شاااااطر ويخاف الله ومحترررررم انا سويت عنده تبييض اسنان بالليزر ب 125 دينار تميت تحت ايده تقريبا ساعتين بس لما خلص هو استانس اكثر مني تدرون ليش؟ قالي انتي من بين 10 اشخاص سويت لهم تبييض وماشاء الله طلع لون الاسنان بياض طبيعي .[/frame]

 

[Daffodil]

بنات وين مكان عيادة الحكمه و منو احسن دكتور عندهم وشلون اسعارهم <<< تحقيق

 

[A7la 7la]

انا جربت دنتل كير اللي بالفروانيه خرررطي وأسعار غاليه على الطل...!!

سوولي تبييض بالليزر يمكن ب190 دينار أو أكثر .. وبالنهايه طلع لون ضروسي لونين ..!
يعني القريب من اللثه ماتغير لونه..! بس الامامي واللي يبين اذا ابتسمت .. يصير لمن اتعرض للهواء ..!! يعني اذا ضحكت واجد او تكلمت واجد وتعرضت اسناني للهواء يصير لونهم ابيض حيل ..!! يعني لونين صار عندي..!!!

وشغلهم بالحشوات مو مضبوط .. الدكتور اللي سويت عنده أسمه عصام اليتامى

 

[الوهوه]

آنا سامعة عن عيادة <دنتل إيت> في مجمع البحر -في حولي..

 

[blue ocean]

بنات انا كنت بسوي كلش
بس عقب قالولي مو زين يفتت
الاسنان !! :/

 

[شندوخه]

انا اسوي تنظيف عند انترناشونال كلينك

 

[احلا_ريومة]

شاكرتلكم ردودكم وتفاعلكم مع موضوعي .. بس انا سمعت انه بعد 20 سنه من تبييض الأسنان راح يطيحون .. يعني لهم جانب سلبي على المدى البعيد على اللثه ويسبب سواد اللثه فا منو سامعه بهالشي او عندها علم فيه سواء اذا كان اللي سمعته صح او غلط يريت الإفاده؟
وبعد اذا وحده سوت تبييض شنو الآثار الجانبيه اللي لاحظتها؟
وشنو أحسن طريقه للتبييض؟ ليزر او اي شي ثاني؟

والأهم .. منو جرب عياده د.بدر الأنصاري اللي بالسالميه؟

 

[احلا_ريومة]

بنات على حسب

اذا البنت تشرب قهوى وشاى وسجاير لازم يرجع اللون مثل الاول واكثر ويعتمد من وحدة لاخرى انا عندى للحين زين

يريت للإفاده وين سويتي تبييض الأسنان؟
شاكرتلج مرورج

 

[احلا_ريومة]

الحكمة بجم اللي عندهم
و تاكدي اذا جهاز زووم او لا
لانه اقوى واحد
اذا ارخص بسوي عندهم

جهاز زووم اهوه احدث وأحسن شي؟
انا الحين احترت بين الحكمه وطيبه كلينك .. منو احسن ؟ من ناحية الدكاتره وشغل مضمون واسعار زينه
ويريت اللي تعرف عن الحشوات بعد وين احسن شي واي دكتور

 

[Viva La Vanilla]

جهاز زووم اهوه احدث وأحسن شي؟
انا الحين احترت بين الحكمه وطيبه كلينك .. منو احسن ؟ من ناحية الدكاتره وشغل مضمون واسعار زينه
ويريت اللي تعرف عن الحشوات بعد وين احسن شي واي دكتور

انا ماجربت الحكمة
بس طيبة مضمون 1000%

و يفتح 9 درجات تقريبا حسب لون اسنانج

عند دكتور محمد رمضان
و المستشفى بادارة كويتية و عيال الديرة
و الحشوات جنه ابها زينين
بس ماجربتهم