1000 دينار بدون خدامة

[لا للخدم]

السلام عليكم
طبعا الموضوع مبين من عنوانه ...:dddds:

تخيلي تنامين للضحى و تقومين من النوم تسوين لج كوفي مع كرواسان و تقعدين تشوفين التلفزيون الصبح بدون صيحة اليهال و اللوية .. و بعدين تقومين ترتبين البيت شوي و تجهزين شي سريع للغدا بعدين تاخذين شاور و تصلين الظهر بهدوء و خشوع و اذا عندج مشوار الصبح تسوينه و ترجعين على ما يردون اليهال من المدرسة
و اخر الشهر ينزل لج راتب 1000 دينار بحسابج و انتي بالبيت بلا دوام بلا هم بلا بصمة بلاااا تدريس بلااا عوار راس..


اذا قالوا لج قعدي بالبيت و معاشج 1000 دينار بالشهر بشرط تسوين شغلج بروحج و تتخلين نهائيا عن الخدم....
توافقين؟؟؟؟؟؟

ردوا بنعم او لا مابي قصة حياتكم بليز ههههههههههههههههه لا تخربون الحلم :krkrkr:

 

[aengineera]

وجنه العيد اوافق من صجج راحة من بلاوي الخدم وراحة من بلاوي الدوااام

وحطيلي غسالة اتوماتيك
وديش ووشر
واوتي بخار
واشتراك مصبغه

وعيشي احلا عيشة لووووووووووووووووووووووول

 

[قطوه شريره]

اكيد نعم عشان نفتك من شرهم

 

[الـــ غ ـــلا]

نعم بس مع وجود سائق

 

[bint_looda]

نعم نعم نعم

 

[طيرشلوا]

مستحيل حريم الكويت يستغنون عن الخدم

بتشتط اول اسبوع اول شهر اول سنة وبعدين ترجع حليمة لعادتها القديمة :dddds::dddds:

انا عن نفسى اتمنى الخدم تنقطع تدرين ليش >>>>>>> علشان فية ناس ماكان عندهم خدم وتعالى شوفيهم يجيبون الهم وعفسة

وبعد الخدم غير غير غير لا ويعصبون :eh_s(14):على الخدامة باردة \ وسخة \ مو يايمة الواحد يشوف نفسة اول موصح

والفلوس اذا مو باول اسبوع بثانى اسبوع طارت بالسوق وقولو طير شلوا ماقالت

 

[عهود الحب]

اشلون يجي لنا 1000 دينار


انا اوافق على اقل من الالف


بس انتي شرحج لليوم بدون خدم خيااااااااااال بخيااااااااااااال


اذا ماعندي خدامة واليوم يوم مدرسي يعني الاحد الى الاربعاء


راح اقعد من الساعة 4 ونص اتسبح واصلي الفجر يالله يالله نلحق عالصلاة

واجهز الفطور واقعدهم ولما يصلون ويتريقون اوقفهن طابور وامشطهن واحدة واحدة طبعا 2 بالمدارس وولدي يكون يبطل عيونه للحين ومتملللللللللللللللللللل مابي اداااااااااوم مابي كل يوم مدرسة الى متى زهقنا والموال اليومي



اقعد ابو العيال واردلهم

وارد اقعده لأنه للحين ماقعد هاهاههااها :dddds:


عقب يروحون للمدرسة



بتحلم واقول زوجي موديهم هالمرة < باالصج ماله علاقة داوموا ماداوموا بالطقاق



بس يطلعون اتنفس الصعداااااااااااااااااء والم كشتي واروح اقعد الصغيرين وابدلهم واريقهم واقعد معاهم
والم الحوسة بعد الكبار

اشغلهم سبيس تووون واقعد اعابل الغسيل اليومي واضرب اوتي للغسيل اللي امس

اطلع الدجاجة خل تذوب من الثلج واخم البيت واغسل باقي المواعين


اطبخ الغدا < هذا بروحه قصة وفيلم >


الظهر يردون اساعدهم يبدلون الم حوستهم


اغديهم اهمه وابوهم


يريح شوي وينام وانا اجابلهم جدام التلفزيون نحل الواجبات


واثناء الحل احط ملابس المدارس بالغسالة واراكض يمين يسار معاهم ومع الصغيرات


عقب مايقعد سي السيد انسوي له قهوة المغرب ويشربها مع شاي وشوية بسكوت وكيك واللذي منه :dddds:


يطلع يروح لاشغاله انا اكون سنعت البيت عقب حوسة الواجبات وسويت العشا لعيالي وتعشوووووووا وناموا


انا اسنع البيت واكوي ملابس المدرسة

يرد ابو العيال يتعشا وانا راسي يطقطق يمينا يسارا


اقط راسي قط عالفراش واخخخخخخخ هات نوم



وبالعطل يزيد التعب والكراف



بس مع ذلك انا موافقة بشرطططططططط !



