طبعا تدرون خدامتي انحاشت بلندن ووهقتني:eh_s(11): انا وزوجي وعيالي ال4 الله يحفظهم:ioljnmlk:
والحين انا انظف واطبخ وعندي 4 يهال اسم الله عليهم منهم 2 يصومون
<<<طبعا طالبه فلبينية من سنين الطواعين وكل يوم يقولي المكتب خلال اسبوع توصل
اقعد قبل صلاة الظهر واطلَع اللحم او الدجاج واتبله واروح للحمامات عددهم 3 اغسلهم
وعقبها اجمع تكرمون الزباله وعددهم 6 على عدد الغرف وعقبها انظف على السريع الغرف
وبعد صلاة الظهر
ادخل المطبخ بين حماس وقلي وفوح وغسيل المواعين اطلع من المطبخ على الساعه 5
القى الصاله عفسوها اليهال
والقى كبت اليهال فاضي والملابس بالارض :lkmnkl:
اصرخ عليهم واندب حظي
وادخل الحمام اخذ شاور واصلي العصر واقرا قرآن
وعقبها ادخل اجهز الفطور:082502bye_prv: على الطاوله
واثناء الفطور
ماما ابي شوربه ....ماما حطي لي شربت
ماما ما اطول العيش......ماما ليش ما سويتي جريش
ماما حطي فنون ....ماما لا مانبي فنون حطي الراي
وراسي بينفجررررررررررر
اروح اصلي المغرب واشيل مواعيني واغسلهم:dfgl: اخلص قبل صلاة العشا
اصلي العشا بدون صلاة تراويح لاني تعباااااااااااااااانه
عقبها اروح اغسل اليهال :27d66a9c24b146327bf
واجهز لبونا شاي وقهوه وحلو
ويطالعني بنظره شفقة:eh_s(21): ويقول يعطيج العافية يا فوفو
عقبها هو يطلع وانا البس واروح بيت اهلي او احط راسي وانام
لاشفت حلقااات ولا شفت شي ولا صليت التراويح
ويدي صارت يد عامل من الخشونه لا يفيد فيها لا زيوت ولا كريمات
ووجهي مفارقة المكياج والحمرا
واول واخر رقم بموبايلي مكتب الخدم
ولما انام احلم بالصحون والاكل
والحين اللي متعاطفة معاااااااي
تدعي لي توصل خدامتي باقرب وقت
فوفو
التعديل الأخير:
