3 بنات وولد - الله يحفظهم ويصلحهم

[مفرفشة ومنعنشة]

السلام عليكم ورحمة الله وبركاته
شلونكم يا امهات
ودي اطرح عليكم موضوع ونتناقش فيه

تفكرين تحملين بعد مره ولا لأ ؟

انا عندي الله يحفظهم 3 بنات وولد :hjy5jewf:
وما ادري احيانا افكر احمل بعد مره واحيانا اهون :bbbiu:
احيانا اقول ودي بولد ثاني ، واحيانا اقول الحمدلله 4 يهال كافي :080402ask_prv:


( على فكرة انا احب بناتي واموووووووت فيهم - الله يصلحهم ويستر عليهم - واحب وليدي واموووووت فيه - الله يحفظه ويصلحه ، وما افضل الولد على البنت ولا افرق بينهم )


بس حبيت اوضح هالنقطة عشان ما يطلعون لي بنات ويكتبون
رجعنا لعصر الجاهلية - ردينا لزمن وأد البنات ........ وغيره من الكلام الي ماله معنى :eh_s(14):

المهم ... نرجع لمحور حديثنا

جم ياهل عندج ؟
بنات ولا صبيان ؟
تفكرين تحملين بعد ولا خلاص ؟

طبعا كل شي بايد رب العالمين سبحانه احنا بس ناخذ بالاسباب

ناطرة تفاعلكم يا امهات :eh_s(17):

 

[بقلبي انت]

وانا مثلج بعد عندي ثلاث بنات وولد وودي احمل واجيب ولد ثاني عشان ولدي
وبالنسبه لي ومتفقه مع زوجي ان سته كافي علينا نربيهم واذا صار زياده بعد الحمدلله لا اعتراض علي حكمة ربي
لاني مااخذ حبوب مانع واللولب ماناسبني وماشية علي طريقة العزل

 

[أبله أريج]

ليش لا ؟؟

الذرية حلووووووووووة

 

[مواصله]

مثلج عندي 3 بنات وولد ربي يحميهم وافكر احمل مره اخيره واقفل خلاص واتمنى ربي يرزقني بأخو لوليدي ولا مانع لدي من توم اولاد

 

[أم يزيد &سديم&]

جم ياهل عندج ؟
3
بنات ولا صبيان ؟
ولدين وبنت
تفكرين تحملين بعد ولا خلاص
لا ستوووب

 

[Tame]

أنا عندي ولد واحد ومااااااافكر ايب ثاني الا لما يدش الحضانه مع ان قبل مفكره لي صار سنتين احمل بس اسم له عليه توه سنه وحركي ومساوي انقلاب فالبيت ولا اقدر اروح بيت احد وعقب ودي أوقف عقب الثاني لي يدش الثاني للمدرسه ايب الثالث بس مومن حده العدد لان كل طفل ابي اعطيه حقه فالاهتمام والتربيه ومابي احرمه من شي والحياه اختلفت عن قبل صار الوضع صعب الحياه قبل بسيطه وسأله اللحين لا بس مفكر ايب اكثر من ٤

 

[Winter Q8]

عندي ولد واحد عمره سنه ..
و اكيد ودي له باخوان بس للحين مافكرت احمل و مادري متى ربي يقسم لان حملي عزيز ..

 

[بنت جنيف]

انا عندي بنتين وولدين لله الحمد مفكره احمل حمله وحده بعد ٣ سنين اذا الله كتب ولدي الصغير ٤ شهور عمره وانتي حملي لاتفكرين يبيلج اخو لوليدج

 

[qazlaan]

بنات انا الي ودي احمل بس خايفة ومتردده انا عندي بنت وولد بنتي عمرها ٣ سنين والولد عمره سنة وسبع شهور.بنتي راح تبدأ الروضة في شهر يناير والمدرسة قريبه مني لازم اروح اوديها مشي. واقول لنفسي صعبة تكون عليج حمل وولدي صغير اخذه معاي نروح مشي ونرجع مشي وماعندي احد يساعدني وعالفكرة هالفترة انا عايشة بره. ف ماادري شنو رايكم احمل ولا ااجل انا عن نفسي افكر احمل اذا الله اراد في السنة الجاية في شهر مايو.

