ّ^*^ّالولادة بأمريكا ّ^*^ّ

[جواهر روعة]

السلام عليكم يا جميلاااات

انا مفكرة ارةوح اولد بأمريكا و الحين توني بآخر الثالث ,,,, بس قبل لا اسوي هالخطوة حبيت اسأل اللي رايحة و مجربة أو تعرف وحدة مجربة من فترة قريبة ...
وين راحت ؟
أي مستشفى بأي مدينة و شلون كانت الولادة؟؟؟
تكلفتها جم؟؟؟
والسؤال الأهم شكثر قبل الولادة راحت و هل واجهت صعوبة بالمطار هناك ولا لا؟؟؟؟

اتمنى هالموضوع يكون موضوع فيه معلومات تفيد أي وحدة غيري بعد

نداااااااااء خاص للمغتربات هناك لو يساعدونا بالمعلومات العامة... عن مستشفيات مناطقهم نكون جد شاكرين لهم

 

[فيلسوفة قلبي]

أشحقه أمريكآ.. !!

تتغربين وتتبهدلين ومحد معج ..

ليش كل هذآ ..

يبه ديرتج أقرب لج كل أهلج يكون يمج أحسن أنج تتغربيين

ألأ إذا أنتي ظروفج عشان دراستج أو شغل ريلج أوكيه بس عشان تولدين بس تروحين أمريكآ..

هذه شوي غريبة

 

[popa]

يفيلسوفه يمكن تولد اهناك عشان الجنسيه الامريكيه
والله انا ماعرف بس الي اعرفه ان الي بتولد تروح حق ديرتها عشان ماتتبهذل
اهناك شطار يتدربون على الولاده فيولدون بدون مساعدات الله يعافي يوتيوب الي علمنا

 

[Model Look]

اذا كنتي ماتدرسين ولا ريلج هناك بتواجهين صعوبات بالمطار واحتمال كبير يردونج !! ترا وايد سووها وردوهم

اما اذا ريلج هناك روحيله من الخامس عشان ماتتبهذلين

انا اهلي كانو بامريكا وانا بلندن بالثامن بغيت اروح لهم بس ابوي قالي لاتيين تتبهذلين

 

[Aloe Vera]

لازم يكون عندج تامين يمشي في امريكا ولا ترا تكلفة الولادة الطبيعية ٢٠ الف دولار بدون تامين

و في امريكية والدة بامريكا في بفرلي هلز و والدة بالكويت في رويال حياة تقول لو يحصلي اسافر اولد بالكويت لان بالكويت المستشفيات الخاصة يريحونج و يدلعون هناك لا
و سألي اللي والدين بامريكا ماكو شي اسمه دلع

اعرف ثنتين كانو راح يولدون في امريكا بس غيرو رايهم


و بس هذا اللي اعرفه

 

[Mrs.H]

20 الف اذا مستشفى رخيص اللي سمعته 40 الف وطالع.. وااايد صراحة وعباله غير المصاريف الثانية والسين والجيم

 

[جواهر روعة]

حبطتوني

 

[M!SS.LOBY]

الله يفرج همج

 

[smaillips]

لا تتحبطين ولا شي روحي ولا يهمج شي بس بالاول استخيري وتوكلي ع الله انا ان شاء الله ناويه اروح اولد هناك حاجزه الخميس الجاي طيارتي والله كريم يسهل عليج وعلي يارب.

 

[mafio98]

انا اعرف وحده قبل شهر والده هناك وراحت واهي بنص الثامن ولاهي ولاريلها يدرسون هناك وعادي سهالات المطار لاتعقيد ولاشي!!!
وولدة بدي سي مستشفى حكومي قبل موعدها وتقول مااااااااحسيت بولا شي ابرة ظهر قوية

 

[unknown1988]

اللي اعرفه غيروا النظام عشان الجنسيه الامريكيه لازم الحمل يكون بأمريكا ..

رفيجتي وريلها عايشين اهناك وقالتلي ..

ما يسوا كملي الحمل اهمني وبلاها الصعوبات ..

 

[Dalo3at Rayli]

^^^

صصح كلامها ..
و مو بس بــ امريكا حتي بـ اروبا بعد غيروا النظام
و لازم الحمل يكون بنفس البلد عشان النونو ياخذ الجنسيه ..

يعني ما اعتقد في امل و اذا تبين نصيحتي خليج بديرتج احسن يم ناسج و اهلج ..
ترا الغربه صعبه خصوصا و انتي بتولدين هناك بروحج شوي صعبه :eh_s(7): !!


​

 

[مشتطـه]

فراااااااااااااااغه حدج

انا بأمريكا ولو بولد بولد بالكويت

ششالله حادني لا خياط ولا ارف وع يخلون الولادة طبيعيه وتتعذب الوحده

وفوق هذا ماكو كمام لازم ابرة ظهرررر


والولادة رفيجتي سعودية قعدت شهر بالمستشفى اهي والبيبي قالت ابيهم يعتنون فيني

طلع حسابها مليون ريال يعني 80 الف كويتي خخخخخخخخ عالتأمين طبعآ


وانا مراحعة عادي بالمستشفى نشلة واحتقان طلع حسابي 350 دينار تخيلي الغلا شلون

والولادة قالو ب 6000 الاف كويتي الطبيعيه


وبصراحه هم وغم الولادة بالغربه وع

واصلا انسي تولدين من غيررررررر مرا تساعدج راح تموتين من التعب

ورفيجتي سعودية احتبس الدم بأرحامها ويقولون كله منج شحقة تغسلين بماي


انسييييييييييي

الله يعافي الكويييييييييييت و دلعها

 