منو يشيل لي درام الغاز ومنو يقط لي كيس الزبالة بالليل


ترى جربت العيشة بدون خدامة وطلع لي قرون براسي :dddds:

 

[Shima-Style]

تـــم التصووويت >> نعم
انا بالنسبه اذا الله رزقني وتزوجت ماودي اييب خدامه اكررررررررررررررهم :eh_s(1)::eh_s(1):
الله كريم ويعينــــا

 

[Queen of Roses]

نعم موافقة أهم شيء ما أداوم في وظيفة و فوق رأسي

مدرسة اولى و ناظرة ووكيلة و موجهة و كل وحدة و طلباتها

هذا غير البنات و تدريسهم و هذي مو حالة الواجب و هذي حالة غلط و يرتفع ضغطي يعني لو شارحة للطوفة جان فهمت

و أكبر هم التصحيح أصحح الامتحان و أرصد و اجمع و أقسم و تجين ولية أمر تقول ليش بنتي ناقصة عن الشهر اللي طاف و لو تشرحين

لها السالفة لبي باجر ماكو فايدة كل الأمهات يبون بناتهم متفوقات بااااااااااااااااردة مبردة

و كله كوم و تجيج ولية امر و تقول شنو راح يجيهم بالامتحان ) خير شسالفة تبيني أقولها الاسئلة

و لو تقولينها ما أدري الامتحان عند المدرسة الأولى قالت واااااااااااااي يا نحسكم يالمدرسات ما تعلمون بالأسئلة

شتردون عليها إحنا بناتنا و خواتنا بالمدرسة بس ما نقولهم شنو راح يجي كل وحدة و ضميرها



قلت لكم قصة حياتي


بس المهم أوافق ليش لا

 

[..بسمة..أمل..]

مع اني مو متزوجه

بس نععععععععععععععععم

لاني ما احب الخدمم

 

[BiiShOoO]

ايييي اوااافق

 

[miamy]

مستحييييييييييييل

رايي مثل عهود

بيفتر راسي وبهلك

 

[الحــــالمة]

لا

تعودنا عليهم

 

[حورية آلكويت]

طبعن ماقدر لو الفين دينار

 

[أغلى حبيبه]

لالالا والف لا

مااقدر

لووووويه

تعالي جابلي البيت

واليهال

والزواره

والجمعيه

واهم شييييييييي

جابلي ابوهم

وين لج خلقه بعد

عقب لويه اليوووم كله

انا بين خدامه والثانيه اخذ بريك شهر الى شهرين فقطططط

شهرين ويوم انتحر

اذا ماوصلت الخدامه

وخصوووصااا اليهال صغار

ولوووويه وعفييييييييسه

والابو مايبي شي طايح بالقاع

شحادني

اشتري راحتي بال1000

 

[ArEEj]

كل العالم عايشين ومدبرين امورهم بدون خدم
الا الخليجيات
صدقونى اذا تعودنا عليها 6 شهور بس
بنتعود عليها طول العمر
يعنى لو يجينى راتب كامل واقعد بالبيت ماكو دوام
أطلق الخدامه بالعشر
وهو عموما يعتمد على وضع الوحده اللى عندها صغير تكون المسؤوليات اكبر
ولاحظوا شلون المصريات والعربيات عموما والاجانب ما يجيبون اطفال واجد
2 بالكثير لانه هذا يخفف ضغط الشغل عليهم

 

[لا للخدم]

مشكورين يا حلوين

 

[الدلال]

اوافق واوافق واوااااااااافق لوووووووووول

على الاقل اشتغل واكرف في بيتي وحرة نفسي مو اروح ادرس عيال الناس واتعب واكرف وليته عاجب بعد

 

[القبله]

تم التصويت

 

[**(فـيـلا دانـتـيـل)**]

ولو اني هلكانه ..
واصارلي 7 شهور بدون خدامه
واصلا كل الخدم اللي يوني 1- بوق 2- جذب 3-انحاشت 4- تطلعين من المولد بلا حمص !!!


بس مـــــــــــــــــــــــــــــــــــوافـــــــــــــــــــــــــــــــــــــــقة ..


تدرون ليش لان الخدم اصلا عله عالقلب ومومثل خدم اول
الحين تييج الخدامه اتشرط تبي بيت اصغير وتبي اجازة وتبي اطالع تلفزيون وتبي تلفون وماتبييج اتصرخيين
>> غلطانه !!!
انا اشتغل مكانهااا احسن.

طبعاا سالفت الخززززززززز = حدث ولا حرج

الصراحة الخدم موماخذين منهم إلا الهم ويركظون وراا الرياييل وقتل وبوق وطق اليهال
وسإلو اللي جربووو>>>> الله يكافينا شرهم..

بس لويحطولنا خدم نص دوام بأسعار مناسبه هذاا اهو الحل + 500 دينار انا راضيه

<< سوري طولت عليكم ههههههههه