~ يومــــياتي الجامعيــــــه ~ // قصه تحدي مع اختي شمعه ابوها :$

[lady.shasha]

بسم الله الرحمن الرحيم

حباابي ., شلوونكم ؟

هذي قصتي بين ايدكم حطيتهاا عنااد باختي شمعه ابوها <~ :eh_s(3):

كنا نتحدي منو احسن قصه ..!!

للي ما يعرفها الي كاتبه قصه ( الى روحي انتمي في وخالد )


وقالت نزليها بالمنتدى وراح نشووف .,

رااايكم يهمني >~ :eh_s(20):


.,


يوميـــاتي العــزيره ..
اليوم الاحد 5-10-2009 ..

اليوم بدات انتقالي لمرحــله جديده بحياتي .. وحسيت بالمسؤليـه الكبيره علــي ...
في صباح يوم مشمس كالعاده ,,, درجه الحراره 30 درجه مئويه ..
الكل ماله خلق الا × بو عذاب ( تركــي ) × كان الاخ مقابل المرايا من الساعه 6 الفجــر ... محتار يلبس تي شيرت وبنطلون ... او دشداشه .. ويعفس بالكبت ماله ... ويحوس ... قال مالي الا المنقــذ ..... ×هــتر زمانه ×
........
.......
.......
.......
.......
على اصوات نغمــه السلام الوطني لجيش هتــلر .. ياخذ ( خالد ) موبايلــه – سوني اركسون – وحــده معصب ... منو الي يقومــه من عز نومــه ...
خالد يشوف الرقم ..
خالد : هاااااا شنو تبــي لايكون مقعدني على شي سخيف ..؟
تركي : الناس تقول صباح الخير ... صباح الرومانسيه ...صباح الورد يالورد ... صباح ال....
× ولا خالد يقاطعه وهو معصب× :دام سالفتك صباح ... مع السلامه
طووووووووووووووط ..
تركــي : هيييه الووو ... والله اضحك .. الووو ... الوووو
يدق مره ثانيه على خالد ..
خالد ... هييييه والله لسكره بوجهك ...
تركي : لا يولد الحلال .. بس بقول لك اليوم شنو بتلبس ..؟ ودي البس دشداشه ... ولا برموده ...ولا جنيــز ... شرايك انت ..؟
خالد : مدري اي شي .. اقول اخلص بنام .. شوي وراي دوام وااااع باي ...
ويلبـــس تركي .. دشداشه .. وغتره وعقال .. لانه يدري البنات هالايام يحبون المغتر والتكانه ... الرزين .. كــح كــح

.... اي صح نسيت اقول ..
× تركـــي × ...( ونكــه بوعذاب ) انسان رومانســي .. يحب البنات .. كشيخ .. راعي ماركات .. يحب سوالف الهياط * الكذب عالناس * .. يموت عالسيارات الغريبه .. مغرور .. قصــير بس مو حيل اسمــر وعنده غمزتين >> اهم شي ..
ما عنده سياره محدده ... لانه يحب ياجر سيارات ... غرامــه راشد الماجد ..
عمره 19 سنه .. وماخذ الحيـاه لعب× لعــب .. ماعنده وقت للجد ..

واذا تسالون شلون دخل الجامــعه ... ؟
كان ولد الحلال ماله الا يتمصلح على الاساتذه المصرين .. وياخذ الاختبارات منهم ... كان هدف الوحيــد لدخول الجامعه ....
ان الجامعه خلـــط ... يعني بياخذ راحته ... مع البنات ..

اما × خــالد × او كما هو معروف عند الشله ... (هتــلر زمانــه )..
انــسان جدي .. ماعنده سوالف حــب ... وخبال ... وما يعطي وجهه لاي احـد .. واثقه من نفسه .. غامــض ... هادي ..
طــويل ... عريض ... اسمــر عنده غمازه باليسار >> شنو السالفه مع الغمازات كااااااك ..
يحــب اغاني الروك الاجنبــيه ... وسيارته فورد اسود مغيــم ..

