•●( الـــدنــيــا مــا تـــســـوى)●•

[rayona]

قـــــــــــــوة .. شلونكن شخباركم ؟؟

أولا شي مـــبـــارك عـــلـــيـــكـــم الـــشــهـــر .. وثاني شي اليوم بنزلكم روايتي الثالثه اسمها •●( الـــدنــيــا مــا تـــســـوى)●• .. طبعاَ كل أحداث القصه و الفكره من خيالي و تأليفي يعني مافيها شي حقيقي كل شي خيالي ..

بس فكرتها شوي مختلفه عن رواياتي السابقه مو انا الي بقول القصه الشخصيات نفسهم بتتكلم بتقول القصه ..

والــبــارتـــات مــــتــــى مـــا شـــــفـــــت تــــشـــجـــيـــع بـــنــــزل بــــارت ..

و بنات ما احلل أي وحـــده تـــنـــقـــل الـــروايـــه من دون ما تذكر اسمي ~ RaYooNa ~ طبعاً هالكلام يمشي على كل رواياتي .. يعني ما احلل أي وحده تـــنـــقـــل آي روايــــه أنـــا كـــاتـــبــــها ...

وآخر شي أعيد و أكرر اتمنى اشوف تفاعل مابي ناس تقرا وتابع بصمت .. والله مافيها شي اذا كتبتي رد .. و أتقبل نــقــد يعني آي وحده عندها نــقــد سلبي او اجابي او آي سؤال فــما عـــنــدي مـــانـــع ..


ويالله نبدي بأول بـــارت..





أنــا شدن مم ببدى معاكم قصتي من يوم كان عمري 8 سنوات ..:wqedqw:

وقتها كان اول يوم مدرسه و كنت بروح الصف ثالثه ابتدائي دشيت المدرسه و انا قلبي يدق بسرعه


وصلت عند الباب نادتني ابله : تعالي اسمك ايه يا بنت ..؟؟

بصوت طفولي ناعم واطي رديت عليها : اسمي شدن صفي 3\1

الابله : روحي من هنا ثالث صف بجهة اليمين

هزيت راسي باي و مشيت و للحين دقات قلبي مو راضيه تخف وصلت الصف وقفت عند الباب فتره بعدها فتحت الباب و دشيت
اول ما دشيت لفيت ويهي على الطالبات الي قاعدين حسيت وقتها قلبي طاح ببطني معنه البنات ماكانو واايد يعني يمكن 15.. 18 بنيه بس هالشعور لازم امر فيه اول يوم ..
رحت للابله و قلتلها اسمي و حطتني حضور و مشيت ادورلي مكان اقعد فيه ..
قعدت بالدرج الثالث بعد نص ساعه دشت وراي بنيه يت و قعدت بالكرسي الي يمي ..

بدت الحصص و الخوف راح مني و قعدت منتبهة للدروس و صار وقت الفرصه كنت قاعده اطلع اكلي من الجنطه خلصت ييت بقوم جان البنيه

الي قعدت يمي تبتسملي ابتسمتلها جان تقولي : شسمج ؟؟

قلتلها : شدن و انتي .. ؟؟

البنيه : زينه .. عادي امشي معاج ..؟؟

قتلها : طبعاً .. يالالله امشي ..


رحت معاها تمشينا و سولفنا طبعاً سوالفنا سوالف يهال شنو تحبين تاكلين اي بباي طالعين و جذي


صرنا كل يوم نمشي مع بعض و خذينا ارقام بعض .. و ندق على بعض نسأل عن بعض اذا وحده فينا غابت ..



بعد 6 سنين


وقتها عمري 13 سنه و كنت بالمدرسه بالفرصه قاعده انطر زينه تييبلي الاكل من المقصف بعد مده يتني و اهيا ميته حر من كثر الوقفه

زينه : هاااااج اووف شدنوو مره ثانيه كل وحده فينا تيييب اكلها من البيت والله

شدن : زيين زييين عطيني بس ميته من اليوع ما يمدينا اصلاً ناكل باقي شوي و تخلص الفرصه

زينه : اي والله امشي بس خناكل و نتمشى ..

شدن : اقول زينوو خنطلع بالويكند

زينه و اهيا تاكل و غصب تتكلم : ووين يعني ..؟؟

شدن : ويييع يبا بعلي اللقمه بعدين تحجي ...

