يوم بحياة وليه أمر وسط الأسبوع

[فوفو22]

الساعة ترن 6 الصبح ترررررررررررن



فزعه من الفرااااااش :RoadRunner: والكشه قايمه وركض لغرف اليهال





قوموا قوموا مدرسه



البسوا عقب حنًه ورنًه وتوصيل لسياره واستلام التوصيات اليومية مني:klhfl:



وبعدين انا لبست ورحت الدوام وشغل وكراف هناك وطباعه وملفات واستقبال جمهور



وعقب الساعد 30ر1 الظهر



ميري حطي الغدا



تغدينا ولله الحمد

وجبنا الجناط هذا تحفيظ سوره المطففين واجابة سؤال 4 من كتاب الانجليزي

وهذاك حفظ جدول الضرب وتلصيق صور بكتاب العلوم

وهذيك كتابة الواجب مرتين واستخراج كلمات بهمزه الوصل و القطع

والصغير يبي صورنباتات للعلوم

وهذا ابي دفتر انجليزي

وهذاك ابي اغيب باجر ومني ومناك



اذن المغرب



انسدحت ربع ساعه ورن جرس الباب



منوووو



المدرسة الخصوصي وهات شرح وصراخ وابتسامه وقبض فلوس وبااااااااي



ميري حطي العشا



تعشينا ولله الحمد



يلى يا عيال نامواااا



مانبي ننام بنشوف التلفزيون وصرااااخ وصيحه وبعد نامواااااا



صارت الساعه 9 بالليل



الوجه املط والشعر شوشه والصوت رايح والمزاج متعكر وابو العيال :68_asmilies-com: ب الطريج



ادخل الحمام فرك وشد ومط وعقبها ما اشوف الا انا نايمه:ch12: ورنت الساعه 6 الصبح







بذمتكم انتوا مثلي او انا شوي ام بضمير

 

[شواقه المطيري]

هههههههههه الله يعينج بس ضروري تنظمين وقتج وحياتج ...

 

[فوفو22]

هههههههههه الله يعينج بس ضروري تنظمين وقتج وحياتج ...

تسلمين حبيبتي على المرور

 

[^ليلاس^]

الله يعينج زين تسوين اتابعين عيالج ودراستهم لان اليهال اذا هديتيهم ما يدرسوون

 

[أم حمودي]

أمبيه لووووووووووووووووول
هذا أنا
فعلاً هذي يومياتي مع اليهال وقت المدرسة

 

[مليان قلبي]

هههههاي صج ضحكت من قلب يا فوفولأني قاعده أشوف نفسي فيك بس ما أقول إلا الله يعينا وشكل عيالك بالأبتدائي مثلي .. والله اذا جت عطلة الربيع أو الكبيره أنا استانس اكثر منهم .. صج هم

 

[فوفو22]

الله يعينج زين تسوين اتابعين عيالج ودراستهم لان اليهال اذا هديتيهم ما يدرسوون

اكيد ما يتخلون بروحهم

حتى الجدول انا اسويه

حياج الله

 

[أم عبووووود]

سبحان الله

شوفي الام المهتمة بعيالها تبين والله انا اقوم خمس ونص واقعد عيالي واسوي ريوقهم زازهب جنطتهم الاكل وكل واحد يتشرط شنو يبي وبعدين البسهم وامشطهم واقوم البس واروح الدوام وهما ابوهم يوديهم والباجي نفس حالتج بس الفرق انا دوامي الحمدالله مو كراف بس احيانا يصير عندي شغل برة الوزارة لكن انا وعيالي معركة لي صلاة العشا احيانا وعقب ماينامون عالساعة سبع ونص ثمان انطر ابوهم اقعد شوي معاه وبعدين انااااااااام
ويبدي الروتين ثاني يوم نفس اللي قبله وفترة الامتحانات حدث ولا حرج اعصاب مو طبيعية

الله ياجرنا يارب ويوفقهم ويصلحهم

 

[نووووونا]

اييييييييه نفسج فوفو بس الفرق ان انا اسوى الغدا والعشااااااااااااء

والله يعين الجميع ..

بس ضحكتينى على قعدة الصبح ,,,, نفس الكششششششششششششه والصيحه ,,,

 

[السنعة2]

آآآآآآآآآآآآآآآآآآآآآآآآآآآآآآآخ
الحال من بعضه

 

[سيدة الكويت]

الله لا يضيع تعبنا يارب ................يا ما ناس ما يدرون كلش عن عيالهم متفوقين وأحسن ما يكون

 

[فوفو22]

حبايبي مشكورين على المرور

وحياكم الله

 

[القرآن ربيع قلبي]

خخخخخخخخخخخ
والله حالج ارحم من حالي باشوااااااااااااااااااط
الله يعين بس

 

[omneyaty]

ما نقول الا الله المستعان الله يهدي عيالنا

يا جماعه في طريقه لتنظيم وقتهم اللي اشوفه الوقت يا الله يمدي حق واجباتهم والتلفزيون

 

[هدولى]

نفس الحاله ههههههههههههههههههه . الله يعينا ويهدى عيالنا .

 

[فجر@@]

اي والله هذا حالنا بس اللي يبط الجبد الابو اذا يا وهو مريح ومغير جو ويتميلق ليش ما تقعدين معاييييييي كله نايمه مو كاشختلي
شتردين عليه بالله
الله يعين

 

[**أم السنع**]

والله يا فوفو وفجر نفس حالتي بالضبط بس اضيفي عليها تحضير ووسائل ومكتبة وطباعة وعشا تالي الليل

 

[ام رهف]

الله لايضيع التعب
نفس الموال

 

[xxx]

نفس الحااااااااااااله

زياده عليها طباخ الغدا وتحضير العشا

وتوصيل مدارس

الحمدالله على كل حال .. يستاهلون