6 آلاف دينار.. للمتزوج من ثانية (تم دمج المواضيع المتشابهة)

[el7ob Klah]

كتب عبدالله الشمري:
بات بإمكان المواطن الكويتي المتزوج والحاصل على قرض الزواج الحصول عليه بمبلغه الجديد البالغ 6 آلاف دينار مرة أخرى اذا تزوج من امرأة ثانية. ولكن بشروط أوضحها مصدر في بنك التسليف والادخار لـ«الوطن» بأن تكون الزوجة الثانية مواطنة كويتية بكرا لم يسبق لها الزواج، أو كويتية مطلقة أو أرملة لم يتقدم زوجها الأول بطلب قرض الزواج. وكذلك اذا كانت الزوجة مواطنة كويتية مطلقة أو أرملة من زوج غير كويتي.



http://alwatan.kuwait.tt/ArticleDetails.aspx?Id=113905&YearQuarter=20112

 

[يالله الجنه]

رد: 6 آلاف دينار.. للمتزوج من ثانية

مستحيييييييييييييييل تكون 6الاف للزوجة الثانية يمكن الاولى وبس عسى الله يهدهم إذا صج والله لايوفق كل واحد يتزوج على مرتة احتريييييييييت والله

 

[منو انت]

رد: 6 آلاف دينار.. للمتزوج من ثانية

انتي مثلي قبل خمس دقايق حطيت موضوع من الخرعه بصراحه مو خوش خبر

 

[one two 3]

رد: 6 آلاف دينار.. للمتزوج من ثانية

قانون نفس ويهم ما منهم فووووووووووووووووووووووووود

 

[حرم راشد الماجد]

رد: 6 آلاف دينار.. للمتزوج من ثانية

عطوهم 2000 عطوهم سته عطوهم مليون ما يأثر اذا الريال يحب مرته لو يعطونه كنوز الدنيا كلها ما تزوج عليها

واللي يبي يتصيد ومشتهي يغير لو منتف وما عنده الا قمل ثيابه هم بيروح يتزوج

وبالنهايه الزواج قسمه ونصيب

 

[دلوعه دجــه]

رد: 6 آلاف دينار.. للمتزوج من ثانية

يعني الي يبي يتزوج بترده الفلووووس.؟!

الي حاط في باله الزواج وحتى لو ما عنده فلس حمر راح يتسلف >>شوووووف عيني
والي مايبي العرس حتى لو يعطونه ملايين ماراح يفكر

كبروا عقلكم الحب مو بالفلووووس ينباع

والله يرزق عيالنا واخواننا ب 6 الالاف ويوفقهم

’’

 

[ريشة بيضاء]

الدولة تشجع الكويتيون على الزواج بزوجة ثانية بمبلغ 6ألاف دينار كويتي

الخبر الأول من صالح الرجل
_03BA:_03BA:_03BA:
بات بإمكان المواطن الكويتي المتزوج والحاصل على قرض الزواج الحصول عليه بمبلغه الجديد
البالغ 6 آلاف دينار مرة أخرى
اذا تزوج من امرأة ثانية. ولكن بشروط أوضحها مصدر في بنك التسليف والادخار ​

*بأن تكون الزوجة الثانية مواطنة كويتية بكرا لم يسبق لها الزواج، ​

*أو كويتية مطلقة أو أرملة لم يتقدم زوجها الأول بطلب قرض الزواج.​

* وكذلك اذا كانت الزوجة مواطنة كويتية مطلقة أو أرملة من زوج غير كويتي.​

كماهو معروف ان قرض الزواج
(الفين هبة للمتزوج من الكويتية - و4ألاف قرض يسدد50دينار كل شهر)​

تعليقات قراء الجريدة عجيبة ​

المصدر​

الخبر الثاني من صالح المرأة​

:sfg::sfg::sfg:
خبر حلو للارامل والمطلقات​

اعلنت اللجنة الاسكانية رفع القرض الاسكاني للمواطن والارملة والمطلقة الى 70 الف دينار
يتضمن شروط وقواعد واجراءات منح القرض.​

ان هذه المشروع ابرز هواجس الوزير أحمد الفهد الذي يأمل ان تحصل اخته المواطنة على كامل حقوقها في الرعاية السكنية اسوة باخيها الرجل.​

شروط حصول المواطنة المطلقة والارملة على القرض الجديد ان تكون تجاوزت الـ 30 عاماً من العمر كيلا يساعد هذا المشروع على تفاقم ظاهرة الطلاق بين الكويتيين.​