زينه بلعت الي بحلجها : زين يعني ويين وييين ..؟؟

شدن : كيفج ..

زينه : زين اشوف امي و اقولج

شدن : زيين ..


رن الجرس ..


زينه : اوووووووووووه للحين ما كليييت الكاكاو توني مخلصه من الصمونه

شدن : وااي آفه آفه من اول ما عرفتج و انتي للحين ما تغيرتي آفه متآفآفه

زين عفست ويها : شنو يعني ؟؟

شدن : مادري زين قومي لا ننطرد من الصف

زينه : اي بس هذا الي هامج يبا قعدي حتى لو ننطرد وناسه

سحبت زينه وقلتلها : يباااااااااااااا امشيييييييييي و قمت اركض و اسحب معاي زيوون

زينه و اهيا مسحوبه حاطه الكاكو بحلجها

صرخت عليها : يبووووووووي زين ما تغصين علينا

زينه اطلع الكاكاو : لا لا تخافين ما اغص بس اذا وصلنا عطيني خبر

شدن : حمدالله و الشكر خبله خبله


وصلنا الصف و لا الابله داشه قبلنا جان ابلع ريجي من الخرعه بس الي وراي زينوو ولا هامها للحين تاكل بهالكاكاو

الابله : شدن و زينه ليه جيتوو اطلعوا برا كملوا الاكل ..عاد انتو اقروها بالمصري

زينه : يالله زيون ما سمعتي تقولج امشي نطلع برا نكمل اكل والله يوعانه
و كل الي بالصف طبعاً ميتيين عليها من الضحك

الابله : بتتئولي ايه يا زينه

زينه : أبلــ---

شدن : لا ابله كانت تقول والله توبه آخر مره ما نعيدها بس دخلينا

زينه طقتني بكوعها و قالتلي بصوت واطي : انا قلت هالحجي متى

شدن : اووش .. هـا ابله شقلتي يالله حرام دخلينا بعدين يضيع الوقت و جذي

ابله : ادخلووا بس واللهي اذا عدتوها ما تدخلووش على طول عند الست النازره

شدن : زين زين

و سحبت زيون و رحنا نقعد


خلص اليوم و كل وحده فينا ردت البيت


بعد اسبوع كان وقتها ويكند و كنت عازمه زيون ببيتنا
كنت قاعده البس و اتزهب و بعدها نزلت تحت شفت امي لابسه بتطلع

شدن : يماا وين بتروحين ..؟؟

ام علي(ام شدن اسمها ام علي ..) : يما قلت دام بتييج رفيتج زيون اخليلكم البيت و حتى ابوج طلع راح الدوانيه و زهبتلج كل شي تبينا حطيته على الطاوله بالمطبخ زين ..

شدن : زين ..

ام علي : يالله عيل مع السلامه و ديري بالج و عن الشطانه

شدن : انزين

نزلت بقعد بالصاله ولا اشوف اخوي عليوي قاعد هذا اخوي الوحيد ما عندي غيره واهوا اكبر مني بأربع سنين يعني وقتها عمره 16 سنه

شدن : عليوي انت اهني

علي و اهوا يتابع المبارات : لا هناك ..

شدن : مليق .. زين علاوي ترى رفيجتي بتيي

علي : شسوي يعني افرشلها الارض زل احمر

شدن حذفته بالمخده : عليويييييييييي اطلع شنو مابي اخاف تفشلني ..

علي: شنو افشلج .. ششايفتني يعني آرقوز انطط ولا شنو

شدن : اوووووه علاوي يالله اطلع روح عند ولد خالتي حمني

علي : ماني رايح شنو بتسوين ..

خذيت قوطي الكلنكس و حذفته عليه

علي: آآآآي هييييييييي هييي انتي لا تخليني الحين اقوم اخرب شعرج .. والله اصغر عيالج انا الي تحذفني بالكلنكس

شدن : اي .. لايكون حسبالك ليش عمرك صك ال16 سنه خلاص الاخ كبر يالله يالله .. تتت تت

علي : ليش مو عاجبج يعني 16 اسمي اكبر منج و يالله عييب تطولين لسانج على اخوج الكبير

شدن : احلف احلف عليوي حسبالك يعني الحين خرعتني و بسمع كلامك .. احـــــــــلـــــــــم

علي : انا اوريج يا دلوعة ابوووووووووج .. بقعد عله على قلبج و ماني طالع من البيت و بشووف شبتسوين

