1600 تكفي حق لندن و باريس ؟؟

[بولندية]

السلام عليكم

شلووونكم ان شاءالله بخير ؟؟

بنات خبيرات فرنسا و لندن انا حجزت حق لندن و باريس و ميزانيتي 1600 + فيزا

و بينزلون المعاش و احنا هناك ان شاءالله يعني ما راح نجيس معاشاتنا بس احتياط بيكونون منزلينهم ان شاءالله

تهقون تكفي 1600 حق هالدولتين و انا مو ناوية اشتري ماركات و هالسوالف بليز فيدوني؟؟

و سفرتي بس 12 يوم مع الروحة و الردة ان شاءالله

واللي تعرف طريقة القطار شلون ؟؟ بنروح من لندن لي باريس بالقطار انا ناوية اسأل السفريات بس انتو حبيباتي ما استغني عن معلوماتكم

 

[اخت خالتهم]

اذا الفندق مو عليج


تكفي وتزيد

روحي واستانسي لا تحاتين
حتى لو تشترين جنطة ب٥٠٠ الباجي بكفيج

 

[بولندية]

اي احنا حجزنا الفندق مع التذاكر لان عرض =)

ونستيني بردج حياااتي و الله يرزقج الذرية الصالحة يارب

 

[سيدة الكون]

الحمدالله نعمه




اذا حقج وبس ،،، راح تستانسين أن شاء الله

 

[بولندية]

ماقصرتي سيدة الكون

 

[((غلاي))]

تكفي مصرف بدون تذاكر و سكن
تروحين و تردين بالسلامه

 

[mrs_ntfa]

shofi london 7elwa
feha fnade8 el r5eesa o el '3alya
o nafs el shay bl akl
bs farancya tra kelha '3alya
5satan etha knti bl champs eleese
ambeh eyanen !! 9ij ra7 testansen
bas ehnak el akl '3aali tra o
an9e7ech latro7n b 8e6ar
ana nezlat london then re7t paris b 6yara
coz wagteha el trains kano b7dod el 400 kd elsha5s
bs 7raam tro7en paris o matshtren markat
etha shfti el boutiques eli ehnak bet'3ayren rayech
wyd 7elweeen
1600 kd
7ag sya7a o fnd8 o akl tra etkafech
bas 7ag sog matkafech
sory katba bl english bas mafi 3arbi lapi
etha be'3eti shay
klmeny bl 5as

momken a3rf el 3rth sheno ? wdi
asafr m3a rayli bl 3eed
o m7atara
sheno e lsafaryat eli 5theti menhm o cham 6l3 3lech ?

 

[كويتيه ذربه]

بالنسبه للمصروف ان شاءالله يكفي
والقطار بين لندن وباريس اسمه يوروستار تحجزينه من النت
وحتى اذا تبينها لي ديزني لاند القطار يروح من لندن لي ديزني لاند
حوسي بالنت تلقين طريقه الحجز وفيه اوقات انتي تحددين الساعه وتقصينها من النت

 

[!amorra!]

1600 اكيد ماتكفي!!

ولاتسوي شي

اخر رحله لي وكنا 3 اشخاص كلفتنا لندن وباريس 4 الالاف وبدون تسوق بعد!!

مابي احبطج بس هالحزه راح تكون زحممممممه واسعار الفنادق والمطاعم وكل شي راح تطير وااايد

التذاكر لشخصين فوق الـ500

الفنادق اسبوع بلندن بالفنادق العاديه وعند السنتر مو اقل من 500 بالاسبوع

فنادق باريس اغلا بوايد اذا كانت بالشانز !

انا العام وباول 9 حجزت فندق كاليفورنيا بواعيس الشانز كلفني للخمس ايام 600 دينار للغرفه الوحده

بس اي فندق ثاني 500 بـ6 ايام

هذا كله 1500

يبقى لج يورو ستار تقربا من 150 لـ 200 روحه ورده لندن باريس لندن

التكاسي من المطار الى الفندق 50 باوند

المطاعم والنثريات بتكلفكم 400 دينار طول هالمده

بأي كافيه عادي بلندن القهوه والكيك لشخصين من 15-20 باوند يعني 10 دنانير

المطاعم العربيه فوق الـ30 باوند

مرا انا واختي تغدينا بمطعم لبناني طلبنا عرايس وكبة باللبن ومخلل و2 كولا ومشاوي بـ 65 باوند=30 دينار !!

حطي ابالج بلندن يوميا راح تصرفين عالمطاعم اكثر من 100 باوند يعني 40 دينار

انا اقول ياتروحين لندن بروحها لمدة اسبوع او باريس لمدة اسبوع

عالعموم من 20-8 اغلب فنادق لندن محجوزه والله لو تشوفين الناس عند السفاره طق عصي

بس هذا معناها انه كل شي بيرتفع

انا رايحه لندن كذا مره وتوهقت العام واضطروا اهلي يحولون لي فلوس لان كل الي معاي خلص قلت انبهج عشان ماتتعرضين لشي جذي لاسمح الله

بس انتي شوفي الحسبه

اذا معاشاتكم كل واحد الف

يعني مجموع اللي معاكم 3600

راح تكون

1300 خليها للفنادق لان ممكن تصير مفاجأت هناك

يبقالكم 2300

500 تذاكر السفر

يبقى 1800

200 لليورو ستار

يبقى 1600

200 دينار خلوها للتكاسي والاشياء المفاجأه

يبقى 1400

400 اكل ومطاعم

يبقى معاج 1000 زايده

 

[نـعـومـه]

انا بعد رايي صعبه تكفي 1600 لندن وفرنسا

 

[هناء - Hana]

تكفي وتزيد بس من دون تذاكر والفندق انتبهي..!!

 

[بولندية]

ماقصرتوا حبيباتي عالردود


بس سفرتي تكنسلت

 

[دلوعة أبوهآ]

آلله يعوضك بسفره ثانيه يآرب
خيره ان شاءالله

 

[بولندية]

الله يسلمج دلوووعة ما قصرتيي