ونجــــي لليوم المنتظــر ..
الساعــه الحين 7:30 صباحـا والشوارع زحمــه ..
وخالد كان معصب توه قاعد من النوم واول محاظره له تبدء الساعه 8 يعني قدامه نصف ساعه بس .. بسررعه قعد من السرير ولابس تي شيرت وبرموده وجوتي رياضه ( وانتو بكرامـه) وكاب .. يعني الستايل السبورتي ,,
وبسررعه ركب الفورد وطيران وشاف الزحمه وارتفع ضغطه .. عباله الشارع شارع ابوه .. معصب وحالته حاله .. المهم .. الحمد لله وصل للجامعه بس ماصارت الساعه 8 ضبط .. طبعا بعد ما دور على مصفط ...
ولا يدق على تركي ( الاخ ماطبع جدوله للحين ومايعرف مكان القاعه بس يحمد ربه ان تركي متكشخ ومرتز من الساعه 7 واهو بالكليه ونفس جدوله بالضبط ) ...
تركي : هلاااا وغلااا والله ببوالشبــاب ...
خالد ×واهو معصب × : اقول خلصني ووينك .. ووين اول محاظره لنـا.؟
تركـي : كاااااااك ... يقول اول محاظره لنا .. يا اخي اول محاظره الساعه 9 يعني بعد ساعه تو الناااس ...
خالد × ومرتفع ضغطه × : مو انت قلت لي اول محاظره الساعه 8 ..؟
تركي : بــلى بس بغيتك تجي مبجر مو حده حده .. ولا انا غلطان .؟
خالد × مسك نفسه × : اوكي وانت ووينك الحين ..؟
تركي : بالقاردن حبيبي ... حياك ..
خالد : وانت قاعد بهالحر وبعدين تعال عباك اني حفظت المكان من الفره مثلك ..؟ اقول تعال اخذني انا عند بوابه 2 ..؟
تركي : تم طاال عمرك .. مسافه الطريق ..
خالد سكر التليفون واهو معصب .. والله وتعرف يا تركي تقعدني من النوم .. والله لاوريك ...

......................

في مكــان ثاني في نفس الوقت.. ..
...... : شوشو قووومي بسررعه يلا تاخرنا ...
شموخ واهي قاعده على السرير وشعرها كووشه : هااا شتبين ..؟
مها تطالعها بكل برود : اقوول حياتي قومي هذا اليوم المهم في حياتي ياحياتي .. اليوم ذا فرست دي ان كولج ياقلبوو ..
شوشو : اوكيه .. والمطلوب .؟
مهااوي : اقووول خلصي الحين الساعه 8 متى بنوصل المحاظره تبدء الساعه 9 .. موحلوه نتاخر باول يوم ...؟
شوشو × واهي ترفع شعرها من وجها × : اوكيه بس ثواني البس ..
مهااوي : فديتج يا احــلى اخت بالدنيا ...
شوشو : يلاا ... اقول والله عطيتج وجهه ... يلا ببدل .. فارقي ..
مهاوي : اوكي حياتي .. انا انطرج تحت ...
وتطلع مها من الغرفه وتنزل للصاله وتلقى امها وتحبها من خدها ..
مها : صباح الخير يا احلــى ام ...
ام شموخ : هلاا وغلاا بببنتي الحلوه .. سمله عليج طالعه تهبلين ...
مها : فديتج والله ... تسلمين ماما عيونج الحلوين ..
ام شموخ : حياتي ليش مالبستي الشنطه الي جابها لج خالج من ماليزا .؟
مها : لا ماما ذيك الشنطه سبوت وانا اليوم لابسه شوي رسمي يعني اول يوم لي .. يااااي ماما لو تدرين شنو شعوري ... احس بطير من الفرحه ...
ام شموخ : يالله تطول بعمرج يارب ويهنيج ..
مها : امييين ^^
تجــي شموخ بعد مالبست برموده بيضا مع بلوزه منتخب ايطاليا مع كاب سبورت ...
ام شموخ : هلا والله ببنيتّي ..
شموخ : هلا يمه .. اقوول يلا مهاوي لا اتاخر ترى الحين زحمه ..
مها : اوكيه يلا انا خالصه ...
ام شموخ : شوشو حياتي انتبهي على اختج .. لا تضيع ..
شوشو واهي تضحك : شنو تضيع يمه ووين قاعدين هههههه ...
ام شموخ : لا تضحكين علي بس انا خايفه على اختج ..
شوشو : ولا يهمج ... اليوم بسحب على محاظراتي علشانها ..
ام شموخ : الله يوفقكم ..
طلعو من البيت بسياره شوشو جيب اف جي ابيض ..
ووصلو للجامعه بعد زحمه ربع ساعه .. والحمد لله لقت مصفط ..
اوووبس ..
نسيت اعرفكم بشوشو ..
× شموخ ×
بنت متسلطه .. مشاغبه .. رياضيه .. ماتحب سوالف الموضه والمكياج .. ملقوفه .. تحب سوالف السيارات والتفحيط بجيبها خصوصا اذا طلعو للبر ...مع ذلك طيبه .. بس فيه غرور ..
مميزه بغمازتين .. متوسطه الطول .. شعرها طويل اسود كيرلي طبيعي >> كااااااك
عيونها بني غامق .. دلعها شوشو .. عنده قطوه اسمها شيرازيه بيضا اسمها فرفوره ...