شدن : لااااااااااااااااااااااااااااااااااااااااااااااااااااااااااااااااااااااااااااااا عليويييي اطلع يعني اطلع

علي : زين بطلع و قام وقف عند الدري

شدن : فكه

علي : بس ترى بس بطلع من الصاله يعني بصعد فوق و بروح غرفتي بييب لابي و بيي اقعد بالصاله

شدن : اووووووووووووووووووووف

علي : نياهاهاهاهاهاهاهاهاهاهاهاهاهاهاهاهاهاهاههاهاهاهاهاها

شدن : مالــ--- جان اسمع الجرس ينطق ولا زيوون وصلت دششتها و قعدت معاها بالصاله سوالف و ضحك و عبط جان يدش علينا عليوي



شنو بصير بهاليوم ...؟؟؟

تـــوقــعــاتــكـــم و رايــــكــــم بـــالـــبــارت بــعــدهـــــا بـــتـــعــــرفــــون شــــنـــــو بـــصــــيــــر ...

:bye22:

 

[أم رتوجة]

يلا كملي شكل القصة تشوق :rerrerek:
ناطرة البارت الياي :eh_s(7):

 

[بيـــشو17]

ونااااسه ريونه منزله قصه هياااا:edbf4317b9:
ماقريت البارت اشوف الحلقه وبعدين اقراه:wqedqw:
بس امبين من العنوان وااايد حلوه:hearting:

 

[miss disaster]

امم بدايتها حلوه

يسلمو وناطرين الياي

ما ادري ليش احس علاوي بيحب زينه

ريون تدرين هالاسامي(زينه وشدن) كنت خاشتهم حق قصتي اليايه لووووول سبقتيني وحطيتيهم

 

[6amni bs]

رد : •●( الـــدنــيــا مــا تـــســـوى)●•

يعطيج العافيه روايتج عجيبه كملي كملي

 

[dlo3t^baba]

البدايه عجيييبه
ناطرينج .. تسلم ايدج

 

[Miss.blue berry]

رد : •●( الـــدنــيــا مــا تـــســـوى)●•

:ggdwh ! rayoun mnzla storey twni ashoufha
o0 shklha al.89a wayed 7lwa
emm atwa8a3 ena 3lii yshouf zaina o0 yn3jeb feha aw shay chthey madri
o0 ur story shklha 7lwa mn al.bdayah
o0 thenQ 3la al.part al.awl
o0 na6ren l.part al.yay shwgtenii ;*:ggdw:

 

[3SHO8H]

رد : •●( الـــدنــيــا مــا تـــســـوى)●•

يسلمو

 

[حنطاويه عسل]

يسلمو

 

[rayona]

يلا كملي شكل القصة تشوق :rerrerek:
ناطرة البارت الياي :eh_s(7):

mahskora 7bibtii 3La mrorich .. oo enshallah bkmlha lkum

 

[rayona]

ونااااسه ريونه منزله قصه هياااا:edbf4317b9:
ماقريت البارت اشوف الحلقه وبعدين اقراه:wqedqw:
بس امبين من العنوان وااايد حلوه:hearting:

7yach 7yati entay el 7elwa .. :tek:

 

[rayona]

امم بدايتها حلوه

يسلمو وناطرين الياي

ما ادري ليش احس علاوي بيحب زينه

ريون تدرين هالاسامي(زينه وشدن) كنت خاشتهم حق قصتي اليايه لووووول سبقتيني وحطيتيهم

allah yslmich ya galbi ..
mm bnsba Le'tw83ich enshallah bl partat el yayah bt3rfen etha b7bha wla bykrha
7Lfaay 3ad chan gltili chan ma 76yt hal asami oo 5Lyt.hom Lich >> 3aD hathoL iLesmain mn zeman Knt b76hom b89iti el thanya Bs Ma 9rat Fa glt elii wraha a7e6 hal asami .. bs wla yhmich 7abibtii 3aDii 76ehom b89itich el yayah :wqedqw:

 

[rayona]

رد: رد : •●( الـــدنــيــا مــا تـــســـوى)●•

يعطيج العافيه روايتج عجيبه كملي كملي

allah y3aFich b3ad GaLbi :sfg:.. Oo enshallah bkmLha

 

[rayona]