المصدر​

 

[ام عبدالقادر]

رد: 6 آلاف دينار.. للمتزوج من ثانية

بنات الخبر اكيد ولا لالحين اقتراح :eh_s(16):شالفايده يعنى يبون يشجعون الرياجيل يتزوجون على حريمهم عزالله ماعنده سالفه الى طلع القرار الله يستر شكل ابو عبدالقادر اول واحد يطبق القرار :krkrkr:

 

[احطبة دامه]

رد: 6 آلاف دينار.. للمتزوج من ثانية

اشفيكم يابنات لاتصيرون نحيسات خلوهم يتزوجون بنات ديرتهم الرجل الكويتي قاعد يتعرض العملية اختطاف من الوافدات العربيات والاسيويات بنات ديرتهم احق فيهم يعني يتزوج عليج كويتيه احسن تاخذه منج فلبينيه او شاميه والحين دشو بالمنافسه الافريقيات اعقلو الله يهديكم خلهم يقضون على العنوسه

تحياتي

 

[*peace*]

رد: 6 آلاف دينار.. للمتزوج من ثانية

اشفيكم يابنات لاتصيرون نحيسات خلوهم يتزوجون بنات ديرتهم الرجل الكويتي قاعد يتعرض العملية اختطاف من الوافدات العربيات والاسيويات بنات ديرتهم احق فيهم يعني يتزوج عليج كويتيه احسن تاخذه منج فلبينيه او شاميه والحين دشو بالمنافسه الافريقيات اعقلو الله يهديكم خلهم يقضون على العنوسه

تحياتي

قولي لبعلج العزيز يروح يتزوج

ل وانتي خطبيله بعد

شقاعده تخربطين انتي شقاعده تقولين !!!!:eh_s(10):

 

[هيونه.المزيونه]

وووووووووويع

اسوء خبر سمعته بحياتي


وااي يمه ريلي يهددني بالثانيه

الله لايبارج بالي فكر بهالقرار

 

[فراااوله26]

الله يلعن القرار استغفرلله

 

[*الماضي على ويش نعيدهــ*]

في رياييل عندهم ملايين وما تزوجو على زوجاتهم
يعني ما فرقت ال6 الاف :/

 

[ام _خلودي]

مو خوش بشااره ولا يقهر اكثر اذا يبي يتزوج مطلقه او ارمله لازم ريلها السابق مو كويتي يعني حدهم طيحوا حظ المطلقه والارمله الكويتيه

 

[& شرطان الذهب &]

والله ماترده السته ولا مليووون الرجال اذا يبي يتزوج مايرده شيء

بس سبحان الله شلون القرار هذا وافقوا عليه لو معطين معاشات لربات البيوت والله ابركلهم عز الله ما عين خير اللي حط القرار من دعاوي الحرييييييييييييييييييييييم

 

[@فطفوووطه@]

والله اللي بيتزوج ماتردده الفوس يتزوج لو بقرض وماراح يرده شي

 

[q8tyah]

الله يعين حريم الكويت والله بيصير فيهم ضغط وسكري وقلب من ورا هالقرارات ،ماخلصوا الحريم من المنحه ومشاكلها الحين طالعيلهم بقرار ٦٠٠٠ للزوجه الثانيه

 

[مسك81]

حسبي الله عليهم بدال مايطيحون االقروض يهدمون بيوت

 

[Čut!e Quèéи]

الهدف من القرار حل مشكله العنوسه
(( للكويتيه البكر لم يسبق الزواج لها من قبل ))

اعتقد ان الريال ماتشيشه 6 ألأف لانه لو يبي يتزوج يقدر يتسلف ولا ياخذ قرض
مو راده شي بس الطريقه هذي مسوينها حل مشكله العنوسه اولاً و المطلقات من اجانب ثانياً

لان قليل البنت البكر الصغيره ترضى تتزوج ريال ابو عيال وعنده زوجه
وبعدين زين خل كل واحد ماخذ اجنبيه يتزوج الحين كويتيه ماعنده عذر

 

[نحوله عسوله]

ما اقوووووول الا


الله لا يوفق اللي حط هالقرار


واللي تقووول انه البنت البكريه ما تبي ريال ابوعيال

حبيبتي انتي غلطانه والله بهل الوقت توافق ع كل شي بس تشم ريحت ريال