يوم زواجي :)

[عاشقة-الكفيل]

مسـاء الخيـر ياحلوات ..

اولشي مبروك عالجو الحلو حدي مستانسه


بنات ريلي رايح الحداق وامس احتفلنا بيوم زواجنا والي اساس اليوم ..
بس احنا جدمنا يوم لان سهرنا لي الفجر ماورانا دوامات ..
المهم ودي اكمل اليوم بعد ..
اهو بيرد البيت وبيكون تعبان وريحة زفره لوول ..
بس ودي اسوي شي اونسه الليله بعد لان شايل بخاطره شوي من شغله صارت امس بليل

شرايكم شنو تشورون علي ؟

 

[فانتا ستروبري]

الف مبروك حبيبتي والله يهنيكم

اول شي زهبي له تكرمين الحمام والروب والفوطة

وملابس

اول ما يدش ابتسمي بويهه ولميه قوليله اشتقت لك

ودخليه الحمام قوليله اليوم انا بسبحك والبسك بأيدي

وفركي ظهره وسوي رغوة وحطي على خشمه ولعبي بالصابون

راح يصير وناسة وضحك واذا طلع نشفي جسمه ودهنيه بمرطب

ونشفي شعره بالسشوار ولبسيه ملابسه خليه يحس ان بيبي

الرياييل يحبون جذي والله يوفقج يارب :blueSmCLR:​

 

[عاشقة-الكفيل]

رد : يوم زواجي

اللله وناسه اختي ستروبري وانا اقرى استانست عيل بالتطبيق شلون
الفكره واااااااااااااااااااااايد حلوه روعه ونااااااااااسه

 

[شقرديه كيوت]

رد : يوم زواجي

هم انا اقول سبحيه--او جزيله البانيو ماي حار وحطي شموع بالحمام وعطريه

 

[شقرديه كيوت]

رد : يوم زواجي

جهزيله

 

[فانتا ستروبري]

رد: رد : يوم زواجي

اللله وناسه اختي ستروبري وانا اقرى استانست عيل بالتطبيق شلون
الفكره واااااااااااااااااااااايد حلوه روعه ونااااااااااسه

بعد عمري تستاهلين كل خير والله يديم المحبة بينكم فديتج :hjy5jewf:​

 

[ضحكت حبيبي]

رد : يوم زواجي

كل عام وانتي بخير حبيبتي
وانا بقولج نفس كلام ستروبري
صج انا استانست بعد وانا اقره الرد مالها
وانا بعد اسوي جذي ساعات بس اذا مزاجي اوكي

والعمر لكم ان شاء الله

 

[عاشقة-الكفيل]

رد : يوم زواجي

فكرتج وايد حلوه بجهزله البانيو واسبحه وعقب مايخلص بسويله مساج صارله شهر يحن علي يبي مساج كامل
مشكوره ياستروبري حبيبتي والله ماقصرتي وباجي البنات ماقصرتو

 

[MrS_Rossonero]

رد : يوم زواجي

وي يا حلوج ويا حلو نكج فديييته والله
انا اقول مثل ماقالوا البنات....الزفره مالها حل الا التسبح وغسيل وتشحيم وسنفره خخخخخخ
ولاتنسين حزة المساج خل يسمع منج ذيج الدعاوي الحلوه اللي ترد روحه
والله يسخركم لبعض ياااارب بحق محمد وال محمد

 

[++MesK++]

؛
؛


حلوه فكرة ستروبري


ترسي البانيو رغوه و نثري ورد داخل البانيوو و على ارضية الحمام


و على اطراف البانيو حطي شموع بس ديريبالج لا تحرقين زوجج



و غرفة النوم خليها ظلمه و شبي شموع خفيفه و شغلي موسيقى كلاسيك هاديه

و طبعا" تكونين مزهبه العشا الخفيف

و تحطين العشا على طاوله صغيرونه داخل غرفة النوم

مع العصير اللي يحبه و الثلج

و لبسي قميص نوم يديد و غريب اول مره يشوفه


اول ما يدش ضبطيه بالكلام الحلو

و خليه يدخل الحمام و سبحيه

و عقب جذي لبسيه الروب و خليه قاعد بالروب لا يلبس شي ثاني

و اخذيه خليه يتعشا


و كملي الباقي


؛
؛

 

[الزيـــــ^^ـــــن]

نفس كلام البنات ونثري ورد عالبانيو وخلي الماي حااااااااار

واهم شي الشموع ورشي داخل الحمام معطر وعاد انتي لبسي شي مغري وانتي تسبحينه

موفقة حبيبتي وعيد سعيد

 

[الـــغـــلآ]

رد : يوم زواجي

جنج مرآم بمسلسل زوآرة خميس << برآآآ

اتغشمر قلبؤؤؤ مو تزعلين وابـ لعنوونج

 

[شيخة الحلوة]

بعد عمري والله
ياحلاتج ربي يحفظج لزوجج
استانس اشوف وحده سنعه جذي ينشرح صدري


وانا اختج
سويله هذولاك السندويجات اللي بحبهم
او طلبيله من المطعم

وسويله الحمام ضبطيه حقه
شغلي الحرار وغسلي الحمام عدل وعطريه حلو مو شرط عطر بيت او عطر حمام
اذا عندج عطر قديم ما تستخدمينه عطريه فيه رشي على الطوفه وجذي
وعدلي شقتج عدل مدل
وعقب سوي العشا
وزهبي هدوم حق ريلج

وعقب دشي انتي الحمام اخذيلج شور وعقب نظفي الحمام عدل ورشيه مثل ما قلتلج بعطر حلو خفيف
ولبسيلج بجامه حلوة كيوت حيل
والله يوفقكم انا احس اليوم جذي كافي اذا ودج على شي زياده سويه فديتج والله

 

[مهناز]

تسبحي معاه راح يستانس

 

[عاشقة-الكفيل]

رد : يوم زواجي

بنات مشكورين فديتكم طبقت نص الي قلتوه بس ماقدرت اسوي كلشي لان اخترب الوضع
كشخت وجهزتله العشى وبخرت الشقه
وحطيتله فوطه معطره وروب سباحه وشبيتله شمعه بالحمام تكرمون
وفرشتله سجادته وعطرتها بعد ماكان مصلي
اول مادخل حظنته وبست خدوده بس ماخلاني ادش اسبحه يستحي فديته لوول
اتسبح وخلص جان انشفله شعره بالشسوار وكان لابس الروب ياحلاته بالروب اول مره اشوفه كاشخ لوول
حطيتله العشى وكنت حاطتله شموع عالطاوله (( وقعد كلا التشريبه بيده لوول ))
عقبها دق عليه ابوه وقاله تعبان ونزل حق ابوه ومارد الا الفير :<
لوول يافرحه ماتمت كنت ناويه اسويله مساج وادلعه بس الله كريم لوول كان تعبان حيل ومتكسر ونزل حق ابوه فديته
اعوضها اليوم ان شاء الله

 

[غلامحمد]

رد : يوم زواجي

بنات مشكورين فديتكم طبقت نص الي قلتوه بس ماقدرت اسوي كلشي لان اخترب الوضع
كشخت وجهزتله العشى وبخرت الشقه
وحطيتله فوطه معطره وروب سباحه وشبيتله شمعه بالحمام تكرمون
وفرشتله سجادته وعطرتها بعد ماكان مصلي
اول مادخل حظنته وبست خدوده بس ماخلاني ادش اسبحه يستحي فديته لوول
اتسبح وخلص جان انشفله شعره بالشسوار وكان لابس الروب ياحلاته بالروب اول مره اشوفه كاشخ لوول
حطيتله العشى وكنت حاطتله شموع عالطاوله (( وقعد كلا التشريبه بيده لوول ))
عقبها دق عليه ابوه وقاله تعبان ونزل حق ابوه ومارد الا الفير :<
لوول يافرحه ماتمت كنت ناويه اسويله مساج وادلعه بس الله كريم لوول كان تعبان حيل ومتكسر ونزل حق ابوه فديته
اعوضها اليوم ان شاء الله

ههههههههههههههههههههه استغفر اللة ابوه مالقى يتعب الا بالوقت الصعب

 

[مجنونة حبه]

لووووووووووول عاد تشريبه بالعافيه عليه بس لو كان شي خفيف وحلو او حتى كيكه او ككاو ذايب وفوكه مقصصه

 

[الأميرة جوري]

رد : يوم زواجي

البنات ماقصروا ...بالتوفيق

 

[صفاءء]

تدرين شسوين ؟
سوي مطبق سمج ههههههههههه

 

[صفاءء]

تدرين شسوين ؟
سوي مطبق سمج ههههههههههه