[Jannat]

حلاته في دير واهلج حواليج ليش التعب والمرمطة وخسارة الفلوس علفاضي وش بتسويله الجنسية......؟؟؟! ترى اهناك ماعندهم دلع ومادري شنو انا انصحج اتمين اهني احسن

 

[el lulu]

انا بامريكا وما عندي تامين ​

مراجعات الحمل لي الولاده بدون التحاليل وبدون سونار بس مراجعه تروحين وتجابلين الدكتوره وتسألينها الي عندج مكلفتني 1200 دينار ​

السونار الكبير الي يكون بالتفصيل ويسوونه بالخامس 1000 دينار بالكويت 30 دينار هني ألف ,, الله يديم عزج يا كويت​

تحاليل الدم وتكرمون البول ليلحين مكلفتني 470 دينار ​

الولاده اذا طبيعيه ( بدون ابرة ظهر) 5000دينار ومع الابره يزيد السعر وحق يوم واحد تنامين بالمستشفى​

الولاده قيصرية 7000دينار ​

حق يوم واحد بالمستشفى وبدون تحاليل واي تكاليف ثانيه ​

جم مره اتعب واروح الطوراي يوم زادت عليي النساة كل زياره كلفت بحدود 600دينار​

كل شي يزيد عن الي ذكرته له سعره لو اهو درب مغذي تحتاجينه يزيد السعر بالاميات​

هاذي اسعار المكان الي انا عايشه فيه​

يعني بكل اختصار اذا حالتج المادية تسمح تعالي اولدي هني اذا لا راح تتحملين تكاليف فوق طاقتج اذا بمستشفى كبير او مدينة غاليه على حسب المكان والمستشفى​

اي وتذكرت شغله بعد الادويه غاليه ​

حبوب اللوعه صرفتهم بس 60 دينار وحبوب الحارج30 دينار ( حبوب بوصفه دكتور مو الي متوفرين بالصيدليه لانهم ما نفعو معاي)​

اول شي ارسي على مدينه معينه و اختاري مستشفى معينه وبعدين ابدي راسليهم وراسلي عياده اذا راح تراجعين واتوقع لازم تراجعين طبيبة خلال فترة الحمل وشوفي التكاليف كلها بجم عشان تكونين مستعده وشوفيلج بعد تكاليف السكن وغيره ​

وعلى قولتهم حطي فلوسج بالشمس وقعدي بالظلال ​

 

[مشتطـه]

واااااااااااااااااااااااااي يمه صدمتيني لولو ليش ما سويتي تأمين

بصرررراحه ما سوى عليج الحمال
لو انا منج ارد الكويت ؟

واي احتريت عليج قطيتي واااااااااااااااااااااايد حيل

 

[فيلسوفة قلبي]

مآأدري صج مستغربة ..

يمكن نظآمكم غير ..نحن بعمآن يفضلون لاجنسية تكون عمآنية ينتسوبن للبلد

لأن بآجر أمور الآراضي والقروض السكنية و الوضائف تكون أولى لإبناء الوطن ..

بس أنج تأخذين جنسية أمريكية لولدج ليش شنو الأسباب !!!

 

[el lulu]

واااااااااااااااااااااااااي يمه صدمتيني لولو ليش ما سويتي تأمين

بصرررراحه ما سوى عليج الحمال
لو انا منج ارد الكويت ؟

واي احتريت عليج قطيتي واااااااااااااااااااااايد حيل

بعد قلبي مشتطه حااسه فيني انا بعد وايد محتره بس شسوي غصبن عليي قاعده هني ظروف لو بيدي رجعت .
المشكله بعد التخرج السفاره سحبو التامين مالهم ف صرت بدون تأمين وحاولت اطلع تأمين هني ما ضبط معاي عشان نوع الفيزا تغير من طالب لي سياحه يقولون ما يصير لازم من ديرتج تطلعينه .. وسألنا بالكويت شركات التأمين هناك خربووووطه ما يدفعون شي يقولون لج انتي تتكفلين بكل شي ومتى ما رديتي الكويت تييبين كل الفواتير ونشوف شنو الي يرد لج حسب الخطه ما منهم فايده.. هالايام اسناني تعورني بعد طالعتلي طلعه وخايفه اروح الطبيب ههههي خايفه انصدم من الفاتوره
بس ان شاء الله أقدر ارجع الكويت قبل رمضان الله يسهل علينا يارب

 

[مشتطـه]

اييييييي والله ردي .. فلوسج هذي حطيها عالفيرست كلاس وروحي دايركت الكويت وانسدحي طول الوقت

شوف عيني البزنس نايمين طول اللليل مخده وكمبل وانا امر اروح الحمام واحتر هههههههههههههههههههههههههههههههههههه



يارب تتسهل امورج يارب

 

[mafio98]

ماعدي فكرة عن الاسعار اللي تكلمون عنها بس اللي اعرفها توها والده قبل شهر وشوي وتقول كلفتها الولادة كاملة مع ولدها حطوه بالعنايه المركزه 3 ايام 3000 الاف دينار بس !!!
وماعندها تامين وفيزتها سياحة وولدة بواشنطن