10 أيام في دبي

[mrs_sugar]

السلام عليكم بنات
شلونكم و شخباركم
كنت في دبي من كم يوم قعدت 10 ايام و الحمدلله استانسنا وايد
حبيت انقل لكم تجربتي للإفادة

رحت بالسيارة مع الأهل أخذنا بالطريق من البيت للفندق 18 ساعة على سرعة 100كم/ بالساعة و نوقف على الراحة بس ما بتنا بالطريق. الحمد لله كانت سهالة

سكنت في مركز البستان
http://eyoon.com/goto/19995
عبارة عن 6 ابراج شقق فندقية 4 نجوم
خذيت شقة غرفتين و صالة و حمامين و مطبخ ب 95 دينار الليلة
تحت في مجمع تجاري و مدينة ملاهي ( fantasy kingdom ) و سوبرماركت

المجمعات اللي زرتها :
امارات مول
كان كبير جدا يحتاج يومين تقريبا . انا اللي سويته اني خذيت خريطة المجمع و علمت المحلات اللي ابيها و رحت لها عالخريطة و بس
مشكلته انه كان وايد غالي و المواقف صغيرة بالنسبة للسيارة يعني علشان نصفط لازم اول ننزل من السيارة علشان ما راح نقدر ننزل

برجمان
كان روعة. حلو و مرتب و اسعاره معقولة و نفسالشي حددت المحلات و رحت لها علشان ما يضيع على الوقت

سيتي سنتر
زحمة زحمة زحمة زحمة بس حلو و اسعاره معقولة
مرزك وافي
ديكوراته فرعونية , كبير , وايد غالي بس صخة ما في ناس

سوق التنين
سوق صيني كبيييير طوله كيلو تقريبا و كله بضاعة صينية رخيصة

ابن بطوطة
حلو تصاميمه على بعض البلدان مثل الصين و الهند و فارس بس مشكلته انه وايد طويل و مافي مكان ترجعين محلج بسرعة لازم تمشين كل المجمع علشان ترجعين

هذا جناح الهند
http://www.q8yat.net/attachment.php?attachmentid=4727&stc=1&d=1170915367
و هذا جناح الصين
http://www.q8yat.net/attachment.php?attachmentid=4728&stc=1&d=1170915395

الرحلات و الأماكن السياحية

ski Dubai
مدينة الثلج تقع بالامارات مول فيها الحديقة الثلجية و المنحدر , حلوة و فيها تغيير

http://www.q8yat.net/attachment.php?attachmentid=4736&stc=1&d=1170918294
حديقة الخور
و فيها التلفريك و مدينة الطفل. كبييييرة ووايد حلوة و الدخول بسعر رمزي

حديقة زعبيل
حلوة و جديدة فيها دوارف عجيييبة و غريبة اليهال فصلوا

القرية العالمية
تقع في دبي لاند. كبيرة جدا, تشارك فيها اكثر من 40 دولة بتراثها و منتجاتها يعني ك
انكم رحتوا هالبلدان و انتو بدبي. فيها العاب نارية كل ليلة
http://www.q8yat.net/attachment.php?attachmentid=4729&stc=1&d=1170915420
هذا جناح الفلبين
http://www.q8yat.net/attachment.php?attachmentid=4730&stc=1&d=1170915444

السفاري
هذي كانت رحلة عجيبة
ترتب عن طريق المكاتب السياحية تقريبا تكلف 15 دينار للفرد : يمركم جيب لاند كروزر الفندق و يوديكم البر
http://www.q8yat.net/attachment.php?attachmentid=4731&stc=1&d=1170915477
بعدين يبدأ يطعس فيكم ( يعني يشفط و يقحص على الكثبان الرملية و يمشي الجيب على تايرين ) نصيحة لا تاكلون شي قبلها و ربطوا الحزام لأكم راح تطيرون من مكانكم. بعدين توقفون و يبدأ التزحلق على الرمال. يووووونس
http://www.q8yat.net/attachment.php?attachmentid=4732&stc=1&d=1170915910
و بعدين الذهاب للمخيم و العشا