×مهـــــا ×
بنوته .. حلوه .. مغروره .. الشخصيه المتواجده في كل بيت .. واثقه من نفسها .. دلوعه .. تحب الكشخه والموضه مثل امها بالضبط .. وعكس شموخ بكل شي .. وتعاندها بكل شي ..
متوسطه الطول .. شعرها قصير لونه بني .. تحب تحط فيرونكات ...

....................
بعد ما تنقـع خالد بالشمـس .. وصلت تركي واهو يسوالف بالتليفون ولما قرب من خالد ..
تركي: يلا حبي لازم اروح الحين ادق عليج اذا طلعت من البيت ..
....... : اوكي حموود اكلمك شوي ... احبك
تركي: وانا بعد .. بااااي
خالد : يطالع بكل برود : خلصت ..؟ واليوم هذي من ووين طلعت بعد الظاهر قومت من الصبح ماراحت عالفاضي ...؟
تركي : كااااااااك ... اقول خلك مني ... وانت الحين مالقيت احسن من هالبلوزه ..؟ امس رايحين الافنيو ماخليت بلوزه الا وشريتها والحين لابس هذي ... في احد يروح الجامعه وبيومه الاول ويلبس بلوزه منتخب ....؟
خالد وحاط ايده على وجهه ومنغث من الحــر : اقول خلصني لا تتفلسف وووين مكان اول محاظره .. ذبحني الحـر ...
تركي : خخخ .. اوكيه باقي ربع ساعه عالمحاظره .. شرايك نفر بالمبنـى ...؟
خالد : اقول اخلص علي ذبحني الحر ودني اي مكان ...
وراحو لمنبي 3 خ ... مبني معروف بالدجه والصرقعه على اصولها لانها قريبه من كافتيرا الشباب والبنات هناك اشكال والوان .. وكانت اول محاظره عندهم هناك .. دخل خالد وتركي المبني .. تركي يتضحك ويمشي وويوزع ابتسامات .. اما خالد ماله خلق سوالف الزحمه والمصخره .. وناقد على تركي .. شافو واحد من الربع وسلمو عليه ..
وتركي ياشر لخالد يشوف البنات الداجين مبين عليهم مستجدات بس يتلفتون مو متعودين على الزحمه والخلط .. ويضحك تركي من قلبه على وحده بغت تطيح من الدرج الي قدامهم .. حرام البنت انحرجت وبسررعه مشت .. وتركي للحين يضحك ... وطبعا معروف ان كل القوائم في اول الايام يقدمون مساعداتهم ,, ويوزعون منشورات ونوتات .. ومن هالكلام ... شاف الساعه الا بقى خمس دقايق ..
راحو للقاعه 145 .. قاعه كبيره حييل مدرجات .. كانت الماده مشتركه الي اهي اصول تريبه .. لما دخلو لقو الكل موجود .. ولا واحد ياشر لهم ..
...... : اهلين اخيرا شرفتوو ..؟
تركي : السمووحه بس تعرف خال ذبحني كل ما مشيت خطوه لقيته يتلفت ..
خالد : اقول لا يكثــر ... الا يوسف ووين الشباب ..؟
يوسف : مدري والله .. بس سلطان وفهد مو معانا ..
تركي : الا اقول تتوقعون الدكتوره مزيونه .. فدعه يعني ..؟
خالد : هذا اذا ماطلعت خدامتكم احلى منها ...
يوسف : ههههههههه ... شدعوه شباب هذا واهي اول محاظره لكم ..
تركي : لا صدق مثل المسلسلات الاجنبيه ... تطلع لك حلوه وشقرا بعد الله ... تلقاني مخيم هني .. مااطلع ابد ..
خالد : الحمد لله والشكــر ... اقول هذي العجوز شرفت ..
وتدخل الدكتوره .. عجوز رجلها والقبر ... وماشاء الله فيها حيل تدرس .. اول ما دخلت .. طبعا الكلاس كله سكت ..
ولا تقول لهم ... طبعا الكل عارف اني عصبيه يمكن سمعتو عني بس انا وحده صريحه انا عصبيه .. ومستحيل اعطيك اكثر من حقك .. وال A مو اي واحد ياخذها ... انا مرتين بكيت بحياتي .. تبون تعرفون ليش ..؟
الطلاب ساكتيــن ... وتركي يطالع خالد ويضحك .. ويقول له : الظاهر يوم طلقها زوجها .. يوسف ضحك .. والكل التفت عليه .. خالد سوى نفسه ما يعرفهم ...
الدكتوره عصبت .. انت الي وراه وبعدين معاك ..؟ ترى اليوم لانه اول يوم ما ابي اطر احد ... فهمت علي ؟
وتكمل .. اي شنو كنت اقول ... ولا تركي : كنتي تقولين مرتين بكيتي بحياتك بس ماقلتي متى ...
الدكتوره × تحطمت وحدها مستانسه × اي الحمد لله في احد معاي ..
تدرون متــى ,,.؟
المره الاولـى .. لما توفت الوالده والمــره الثانيـه .. لما عطيت طالب a

