|
|
|
يامسا الأشواق ياشعري الفريد
والمشاعر في كرمها حاتميه
والمشاعر في كرمها حاتميه
ودي أوصف حس كل ماله يزيد
مير يبطي الحكي يوصف شي فيه
مير يبطي الحكي يوصف شي فيه
عل هذا الشعر يحكي ما أريد
يوم شدتني اللحون السامريه
يوم شدتني اللحون السامريه
مرحبا ياملهم احروف القصيد
وكل حرفن يكتبك يحمل مزيه
وكل حرفن يكتبك يحمل مزيه
كيف عني رحت ؟ياأقرب بعيد
ابتعادك ياهو في حقي قويه
ابتعادك ياهو في حقي قويه
لاتعذر لي ولو عذرك شديد
كل حاجة بيدك وماهي بديه
كل حاجة بيدك وماهي بديه
ليتك الي عنده الراي السديد
والله انك ماتفارقني شويه
والله انك ماتفارقني شويه
وليتك الي دلني غصن الجريد
لجل بعدك آتظلل تحت فيه
لجل بعدك آتظلل تحت فيه
دام حبيتك قدم كل العبيد
ماعليك امن الملام وماعليه
ماعليك امن الملام وماعليه
مير هذا الحكي كله وش يفيد
وإنت لك نية وأنا لي غير نيه
وإنت لك نية وأنا لي غير نيه
الأمل يعاند الوقت العنيد
والدعاوي كلبوها منتهيه
والدعاوي كلبوها منتهيه
وإنت في غربتك وإحساسك وحيد؟
ذوق ماذقته وقول الحق ليه
ذوق ماذقته وقول الحق ليه
ما لحقني منك يالحس البليد
غير شعرن عزني وآنا بنيه
غير شعرن عزني وآنا بنيه
عل كل يومن بعد فرقاك عيد
بعد دست النار وادري النار حيه
بعد دست النار وادري النار حيه
معربة الجدين
