ساعة الوفاة : 3:30 صباحا
السبب : حادث على طريق الملك فيصل " سرعه "
عدد الأشخاص : 5
جنسية الاشخاص : كويتيون
نوع الجنس : 3 اناث ... 2 ذكور
تبون تعرفون منو هذيل اللي ماتو انا اقولكم الله يسلمكم انا واهلي منو انا ؟ ليش صار فينه جذي ؟
تعالو تابعوا معاي اقولكم اول شي بعرفكم على الخمسه اللي في السياره
امي 40 سنه ... انا " لجين " 20 سنه ... رتاج 12 سنه ... حسن 18 سنه ... عبد الله 5 سنين
عايله صغيره و متواضعه ارد فيكم قبل هالسالفه ب 20 سنه اي قبل لا انولد انا
امي من عايله مو كويتيه بس عايشين في الكويت على ايامها كان عمرها تقريبا 19 سنه
تروح و ترد من الجامعه مع خالي اللي اهو خالي احمد
البيت اللي تربت فيه امي كان اجتماعي واايد اهل امي كانو يتكون من 4 شباب و 6 بنات امي اصغرهم
و طبعا من يدي الله يرحمه و يدتي الله يطول بعمرها عرفتكم الحين فبيت امي لا لحظه خل اقولهكم الاسامي
ببدي بالشباب من الصغير لي الكبير ما راح احدد الاعمار لان بصراحه ماني ذاكره بالضبط
" احمد ... موسى ... عادل ... شهاب " الشباب بالترتيب
" فاطمه .. ليلى ... عبير ... اماني ... ندى ... " امي" جنان " هذيله البنات
تخيلوا معاي الكويت اول و بيت كبير في 10 يهال اي يهال بنظر امهم و ابوهم يعني
باب بيتهم ما يتصكر الجيران داخلين و طالعين ربع الشباب مثل الاخوان
البنات رفيجاتهم حش و قهوه و جاي و طبعا الحب ما يخلى كل بيت بالكويت قبل عن هالاشياء
العيشه بسيطه طبعا اهم صج ما كانوا كويتيين بس يدي الله يرحمه كان ياخذ معاش اكثر من الكويتي
على قولتهم كا واصل وااايد و كان قديم من الشياب اللي يوم عطوهم الجنسيه
كان يقول مو الورقه اللي تثبت اني كويتي وايد في ناس جذي راحت الدار لهم الله يرحمهم المهم
نرجع حق امي
خالي احمد عنده رفيجه و جاره سالم الطوفه بالطوفه العين على جنان
حب قديم حب من اول نظره سالم كويتي و من عايله قديمه بالكويت
يشوف جنان تروح الجامعه و جنان راده من الجامعه قلبه يزوغ عليها يحبها
نلتفت شوي حق عايله ابوي هم لهم حق من القصه
عايلة ابوي تتكون من 6 شباب " يوسف ... خالد ... حمد ... صالح ... سالم " ابوي " ... تركي " من الاكبر لي الاصغر
اما البنات كان عددهم 5 " هدى ... ناديه ... امل ... مريم ... ايمان ... افراح " من الاكبر و الاصغر
وطبعا يدتي الله يرحمها و يدي له طولت العمر
سالم و جنان قصة حبهم عمرها تقريبا 10 سنين يعني من كانو يهال
تدرون ايام قبل مفتحين اكثر من الحين لا يغركم كلام امهاتنا هالايام لو رحتو شفتو صورهم قبل بالمدارس
جان شفتو النفنوف اللي فوق الركب و التسريحات شغل عدل هههههههههههههههههههه ما علينه
نرجع مره ثانيه لسالم و جنان طبعا سالم كان يمون وايد على احمد عزمه بيوم من الايام على مطعم كباب
بيه مطعم الكباب شنو قبل فرايديز بايامنه هذي
احمد : عازمني على مطعم شسالفتك سلوم وراك شغله
سالم : شللي منك
احمد : ولو انت اخوي يا سالم امر
سالم : جنان يا احمد جنان
احمد : جنان اختي شفيها
سالم : شوف انت حسبت اخوي وانا ياي من الباب ترا انا احبها من زمان و بس خلاص ابيها
