•¥ حملتي لرشيقات يناير 2011 حياكم ¥•

[نؤر دنيآي]

السلام عليكم
شلونكم خواتي كويتيات

،،،،،،،،،،،،




صارلي فتره نفسيتي تعبانه وكل ما اطالع جسمي اتحطم
كل وحده فينا ودها تضعف
ودها تصير رشيقه تناقز من مكان لي مكان
وحركتها تكون خفيفه
حتى الانوثة تكون منج طبيعية مو متصنعه

فقررت اسوي رجيم والتزم فيه لين اوصل للوزن اللى اتمناه
بس ابي احد يشجعني ويزيد من ارادتي
فقلت ما راح القي غير خواتي كويتيات فديتكم

فقلت بنزل موضوع اللي اهو
عباره عن حملة
للجادين واللي تبي تضعف وتصير رشيقه المستقبل
وطبعا هالرجيم راح يتم لين نهاية شهر يناير



واللى بتشترك وياي حياها الله

واللي عليج انج تكتبين


الوزن الحالي :
الوزن الاول :
الوزن الثاني :
الوزن النهائي :

واللي راح تشترك معاي

تكتب لنا يوميا شنو الرجيم اللي راح تلتزم فيه اليوم

وشنو اكلت وشنو سوت رياضه

وهذا اهم شي يا بنات تري الرجيم من غير رياضه حتي لو كانت بسيطة ما ينفع

واللحين منو بيشترك حيا الله

 

[نؤر دنيآي]

رد : •¥ حملتي لرشيقات يناير 2011 حياكم ¥•

انا بشترك لووووول >> برااااااااا

الوزن الحالي :٦٧
الوزن الاول :٦٣
الوزن الثاني :٥٨
الوزن النهائي :٥٥

وانا راح اكتب رجيمي كل يوم بيومه
لاني احب انوع

وكل وحده ع راحتها حبيباتي
بس اهم شي ماكو لعب

لانه بدا الجد

 

[ام مهرة 2009]

موفقه يا قلبي

 

[نورا الحلوة]

رد : •¥ حملتي لرشيقات يناير 2011 حياكم ¥•

نور دنياي انا بعد معاكم وان شاء الله التزم معنى هلشهر امتحانات انا مشكلتي الزنود
وانا الاسبوع الجاي راح اسوي رجيم التمر واللبن مع الاخت مكنتوشة لمدة اسبوع
الاهداف

الوزن الحالي :76
الوزن الاول :70
الوزن الثاني :65
الوزن النهائي :60

 

[نؤر دنيآي]

رد : •¥ حملتي لرشيقات يناير 2011 حياكم ¥•

ام مهره
اجمعين يا رب

الاميره بلقيس
يلا انشاء الله من باجر ببدا رجيم
يلا انشاء الله نشد حيلنا
حبيبتي حيلج برياضه القاري وحاولي كثر ما تقدرين تحركين زنودج
علشان تقولين لهن باي باااي

 

[عروجة]

:aha:هلا نور دنياااي أنا ببلش معاج بس انا بلشت من يوووم الأحد واليووم صارلي سادس يووم الحمدالله:aha:

أنا طولي 173

الوزن الحالي:104
وأبي أوصل لوزن : 65

وأنا امبلشه بريجيم (( 40 كيلو في 3 أشهر)) :rerrerek:

حلوووو حييل وعاجبني وألحين أنا بسادس يوم ومن اليووم بكتب يومياتي بإذن الله :gathering:​

 

[فهههده]

رد : •¥ حملتي لرشيقات يناير 2011 حياكم ¥•

هلا والله بدنياي ربي يسهل والكل ينحف بصحه وسلامه
بشوف كان ناسب وقتي اشترك معكم مع اني حسب وقتي اشارك بعد برشيقات المستقبل

اختي عروجه هلا والله
رجيمك 40 كيلو مغري تكفين نزليه او عطينا له رابط ممكن يناسبني ربي يوفقك

 

[missnohaa]

زين تسوين نور دنياى
ترى انا مانزل وزنى الا من التشجيع والمشاركه مع احلى بنات كويتيات والله
يشجعونج وتشجعينهم

وتسمعين من نصايحهم الحلوه

شدى حيلج وان شاء الله بتضعفين بصحه وعافيه
:eh_s(17):

 

[missnohaa]

عروجه حياتى ناطرين ريجيمج بو 40 كيلو
فديتج :hjy5jewf:

 

[نؤر دنيآي]

رد : •¥ حملتي لرشيقات يناير 2011 حياكم ¥•

يا هلا فيكم
مشكورين ع الردود الحلووه
انا من اليوم بديت رجيم
وكل من بدا الرجيم او راح يبدا
بالتوفيق بالاول
وثانيا اتمني يكون لنا تجمع بهالموضوع
واتمني تلتزمون واكتبوا كل شي بخاطركم
وسوولفو
وانا راح ابدا كوني بديت رجيم اليوم لوووول


اول شي شعوري متفائله ومستانسه
ورجيمي متنوع

الريوق /
تمر - حليب - ماء

الغداء /
سلطه - عصير برتقال - ماء

العشاء /
توست مع جبن سلايز - نسكافيه بدون سكر


ملاحظات :
اذا جعت بين الوجبات راح احط حيلي بالفواكة والماء
والرياضه راح امشي نص ساعه اليوم
وطبعا الرقص لووول لازم تحرك كل الدهون اللي بالجسم لووووول

ويلا كل وحده تقول لنا عن شعورها ونظامها الغذائي ورياضتها
فديتكم

 

[Q8stylle]

موفقيييييييين

 

[كريستال]

رد : •¥ حملتي لرشيقات يناير 2011 حياكم ¥•

الله يوفقكم

 

[عروجة]

:33_1185028183: :aha:هلا خواتي ميس نوها وفهده ريجيم ((40 كيلو في 3 أشهر)) عجيييييييييييييب وحيل مرتاحه عليه وأناخذته من موضوع مثبت حاطته بنت الكويت في موضوووع ريجيماااات الله يعطيها العافية :aha:

وهذا هو :



السلام عليكم ورحمة الله وبركاته ..

