♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

[ضــمــاد]

♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

مساء معطر بعبق القهوه والهيل ​

ملون بلون الزعفران ​

مسائكم قهووووه :eh_s(7):​

حبيباتي الموضوع خـــاص لـ [ القهوه العـربيـه ] ​

​

شلون تحضرين / تسوين القهوه ؟ ​

سبحان الله​

في ناس قهوتهم مميزه ولذيذه وناطعه لون وطعم :rerrerek:​

آخر مره ذقة قهوه كان الطعم الغالب هو طعم ( القرنفل / المسمار ) ​

​

فعلا ً لذيذه .. ​

​

السؤال : ​

1: شلون تسوين القهوه ؟ شنو المنكهات اللي تضيفينها ؟​

2: شكثر تخلينها عالنار أو شكثر تخلينها تطبخ ؟​

:eh_s(7):​

 

[mira]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

اخس قهوه قهوتي للأسف جربت جميع الانواع وحطيت جميع انواع البهار لكن الظاهر الشغله يبي لها نفس !!
منكم نستفيد -

 

[ام الدرر]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

احم احم
نشتري القهوة من الحويس بالشويخ
ونطلبها مخلوطة شقرا وشويه سمرا مو مطحونه واحفظها بكيسها داخل علبة ستيل بعيد عن البهارات ​

الطريقة
اطحن كميه حق استعمال مرتين او ثلاث مو اكثر
وبغوري القهوة
احط ماي والقهوة فقط واخليها لين تغلي واقصر عليها لمدة 10 -15 دقيقة وقبل لا ازلها احط عليها قفشة صغيرة كوفي ميت
بالمطارة او دلة القهوة
هيل مطحون نوع جيد واخذه من الحويس +زعفران +حبة مسمار
واصب القهوة وطبعا لازم تركد القهوة 10 دقايق قبل الشرب ​

 

[فدوووش]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

اب اب

 

[ضــمــاد]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

mira​

أنتي نفسي احس قهوتي عاديه غير عن قهوة رفيجاتي واهلنا ان شاء الله نستفيد من البنات ​

أم الدرر​

هلا بالزيت تسلمين وان شاء الله بجرب طريقتج ​

بأنتظار راعيات القهوه :rerrerek:




فدوووش

تسلمين ع الـ up والله يرفع مقدارج ​

 

[جارة القمر]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

مشكووورين

 

[نارنجه]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

هلا بضماااااد ... :****
ويحلات القهوة و ريحتهاااا .. يكفي اني اقرا كلمة قهوة عشان اشمها ^^

قهوتي اخذها من محل حلو اسمه رهش مخلوطة بالهيل .. و نوع اسمه سبع حوايج كلشي فيها
هذول نمبر ١ عندي

اضيف لها هيل وهي تفوح
و بدله القهوة احط شويه هيل و زعفران
واذا بغيراضيف لهم قفشة صغيرة حليب كرنيشن

 

[قصْر شآمخ~]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

السلام عليكم ..

واااااااااء بأقوم أسويلي قهوة .. موضوعج يدوخ ..

قهوة بيتنا الحمممدلله الكل يحبها .

أول شي القهوة نشتريها محوجة من السعودية ..
قهوة الزهرة محوجة > معرووووفة ..

http://www.indexsignal.com/community/attachments/203406/

وطبعاً لازم ضروووري .. خلطتنا الحبيبة ..

خلطة القصيم > حتى لو ما عندج قهوة الزهرة وعندج أي نوع هالخلطة تخلي قهوتج تعدل المزاج صح

http://www.up12.net/images/orlo33hi2v759w3sgfr.bmp

وكوفي ميت ..

تفوحين ماي وكمية الماي لازم تكون مضبوطة على قياس مطارتج وتزيدينه شوي ..
وتحطين مع الماي كم عود مسمار وقفشة صغيرة زنجبيل مطحون ..
لييين يفوح الماي ..

تحطين فنجال متروس قهوة ..
وتخلينها تفووووح خمس دقايق ..
وتحطين بالمطارة قفشة متوسطة كوفي ميت وقفشة من خلطة القصيم ولو بتزيدين عادي ..
وتطحنين كمية قليلة هيل وتحطينها ..
وتصبين عليها القهوة ..

وبس سلامتج ..

 

[7la m6eer]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

القهوة لكل قبيله طريقه
في ناس تحط معاها زنجبيل ،،، ماي ورد ،،، دارسين ... هههه بتستغربون بس والله في ناس تسوي جذي

انا طريقتي . اغلي ماي مع حبتين مسمار وشبه وعقب احط فنجان قهوة واقصر علا النار واخليها عشر دقايق
عقب اعلي علا النار اخليها تفور خمس مرات
واحط بالمطاره هيل وزعفران وبث
ما احب كوفي ميت بالقهوة

 

[بيت التوت]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

اول كانت قهوتي حلوه والكل يمدحها بس الحين صرت ماعرف اسويها

 

[امـ خــزامـى]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

انا من عشششششششششششششششششششششششششششاق القهوه العربيه

ومافي شي يجي بمكانها ومايعدل مزاجي غيرها
ومن كثر مااحبها بنتي طلعت علي تنهار اذا شافت القهوه وتجلس تصيح لين اعطيها

قهوتي حلوه الحمدالله

طريقتي اول شي نحمسها وسط لاغامقه ولا فاتحه

واحطها بالفريز وكل مابغيت اطحن لي شويه حق كم مره بس عشان طعم القهوه يكون طازج وكذالك الهيل
افوح المويه وبعد ماتفور احط فنجان ونص واخليها تطبخ على نار هاديه

بالزمزميه احط مملعقه مليانه هيل وشوي خلطة قصيميه بس اخذها من حرمه تبيعها تجنن مااستغني عنها
واوقات احط زعفران ماخذته من عطار ايراني بدبي


وفيه قهوه جربتها من عطار يمني تجننننننننننننننننننننننننننننننننننننننننننن
اسمها قهوة الشيوخ فيها كل شي هيل وخلطه وزعفران يعني ماتضيفين عليها ولا شي
وطعمها جوووووونان
هذي اخذها معي بالسفر لاني اسوي طريقه سريعه وماتبي لها شي وطعمها يهببببببببل
يعني باخر سفره اخذت معي هالقهوه مع الزمزميه
وكنت بفندق ماعندي الا فواحة الكهرب
كنت اسخن المويه واحط فنجان قهوه بالزمزميه واصب المويه عليها واتركها ساعه او اقل
وبعدها اتقهوى واكييييييييييييييف مع الاطلاله الجميله والجو لندني بارد

بحاول انزلكم الصوره


وموضوع جميل استمتعت فيه

 

[شموخي اتعبهم]

رد: ♥♥ فنـجـان قهـوه يـسنـع الكيـف ♥ عسـى الـردايـا مـا يـذقـونـه ♥♥

مايقصرن البنات