اي صاجه بهالموضوع واحس يرتبط بالتشجيع ع الكريتفيتي بعد ، ماقدر احكم ع غير التعليم الجامعي
شكثر سوو افلام عن مستوى التعليم الامريكي وانه صج مب عالي ابدا .. بخصوص ماقبل الجامعه صاجه اجوف الطلبه هني بآميركا ماشااء الله ماشاء الله يحبون السكول
يسوون لهم اكتيفيتيز وايد والتعليم نفسه يتروالي مب صعب عليهم نفس مدارسنا ومناهج تعليمنا اللي مثل ماقلتي تكره اليهال بالسكول :/ اعوذ بالله هي مب سالفه صعوبه
بس يمكن سالفه حشو معلومات بمخ الطالب؟ مادري بس ماظن صعوبه
هني حتى الطاقم التدريسي يجنن تلقين مديره المدرسه بكبرها عادي تلعب مع اليهال بحفله الهالوين مثلا وتكون حبوبه وايد مع طلابها ،، ليش؟ القانون يمنعها تعاملهم معامله سيئه
عندنا الله بالخير :/ طق انطقيت ع ايامي زف انزفيت وتخيلي حتى الحجاب مديره المدرسه اغصبتني عليه عشان ادخل مدرستها!!!! تخيلييييي؟؟؟؟؟ هذا اسلوب ؟ اوبيه
ليحين حاقده عليها لآن جد استغفر الله استغفر الله ليحين مافيني رغبه واراده اني اتحجب
قريت وايد عن احسن مناهج تعليم بالعالم بكبره ومثل ماقالت وحده من البنات فنلدنا تفوز بالمركز الآول ع العالم كله من ناحيه مستوى التعليم عندهم
اي بخصوص الآكل المدارس الاميركيه يتروالي اللي قلتيه ماينطبق ع مابعد الابتدائي " وايد " وايد انتقادات صرحو فيها ع آكل الطلبه واشلون انه مب مفيد and how is it just a crap
بدا يتغير هالشي بس مب وآآآيددد!! يعني مثلا عندنا بالجامعه لا مافي وايد خيارات لاكل صحي ،،
اي ومثل ماقلتي عندهم the no kid left behind ف يشجعون الكل ع التعليم واللي عنده مشكله بشي معين على طول يساعدونه!!
بمدارسي بالدوحه كانت فيه حصص تقويه بس مثلا الاابله ماكانت تجي تقولي والله انتي محتاجه يالله باسجلج لا
عكس هني " ع اللي اجوفه يعني باليهال عيال ربعي " الطالب من يلاحظون انه عنده مشكله على طول يدخلونه كلاس تقويه ولا شي جي
شي آحبه بالكدز سكول هني ان عندهم بعد after school club , هو حق حل الواجبات ،، الحلو انه خلاص الياهل من الصبح لين العصر صج يدرس
ويكون بالسكول بس يرد البيت مخلص من كل شي
،، اجوف اليهال خلاص ماشاء الله بعد السكول كل واحد يقعد يلعب ويمارس هوايته عكسسسسس عندنا
وعليه اخواني من يردون من السكول يرتاحون اشوي وبعدين يقعدون يدرسون الين ماخلاص يرقدون
انا اختي بمدرسه اجنبيه وصج تحب السكول بس ماآحس مستوى مدرستها عالي
عكس مااشاء الله ع واحد من قرايبي درس اول شي ابتدائي ف بريطانيا وبعدين يوم رد الدوحه دخلوه اكاديميه الجزيره " مب متآكده من منهج تعليهم برتش ولا اميركان"
بس المهم ماشاء الله لااله االا الله تخرج بمعدل وايد عالي وهذا ان دل ع شي يدل ع انه درسوه عدل
تخيلو انا طالبه جامعيه ماجبت مثل درجاته بإمتحان الانجلش العالمي ،، مع اني وايد شاطره باالانجلش بس بعد مب بالمستوى المطلوب
اي وبخصوص الجامعه في شي وايد حبيته عندهم مالقيته بجامعتي بقطر " كنت ادرس بجامعه قطر " بس الف حمد وشكر طلعت منها
كلاسات تعلم الطالب شلون يكون متفوق وجاهز للدراسه الجامعيه ،، هالكلاس توني اخذه بعد ماتميت بهالجامعه سنتين :/ للآآآآسسسسففففففف مادريت عنه قبل
ومحد قالي << هالنقطه توضح انه برآيي حتى هني ممكن يكونون جاهلين ببعض الاشيا مثل اختلاف المناهج التعليميه الغير الامريكيه وشلون الطالب " مثل حالتي " يكون محتاج
يعرف ويفهم شاللي له واللي عليه لمن يدخل جامعه اميركيه ،، انا بعد خصوصا اني انترنشيونال ستودنت لعوزوني وبهدلوني! كله عبالهم انه مستواي بالمواد بيكون
نفس مستوى الطلبه الاميركان وطبعا هالشي غلط ،، مب عشان اللغه بس " مع انها عامل " بس لآني درست بطريقه ثانيه والدراسه الثانويه بعد غير كلش عن الجامعيه
شي عجبني بالسكولز هني انهم يحثون الطالب ع الرياضه ،، بالجامعات هني الطلاب يقدرون ياخذون كلااسات تنس ، كره قدم ،، طائره ، سله واشيا وايد
حتى كلاسات بيانو وهالسوالف فيه
:< عندنا هالآشيا ييتروالي يعتبرونها مضيعه وقت واشيا مامنها فايده!! مع انه الرياضه شي مهم والعزف ع البيانو مثلا " نفس حل مسآله رياضيات " يشغل المخ
لمن الواحد يقعد يدق ع النوتات
بس مع هذا كله ومع الاختلاف والتطور اللي هم فيه وايد انتقادات ع المناهج التعليميه ع الاقل بآميركا ،، منهم هم نفسهم
سوري هذرت وايد بس اف شي قاعد ع قلبي :<
اي وماشاء الله ع توائمكم الله يتمم عليهم ،، والبنت ياويلي جوفيلها مدرسه ثانيه حرام :< لاتكرهها