كانت مرتين بحياتي وان شاء الله ما تتكرر ..
خالد يطالعها بكل برود : بس يادكتوره اعتقد راح تبكين للمره الثالثه ؟
الدكتوره طالعت بكل استحقار : نعــم ..؟
خالد : اقول لك راح تبكين للمره الثالثه .. لاني ناوي اطلع من المقرر a ان شاء الله ..
الدكتوره مستغربه من وقاحته : اوكيه ... ورنا شطارتك ..
تركي : احــلى ياقامد من ورانا ياخي تبي تضبط ؟.
خــالد واهو حاط ايده على فمـه : وحياتك لامصخرها ...

تيـــــبع اذا لقيـــت ردود مشجعـــــه ^^​

 

[حقائق لم تكتشف]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

بدايه حلوه موفقه
وكمليها عجبتني وايد

 

[قمر الكويت]

اختي كملي باين انها حلوه
يسلموووووووووووو

 

[منو انا]

اكملي ناطرتج

 

[لمسة ايد]

حلووووه كملي

عجبني خالد

 

[lady.shasha]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

~ البـــارت الثـــاني ~

بعــد نهايه المحاظره الاولــى ... كان عندهم نصف ساعه بعدها تبدء محاظراتهم الثانيــه .. وبهالوقت تركي اقترح يروحون للكافتيريا لان حــر والكافتيريا ابرد مكان ... الكل وافق وخصوصا خالد لانه من النوع الي تفلت اعصابه بالحــر الاخ متعود عالبراد ...

ولما دخلو الكافتيريا كان الجو ازعااج بمعنى الكلمه .. مستجدين لازم يشتطون .. الي يصارخ .. والي يشرح .. والي تلقاه قاعد بروحه يطالع الناس .. والي ماسك الاب ماله يشبك من الوير لاس ... والي يتكلم بالتليفون شوي وينسدح عليه ... يعني اشكال مختلفه ...