رد: رد : •●( الـــدنــيــا مــا تـــســـوى)●•

:ggdwh ! rayoun mnzla storey twni ashoufha
o0 shklha al.89a wayed 7lwa
emm atwa8a3 ena 3lii yshouf zaina o0 yn3jeb feha aw shay chthey madri
o0 ur story shklha 7lwa mn al.bdayah
o0 thenQ 3la al.part al.awl
o0 na6ren l.part al.yay shwgtenii ;*:ggdw:

ahLaaaan Shwaga .. :68_asmilies-com:
Tab3ay el partat el yayah oo bt3rfen sh9er bainhom kLhom shadan oo 3aLi oo zina ..
Oo weLcome 7yaTii .. oo enshallah el part iLyay b6reeJ ..

 

[rayona]

رد: رد : •●( الـــدنــيــا مــا تـــســـوى)●•

يسلمو

aLLah yslmich 7abibTii:eh_s(7):

 

[rayona]

يسلمو

aLLah yslmich 7abibTii:hjy5jewf:

 

[rayona]

شـــوي و بــــنــــزلــــكـــــم الــــــبـــــارت الــــــثـــــانــــــــــي :tek:

 

[Miss.blue berry]

رد : •●( الـــدنــيــا مــا تـــســـوى)●•

aywa aywa 3ashat ryoun :ggdw::ggdw::ggdw:
na6rench :eh_s(6):

 

[بيـــشو17]

البدايه حلوه وان شاء الله النهايه احلى:tomato2:
اتوقع بيحب زينه؟!:gr4uu:
يسلمو ريووووووووووونه:eh_s(6):











ونااااطرين البارت اوكي موتنامين وتنسينا:krkrkr:

 

[rayona]

الـــبـــارت الـــثـــانـــــي

شدن : مالــ--- جان اسمع الجرس ينطق ولا زيوون وصلت دششتها و قعدت معاها بالصاله سوالف و ضحك و عبط جان يدش علينا عليوي

علي : الـــــــــــســـــــــــــلام عـــــــــــلـــــــــيــــــــــكــــــــم

زينه استحت اول شي و قالت بصوت واطي : وعليكم السلام

علي راح قعد بالقنفه الي قبالنا و فتح لابه وقال : ارد اعيد ما سمعت السلام عليكم

زيون تقولي بصوت واطي : اقول اخوج يستضرف دمه ولا شنو بضبط ؟؟

علي : ما اسمع شنو ؟؟

زينه هالمره الحيا راح منها : قلنا و عليكم السلام شي ثاني اخوي

شدن : هههههههههههههههههههههه جنه هذي زينوو الاصليه و الي مساعه تقليد

علي : ايي والله الظاهر الي مساعه زينه من تايون و الحين طلعت النسخه الاصليه .. الاخت ما تفاهم كلش

زينه : لا اخوي بس ما احب الي يستظرف دمه ووااايد

علي : آسفين اختي حقج علينا

زينه : لا عادي يعني اخذ راحتك

علي : لا هونت ماني ماخذ راحتي انا خذيت راحتي حسييت بنفلع بشي

زينه : شدعواا

شدن : ما عليج من علييوي يتغشمر ..

علي : ليش لايكون بعد تزعل من الغشمره

زينه : لا لا شكو بالعكس حلو الواحد يكون عفوي و اجتماعي و غشمرجي مع الناس

علي : احم احم جنه في ناس مدحوني

شدن : لا تصدق عمرك واايد

زينه : ههههههههه

علي : تضحكين بعد ها

زينه : اي ليش مو عاجبك

علي : عاجبني و نص

زينه : حسبالي بعد

شدن : قوول انتو الاثنين مو جنكم توكم شايفين بعض و بسرعه خذيتوا على بعض .. انا الي اعرفه الناس الي اول مره تشوف بعض و ما تعرف بعض كلش على اقل اول شي يكون بينهم سلام بس و سوالف بس شويه مو جذي

علي : انتي قلتيها الناس بس احنا مو ناس احنا من الفضاء

زينه : هيههيي الصراحه افحمتني بردك

علي : شنو يعني

زينه : يعني سويتني فحمه

علي : اقول شدنوو اخذي رفيجتج و صعدوا فووق واايد احسن

شدن و زينه : ههههههههههههههه

شدن : اصلاً بدون ما تقول بنصعد يالله زيون امشي نصعد

زينه: يالله


صعدنا انا و زيون فوق و كان علي يخطط لشي ..