احمد : يه هذي الساعه المباركه اخوي انت لا يهمكانا اوقف معاك بس قلت حق اهلك
سالم كان دلوع امه صج انه اهو مو الصغي بس لانه على اسم اخوها الوحيد الله يرحمه فكل طلباته اوامر
ما ترد له اي شي و تتهاوش مع الكل اذا تضايق ولا نام زعلان ولا ما تعشا
سالم : ما عليك من اهلي امرهم محلول بس موسى انا خايف منه هذا شديد اللي فيكم طالع على منو
احمد : خل الموضوع علي ارد لك خبر انا
سالم : تكفه يا بوشهاب داخل عليك
راح خالي احمد حق يدي ياخذ رايه بالموضوع و طبعا خالي موسى عارض و بشده بعد
والسبب كان امي مذهبها غير ابو و خالي كان متشدد من هالناحيه و فعلا لو تدري امي
شكان راح يصير لها بسبت المذاهب المختلفه و تخلف بعض الناس اتوقع ما كانت خذت ابوي
وجان احنه ما سوينه هالحادث الحين ... لا احرق عليكم القصه المهم
خالي احمد يحن و توتر البيت 3 ايام المشكله ان امي كانت راضيه و مستانسه سيايه يدي ابو امي
الله يرحمه ان ما يتدخل براي البنت اذا اه موافقه ما يردها بس ما تيي باجر و تقوله يبه صار جذي و جذي
يحليله الله يغفر له ان شاء الله المهم بضغط خالي احمد على خالي موسى وافق و صار العرس
ومن اول يوم دخلت امي بيت يدي اللي اهو بيت ابوي بدت المشاكل و بدا الحجي
تدرون ما يحبون الغريب بينهم لا ومذهبها غير مذهبهم الله يستر و من هني تبدي القصه كلها
و تبدي معانات امي و معاناتنه كلنه
هذي مختصر صغيرون اخليكم معاه تتشوقون و يمكن يعجبكم ناطره ردودكم ولنا تكمله باذن الله
السبب : حادث على طريق الملك فيصل " سرعه "
عدد الأشخاص : 5
جنسية الاشخاص : كويتيون
نوع الجنس : 3 اناث ... 2 ذكور
تبون تعرفون منو هذيل اللي ماتو انا اقولكم الله يسلمكم انا واهلي منو انا ؟ ليش صار فينه جذي ؟
تعالو تابعوا معاي اقولكم اول شي بعرفكم على الخمسه اللي في السياره
امي 40 سنه ... انا " لجين " 20 سنه ... رتاج 12 سنه ... حسن 18 سنه ... عبد الله 5 سنين
عايله صغيره و متواضعه ارد فيكم قبل هالسالفه ب 20 سنه اي قبل لا انولد انا
امي من عايله مو كويتيه بس عايشين في الكويت على ايامها كان عمرها تقريبا 19 سنه
تروح و ترد من الجامعه مع خالي اللي اهو خالي احمد
البيت اللي تربت فيه امي كان اجتماعي واايد اهل امي كانو يتكون من 4 شباب و 6 بنات امي اصغرهم
و طبعا من يدي الله يرحمه و يدتي الله يطول بعمرها عرفتكم الحين فبيت امي لا لحظه خل اقولهكم الاسامي
ببدي بالشباب من الصغير لي الكبير ما راح احدد الاعمار لان بصراحه ماني ذاكره بالضبط
" احمد ... موسى ... عادل ... شهاب " الشباب بالترتيب
" فاطمه .. ليلى ... عبير ... اماني ... ندى ... " امي" جنان " هذيله البنات
تخيلوا معاي الكويت اول و بيت كبير في 10 يهال اي يهال بنظر امهم و ابوهم يعني
باب بيتهم ما يتصكر الجيران داخلين و طالعين ربع الشباب مثل الاخوان
البنات رفيجاتهم حش و قهوه و جاي و طبعا الحب ما يخلى كل بيت بالكويت قبل عن هالاشياء
العيشه بسيطه طبعا اهم صج ما كانوا كويتيين بس يدي الله يرحمه كان ياخذ معاش اكثر من الكويتي
