••••{~مَعآآهــــــــــم ولآإ بَدَونَـــــــــــهُمَ~}••••

[ana mo ana]

هلووووووز مزيووونات... عيدكم مبإرگ

شحاااالكم؟؟؟*

عندي سووعااال ..... انا ميته ع البزران وودي بيبي يملا حياتي احس فرآغ وماعندي هدف ههههههههههاي بس للحين ربي ماكتب لي احمل.. الحمدلله كل تإخيرة وفيها خيرة*

السووعال هوووو...





اي احلا حياتكم مع بيبيز ولا بدون بيبيز؟؟؟

وشنو اللي تغير بحياتكم بعد البيبي سواء للاحسن او الاسوآ؟؟!!



والله يوفقكم بحياتكم ويسعدكم ويخليلكم بيبياتكم واللي ماعنده يرززقني ويرزقه ياارب


وثكرن*

 

[*peace*]

انا اقول كلشي وله وقته

وكل مرحله حلوه بطبعها

 

[بتبوتااا]

حياتي اول شي الله يرزقج الذريه الصالحه عاجلا غير اجل ياا رب

واكيد الحياه احلى مع بيبييز ياقلبي وفيه تجديد لحياتج مع زوجج ويقربكم اكثر من بعض 

 

[قسوة الزمن]

الحمد لله دام ريلج عندج هاي اهم شي واليهال بيجون يالله الحمد على كل حال انا اهلي رفضوا المعرس الي متقدم لي

 

[Tejan]

يا ربي يرزقج و يفرح قلبج

بدون بيبي راااااااحه و ما تحسين بالذنب بالطلعات و العروس

و ماكو التزام .. و تقدرين تروحين السينما الفجر !!!!

البيبي نعمه اكيد بس التزام خاصه باول سنين من عمره​

 

[AL-DMERA]

الجهال التزاااااااااااااااااااااااام ,,
يقيدونج بطلاعتج حيل ,,
صج انهم يونسون ويحسون إن لج قيمه بهالدنيا ,,
بس مرات انقث ودي اطلع مثلا الفجر مع زوجي بس وين اودي ولدي
أو مثلا الحين أفكر اروح صلاة العيد وين أوديه خدامتي ماأحب اقثها واقعدها حراااام ,,

بس بشكل عام مافي وحده تستغني عن الجهال والأمومه شي حلو حيل ,,
وانتي ان شاء الله ربي يرزقج بالذريه يارب ,,

 

[أم ميميتو]

الله يرزقج الذريه الصالحه امين يارب العالمين حبيبتي الحياه بدون اطفال هاديه وما فيها التزامات بس بنفس الوقت ممله و بارده انا احس ولدي غيرلي حياتي صج ان ساعات يدوخني و يتعبني معاه بس حتى ازعاجه و لويته بالبيت حلوه الله لا يحرمني منه و بالنهايه ( المال و البنون زينة الحياة الدنيا )

 

[سكوتي بذوقي]

الله يرزقني ويرزقك يارب

 

[المسكـ]

اذا ريلج يحب اليهال ويساعدج فيهم ويستاهل يكون ابو
فاحلا معاهم والعكس صحيح

 

[قل علها خيره]

الحمد لله دام ريلج عندج هاي اهم شي واليهال بيجون يالله الحمد على كل حال انا اهلي رفضوا المعرس الي متقدم لي

من إمه شكووووووووو :eh_s(22):

 

[دلوعة أبوهآ]

الله يرزقك يارب

 

[امـ خــزامـى]

الله يرزقك يارب انا مثلك جلست سنتين وشهرين ماحملت بس طبعا اكل مانع
وبعد ثلاث شهور حملت الحمدالله
عقبالك يارب

بس بصراحه اول مرتاحه انااااااااااااااااااااااااااام على كيفي اللحين اهئ اهئ ماقدر
مافي التزامات مافي ازعاج بس مللللللللل والله
اللحين صحيح مستعجله على الدنيا وروعتني وولدت ولاده مبكره و تخسرنا عليها 30 الف بس للمستشفى
و صحيح مشوهتني كلي ممخشه اظافرها طويله الله يهديها
وصحيح متعبتني اللحين وماخلتني اروح اصلي العيد لان وين اخليها

وصحيح فيها نوم بس تبيني اخليها بحضني عشان تنام واول ماشوفها نامت احطها بسرير
مايمديني انبسط وافتح موضوع حماس وابي ارد الا اسمع صراخها
الا انها غيرت حياتي وانا وزوجي تقربنا من بعض حننت قلبه علي

انشغلت فيها العب بشعرها البسها اروشها مثل العروسه مخليتها ياحياتي
العب فيها لعب

والحمدالله يارب على كل حال والله يرزق كل محروم ياحي ياقيوم
وربي امس دعيت لكم وان شاءالله يتقبل

 

[om MaRyooM]

المال والبنون زينة الحياة الدنيا طبعا
بس كل شي ربج كاتبه خيرة

واليهال حلوين وتتغير الحياة والتزاماتج ونظرتج للدنيا
وهدفج ووايد اشياء ايجابيه

واالاشيا السلبيه طبعا التزاام وتقيد ومصارييف بالهبل لوول
ومحاتاات اذا مرضو او صار شي لاسمح الله
هذا غير السهر وعوار الراس وفقدان الاعصاب
وفقدان الشعر هههه



والله يرزق كل محتاجه ياارب

 

[PuPa^^SWeeT]

الله يرزقج الذرية الصالحة

اكييد العيال نعمة و وحياتي من غيرهم مالها طعم

اتحلطم منهم بس مابي اعيش من غيرهم

ولا اتخيل حياتي من غيرهم

اللي تغير اني صرت مسئوولة عنهم

وتغير انه اهتمامي فيهم طغى على اهتمامي بنفسي شوي


يعني افكر اول مثلا اكشخهم اوكلهم العبهم واوننسهم بس اهم شي اهم بعديين انا

 

[ام دليار]

طبعا مع أولاد الحياة أحلا بكتير
اليوم صحيت مافي شي أعمله لو عندي بيبي كنت تسليت فيه ولبسته لبس العيد
الحياة بدون أولاد
حياة بلاهدف
الله يرزقنا يارب

 

[ياغفور اغفر لي]

الله يرزقج ويرزق كل محرومة يارب

اكيد تربية اليهال تعب ومسوؤليه وتنحرمين من اشيت وايد ع شانهم لكن الحياة بلاهم مالها طعم

انا ماجربت للحين *

 

[توتا حمرا]

الله يرزقج بالذرية الصالحة وترى كل شي له طعمه
دام بعده ما عندج استانسي مع ريلج بعدين لغياب التزامات ومسؤولية
ووقتج بكون لهم ولكن بعد بحلون حياتج

 

[زوجة عزيز]

الله يرزقج ان شاء الله

 

[ana mo ana]

واااو نزل الموضووووع قولوللووللويش


ثاانكس بنات ع التفاعل


انا بالسوق لارديت البيت



قريت ردودكم ورديت عليكم



فديييييتكم امممواح


برب 

 

[zaina alotibi]

الخيرة دائما فيما اختاره الله ...

وكلشي بوقته حلوووو وماعليج الا الصبر والدعاء ان الله يزين حياتج بالذرية الصالحة وتكمل سعادتكم