2/21 ( تعالي قولي شلون كان أول يوم دراسة وياج )

[حــبـوبــه]

شصار وياج اليوم باول يوم دوام للكورس الثاني!؟ 21/2/2010 ( للفرفشة )..

السلام عليكم
شلونكم بنات

طبعا انا معرضة المخدة ومو قاعدة الا الظهر >> اي ما تنلام خريجة وبطالية
عاد قلت أفتح هالموضوع حتى كل وحدة تقولنا شلون كان أول يوم بالدوام
واااي متضايقة احس فاقدة شي، اختي واخوي مداومين كلياتهم وانا قاعدة بالبيت احس
مو معودة على الربادة ودي ادرس


الموضوع واضح قولي لنا تجربتج لليوم شلون كانت
من ناحية جم مادة عندج وجم دكتور داوم وجم دكتور اعتذر ومتى قمتي من النوم
وهل قمتي متأخر ولا مبجر، وهل صار حدث اليوم كدرج او العكس ونسج
كنتي متضايقة او انصدمتي من جم دكتورة ودكتور؟
ومنو الي كدشكم باول يوم دراسة واجبات وكوزيات
وشلون بدا يومج من أول ما قعدتي من النوم
يعني من هالأمور..


باختصار سدحي لنا أول يوم لج بالدراسة للكورس الثاني 2/21/2010

:eh_s(9):
نبي تفاعلكم
​

 

[بنوتـــ عسل ـــة]

مبرووووووووك والفال لي ^_^

واللهانا ما داومت اليوم ^_^

وبأذن الله بداوم شهر 3 ^_^

 

[حــبـوبــه]

^
^

تعجبني الثقة الي الي تخليج تسحبين على الدوام لي أول 3 ههههههههه

اب اب

 

[فجــر]

خووش موووضوووع حبيبتي

اليوووم معطه نفسي اجااااازه وباجر احتماال ادااوم :eh_s(22):

 

[حــبـوبــه]

فجر كفو كفو ساحبتها عليهم لوووووووول
بنات كويتيات:eh_s(6): كسولات صايرين

 

[esTanosh]

إمممممممممممم لا مايسوى اندااوم 3 ايام وبعدين عطله

انا هالاسبوع ساحبته

انشالله ادااوم على يوم الثلاثه الياي واقوولج شلون كان اول يوم لي ههههههه

بس ماعتقد بيصير فيه اكشنات وهسوالف لاني خلاص ادل الكليه عدل

 

[MiSs_6a7LooSHA]

خوووووش موضوع

ومبروووووووووك التخرج

اليوم بصراحة يوم عادي ورايحة وانا كلي شوق ولهفة حق شوفة ارفيجاتي والحمدلله شفتهم بس مو كلهم ان شاء الله أشوفهم كلهم باجر رحت من س7 ونص وصلت هناك دوامي كان من 8 لي 2 والحمدلله يارب سهالات ويوم حلو والله يجعل أيامنا كلها سهالات وحلوة

 

[دوناتس]

اليووووم ضيقة خلق لان عندي محاضره ولا وحده من رفيجاتي معاي
حسيت بوحشه
بس باجر رفيجتي معاي بمحاضرتين ونااااااااااسه

 

[ريـ’ـآنـهـ‘]

مبرووك التخرج مقدما


وخوووش موضوع


بس انا توني راده من الكليه

قلت احجز مكان
والحين بنام واذا قعدت ان شاء الله ادش واكتبلكم يووومي

يالله تصبحوون على خير

ويعطيج العافيه

 

[ريم البوادي]

اهلين حبيبتي \الف مبروك التخرج وبالتوفيق يارب

بالنسبه لي اليوم تسجيلي من 10 لمن 11 بللليل وبضبط جدولي وبعفس المواد

وبداوم يوم الثلاثاء بعد الاجازه العيد الوطني مايسوى اداوم على 3 ايام

فيني ضيقه وغلقه مادري ليش

 

[حــبـوبــه]

الله يبارك فيكم بنات
وتسلمون على اعجابكم بالموضوع تدرون بعد ما تطلع مني الا درر >> قلبي ويهج زين
بانتظار البنات اللي بيسدحون يومياتهم
بس انا ملاحظة ان الأغلبيه ساحبين على أم الدوام هههههههههههههه
اهو صح ما تسوى هالـ 3 ايام المفروض يعطونا عطلة..
حياكم بنات
وأب لعيون عيونكم....

