►♥◄ عروسه وتبين تجهزين على اخر موضه ؟ لراقياآت بس ...►♥◄
مرحباآآ :eh_s(17):
مرحباآآ :eh_s(17):
لانج عروس لازم تتميزين على اخر موضه وشياكه ....... &
هذا الموضوع اعتبروه هديةة مني للعرايس الجدد ...!
وحظ اوفر للي تجهزوا وخلصوا وعساها عوافي على قلوبكم :eh_s(17):
قبل لادش على موضوعي ودي اقدم نصايح التجهيزات للعروسة الراقية ......
بخصوص التجهيزاآت حنا حالياآآ بخير ونعمه وبكل مكان فيه سوق والبضايع ماراح تخلص كل فتره تجدد احلى ى واحلى ى
علشان جذي ياعروسات اذا استلمتي المهر وعليج بالعافيه لاتشترين ولاتكثرين من اللبس والعبايات
بالنسبة لي اشوف العروس بهالزمن حلاته تشتري فساتين وبدلات وعبايات شوية ماتكثر منهم وتكون قيمتها منها وفيهاا
بالنسبة لي اشوف العروس بهالزمن حلاته تشتري فساتين وبدلات وعبايات شوية ماتكثر منهم وتكون قيمتها منها وفيهاا
يعني اشتري الغالي بس لاتكثرين مثلا 3 فساتين مع 4 دراريع مع 5 عبايات مع بدلات شويه من ذوقج
واهم شي تكون شي مميز وحتى لو غالي وحتى لو تكون ماركات
ترا التجهيز مو معناته تشترين السوق كله الي تبينه والي ماتبينه وتهاجرين عالم ثاني مافي حولج سوق !!!
يعني امشي على قانون قللي اللبس مقابل انها تكون ماركة وغالية ومميزه
نفس الشي الشوز والجناط لاتكثرين اخذي ماركات واخذي عمليه 3 كافي
وحتى المكياج واللوازم الثانية لاتكثرين منهاآآآ
$$$$$$$$$$$$$$$$$$
والحين بدش بموضوعي
بماآ ان قاعدين نمشي على الموضه وقاعدين نواكب التطورات واخر الموضات ابي افيدكم بخصوص العلب وتخزين التجهيزات !
علشان تودين اغراضج لشقتج وخاصة اذا كان في بيت حمولتج لازم تكون تجهيزج مرتب والعلب تكون ملائمه للعروس ،،،،، تبون تعرفون شلون ؟؟ الحين اقولكم ......
من خلال المواضيع الي اشوفه بالقسم ان العروس تودي اغراضها وتجهيزها من خلال جنطة السفر وتستخدم علب كل واحد له شكل وله لون ،، غير الالوان غير مناسب للعروس !!!
علشان جذي الافكار هذه هديه للعرايس الجدد على الموضه
اول شي افضل الوان العلب الي تصلح للعروس هو اللون الابيض او درجات البيج واذا حابة دخلي شوية ذهبي اوو شوية فضي
مثلا ...
جناطج والشوز لاتحطينهم داخل جنطة ترا هذه موووضه قديمه ،
علشان جذي اخترت لكم المناسب وهو " الصناديق "
يعني اختاريلج مثلا اربع صناديق كبار تكون نفس الحجم ونفس المقاس واهم شي تكون باللون الابيض مثل الي بالصورة
طبعاااا يكون المقاس اكبر من الي بالصورة وبشكل الي تحبونه مربع مستطيل كيفج
اهم شي تكون بااللون الابيض السادة
انزين الحين شسوي فيها ؟؟؟؟
انا اقولج
تودينهم لمحل كلف اهم شي مححد شاطر ويعرف ويتقن هالشي
تقدرين تخلينه يحط كلف على نص الصندوق او على جنب ببببس مو تكثرين وتحطين بكل مكان !!
والافضل للعروس يكون الكلف فيه لولو الابيض ، وابتعدي عن الالواااااان لقيت بالنت صورة كلفة لصندوق تصلح للعرايس مثل هذه الكلفة
يعني تكون الكلفه على صوب واااااحد بس وفي اشكال كثيره ولو تودينه عند واحد شاطر او مصمم يقدر يبدعلج بالكلفة اكثر
انزين شنو احط بهالصناديق ؟؟!!
خلي صندوق واحد حق الجناط والشوز
وخلي الصندوق الثاني للعطورات والكريمات
والصندوق الثالث حطي داخله علب صغيره للاكسسوارات تكوون لونه ابيض عليه كلفة مثل الصندوق يسويها لج راعي الكلف .
والصندوق الرابع خليه حق بدلاتج العملية والملابس الداخلية والانجري سفطيهم ودخليهم
انزين واذا عندج دباج شلون تودينه ؟؟!!
سهله ، فصليلج صندوق بحجم الدباج نفس لون الصناديق ونفس كلفتهم :eh_s(17):
وبجذي انتي عرووس وتكشختي وابدعتي بتجهيزج بلون بسيط وعلى الموضه :rerrerek:
انزين شقاوي والدراريع والفساتين والعبايات وين احطهم ؟؟!!
هذا الابداااااااااع الثاني على الموضه
الكل يعرف الاكياس مالت العبايات والفساتين طبعا !!
جيبلج على عدد فساتينج ودراعاتج وعباياتج
وارد واقول اهم شي لونها اببيض
وخلصنا ؟؟!!
لا ماخلصنا تاخذين هالجياس تودينهم لخياطه شااطره وترا الفلبينيات شطار بهالسوالف
تاخذين معاج شوارفسكي مو كرستال لا شوارفسكي اصلي لانج عروس لازم تتميزين
تودينه للخياط وتسويلج حركه على جنب على ذوقج بس افضل شي مثلا تكبت فوق على اليمين حرفج بالانجليزي او اسمج بالانجليزي طبعا عن طريق الشوارفسكي
تاخذين معاج شوارفسكي مو كرستال لا شوارفسكي اصلي لانج عروس لازم تتميزين
تودينه للخياط وتسويلج حركه على جنب على ذوقج بس افضل شي مثلا تكبت فوق على اليمين حرفج بالانجليزي او اسمج بالانجليزي طبعا عن طريق الشوارفسكي
وبجذي ابدعتي وتميزتي على الموووضه
ادري قرقرت عليكم بس لاني احبكم ابيكم تكونون مميزين وادعولي بالزوج الصالح ولاتحرموني من ردودكم :eh_s(7):
واي تساأؤلات انا جاهزه وبالخدمة :eh_s(22):
التعديل الأخير:
