اروح او لا

[دلوعه ززوجي]

قوه يا حلوات انا انبط جبدي حيل اليوم من زوجي تهواشت معه هواشه عاديه جان يقول انتي نفسيتج تعبانه روحي بيت اهليج ريحي جان اقول الحمد لله مرتاحه. واهو كل شوي يقول اوديج بيت اهليج جان اقول والله انا وبنتي. مرتاحين بشقتي طبعا انا عيشه مع حمولتي قلت انت اللي روح نام عند اهلك.  ووالله زهقانهه منه هذا شفيه يعني احسن اروح بيت اهلي. وش رايكم انتوا. والله

 

[كربون امها]

والله عاد صدقين انا مع راي زوجج اخذي شوي راحه عند اهلج
وما قال هالكلام الا فعلا انت محتاجه راحه وشايف جذي ولا تكبرين الموضوع
مع ريلج السالفه ماتستاهل 0

 

[om-3azo-83z]

انا مع راي زوجج روحي شوفي ارتاحي و ريحي نفسيتج وتعالي

 

[amami al-kuwai]

مادري صلي استخارة

 

[صغيرتي المدللة]

إذَآ إنتٍي مِحتَــآآجَه رَآآحًه رُوحٍي

أًو لٍين تحٍسِين الوَضع عًــآدٍي لآ تروحٍين

 

[Heart.LesS !!]

حبيبتي روحي ريحيلج يومين

 

[ليتني مـآ كبرت]

لا لاتروحين خليج بشقتج ماعليج منه

شنو طردة هي ؟!!!!

 

[sosowaty]

لا حبيبتي لا تروحين لا تعودين الريال انج اتنامين برا البيت

الحل انج اتعدلين من نفسيتج شوي و اذا دخل الشقه مو تكشرين ابويهه لا ابتسمي و عطيه ذاك الترحيب الي يخليه يندم لانه قالج روحي بيت اهلج

و عسا الله يسخرة لج*

 

[كليـ دلعـ]

عشنا وشفنا وياييل اخر زمن يطلعون الحريم من بيوتهم!!

صج مايستحي عيب يقول جذي

روحي لاهلج اشكره!

يعني وخري عن ويهي!

الظاهر زهقان وماله خلق فالافضل روحي لاهلج

ولاتردين لين ايي يراضيج

ع شان

مايستسهلها باجر ع ادنات الدون روحي لاهلج

 

[سمسمة كويتية]

الحل انج تعدلين نفسيتج بس
لا تروحين و لاشي

 

[سمسمة كويتية]

و ما أحس انها طردة لا تفهمينها جذي
اهو قال روحي عشان تغيرين نفسيتج يعني شايفج متضايقة و الرياييل ما يحبون يشوفون حريمهم مبوزين و مكشرين

 

[لوفيه]

شفيكم شكو طرده

ماقال شي الريال يبي راحتج وشايف ان نفسيتج حيل تعبانه

فأتوقع ان زوجج حاس انج تعبانه من البيت والمكان ومن زوجج نفسه

ارتاحي شوي يبيج ترجعين فريييش ومغيره النفسيه مع اهلج

موفقه

 

[Beyoncee]

عادي اذا تشوفين راحتج ابيت اهلج روحى ليش الحساسية
واذا مرتاحه ابشقتج خلج قاعده بس غيري النفسيه

 

[ام زهقانه]

نصيحه لاتروحين. خليه. وسكني عنه

 

[دلوعه ززوجي]

بنات دقيت عليه قلت ابي كرت بدق ع امي جان يعصب قلت ليش تعصب خلاص مابي كرت قال شرايج تروحين بيت اهلج. جان لعصب وأقول كل شوي تقول روحي بيت اهلج يله تعال ودني وجا ورحت وبسسيارهيجذب يقوول انتي اللي قلتي يله وطاف والحين عند اهلي

 

[بطوووطة$بيضة]

هذا بدال مايقولج اطلعج اونسج انتعشى برة انغير نفسيتج ...يقولج روحي بيت اهلج غيري نفسيتج ...عجيبه

 

[! Miss.Q8 !]

انا ضد ان المرأة تنام عند اهلها وتخلي ريلها بروحه بالبيت

خلج يمه وحاولي لا تردين عليه بحده يعني ضحكي معاه وعلى غشمره قولي له مليت مني تبي الفكه بس لا تحسسينه انج جاده

خلي الوضع يكون ضحك وغشمره بس

 

[ام الدرر]

حبوبة اذا حاسة انج محتاجة تريحين وتتجددين نفسيتج
تراضوا واشرطي انج ماتروحون الا عقب ماتتراضون
وعقب روحي جم يوم وردي
عسى الله يهديكم ويسخركم لبعض​

 

[PuPa^^SWeeT]

اذا ساكنة ببيت حمولة

رووحي غيري جو


اذا بشقة

لا قعدي على قلبه

 

[PuPa^^SWeeT]

وييي رحتي ولا لأ


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



ترا شكله متسبب لاتروحين