ًخيط الولاده متى يطيح ؟

[الورد]

السلام عليكم

البنات. اللي ولدوا بدار الشفاء بسالكم انااول مره اولد فيه والخيط يطيح بروحه ولا لازم الطبيبه تشيله مع العلم انه مو تجميلي؟
انا لي 20 يوم
ومشكورين

 

[لارا2009]

اب
اب
الله يسهل عليج ان شا الله ماعندي فكره

 

[الورد]

يعطيج العافية لارا
اشكرج على الرد

 

[المسكـ]

اي والله انا نفس السؤال هم والده هناك بس على ولدي طاح بروحه عقب 15 يوم تقريبا والله ماذكر ناسيه
بس يمكن مغيرين خيوطهم مادري فاللي عندها خبره ياريت تفيدنا بعد اذن صاحبة الموضووع

 

[عذبة الروح..]

اب. اب

 

[الورد]

يعطيكم العافية بس معقولة كلكم ناسين؟!ليكون من الكمام 

 

[دلوعة مبارك]

انا اذكر جيتها بعد اسبوع ... وشافت الخياط وفكت شي من الخيط شوي .... وقالت فيه خياط يذوب من نفسة ... بس انا الخيط طاح مني بال 25 او باية ال 30 لاتحاااااتين يالغلا ....

 

[أم صقر المنصوري]

الورد
الخياط مدته من 10 لي 15 يوم ويطيح
واذا مااطاح معناته لازم الدكتورة تشيله وروحي
الطبيب جيكي عشان تطمنين ...

 

[FJ style]

نفس كلام ام صقر بالضبط

 

[شامخة الكويت]

لا أعرف هذا أول حمل لي وإن شاء الله يفيدوكي البنات بس بدي أعرف كم تكلفة الولادة سواء التجميلية أو غير التجميلية بدار الشفاء

 

[عسولة 2]

انا اولد دايما بدار الشفا. الخياط يذوب من نفسه. وبعد الولاده باسبوع لازم اراجع. ويشوفون الجرح وهمن قبل لا اخلص الاربعين اراجع واتطمن لا تحاتين حبيبتي

 

[الورد]

يعطيكم العافيه حبايبي ماقصرتو

شامخه الكويت بالنسبه للسعر تقريبا خمسميه دينار غرفة ميني رويال لمدة ليلتين ولادة طبيعية

 

[مشتطـه]

انا لي اليو 13 يوم
ما طاح احس فيه شويـة

وعندي موعد عقب اسبوعين من الولادة

 

[دلوعة مبارك]

الله يهون عليج لاتحاااااتين مردة يطيح ولا توسوسين ذكرتيني بنفسي قبل ..... كنت حدي خاااايفة وكل اشوي ابطل المنتدى واقرا تجاربهم وساعات يريحني ردهم وساعات لا



وحمدالله على سلامتج يالغلا

 

[الورد]

الله يسلمكم خلاص طاح من نفسه
ماقصرتوا