DBDOB3 DES
*عضــوة شرف في منتديات كويتيات*
- إنضم
- 3 يوليو 2006
- المشاركات
- 7,227
- مستوى التفاعل
- 0
- النقاط
- 0
يستحسن أن تكوني قد شاهدتي الانمي على الاقل اول خمس أو عشر حلقات عشان تعرفين شنو الي يصير ^^ .
2- لا تستخدمين برامج و مواقع الترجمة لان الترجمة فيها تكون خاطئة في أغلب الأحيان و ترجمي بنفسج اذا احتجتي .
3- لا تستعجلين في كتابة التقرير باختصار ما وراج شي ^^.
4- توكلي على الله و ابدي .
::. أقسام التقرير .::
التقرير له أقسام مهمة ^^ .. يعني لازم تحطين هذه الأشياء في التقرير عشان نقدر نقول انه تقرير يعني بدونها الموضوع الي بتحطينه ما بيكون تقرير بيكون مجرد نبذة ^^ ..
1- المقدمة
المقدمة قبل شي يفضل أن الوحده تحط البسملة و تسلم على الناس ^^ .. من ثم تبدين بتشويق القرأ للتقرير يعني بكتابة شي بسيط عن الانمي الي بينكتب عنه مثلاً .. تكتبين هذا الانمي اللي عجبني و لهذا السبب كتبت عنه تقرير و ان شاء الله التقرير ينال اعجابكم و ان شاء الله تتمتعون بالقراءة و ما شابه .
2- التعريف بالانمي أو المعلومات
هي فقرة تكتبين فيها معلومات عن الانمي .. يعني اسم الانمي و تاريخ الانتاج و النوع و هذي الشغلات ^^ .
3- القصة
واضح من الاسم ^^ .. تكتبين قصة الانمي و لهذا السبب يفضل ان الوحده تشوف الانمي عشان تفهم القصة و تشرحها للعضوات بطريقة سليمة لكن ما يخالف اذا الوحده بترجم تكون متأكد من الكلام ^^ .. و يفضل ان ما تحرقين أحداث القصة على العضوات يعني تقولين القصة باختصار لو أمكن ^^.
4- الشخصيات
هذي الفقرة يمكن تكون أهم فقرة ^^ .. و هي أنج تكتبين عن الشخصيات الي ظهرت في المسلسل ^^ .. كل شخصية تكتبين عنها نبذة يعني مثلا ماضيها و صفاتها و قدراته و مواقفها الحسنة ^^ ..
5- الاضافات
الاضافات يعني مثل الصور و الفيديوهات و و و ^^ .. و الوحده تقدر تكتفي بالصور ^^..
6-الخاتمة
مو شرط تكون طويلة عريضة يعني الوحده تكتفي بكلمتين حتى لو تبين مثل .. و انتهيتي من التقرير ^^ .. هذي اللي ما تبي تتعب نفسها ^^ .. و اللي تبي تخليها طويلة زين بعد ^^.
::. أقسام ثانوية .::
و هي أقسام وجودها أو عدم وجودها ما يهم ^^.. بس لو كانت موجودة التقرير يكون أحلى ^^ .
1- نبذة عن الكاتبه أو المخرجه أو أحد فريق عمل الانمي
يعني تكتبين عن المخرجه مثلاً أو الرسمه أو المؤلفه .. تكتب عن أهم أعمالها و عمرها و حياتها بختصار و هالسوالف ^^.
2- نبذة عن المانجا
تكتبين عن فقرة بسيطة عن المانجا .. يعني متى أصدرت و كم شابتر لها و بهذي الطريقة ^^.
3- التقييم الشخصي
في هذي الفقرة تكتبين تقييمج للانمي .. عشان العضوات يعرفون تقييمج و بهذا يقدرون ياخذون نظرة اولية للانمي ^^ .. و يفضل ان الوحده تكتب الحقيقة يعني مو شرط تعطينه 10 لانج كاتبه عنه يعني اكتبي رايج بصراحة .. و تقييم يكون في هذي الأشياء في الاغلب .. القصة و الشخصيات و الاصوات و الموسيقى و الرسم .