 

[دارسين]

بصراحه انا مادري شنو ابي عندي ٣بنات وولد نفسج

اغلب الاحيان يغلب علي مابي جهال بس ارد واقول حرام اكون انانيه

ابي اخو لولدي وموعارفه الله شنو كاتب

 

[%F&R%]

انا عندي ثلاث بنوتات ودي ايب يهال بعد وماودي اقول الحمدلله كافي
والي مشجعني ان ريلي مايبي يهال بعد يقول كافي علينا ثلاثه
انتو شرايكم
Qalzaan انا اقول اذا تبين يهال يبي بس يبيلج احد يساعدج
يعني بيبي ستر بس الي تروح وترد ماتقعد عندج او بفترة حمالج خلي احد من اهلج يقعد عندج اذا يقدرون

 

[توحه1]

انا ولله الحمد عندي ٤ اولاد ربي يحفظهم ويحرسهم وقاطه الحبوب هالشهر واحلامي تفسيرها يقول ان الولد الخامس ياي بالطريق
ربي لك الحمد كلهم حلوين وخيرونعمه من ربي سبحانه اتمنى البنت بس اشكر ربي على الولد ربي يهديهم ويحرسحهم ويرزقني برهم

 

[توحه1]

وودي اكمل ذريتي ٦ وبس رحم الله امرعرف قدرنفسه
سواء الاثنين بنات او اولاد اوولد وبنت المهم تمام الخلقه والخلق واصحاء لازياده ولانقصان باذن الله

 

[اناظرك وكلي حزن]

انة عندي بنت وحدة عمرها سنه وشهرين والثاني ياي في الطريج والصراحه خلاص مافكر في اكثر لان التربيه جد متعبه

 

[مفرفشة ومنعنشة]

الله يرزق كل وحده ما تتمنى يااااارب

 

[mannawy]

عسى ربي يحفظهم ويخليهم لكم يابنات. احس كل اثنين ورا بعض وبعدها فجه سنتين وبعدها مره ثانيه جذي رحمتي نفسج وعطيتيهم حقهم.
وباالنسبة لصاحبة الموضوع اذا فيج شده كمليهم 6. والله عزوه احنا اربع ولدين وبنتين ولي يا وقت الزواره وواحد مو موجود يفرق وايد ويضيق خلقنا وخالاتي وخوالي 10 ماشاء الله اليمعه تونس حدها ماودج تردين البيت.
وطبعا هالموضوع راجع لج ولظروفج والله يكتبلج اللي فيه الخير

 

[منور الإماراتية]

الله يسهل ويقــدر

اانا عندي بنوتــة عمرهـا الحين شت اشهــر

وما افكر هالفتره اقلها سنتين لاني والده بعمليه اولا

واباا اعطي نفسي فرصه علشان اقدر اولد طبيعـي

والحمد الله انا وريلي مخلينها على الله

 

[توحه1]

الله يرزق كل وحده الي تتمنى بس احس موحلو بس ياهلين شويه 4 حلوين والله يهديهم وويرزقنا برهم ويصلحهم ان شاء الله

 

[ام دندوونه]

انا الحمد الله عندي ولدين وبنتين الله يحفظهم يارب وكنت اخذ بينهم فترات طويله بس ناويه خلاص من تكمل بنوتي سنه احمل ان شاء الله ياحلوهم لما يكبرون ويا بعض والله يعين علي التربيه

 

[PuPa^^SWeeT]

انا بنتين


بعمر الروضة



واكيد افكر احمل



بس للحين ربج ماكتب



و انا عالنية