لمــا دخلو اشر لهم واحــد ..
...... : هلا وغلا والله بالشباب
تركــي : هلا والله ... علومك ... اخبارك ؟.
.....: الحمد لله حالي تسرك ... وانت اخبار احــلى وش هالعطر الي بيط الراس ..؟
تركــي : خخخخ .. لزوم الكشخه يا اخوك ... هذا نزيه من سيد جنيد ..
خالـد : اقوول اخلص علينا روح اطلب لنا شي ناكله من قعدت من النوم ما اكلت شي ...
......: اوكيه اليوم علي انتو تامرون امـــر ...
تركي بخباثــه : ليه ابوك زاد المصروف اليوم ... كاااااااك ...
...... : لا وانت الصادق امـــي ... كااااااااك
خالد يطالعهم بكل استحقار : اقول فهد بلا استعباط ... اخلص روح .. فارق اطلب شي ...
فهـــد : تامر امر يا هتـــلر ... وانت بوعذاب شبغيت ..؟
تركي واهو يمسك تليفونه : اي شي عادي ما تفرق معاي ...
فهــد : خلاص بطلب لكم من كاريبو عندهم سندوش الي يحبه قلبك ..
تركي دق تلفيونه باغنيه اصاله × لا تخاف × : اقول بطلع شوي برد على التليفون اذا وصلت ومعاك الطلب دق علي ..
خالد يطالعه ببرود : اي رووح .. الحمد لله والشكر .. تخلف ..
تركي يرد عالتليفون وعيونه ع خالد : هـــلا وغلا والله بحبيبتي
وتركهم وطلع بره الكافتيريا لانها ازعاج ...
اما الي يســال عن فهد..

× فهــــد ×
ولــد عاقل عكـــس تركي بالضبط ... بس احــلى ما فيه ان وقت الضحك ضحك .. ووقت الجد جــد ... يعني يعرف ان الحياه موبس لعب
يموت على شي اسمــه بر ... يعني راعي طلعات وكشتات ومخيمات لانه متعود من كان صغير .. طبعا اسمــر من طلعاته للبر .. طويل
ملامحه عاديه .. شوي سميــن يعني بطــه بس مب حيــل .. يحب السكسوكه ... يعني مستحيل تشوفه بدون سكسوكه ... وطبعــا معشوقته الاولى والاخيره .. سيجارته ..
مدمــــن على دفي دوف ابيض * نوع من انواع الدخان * نيته ان يبين للناس انه مادخل الجامعه من طريق الواسطه .. لانه ابوه راعي علاقات مع نواب المجـلس .. والكل خصوصا شباب اهله وقبلتــه .. يعتقدون ان دخوله للجامعه من واسطات ابوه ... وحاب انه يكســر خشومهم ... لبســه المعتاد دشداشــه ...سيارته جيب لاند كروزر كحــلي ...
...................................

وراح فهــد يطلب ... المكان الي كانو قاعدين فيه يطل عالشباك .. كانت الكافتيريا كبيره حيل طابقين .. اول ما تدخل قدامك باسكن روبنز وعلى اليمين في درج .. وجمبه في كاريبو كوفي .... واذا دخلت من الباب الداخلي بيلقى طاولات وكراسي .. وفي اكل البوفيه ..
وكان تركي وربعــه قاعدين بالطابق الي تحت ... وقعد يطالع خالد من الشباك ... ولفت انتباه بنتين وحده دجــه وتتدلع والثانيه مبين عليها معصبــه من حركاتها .. ولكن الي صدمه ان البنت الي معصبه كفخت الي معاها بنوته كبيره ... والثانيه شوي وتبكي ... وتتلفت تتمنى محد يطالعها ...

.............................................

في نفـــس اللحظه ..
شموخ تصارخ : الحين موصلتج للمحاظره ومطنشه بمحاظراتي مع العلم الكل ياخذ الغياب من المحاظره الاولـى .. لا والقاج تتمشيـن مع رفيجاتج الصايعات ...؟
مها واهي تعدل شعرها : شوشو شفيج علي قلت لج الدكتور اعتذر .. وبلـــز رفيجاتي مو صايعات ...
شوشو ومعصـــبه : شنو اعتذر ليش انا عميه ؟ ... ما تشوفينه داخل ويشرح ..؟ ولا تقولين مو صايعات ...؟ شنو كل هالميك اب ووين قاعدين ..؟
مها تحاول ترقع الوضع : شوشو حياتي لاحقين عالداوم .. قلت اليوم بس بنطلع ونستانس ومن باجر راح احظــر ...
شوشو : تدرين شلون انتي موكفو الواحد ياخذ ويعطي معاج ... هذا واهو اليوم اول يوم لج ... الله يستر منج ..
مها تحاول تهدي الوضع : شوشو لا تكبرين الموضوع .. انـــ ..
شوشو تقاطعها واهي معصبـه : اساسا انتي بس الي يهمج تخافين اقول لامي ,,, صح ..؟
مهـا واهي تحط ايدها على اختها : هاا ... انا .. منو قال لج .. اساسا ادري انج مستحيل تقولين لهـا صح حياتي .,..؟
شوشو وتزل ايدها : وليش واثقــه ...؟
قطع حوارهم رفيجت مها امها الهنوف ... طبعا اهي نسخه مطابقه من مها .. بس الي كان الفرق بينهم ان الهنوف متحجبه عكس مها ..
الهنوف : هااااااااااااااااااااي ... وااااي حياتي مهاوي >> بصراخ طبعا
مهــا واهي تصااارخ وتركض تحضنها : حيااااتي ... اشتقت لج .. ووين ومتى وصلتي من الرياض ...؟
طبعــا سوالفهم صراخ والكل يمر يطالعهم .. شموخ واقفه تطالع هالهنوف شلون لبسها وشلون تتدلع وحركاتها وتقول بقلبها نسخه من الدجه مها .. الله يستر عليهم ..
الهنوف : حياااتي قبل امس بليل ... بس شنو تمنيتج معاي .. وناااسسه فــــله ...
مها : خلاص حياتي اليوم بدق عليج وتقولين لي كل شي ...
الهنوف و تشوف تليفونها : اوكيه حياتي ... اكلمج اليوم الحين لازم اروح ...
مها : اوكيه حبـــي ... بااي
الهنوف : باي ..


