تقول : أحب .. وتكذب فـ بوحك
ريح الغلا .. مدري منين تهبّ
لا تحبّ .. لاتكذب على روحك
أصلاً .. ماهو لايق عليك تحبّ !
.............................
وفيت .. لكنّ ردّه يالوفى .. وين ؟
ماشفت غير التهاون .. والمذلّه
عساه لاطاح بكره .. ماله يدين
حتّى ثيابه من الضيقه .. تملّه
أغير .. وأحن له .. طيّب وبعدين ؟
ماحرّكه دمع عيني .. يوم أهلّه !
.............................
دايم افكّر .. لو تغيب شـ يبي يصير
وغلاك لي .. منهو يحلّ بمحلّه ؟
كنت أحسب إني اعشقك والغلا غير
لين أنكشف لي واقع الحلم .. كلّه
هذا انت غبت .. وهذا انا عايش بخير
طلعت لا احبّك .. ولا قالها الله !
.............................
عيوني .. الشوق خلاّها شوي .. وتذوب
معّ إن صورتك .. مرسومة فـ بالي .. رسم
انا لو تضيق بي دنياي .. من كل صوب
اتذكرك .. واذكر إنك تبتسم .. وأبتسم
.............................
ما يبيّن بوجه الوقت معروف
ورغم هذا .. انا ما غيّروني
غمضي ياعيوني ، مابقى خوف
وعيشي ايامي الحلوه ، بدوني
لوّ افتح عيوني ، ويش ابـ اشوف ؟
واكثر الناس ، طاحت من عيوني !
.............................
خلّ اللقا ، يشفي غليل المواعيد
إلى متى وانا اتشفّق وصالك ؟
لو انّها نظرة من بعيد لـ بعيد
ابرك من الصوره ، وضمّة خيالك
كيفك ! .. لو تقل المسافات ، وتزيد
مادام اشوفك ؟ كيفك ! .. إنت وحلالك !
.............................
احبّك .. وكرّهتني .. لذّه النوم ,
أحبّك .. وكلّ المدامع .. تسبّك
أحبّك .. وهجرك لي .. رماح وسهوم
أحبّك .. وما خافت ايديك .. ربّك
أحبّك .. وحبّبت صدري بـ الهموم
ياخي .. كرهتك .. من كثر ما أحبّك !
.............................
احتاجها لو محبّيني بـ عيني كثار
واحبّها لو جروحي منّها .. ما برت
اللي لها بالغدر , والكذب / راي وقرار
لو ما وفت / ذكرياتي كذّبت .. واغدرت
ولو عزّتي مالها بين الضلوع انكسار
لكن دموعي معا كل الهموم احدرت
.............................
خفت إنّي مقصّر .. وما خفت من كيدك
واللي على خاطري .. مردّه لساني ,
تبيني ابقى لك .. وما اروح من ايدك ؟
لاتكسر بخاطري , و ألف يتمنّاني !
تلقاني .. اليا انتثر شعرك , على جيدك
لكن .. لا زعلّتني ... مراح تلقاني !
.............................
صار حبّك لي ... شريعه
بسّ .. مافهم .. في سياقه
لانك إنتي .. يا فظيعه
سابقتهم .. بالاناقه
إنتي أنثى ... ع الطبيعه
وغيرك إنثى ... بالبطاقة !
.............................
العام .. من تسمع ابياتي تصفّق لي
واليوم .. تصفق يديني من مفارقها
يا صغر عقل الفراق .. ويا صغر عقلي ,
ما امداني احبّها .. عشان افارقها !
