معاد لي قلب ضلوعي تضمه
وش كثر راح من الشقا وش بقى كم
اللي رضع من ثدي الأيام همه
يموت قلبه ماتعافى من الهم
ابو الزمن ظلمه كثر قسوة امه
الله يامجرى الليالي على الظلم
لو للزمن قلب وضمير وذمه
ما كان نزل دمعة البكم والصم
ياليت لي جرح وينشاف دمه
مير البلا من جرح ما سال له دم
لو كل من صاح أيقظ العدل فمه
غديت كلي للمظاليم أنا فم
اللي بلعها لقمة الوقت صمه
مهوب مثل اللي مترف وينعم
امسوا عيون لازرق الدمع جمه
خلان وأحباب و خوال وبني عم
وأصبحت كل ود روحي تشمه
قبل الفراق يحط في الكبد ميسم
وتفرقوا مع كل درب ويمه
ولاعاد به درب عطاني لهم علم
ـــــــــــــــــــــــــــــــــــــــــــــــــ [:eh_s(17): مانع القبع:eh_s(17):]
رآقت لي كثير .. :eh_s(7): للشاعر مانع القبع
اتمنى اني حزت مرتبه من رضآكم بهالقصيده
التعديل الأخير:
