makeup قصدك اخوك يستخدم air brush?? ممكن يعطى التأثير الناعم باللوحه فعلا بس ما اعتقد ان الصوره مرسومه بـهذي الطريقة، عموما الفنانين يستخدمون جهاز أو طريقة الـ (air brush) عشان يعطون ملمس ناعم في بعض أجزاء اللوحه خصوصا الخلفية، طريقة الـ (air brush) تصلح لرسم الجداريات على وجه الخصوص لسرعة الانجاز و سهولته و تأثيره الحلو و هناك مجموعة من الفنانين متخصصين بس في هذي الطريقة.
توته .. ما أنصحك بإعادة رسم لوحة مرسومة بواسطة شخص ثاني ، بشكل عام هذي الطريقة ما تعلم الرسم أو التلوين لأنك ببساطة راح تنقلين الرسمة بكل ما فيها من سلبيات أو أغلاط و هذا بحد ذاته خطأ كبير ، إذا ما استخدمتي الألوان بالرسم من قبل، أقترح عليك بالأول أخذ فكرة عن دائرة الألوان و حاولي تتدربين على الـ color mixing شوي ، يعني لعبي بالألوان و درجاتها وحاولي تدخلينها في لوحاتك و شوفي النتيجه ، و تذكري ان البعض يكون عنده الخط أقوي من اللون أو العكس صحيح بس مع التمرين ممكن نقرب الأمور من بعض .
الرسم بالرصاص حلو بس ممكن يقوي عندك جانب الخط فقط، حاولي تهتمين باللون لأن فيه متعه عجيبة وحاولي تنتبهين للظل و الإضاءة ودرسيها زين قبل لا تحطينها باللوحة.
أتمنى لك التوفيق و انك تحبين الالوان و استخدامها و أنا ممكن اساعدك بأي شيء تحبينه .
