غدانا في خميس من الخميسات الحلوة
مجبوس لحم بالمجدرة طريقتي الخاصة
المقادير :
رز ( حسب الكمية اللي تبين وعدد عائليتك )
نص كوب مجدرة ( عدس اسود اللي يحطونه بالكشري )
لحم هبر او مع عظم
بهارات
بصلة مقطوعة نصين
كركم
ملح
دارسين اعواد
حبات مسمار ( قرنفل)
هيل حب
ورق غار
طماطة مقصوصة نصين اي حجم ( تشيل ازفرة اللحم )
بطاط حلقات شوية عريضة
جزر حلقات او اصابع رفيعة ( بس يومها ما كان عندي )
بصلة مفرومة
1 ماجي
زيت
للوجه : ماء ورد او كادي منقع فيه زعفران وهيل ناعم
طريقة طبخ اللحم ( انا استخدم جدر الضغط اسرع ) :
- اغسل اللحم وافوحه مع ماي بس لمدة 5 دقايق لما تطلع الرغوة اقط الماي واغسله عدل
- اجهز جدر الضغط واحط فيه اللحم السابق مع البصلة والمسمار وورق الغار والهيل والبهارات والدراسين والكركم ( كل البهارات المذكورة فوق ) والطماطة
( بدون ملح ) لا تضيفينه عشان بسرعة يستوي اللحم واغطيه بالماء لحد العلامة الموجودة داخل الجدر واسكره واخليه على نار متوسطة لمدة نصف ساعة .
( بدون ملح ) لا تضيفينه عشان بسرعة يستوي اللحم واغطيه بالماء لحد العلامة الموجودة داخل الجدر واسكره واخليه على نار متوسطة لمدة نصف ساعة .
- بعد ما يستوي اللحم اتركي جدر الضغط يبرد قبل الفتح تقريبا ربع الى نصف ساعة عشان ما ينفجر بويهك لأنه مليان بخاااااااااااااااااااااااااار وشوي شوي فتحيه بالراحة عشان يتسرب البخار
- اختبري اللحم ومتأكدة انه استوي :eh_s(15):
- ضيفي كمية الملح اللي تبين واتركيه يطبخ على النار
بدون لا تسكرينه لمدة 10 دقايق عشان يتملح اللحم .
- ضيفي كمية الملح اللي تبين واتركيه يطبخ على النار
بدون لا تسكرينه لمدة 10 دقايق عشان يتملح اللحم .
- بعدها ارفعي اللحم من الماء ورشي عليه قليل من البهار واقليه على الخفيف بمقلاة واتركيه على جنب
- بنفس المقلاة اقلي شرايح البطاطس او الجرز ( اذا تحبين ) واتركيها على جنب
طريقة العيش ( الرز ) :
- غسلي العيش ونقعيه بالماء لمدة نص ساعة
- اغسلي المجدرة ونقعيها بماي لمدة نصف ساعة
- في جدر افرمي بصلة او شرايح رفيعة ما يهم واحمسيها على النار ورشي شوية ماء عشان يصير اللون بني
- ضيفي المجدرة ( طبعا تشخلينها عن الماء ) علي البصل واستمري في الحمس والتقليب لما ينشف الماء
- ضيفي زيت عليهم بالكمية اللي تناسب العيش بس لاحظي ان راح نستخدم ماء اللحم فيمكن يكون فيه شوية دسم من اللحم الهبر ( يعني انتي اتحددين كمية الزيت )
- ضيفي حبة ماجي و ماء اللحم بشكل يغطيه واتركيه على النار يطبخ لمدة 10 دقايق عشان يستوي على النص
- اشخلي الرز من الماء المنقع وضيفيه على المجدرة والبصل واخلطيهم بس لا تتكسر حبات العيش
- ضيفي عليهم من ماء اللحم ولازم يكون بواقع 2 سم ارتفاع عن العيش واتركيه على نار عالية شوي ( اختبري الملوحة اذا احتاج زيدي ملح شوية )
- لما يبدأ العيش ينشف قصري النار ( هادئة ) وحطي تحت الجدر الحديدة ( ما أدري شنو يسمووونها ههه ) .
- رشيه بمنقوع ماء الورد والزعفران .
- حطي اللحم والبطاط بعد ما قليتيه داخل الجدر عشان ياخذ من ريحة العيش ويلين البطاط اشوي
- اتركيه على النار الهادية حتي ينشف الرز وتنثر حباته
جهزي الدقوس بطريقتك
وقدمي الطبق بالحال مع الأجار والخضرا والززززززززي منننننننننننننننننه
وهذا الصحن كله مقدم اهداء لحلوة ومملوحة
لأنها تحب البطااااااااااااااااااط :eh_s(22)::eh_s(22)::eh_s(22):
لأنها تحب البطااااااااااااااااااط :eh_s(22)::eh_s(22)::eh_s(22):
وعوافي علينا وعليكم حبيباتي
دعواتكم والكلمة الطيبة تفرح القلب:eh_s(7):