اخليكم الحين مع علي يتكلم

والله نكته هالبنيه تونس ودي ايننهم شسوي شسوي فيهم .. مممم اي لقيتها صعدت فوق دشيت داري و على طول رحت خذيت شرشف ابيض صكيت الليت و طلعت بعدها رحت صوب الي يصكرون منه الكهربه و صكيتها و نطرت 10 دقايق بعدها رحت صوب دار شدون و وقفت قبالها عشان اول ما يطلعون يشوفوني ..

نرجع حق شدن

كنا قاعدين انا وزيون نسولف بداري و مندمجين فجأه انصكت علينا الكهربه
اول ما انطفت الكهربه مت من الخرعه .. و زيوون ماكو ما اسمع غير تنفسها و ميته من الخرعه اكثر مني

زيون و صوتها مخنوق : شدنووو ليش انطفت الكهربه

شدن : مادري

زينه : ن ن نادي اخووج

قمت اصرخ انادي عليوي بس ماكو ما يرد : اخاف طلع

زينه : ليش طلع و الحين شنسوي

شدن : يبا شفيج خلاص خلاص قومي نروح نفتح الباب و ندوره يمكن بالحمام او بالمطبخ عشان جذي ما يسمعنا

زينه : ز يـ ـن

اول ما طلعنا شفنا شي ابيض جدامنا و انا و زيون تصرقعنا و اهوا كان يطلع اصوواااااات تخرع

و كل ماله و يرتفع صوته و احنا نزيد بالصراخ

يينا بننحاش توني بنزل ولا زيوون تركض و من الخرعه خطرت دريتين و زلقت درينا مو وايد طويل و مو رخام زل ..

شفتها شلون طاحت جدامي وزلقت و انا من الصدمه واقفه مكاني مادري شسوي ..

فجآه شفت هذا الشي الابيض يمشي و يروح مادري وين و بعدها انفتحوا الليتات ولا يطلع عليوي اهوا الي مسوي كل هذا ياني ويهه معرق و بيده شرشف الابيض فعرفت انه اهوا الي كان لابسه عشان يخرعنا .. جان يقولي

علي : شفيج شدن شنو الشي الي طاح سمعت صوت شي طاح؟؟

آشرت حق علي المكان الي فيه زينه طايحه قام يركض مثل المينون و شالها يطق ويها

علي : زينه زينه تسمعيني


زينه : آآي آآي

علي : شدون بسرعه امشي معاي نوديها الطبيب

شدن : شلون

علي : شفيج انتي يعني شلون السايق يودينا يالله بسسسسسسرععععععععععععععه


و ركضت مع عليوي و رحنا الطبيب و انا للحين مصدومه و اذكر شكلها شلون طاحت و دموعي تنزل حسيت انها لمن طاحت خلاص رفيجتي بتموت و اخوي السبب


دششنا زيون عند الطبيب و قعدنا انا و عليوي ننطر الدكتور

علي : شدنو الحين شنسوي اكيد بقولنا الدكتور دقوو على ابوها و امها

شدنو : مادري مادري الله ياخذك شكو تقعد بالبيت قلتلك اطلع روح اي مكان ليش تقعد هاا لو مو قاعد جان ماصار الي صار انت السبب اووف

علي ما قدر يتكلم ولا كلمه .. فجأه جان نشوف الدكتور طلع انا و علي رحنا له على طول

علي : ها دكتور شصار فيها شفيها

الدكتور : انت اخوها

علي : لا بحسبة اخوها ولد خالتها

الدكتور : وين امها و ابوها لازم يكونون موجودين

علي : انشاءالله بيوون بس قول شفيها

الدكتور : الي صار لها معجزه .. لو اي شخص مثلها زالق من الدري مثل ما قلتلي انها زلقت .. جان ما نجا مثلها لازم يصير فيه شي جايد .. بس الحمدالله يت سليمه
علي : لا دكتور اهيا تكرفست و درينا مو وااايد طويييل و مو رخام فعشان جذي يمكن ..المهم يعني مافيها شي

الدكتور : لا فيها كسر بيريلين اليسار و اليمين و كسر بيدها اليسار

علي : اوووووووووووله دكتور كل هذا و تقولي الي صارلها معجزه

الدكتور : احمد ربك عندي حالات تيينا يصيرلهم اخس من الي صار فيها

علي : زين دكتور الحين تقدر ترد معانا البيت

الدكتور : لا بتقعد عندنا يوم تحت الملاحظه و بعدها تقدر تطلع

علي : زين نقدر نشوفها

الدكتور : اكيد ..