ملاحظة ي فقرة رقص شرقي اخر شي : اذا ما تبون بلغوا الشركة من اول شي يرجعونكم قبل لا تبدأ
مدة الرحلة 6 ساعات من الوناسة و الإثارة بدون توقف

اخر رحلة كانت لمتحف دبي
قمة بصراحة روعة و مرتب

http://www.q8yat.net/attachment.php?attachmentid=4733&stc=1&d=1170915910


http://www.q8yat.net/attachment.php?attachmentid=4734&stc=1&d=1170915910

ترى هالحلوة مو صجية .. عجبتني
http://www.q8yat.net/attachment.php?attachmentid=4735&stc=1&d=1170915910

و رجعنا بالسلامة برحلة استغرقت 14 ساعة

نصيحة للجميع اول ما توصلن اخذوا الخريطة و حددوا الأماكن عليها من بالليل و الصبح روحوا على طول و اذا عندكم نافيجاتور Navigator بعد احسن و احسن بصراحة انا نفعني وايد بصورة ما تتخيلونها احط المكان اللي بنروحله من الليل و هو يوديني الصبح بدون ما نضيع و يضيع علينا الوقت ضايعين

سبحانك اللهم و بحمدك , سبحان ربي العظيم

 

[New Mum]

تسلمين حبيبتي خوش شي

 

[mooomooo]

احنا بعد العطله اللي طافت رحنا دبي وقعدنا بنفس الشقق الفندقية

وصاجه تحت فيه كل شي

تسملين حبيبتي

 

[جكورة]

حمــدلله على سلامتــكم..

وصاجـــه دبـي تهبـل :eh_s(15):

 

[@ دهن العود @]

حمــدلله على سلامتــكم..

وصاجـــه دبـي تهبـل

 

[mrs_sugar]

اسعدني مروركم الغالي

 

[زلابيا]

الحمدالله على سلامتكم

وعليكم بالعافيه ..

علمتيني على اماكن يديده انشاءالله اكتبها حق روحاتنا اليايه

 

[ArEEj]

الحمدلله على السلامه
وفعلا دبي رووووعه
وكل مره نكتشف فيها اماكن جديده
بس واجد 18 ساعه بالطريق
احنا تقريبا 12-13 ساعه بس

 

[عنايد]

يعطيج العافيه ياقلبي
والحمدلله على سلامتكم

 

[نفيشه]

شوشو
ما شاء الله عليكم بالعافية
والحمدلله على السلامة
شوقتيننا على الروحة
واللي قاطع قلبي التطعيس على قولتج يتراوالي تردين فاقدة الذاكرة لا هموم ولا مشاكل ولا بطيخ

 

[رفرف]

عليكم بالعافية شوقتيني الصراحة أروح دبي ..
خبري فيها من سنييييييييييييييييين

 

[بسمة الكويت]

يعطيج العافية على المعلومات القيمة لأني ان شاء الله بروح دبي الأسبوع الجاي

 

[ساره ستايل]

حمدالله عالسلامه ولو انها متأخره

بس الروابط اللي حاطتها بموضوعج ما تتبطل .. يقول لي ان فيها خطأ

 

[الاسطورية]

ماتتبطل حسافه

مشكوره

 

[}{داشـه عرض}{]

حتى أنا ما بطلت معاي..

بس حمدالله على السلااامه .

 

[ضحـاوي]

حمدالله على السلامه

صح دبي تهبل ,,,, شوقتيني ,,, يبيلنا روحه لدبي

 

[Suwi]

3alekoom bel 3afyh

 

[bambena]

حمدلله على السلامه

 

[COOCOO-STYLE]

دبي روعه وبالسنه اروحلها اربع مرات تقريبا