يوم خاص للقرقيعان ؟؟؟؟؟؟

[حنين]

بنات ودي اسوي حق عايله قرقيعان ابي افكاركم شنو اسوي بهل يوم؟؟؟:gathering:

 

[حنين]

رفع

 

[حنين]

شدعوه مافي اي ردود

 

[ღلولي الحسآويهღ]

ولايهمج أم عدنااان ... انا اتذكر بالناصفه سوينا مسابقات جمعت بنات خالتي يعني صغار وسوينا لهم أنا وامي مسابقات وجوائز ترى مو لازم جوائز غاليه اي شي مثلا الكراتين الي داخهم حظ حيل يستانسون فيهااا واشتري لهم تيجان ههههه...
والاسئله خلليها تكون عن شهر رمضان .... وبعدين خلليهم كل واحد يقول نشيده ولا شعر ولا قصيده عن هالمناسبه ...

اما بالنسبه اذا بيقرقعون عيالج اذا تعرفين تخيطين جيس حق القرقيعان لصقي في الجيسه صور بنت عليها بخنق وولد عليه طاقيه واختاري جيسه خاام مو الي تخروش هههههههه

ووزعي عليهم شي غير الأكل فاهمه عليي؟
مثلا ريالات
مادري شسم الي عندكم ربيات جنه صح؟؟

ولاتعطينهم الا لااازم يقولون قرنقعوه قرقيعان بيت قصير ورميضان عام عام ياصيام ....... الخ


ههههههههه خرابيط كلامي مو على بعضه

اتمنى افدتج "

 

[حنين]

ما قصرتي (حسواويه فلله) يعطيج اااااااااااالف عااااااااااااااااافيه
بس العمله المتداوله بدولة لكويت دينار : للعلم

 

[حنين]

تعديل
حساويه فلله

 

[حنين]

يعني شنو المسابقات ؟ شسوي حق الكبار لصغار يعني الخخخخخخخخخخ

 

[جاكليت]

ايه والله حتى انا ودي اسوي حفلة قرقيعان

 

[sa7ab]

مممم

شوفي حطيلج بوفيه اكلات شعبيه
درابيل زلابيه قرص عقيلي غريبه واللذي منه
ونفس الشي حق المشاريب
شاي بانواعه العادي والاخضر ودارسين بالهيل وشاي وحليب وقهوه عربيه طبعا

ونزلي من النت اغاني قرقيعان قديمه ويديده واغاني خاصه برمضان

وشوفيلج مسابقات حق كبار وصغار اسئله والعاب وخللي اسئلتج عن الكويت وعن الالعاب الشعبيه
ممكن تشترين العاب من بو 100 فلس وتوزيعينها بالنهايه على الكل كبار وصغار

واما القرقيعان انا اقترح عليج يكون بالفله شكلي حطي اللي تبين واذا تقدرين خليهم يغنون واذا عندج بلكونه خليهم تحت البلكونه وكتي القرقيعان من فوق او ممكن توزعين عليهم واحد واحد

هذي بعض المقترحات

 

[التحدى والاصرار]

حلووووووووووو

 

[أم عزيـز]

حبيبتي تقدرين تسوين في بيتج حفله قرقيعان
يعني مثلا تلزقين بالونات مكتوب عليها قرقيعان وتعلقين زينه

واشتري العاب من بو 100 فلس ووزعيها على اليهال

وسوي مسابقات خفيفه حق اليهال مثل (الكراسي - شد الحبل - بولينج - لوقو (تركيب) )

وفي لعبه حلوه تحطيت برتقالتين حق اثنين يهال
واعواد خشب
اسرع واحد يحط الاعواد الخشب في البرتقاله

من هالسوالف
والكبار هم تقدرين تسوين لهم مسابقات خفيفه
مثل الغطاوي والألغاز

والجوائز طبعا رمزيه وهم تونس
مثل طقم استكانات والا فناييل

والقرقيعان جيسيه ووزعيه على اليهال اخر شي
والاكل مو شرط تخبين نفسج وايد وكلفين على عمرج

حطي معجنات - شاميات شاورما - لقيمات ) وكبب وهالسوالف