يوم زواجنا ويوم ميلاده بيصادف اول رمضان

[قلب الزعابي]

السلام عليكم خواتي
ادري كثرت مواضيع الهدايا وشو نهدي أزواجنا في المناسبات
المهم يوم زواجنا أتوقع بيكون اول رمضان
وعقبه كم يوم بيكون يوم ميلاد ريلي :eh_s(10):
بنات مختاره كيف احتفل معاه
وشو اسوي ما بغي أطوف المناسبتين
على اساس بحجز فندق بس ما ينفع في رمضان
ياريت تعطوني نصايح او هل أكنسل الحفلات واكتفي بهديه
ممكن تقترحون علي هدايا غريبه وروعه
أنا أهديت ريلي
ساعه ماركه ثلاث مرات خدت له ساعه :eh_s(16):
نظارة ماركه
ورد
عطور
ابغي شي يديد
وشكرا :eh_s(7):

 

[بوح الحنين]

خوذيله جوتي فخم مع شماغ مع شي هو يحبه مثلا ميدالية سياره حلوه وقليله بمناسبة يوم ميلادك ورمضان فحسيت هذا اللي تحتاجه

 

[سندس 90]

Upp,,, 

 

[نـعـومـه]

اكتفي بعزيمه على السحور وهديه

 

[الشهد كله]

حبيبتي تقدرين تسوين حفلتج أو تأجرين لكم فندق الويكند اللي قبل رمضان

ماراح تفرق

وعسى الله يتمم عليكم​

 

[Pinky -cat]

بالعكس بيكون الجو حلو وفرصة رمضان اجواء حلوة ، يبي هدية وسوي حلا وكيكه حلوة وعقب الفطور سوي اجمل احتفال

 

[Zinab BH]

مثل حالتج عيد زواجنا في شهر رمضان
الهدية انا مخططة اشتري له بليستيشن لان يمووت عليها وماعنده
بس شلون و وين و شبسوي مادري
احس فندق بشهر رمضان ماتنبلع مو حلوة
احس تحجزين مطعم و اهما يزينونه لج بباقة الورد و الشموع و الموسيقى الهادئة و العشى و يكون الجو رومنسية و يكون بوقت السحور
اما بالنسبة للهدية جوفي اهو اهتمامه بشنو
حاولي تسألين احد قريب منه اهو بشنو خاطره يمكن كاميرا يمكن طيور يمكن لعبة اللكترونية شي يتفاجأ فيه كسري سالفة الساعة و العطور و البخور

 

[قلب الزعابي]

اممم اختي اللي تعطيني أسامي وأرقام من الكويت أنا إمارتيه وتسلمين الغلا

صح فندق مول ما ينفع في رمضان لان زوجي بيكون لأهي مع الشباب وانا ابي استغله بالعبادة

فكرت احتفل قبل رمضان وهاي فكره

والهديه فكرت بموبايل بورش بلاك بيري بس غالي بحاول ادبر المبلغ هع لانه غالي حول ال٨٠٠٠ درهم

تسلمون حبايبي وأتريا الباقيات

 

[Patcholli]

خليه قبله بيوم
جدميه يوم واحد مايضر

 

[M!SS.LOBY]

قبله بيوم

 

[كويتيه شماليه]

اعزميه على فطور بمطعم يازين ميس الغانم فطوره برمضان والاجواء تهبل
وسويله مفاجأة بهديه وتورته عقب الفطور والله يوفقكم

 

[جوري الصالح]

اعزميه عالفطور مطعم مع الخــــــيمة الرمضانيه أجـــــــــواء ما تطوف

 

[مآيكبرني نك]

مع اني آحب هالمنتدى لكن مﻻحظة قلة الوآزع الديني ف اعضآءه !

ليش حبيبتي ماتعرفين انه حرآم ؟؟

ع العمؤم كلن عقله برآسه ، وآنتي اللي تحددين مسار حيآتج ، هل تبينها طاعه وبركة

وﻻتبينهآ معصية وذنؤب !

الله يهديكم

 

[song]

اول شي الف مبروك مقدما عيد زواجكم و الله يهنيكم ي رب ،،،

بخصوص عيد الزواج ليش مو فندق و اذا كان رمضان بعد الفطور روحوا و استانسي او فكري بيخت لمدة جم ساعه باليل حتي تقدرين تزينين اليخت ،،،

و بخصوص عيد الميلاد انا سويت عيد ميلاد زوجي بمطعم التميسو و ربي زين ا لطاوله ورود و شموع و تشوفين لكويت كلها لانه حيل عالي اتصلي عليهم بيجهزون لج كل شي و ترا طاوله صاده محد يشوفكم ،،،

او بخصوص الهديه سوي له ميداليه باسمه او ابو فلان مطليه بذهب او مسباح علي اسمه مطلي ذهب انا سويتها لزوجي من مجوهرات زمرده و حيل استانس و اذا تبين رقمهم عندي ،،، وهم رقم المطعم عندي ،،،

معاها ​

 

[قلب الزعابي]

مع اني آحب هالمنتدى لكن مﻻحظة قلة الوآزع الديني ف اعضآءه !

ليش حبيبتي ماتعرفين انه حرآم ؟؟

ع العمؤم كلن عقله برآسه ، وآنتي اللي تحددين مسار حيآتج ، هل تبينها طاعه وبركة

وﻻتبينهآ معصية وذنؤب !

الله يهديكم

الغاليه لا تحكمين على شي ماتعرفينه
لاحظي أنا كاتبه يوم زواج ويوم ميلاد ما كتبت عيد
وبالعادة أنا اقدم له هديه قبل بيوم او بعد بيوم من باب المحبة ولانه مناسبه عزيزه على قلبي
ان بعض الظن إثم
الحمدلله اعرف ربي والدين محد يعلمني
وشكرا على النصيحة

 

[مآيكبرني نك]

انما اﻻعمال بالنيآت ،

ترآج ف نيتج تحتفلين وتهدين وآلخ ،

ع رآحتج !