العنيدة؟
New member
||
قبل اعرف امشي لوصلك .. عشقت العَدي
ـــــــــــــــــــــــ قبل أسافر لتكوينك .. نسيت استخير
معْك يا نصفي الثاني عرفت أبتدي
ـــــــــــــــــــــــ رحلة الخوف .. و أمشي له معَك للأخير
ما أبي حب يبقى للزمن سرمدي
ـــــــــــــــــــــــ ودي آصل نهاياتك و أعرف المصير
||
أحب وكل من يعذل علي حبك ترى مسفوه
........... أنا ما أقدر علي اكذب وقلبي يعشقك كلك
||
آه .. يـا شيـن إنكسـارات النخيـل ..= وآه .. يامقسى الكبيـر إليـا .. صغـر
||
دخيل الله ياهمن تشكل فيك سجاتـي
دخيل الله ماقصرت في راسي وسجاته
،
مشيت اطوال فدروبي وطالتبك مسافاتي
فلا كليت من دربي ولا كلت مسافاتـه
||
أنتي عسل ماهو عسل سدر وجبال"
"مخلوقتن جيتي كذا امن الله عسل
انتي عسل ملكي ولا لغيري مجال"
"الله يهني الغيـر بإنتـاج النحـل
||
الجهد ضاع وضاع من عمري سنين
وقنعت بالمقسـوم وارتـاح بالـي
الا انت ما اقنع منك ياكامل الزيـن
ياللـي غرامـك ثابـتٍ مايزالـي
||
كيف أباصل و من حول الإجابه عتيم
كيف أببعد و أنا ما أقدر على هالبعاد
الإجابـه مجاهيـل السـؤال الأليـم
مثل جمرة تزفّ أنفاسهـا فالرمـاد
ليه حزني على كثر التفائل .. كريم
ليه شكّ ٍ محبب في ضميري ...وكاد
ليه درب ٍ يـودّي "للمبـادئ" لئيـم
لا مشى الجايع اللي ما لعمره حصاد
ليه هذا السؤال اللي في بالي قديـم
سرمدي ّ ٍ بقى مثل الدواير يعاد !!!
||
ايه اعترف بالحب دقه وجله ..!!==ايه اعترف ماني على الكذب مجبور ..!!
لحظة وداعك عفت أنا الكون كله ..!!=="أضحك وأنا من جور الأيام مقهور" ..!!
||
الشعر ّ ( حالَه ) ... ومن يغصّب شعوره للكتابه
والله إنه مـا جنـا غيـر الركيكـه والهزيلـه
والسؤال المُعتبر ّ يستاهل أكبر ّ مـن إجابـه ..
والتطفل ّ ..( مبـدأ ) الغايـه تبـرر للوسيلـه
||
أحلام .. كانت في سمايـا .. مصابيـح
غيري .. خطفهـا للـدروب وسراهـا
||
حطت لي الدنيـا حبيلـه ومسبـاق
،، ـــــــــ ،، والحنظلـة قالـت تصبـر وذقـهـا
تقودنـي قـود المطاويـع بخنـاق
،، ـــــــــ ،، والمشكلـة فـي سيرتـي تختلقهـا
والحظ عاق وعاقني والدهـر عـاق
،، ـــــــــ ،، فيّ اختلط عـج السنيـن وغسقهـا
||
اقهوي ظنوني على حلم مرتاب
................................ لين استرابت من دلالي ظنوني
بعادهم فاسٍ على زنّد حطاب
.............................. ومنين ما مرّوا عليّ ؛ احطبوني
||
بعد ماطاب لي وصلك وجا للشعر ذوق وحين
ابمشي في بساتينـه وبقطـف عـذب عنابـه
وبهديك القصايد من ضميـر ذاق مـر البيـن
بعقد من الفرايـد لاجـل يزهابـك وتزهابـه
||
عقبك .. أشوفـك فـي عيـون الأوادم
وأنا أحسب إنك مرحلة ّ عمر ّ .. وتفوت
||
معك يا نصفي الثانـي عرفـت أبتـدي
رحلة الخوف وأمشي له معك للأخيـر
ما أبي حـبّ يبقـى للزمـن سرمـدي
ودي آصل نهاياتك و أعـرف المصيـر
||
ودي أقول إن الزمن يكشف الناس
ويظهر لك نفوسٍ قديـم مرضهـا
تظن رفقتهم مكاسـب ونومـاس
وياسرع ماتقفي ليا اخذت غرضها
||
ليتك تحس بلوعة الشـوق فينـي
حتى تعرف القلب وش كثر يغليك
ياللي سكنت العين واتعبت عينـي
اسهرتها واتعبتها لاجل ترضيـك
تعال لاتقطـع رجـاي وحنينـي
والا تذكر كيف انا اهواك واجيك
جيتك بطيب وحـب والله يعينـي
وكل القصايد صغتها لاجل عينيك
ابا الرضا واطلب عسى تهتويني
وترد صوت من ضميري يناجيك
ومن كان له حيله بهـا يستعينـي
وكل الحيل ضاعت وبين تجافيك
ابليـس ارسلتـه يحببـك فينـي
رجع لي الملعون متولـع فيـك
||
من جاني .. خطوه .. جيت له خطوتي ِميل
وان كـان قفّـى .. طرقـتـه ماعرفـهـا
لا واحسافه .. صدق يـا كذبـة ابريـل ..