مها التفت على اختــها وتقول لها : وااااي شفتي ساعتها ..؟ تهبل تجنن .. روعه ..تهقين من الرياض ...؟ خلااص بكلم امي لازم نروح لها >> تتكلم وتسال وترد على نفسهــا ..
شموخ واهي تطالعها ومستغربه منها : اقول يلا وين جدولج ... بشوف متى محاظرتج الثانيه ...؟
تطلع مها من شنطتها ورقه كلها قلوب حب والوان وستكرز : تفضلي
شموخ وعيونها كبر : هييييه انتي ... شنو هذا ..؟ فشلتينا لو دكتور يطلب الجدول شلون تعطينه ..؟
مهـا بكل غرور : عادي ... علشان يعرف اني دلوعه ..
شموخ تطالعها بكل برود : ووين الدلع بالموضوع ...؟ اقول والله انج جاهل عبالج بحركاتج هذي كبرتي ... اقول خلصيني محاظرتج بمبنى 6 واهوبعيد ... يلا ما يمدي نروح ندور على القاعه ...
تروح اهي ومها للمبنــى ... اهو تقريبا تقدر تقول مبنــى شبه مهجور لان اغلب المحاظرات تكون للمستجدين فيه مواد التمهيدي ... رياضيات او كيمياء .. ووصلت للمبني ... وتدور عالقاعه ولا تشوف زحمه عند قاعه 123 شباب وبنات وازعاج ... وعرفت انها محاظرته اختها ...
مهــا شهقت : واااااااي لا تقولين هني محاظرتي ...؟
شموخ وتلف عليها وتدري شنو الي براسها : ايه .. للاسف ..
مهــا وتضحــك ومستانسه وشاقه الحــلق وعيونها عالباب : ياااااي وناسه خلـــط ..محاظرتي خـــلط ... ياربي .. اول محاظره لي خــلط ... تهقين في مزاين معانا .. ؟ ياااربي عالاقل في دافع يخلني اقوم كل صبــح ..>> كالعاده تسولف وترد على نفســها ...
شموخ واهي مستسلمــه من اختها : اقول روحي يلا .. بروح عندي محاظره ..
مهــا : اوكيه اذا خلصت بدق علـــيج .. لا تخافيــن مستحيل اطنش بمحاظرتي ... هاهااااهههي >> يعني ضحته دلع ..
شموخ : اوكيـــه بس انتبهي على نفسج ...


مهــا راحت بدون ما ترد عليــها ...
اول ما دخلت مها القاعه كانت محط انظارهم لعده اسباب اهمها انها كانت حلوه ومو محجبه .. وكانت حاطه عطــر الكل يشم ريحته من بعد كيلوات .. ولما تمشي كانت بكل غرور وقعدت باخر القاعــه .. وهذا الي لفـت انتباه تركـــي ..