على قولتهم كا واصل وااايد و كان قديم من الشياب اللي يوم عطوهم الجنسيه
كان يقول مو الورقه اللي تثبت اني كويتي وايد في ناس جذي راحت الدار لهم الله يرحمهم المهم
نرجع حق امي
خالي احمد عنده رفيجه و جاره سالم الطوفه بالطوفه العين على جنان
حب قديم حب من اول نظره سالم كويتي و من عايله قديمه بالكويت
يشوف جنان تروح الجامعه و جنان راده من الجامعه قلبه يزوغ عليها يحبها
نلتفت شوي حق عايله ابوي هم لهم حق من القصه
عايلة ابوي تتكون من 6 شباب " يوسف ... خالد ... حمد ... صالح ... سالم " ابوي " ... تركي " من الاكبر لي الاصغر
اما البنات كان عددهم 5 " هدى ... ناديه ... امل ... مريم ... ايمان ... افراح " من الاكبر و الاصغر
وطبعا يدتي الله يرحمها و يدي له طولت العمر
سالم و جنان قصة حبهم عمرها تقريبا 10 سنين يعني من كانو يهال
تدرون ايام قبل مفتحين اكثر من الحين لا يغركم كلام امهاتنا هالايام لو رحتو شفتو صورهم قبل بالمدارس
جان شفتو النفنوف اللي فوق الركب و التسريحات شغل عدل هههههههههههههههههههه ما علينه
نرجع مره ثانيه لسالم و جنان طبعا سالم كان يمون وايد على احمد عزمه بيوم من الايام على مطعم كباب
بيه مطعم الكباب شنو قبل فرايديز بايامنه هذي
احمد : عازمني على مطعم شسالفتك سلوم وراك شغله
سالم : شللي منك
احمد : ولو انت اخوي يا سالم امر
سالم : جنان يا احمد جنان
احمد : جنان اختي شفيها
سالم : شوف انت حسبت اخوي وانا ياي من الباب ترا انا احبها من زمان و بس خلاص ابيها
احمد : يه هذي الساعه المباركه اخوي انت لا يهمكانا اوقف معاك بس قلت حق اهلك
سالم كان دلوع امه صج انه اهو مو الصغي بس لانه على اسم اخوها الوحيد الله يرحمه فكل طلباته اوامر
ما ترد له اي شي و تتهاوش مع الكل اذا تضايق ولا نام زعلان ولا ما تعشا
سالم : ما عليك من اهلي امرهم محلول بس موسى انا خايف منه هذا شديد اللي فيكم طالع على منو
احمد : خل الموضوع علي ارد لك خبر انا
سالم : تكفه يا بوشهاب داخل عليك
راح خالي احمد حق يدي ياخذ رايه بالموضوع و طبعا خالي موسى عارض و بشده بعد
والسبب كان امي مذهبها غير ابو و خالي كان متشدد من هالناحيه و فعلا لو تدري امي
شكان راح يصير لها بسبت المذاهب المختلفه و تخلف بعض الناس اتوقع ما كانت خذت ابوي
وجان احنه ما سوينه هالحادث الحين ... لا احرق عليكم القصه المهم
خالي احمد يحن و توتر البيت 3 ايام المشكله ان امي كانت راضيه و مستانسه سيايه يدي ابو امي
الله يرحمه ان ما يتدخل براي البنت اذا اه موافقه ما يردها بس ما تيي باجر و تقوله يبه صار جذي و جذي
يحليله الله يغفر له ان شاء الله المهم بضغط خالي احمد على خالي موسى وافق و صار العرس
ومن اول يوم دخلت امي بيت يدي اللي اهو بيت ابوي بدت المشاكل و بدا الحجي
تدرون ما يحبون الغريب بينهم لا ومذهبها غير مذهبهم الله يستر و من هني تبدي القصه كلها
و تبدي معانات امي و معاناتنه كلنه
هذي مختصر صغيرون اخليكم معاه تتشوقون و يمكن يعجبكم ناطره ردودكم ولنا تكمله باذن الله
