السلام عليكم حبايبي عضوات منتدى كويتيات الجميل انا مابي اطول عليكم عندي مشكله لاوالله مصيبه انا مقهوره وبحاله مايعلم فيها الا الله ومادري ايش اسوي بصراحه ادعولي يابنات ارجوكم في ذا اليوم من عرفه طولت عليكم ادري بس ابقولكم وشوفوا سلمكم الله انا وحده متزوجه وعندي ولدين وبنت على قدر بسيط من الجمال يعني عاديه وينقصني اشياء واجد من الجمال وسمراء وعاطله بس والله اني اخلاق ودين ونظافه واسلوب وطيبه --- حماي تزوج على زوجته الاولى واخذ الثانيه مدرسه وحده تطيح الطير من السماء يابنات ايش اقول جمال عيون وساع وجسم فضيع وشعرطويل وسلوب وطبخ وكشخه وبياض ناصع على وردي جدتها ام امها سوريه ومن اخذها حماي وهو منجن طاير فيها من جمالها مبسوط دايم طلعات وسفرات وتمشي وناسي ام عياله وكل شي لها -----وبتقولين وانتي ويش عليك ماهي عليك صح --تدرون وين المشكله انا حماي حسبي يالله عليه طايح مدح فيها يقول انا طحت بحوريه مو انسانه وطاير حب فيها قدام زوجي ومن اخذها وهو مبين على وجهه السعاده وزوجي يقول اخوي من اخذها وهو صغر عشر سنين ومرات انا اقول لزوجي قول لخوك يخاف الله في زوجته ام عياله ويعدل يقوله زوجي ---وزوجي يقولي ردوود اخوي لاقي فرق بينه وبين زوجته الاولى جمال ووووووووووو الى اخر -- بصراحه انقهرت من كلامه يابنات وحماي له سنه ونص من اخذها -وزوجي متغير علي وصاير مايراني شي ومايتحملني ودايم يجلس مع اخوه يابنات والله اني دايم ابكي من القهر احنا في بيت واحد ودايم عيونه زايغه يطالع بجسم زوجت اخوه ترى بس اليا مرت يعني نظرات بسيطه انا جسمي تحت العادي ياربي انا شسوي خلقت رب العالمين مادخلت وشفت الخير يابنات ساعدوني انا مقهوره ودموعي ماتوقف تدرون ليش لان زوجي يقول بخطب اختها يابنات راح اروح فيها راح انجن ويقلون اختها اصغر منها واحلى بعد انا مستاهل الله لايسامح الرجاجيل الي يراكضون ورى الزين بنات تكفون ادعوا انها ماتوافق عليه وانه مايخذها انا مسلمه على قد حالي تكفون ادعوا ان البنت تروح بنصيبهاعاجل غير اجل الله يوفقها بلي احسن من زوجي انا اعرف زوجي العن من حماي ياااااااااااااارب رحمتك توكلت عليك