 

[أميرة 22]

بداوم يوم الاثنين الجاي 2-3
لأن هالاسبوع ما في دوامات الكل غايب ..

 

[Talyan Rose]

اليوم كان عادي بالنسبه لي
سلمت على رفيجاتي وقعدنا

وطبعا تكدش من اول يووم أسايمنت يبي الدكتور الحلوو
والله يستر من باجر التكمله

 

[حــبـوبــه]

اب
اب

 

[مطيريه ميه ميه_]

انا امس اقول لاااااا ابداوم اكيد ببدا الكورس بداية كلها نشاط واهايط

مادريت الا وانا حاظنه المخده

طوفت 6 محاضرات .... يارب الدكاتره غايبين

 

[o.magic.o]

داومت اليووم أول محاضرة الساعه 10 .. وكان حيل زحمه ماكوو مسافط << كلية العلوم

قمت و رحت مسافط بوابة 6 .. من الوهقه سفطت و كان الرصيف صوبي و لازقه فيه عدل

ييت بطلع و لا الباب ما يتبطل .. جان اقوم و اشقح لكم لي الكرسي اللي يمي :O_SHH_:

بس ترى شقحت بذرابه ,,, :tomato2:

شلت نوتاتي و جنطتي .. و طلعت من السيارة بسلام .. تعدلت و تسنعت عقب البهدله

و رحت مبنى 3 و لا جني مسويه شي .. الحمدلله محد شافني << انشاااااالله لوووووووووول :eh_s(15):

المهم .. رحت اول محاضرة .. و ثاني محاضرة عقبها على طول الساعه 11 .. خذو حضور و غياب بالمحاضرتين

كان عندي لابين واحد من الـ 2 لي الـ 5 .. و الثاني من الـ 5 لي الـ 9

و تكنسلوو اثنينهم و رديت البيت عالـ 3 ونص

ـــــــــــــــــــــــــ


يسلموووو قلبووووو عالموضووع الــ نااايس و مبرووك التخرج
موفقه

 

[بنت غازي]

امممم

شفت خوياااااااااااااتي فديتهم

كانت عندي محاضره عند عبدالله العازمي علم اجتماع تربوي حلوه مبديا والله يستر من الباقي

وبعدين حضرت محاضره مهارات عند قباني من 3 لين 4 من بدايتها بدى يشرح قواعد يابووووووي

وماغير يتكلم باللغة العربيه الفصحي خخخخ بكيت وجهه

وبعدين حضرت مع خويتي محاضره مهارات عند عبدالله احمد وربي ارتحت له ليتني عنده قهر عجيييييييب

وشكله مدين ويخاف الله

تخيلي قال أنا مابي أشوف من البنت لاصدرها ولاساقها ولا ايدها خخخخخخخخخخ

إذا بطلعيلي هالاشياء رجاءا اسحبي الماده

وربي انه عجييييييييييب

ربي يوفقه


يسلمووو خيتووو على الموضوع

 

[Miss.6Mo7]

^^

أووووووف حتى أنآ صآرت لي سآلفه مع هالمصآفط .. تخيلو سيآره على يميني والرصيف ع يساري وأكو بنت اصفطت سيارتهآآآ ورآآي ورآحــت .. وأكو مجآآل بس شووي وبـ طلعت الروح طلعت سيآرتي هالحجي عقب المحاضره الاولى يعني الساعه 9 .. وبعدين هم رجعت والا المصافط فل ورحت بآركنغ 6 وركبت باص لوووول .. ووصلت بـ سلام لمحاضرتي وبـث

ومبروك ع التخرج حيآتي ..

 

[آحْ.ـٍتٍآجٍگٍ]

والله مفروض اداوم بس انا ماعرف شي :bbbiu:


كلية العلوم صحيه وين صايره ..؟


حتي جدول ماخذيت منـو تفيـدني بنـآإت :eh_s(22):


يصير بكره اروح واخذ جدول ولا مايصير !!


قسسم تعبت وانا افكر بس مدري وش اسوي

 

[الدلـع كـلـه]

انا طوفت اول محاظرتين لان كان عندي موعد ماتوقعت اطول جذي بس طولت زحمه

داومت على اخر محاظره واعتذرت من الدكتورر

اما المحاظره الثالثه داومتها من بدايتها الى النهايه والحمدالله