علي : يالله شدون امشي ندش لها

دشينالها و كانت منسدحه على الفراش

علي : احم سلامات زينه ما تشوفين شر

زينه : الشر ماييك .. و صوتها في بجيه شدوون شصار على بيتكم في ينانوا

شدن : لا يبا اي ينانوا انتي بعد

علي : زيون والله مو قصدي كل الي صار اني كنت بستعبط عليكم بس الظاهر اني ما اعرف استعبط و غشمرتي ثقيله و آسف

زينه : على شنو تتأسف

شدن : زينه يعني الي كان واقف قبال الداري و لابس ابيض و يطلع اصوات و الي صكر الكهربه

علي : اهوا انا

زينه : احلف هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا و عليوي مستغربين

شدن : على شنو تضحكين

زينه : تذكرت شكلي انا وياج شلون مخترعين .. ولا طحيتي تصدقين مادري شلون جذي طحت و تكرفست حلاته مصورينه فيديو

علي : لا والله حلفي !!!

شدن : زينوو يعني ما زعلتي من الي سواا علي ترى مو قصده بس غشمرته بايخه

زينه : طاع هذي يبا عادي عادي بعدين شفيج احسن عشان ما اداوم

علي : لا رفيجتج مو صاحيه

شدن : زينوو اخاف الطيحه اثرت على مخج

زينه : شفيكم دامها يت بس على كسوور فعادي

علي : حمدالله و الشكر

زينه : علييك .. و ترى مردوده

علي : بللللل الحين انا يايج و متأسفلج و آخر شي تقوليلي مردوده

زينه : اهوا صح ما زعلت بس بهالسوالف ما اسكت انت الي بديت و انته تحمل

علي : عاشت عاشت نوال

زينه : ههههههههههههههه ..

شدن : خبول مينن .. المهم زينوو يبونا ندق على امج و ابوج

علي: تعالي شنقولهم

زينه : لا تخافون ادبرها لكم .. اقولهم ركضت و طحت من الدري .. بس ما اقولهم منو الي كان السبب

علي : عفيه عفيه

شدن : طالع شنو عفيه عفيه

علي : يعني شتبيني اقول رفيجتج و مو مهتمه و الوضع عندها سووو إيزي يعني و شكلها متعوده على هالسوالف الطيحات و مادري شنو فخلاص

زينه : شدراك اهوا من ناحيه متعوده متعوده واايد اطيح انا

شدن : زين لا تقرقين واايد هذا و انتي مكسره قرقه ما تسكتين

زينه : يعني شنو تبيني ابجي و اتعب و مادري شنو تعبت شوي بجيت شوي بس كافي

علي : اي والله شمالله تنكد على عمرها

زينه : اي والله

شدن : انتو بو اي والله اووش 5 دقايق بس و زيون دقي على امج و ابوج و احنا بندق على امي و ابوي انقولهم الموضوع مثل ما انتي قلتي و بس يالله

زينه : زيييييييييين حنه حنه حنه

شدن : بسسسسسسس زينووووو


و من بعد هالطيحه و هاليوم معنه كان المره الاولى الي تيي فيها زييوون بيتنا و خذت على الوضع و صارلها هالشي و خذته بشكل ودي و عادي .. و من بعدها تكررت يياتها على بيتنا و خذت اكثر على عليوي اخوي اهيا من اول لحظة خذت عليه بس مع كثرة ياياتها لا تعودت عليه و احنا بعد تعودنا عليها و خصصنا كل ويكند نطلع لانه ملينا من قعده البيت



هذي كانت بداية تعرف زينه على علي .. تتوقعون بكون بينهم حب من أول طيحه .. ولا شنو بصير بضبط ..؟؟
البارت الثالث بيطلعون شدن و زينه .. تتوقعون شنو بصير بهالطلعه بتمر على خير ولا في شي بصير ..؟؟

تــــــــــابــــــــعـــــــــونــــــــــي و بـــــــتــــــعــــــــرفـــــــــون شـــــــنـــو بـــصـــيـــر بـــحـــيـــاتـــهـــم :wqedqw:

:bye22: