دلوعة الكويت
New member
- إنضم
- 29 أكتوبر 2004
- المشاركات
- 757
- مستوى التفاعل
- 0
- النقاط
- 0
- العمر
- 40
*--.=."_="][][_*<>-[^]-<>*_][][=_".=.--*
وعرفت اني محال القى وطن وان القلوب اغراب!!
*--.=."_="][][_*<>-[^]-<>*_][][=_".=.--*
على مرقاب شوقي جيت ياشوقـي وياْلمرقـاب
انا وجروح راع الحـب ننعـى الحـب للفرقـا
وعلى ماحطت رحال الركايب وارتكى المنصاب
لمحت براس مرقاب الهـواوي بالسمـا برقـا
لمع برق وكفخ طير المشاعر والخفوق ارتـاب
وقف كل التعب بابواب غيـث القلـب للطرقـا
وقفت بكل مافيني من الغربـه مـن الاتعـاب
وقفت وداخلي جرد الغصـون الممحلـه ورقـا
نهض حلمٍ تغيب ايام عمـري لانـوى بغيـاب
رقا لاقصى حدود الشوق والمشتـاق والمرقـا
انا ماكنت احسب ان الكريـم البـارق الجـذاب
معه تسري بي احلام الخيـال وتتجـه شرقـا
احس اني كما طيرٍ نهض ريش الجناح اسبـاب
يبي عل النصيب الزيـن يرقـا لاغـدى يرقـا
وانا مثله نويت اطوي مسافـات الديـار كتـاب
ابي يا علهـا تبـرا عـروق بالحشـا حرقـا
وصلت لباب لاعقبـه ولا قبلـه وقفـت فبـاب
عليه من الهبوب علوم سافي يطـري الدرقـا
رجف كف وزفر صبر وفتح حدب الضلوع ابواب
هنا كنت وهنا كـان الـوداع وعينهـا الغرقـا
سألت وردت اسوار المبانـي صوتهـا مرتـاب
تصيح وكنهـا تنعـى الوصـال بدمعـةٍ زرقـا
يجاوبها شجر سدرٍ بكى لين الـورق بـه ذاب
ويزيد هيا م لاغنّت عليه مـن الشقـى ورقـا
بكت كل المعالم في غيابٍ ما حسـب بحسـاب
صفق كل المكان كفوف وصـلٍ توهـا عرقـا
فهمت اني على باب المحـال المانـع الغـلاب
خسرت اللـي غلاهـا بالحنايـا فـارقٍ فرقـا
وعرفت اني محال القى وطن وان القلوب اغراب
مدام ان المحال اقرب من اللـي بكّـت الورقـا
رجعت بحلمي وشوقي الى نفسي الى المرقـاب
الآ لاعدت يابـرق السحـاب وطـاري الفرقـا
للشاعر/ عايد الشمري
