,

[get over it]

السلام عليكم


شلونج عبير شخبارج ؟؟


حلمت قبل جم يوم اني كنت انظف المسجد الي بفريجنه وكان مثل ما اهوا بالواقع بالضبط كنت اخم المكان وكانه كان صلاه الجمعه وانا يايه بدون عباه ولا شيله وقلت الحين ابوي يطلع ويهاوشني وكنت ابي اخوي الصغير ايي عشان اخليه اييب لي من بيتننه شيله وعباه بس مالقيته وكانه القاطع الي صوب الحريم قاعدين يشيلونه وخفت انكشف بس ماشالوه!
وفجاءه نزلوا صبيان يمكن 5 من فوق من المسجد وبعد ماكان اخوي معاهم بعدين جت اختي تركض وتضحك ووراها اخوي عطتني العباه والشيله وانا البس شفت حرمتين واايد طوال وعراض واقفين لما سلمت علي عرفت انها مديره دار القران واختها بس كانوا حيل شكلهم ضخم فقلت لها شلون مس سناء قالت بخير واخته اسمها نهى مارضت تقعد قالت عندها موعد بعدين قعدت تكلم امي انها تبي تجيب وحده من اهلنه تسوي لها دوره في دار القران وعطت امي صندوق باذنجان وانا كنت ابي اوديه البيت بس قلت حق امي ماقدر اشيله ثقيل وبرا مطر فقالت مس سناء غريبه انا اعرف ان بيتكم قريب من المسجد في سلالم توصل بيتهم فامي ضحكت وقالت لا هذاك بيتنه القديم بس مو الجديد وبس
والغريب ان صلاه جمعه بس كان ليل

انا ملتزمه الحمدلله _وطالبه


الحلم الثاني حلم خالتي :
حلمت خالتي ان قاعده مع امها وبعدين شافت قطوه بيضه ركضت وراحت الغرفه قامت خالتي لحقتها عشان تطلعها واول مادخلت الغرفه شافت القطوه يم الحيه والحيه عضتها من ريلها تقول بس ماعورتها عضه صغيره وتمت عاضتها على ريلها وتنادي امها بس ماسمعتها بعدين مسكتها عشان تحذفها بعدين قامت عضت حجابها بعدين شالتها وقطتها


اهيا متزوجه _ ومتقاعده _ومنن ناحيه الديانه عاديه



وبعطيج العافيه

 

[مفسرة الاحلام]

ان صدقت الرؤيا قد تكوني انتي قاعده تسوين عمل صالح بنيتك من اجل ان الله يسر لك موضوع انتي تبغينه وقد يرزقك الله هذا الموضوع بعد قليل من الصبر وقد ياتي خير كثير عليك وعلى امك فقط والله اعلم

الرؤيا الثانيه الله اعلم خالتك قاعده تتابع حرمه ومهتمه بامرها وتبي تعرف امور خاصه فيها او فى حرمه قاهرتها ورافعه ضغطها عموما الله العالم ايضا ان هناك حرمه تكره خالتك وقد تاذيها اذى بس مو قوي فقط والله اعلم