شلونكم بنات ..

أكيد تبون تعرفون شسالفه

وحده وزنها 130 وصار 90

والمده 3 شهور .......

طبعا سوت ريجيم يعني مو ســــــحر

ادري ناطرين الرجيم على أحـــــر من الجمــــر
>
>
>
>

>
>
>
>

ولا تزعلون




الفطور : - نسكافيه + حليب أو كوفي ميت.


الضحى :- يعني اقل شي بينهم ساعه
(1) كاكاو بالمكسرات ( اي نوع مثل سنيكرز + قهوه او شاي أو دايت بيبسي او دايت سفن).
(2) من 2_4 حبات بسكويت أو بقصم أو شابوره + قهوه او شاي أو دايت.
(3) 2 توست + جبنه او لبنه + طماط وخيار + قهوه او شاي او دايت.
(4)عصير غير محلى او 1 - 2 حبة فاكهه.


الغداء : - سلطه أو تبوله + دايت بيبسي أو سفن مع الاختيارات التاليه :-
(1)صحن مشويات او صدر دجاج أو من1-2 همبرجر أو سمك.
(2) من 3 - 10 ملاعق رز ( عيش ) + قطعة لحم أو دجاج أو سمك.
(3) وجبه سريعه بدون مايونيز + شبس صغير + دايت بيبسي .
(4) بطاطه مشويه.
(5) خضار سوتيه.


المغرب تقريبا الساعه 7 : - اي نوع قهوه +اختيارات الضحى مع التنسيق = يعني الي تاكلينه الضحى مايتكرر المغرب


العشاء : -
سلطه خيار مع روب
او السلطه اليونانيه تتكون من خس + جبن مبشور + طماط وخيار

وبس


منقووول من موضوع بنت الكويت :tek:



وأنا ألحين بسادس بيووم ومرتااااااحه وربي حيل ونفسيتي كوووول :dddds:



واليووم تريقت نسكااافيه

وسناك الضحى : جاي بدارسين مع بسكوت فانيليا قطعتين

والغداااء : وجبة الطفل من هارديز مع بيبسي داايت والهمبرجر من غير خردل ولا مايونيز

وخخخخ وطبعا مايجيبون هارديز الا بدينارين وانا حسابي بس 950 فلس فعزمت بنت اختي الزعنوونه معاي oster_av1:

والمغرب شربت قهوة عربية وقطعتين حلوووو

والعشاااء : زبادي أكتيفيا بالفراولة


وألحين قاعده أشرب جاي أخضر ​

 

[عربجيه]

انا ابي ادش وياكم

 

[عروجة]

انا ابي ادش وياكم

:aha: وينكم بنااات وين يومياتكم :aha:
هلاااا حبيبتي آرحبي حياااج الله ويانا :friends:


بس اكتبي وزنج وطولج وترى موعد الميزان كل يووم السبت الصبح

اليووم قعدت الساعه 9 وشربت نسكافيه 3 في و1 :nbptr:

ماكلت سنااك ماأشتهي

وتغديت توني خضااار مسلوقه ((كوسه - فاصوليااء خضراء - قرنبيط)) سلقتهم وبعدها حطيت البصل مع رشه خفيفه حيل زيت زيتون وحطيت الطماطم وبعدها خلطتهم مع بعض كلهم وكانت والله يمي لذيييييذ :rerrerek: مع سلطه عاديه وبيبسي :eshrab: ماكس

والمغرب بشرب قهوة عربيه مع حبتين بسكوت فراولة

والعشااء الساعه 9 كالعاده روب بس هالمره بآكل خالي الدسم وبدون نكهة




وطبعا أنا كل يووم أشرب شاي أعشاااب وشاي أخضر قبل لا أناام :eh_s(15): :eh_s(15):​

 

[الكيكه دندن]

رد : •¥ حملتي لرشيقات يناير 2011 حياكم ¥•

موفقين حبايب قلبي وان شاء الله توصلون بصحه وعافيه

 

[عروجة]

رد: رد : •¥ حملتي لرشيقات يناير 2011 حياكم ¥•

موفقين حبايب قلبي وان شاء الله توصلون بصحه وعافيه

تسلمين ياقلبي بإذن الله أجمعين​

 

[ياشايل الظبى]

بنات بدش معاكم بالحمله .. صارلى فتره كارهه عمرى وكارهه الميزان

وزنى 67
طولى 155

وبمشي على تخفيف الاكل مع رياضه يوميه وبحط يومياتى معاكم

 

[كيكه توفي]

موفقين يارب

 

[عروجة]

بنات بدش معاكم بالحمله .. صارلى فتره كارهه عمرى وكارهه الميزان

وزنى 67
طولى 155

وبمشي على تخفيف الاكل مع رياضه يوميه وبحط يومياتى معاكم

:aha: حيااااااااااج يادلبووو وبإذن الله نوصل للوزن المطلوب بصحه وعافيه :aha:​