النـفـس ّ طـابـت يعـلـن الله أسفـهـا
||
عن قناعه كنت احبك / وعفتك عن قناعه
ماكرهتك.. بس ماني على الفرقا حزين
||
تحبنـي .. لـكـن بتقـديـر " وقـيـــود"
مـا تحتجـب عـنـي ولــو عاتبـوهــــــا
:
تدري وش أصعب شي في الحب ياسعود!!
انـك تـحـب الـلـي تـعـدّك اخـوهــــــــا
||
موت الليالي في عيوني ولا شي
قد راح اخير من الليالي والايام
||
لكّ الله عود قلبي له على جمـر المحبّـه فـوح
جروحي خضر و الجرح الخضر من فاخر أطيابي
يقولون إن عصاك الوقت طيعه كان لك مصلوح
وأنا ما بين أطيع الوقت و أعصي رغبة أحبابـي
||
||
يا غامضه نقّضتي بْقلبـي جـروح
رحتي وأنا خايف يطول إنتظـاري
رحتي وأنا ماأدري على وين باروح
يعني رجعت لضيقتـي وإنكسـاري
||
يغفـر .. الله .. والبشـر .. ماهـو .. غفـور "
" والحظيظ .. الـي .. نفـث .. همـه .. وبـاح
الوفـاء .. للنـاس .. تحفـظـة .. الـصـدور "
" يـاصــدوراً .. علمـتـنـا .. الإنـشــراح
||
واعز نفسي / عن الروحات / والجيه
لاشفت منهم جفا / لو اني اغليهم .!؟
||
صمتك كلاااام ويكفي الصمت ويااك
كنك بصمتك تشعل الحرف فيني ...!
||
وتراك أنت الوحيد اللي غيابك ماهو أي غياب
غيابك غير، لو تغيـب تبقـا بالحشـا باقـي
رفعتك عن كلام أهل الحسد والحقد والكـذاب
وسكنتك مكانٍ لايقٍ فـي شخصـك الراقـي
||
حبيبي والمساء لرخى سدوله وأظلمت دنيـاي
ذكرتك ياضياء عمري وشع النور من عينـي
عليك الله كيف تهيّض خاطري واجيب اقصاي
وعليك الله كيف أسكنت حبـك فـي شرايينـي
أجيك بلهفة المولع تسابقنـي عليـك أخطـاي
أجيك بحلم والا العلم وين أنته وانـا وينـي ؟
||
تدري ان الناس فحضورك عدام
وفي غيابك تحضر وكلي معدوم
حتى شوف بغيبتك شوقي حمام
يرفض انه لغير طلاتك يحـوم
||
أحيان أقول الألـم نعمـه و لاهـو عقـاب
وأحيان أشيل البكا في داخلـي مـا بكيـت
وين ابتدي يا أنا .. ويـن أستثيـر الركـاب
وين انتهي كيف ابنهي غربتـي مـا انتهيـت
||
ياكثر ما احلل وابّـدع فاالالغـاز
وماكادني لغـز ولا هـم فكـري
الا غرامك صاير كلـه اعجـاز
احترت به وشلون والله ما ادري
||
بعض البشر .. لاغاب .. ! تفرح له قلوب .. !
.. .. .. .. وبعض البشر !! " القلوب" تبكي .. غيابه .. !
||
ياليت ما فالصدر ينشاف بالعيـن
وياليت ماعندي من الشوق عندك
||
بعض العرب لو بينك وبينه بحور
تشفق لشوفـه وتستلـذ لكلامـه
وبعض العرب لو بينك وبينه شبور
ودك تحط بينـك وبينـه عدامـه
قربه دبور ودنوته منـك ديكـور
يغنيك بعده عـن قليـل إفتهامـه
||
ماني محاسبك مهمـا كـان تقصيـرك
وارجوك تدمح خطاي وبعض تقصيري
مابغى العواذل تفـرح يـوم تغييـرك
وانا اوعدك ماحـدٍ يفـرح بتغييـري
||
حبيبي .. قمت اكرر كل احاسيسي .. وقافي غير
كان فرقاك قيـد ٍ مـا تركنـي ارتحـل عنّـك
عليك الله ... ترحم مابقى بي شـي ّ للتعزيـر
جروحي كلها .. ياصاحبي .. يا معذبي .. منّـك
تعااال .. وخلنا من هالعتـاب وكثـرة التبريـر
تبّسم يا فديتك .. يوم موتي .. لا ضحك سنّـك