تــركي : اقووول شووف امــانه وش هالزين كــله ... يوووه اروح فدوه لعيـــونج ...
خالد بدون ما يلتفت : اقول خل الناس عندك .. ليش العندك مو مشبعينك ..؟
فهـــد : اي حــلوه بس ما تعجبني ... حلات المراه مستتره .. يعني وش الفايده دام الكل يشوفهــا ...؟
تركـــي : والله ما عندكم سالــفه .. يووه .. انشهد هذا الربيع ولا بلاش ...
وعلــى سوالفهم دخل الدكتور ..كان مصري .. طبعا اصلع .. وعنده كرشه .. كان يعطي ماده تمهيدي رياضيات ...
اول ما دخل قال : السلام عليكم .. ازيكوم ..؟ عملين ايه ..؟
طبــعا انا احب اهني الكل بدخوله للجامعه .. وان شاء الله الماده سهله ولذيذه عليكم .. ههههه .. وما تعزبوني ... سمعين يا عيال ..؟>> طبعا ضحــك بدون سبب والكل مستغرب ما قال شي يضحك ..
الكل ضحــك علشان ما يحرجونه ...
بدء معاهم بتوصيف المقرر ... ووزع اورق ووصلت الاوراق للشباب طبعا الكلاس مقسم قسمين الشباب بصوب والبنات بصوب ...
وكان اخر واحد اهو فــهد لازم يروح ويعطيهم البنات ... لكــن تركي الملقوف اخذ الاوراق وراح صوب البنات ... وضحك ضحكه لمــها وصديقتها الي تو تعرفت عليها ...
عاليه : هههه مها شوفي هذا يضحك لنــا ...
مهـا : ادري .. مع ذلك ماراح اعطيه وجهه ... ومارح التفت له ..
تــركي عرف شنو نيه مهــا لكنه ما استعجــل لانه يعرف شنو نوعيتها من البنات ... الاخ عنده معرفه بانواع البنات ...
بعــد توزع التوصيف طلب من الكل شراء الكتب ... وقال اليوم راح تطلعون مبجر ... بس من باجر راح يبدء الدراسه ...
الكل بدء يطلع من القاعه الا مــها ورفيجتها الجديده ..
قام خــالد بيطلع وفهـد لكن تركي قعدهم ..
تركــي : اصبر شوي والله لاخليها تطالعني ...
خـالد : والله انك فاضي ... اقول يلا بس انا بطـلع ماراح اتحمل هالخبال ..
فهـد : ههه تركي خلها تولي .. يلا بس بنطــلع ...
تركــي : اصبرو شوي .. بس شوي ..
وفق خــالد وفهد ينطرون تركـــي وخباله ...

مهــا كانت تعرف ان تركي يبيها تطالعه .. لكنها كابرت وكانت ودها تشوفه ... تحط عينها بعينه .. بس عنادها وغرورها اكبر منها ..
دقت على شموخ .. وقالت بكل دلع وعلت صوتها : حبيبي خلصت .. ووينك ..؟
الا تركــي يطالعها ويطالع ربعــه : خخخخ والله سوالف البنات عبالها اني بصدق ... كااااااااااك
مهــا عصبت لانها انتبهت لتركي يضحك : يلا حياتي بطلع لك الحين ...لاااا لا تجي مو لازم انــا اروح لك ... كم عندي سوسو انــا ..؟
طبعــا شموخ مستغربه : اقول شفيج ... فيج شي ..؟
مهــا بدلع : لا حياتي ... خلاص الحين راح اطلع ...
واول ما طلعت من القاعه تكلمت عدل وقالت لشموخ : هااا وووينج .. الحين صار لي ربع ساعه طالعه ... تدرين عاد لو اني ادل ما رديت عليج ...
شموخ تعجبت : انتي تعبانه اليوم ...؟
مهــا : لاااااا ... خلصيني وووينج ..؟
شموخ : اطلعي من المبني تلقيني عند ماكينه الكاكاو ...
بعـد ماطلعــت مهـا من القاعه .. قعد خالد يضحــك : هااا شبعت با ابو عذاب ..؟
تركـــي وعصب : تضحك .. بس والله لجيب راسها مو انا الي تكابر علي ...
خــالد واهو يضحك : بنشوف ..
فهــد حاول يهدي الوضع ... : ياشباب شدعوه ... تركي شفيك خل البنت لحالها ... تعوذ من بليس ... كيفها يا اخي ...
تركــي : لا حبيبي مو علي هالسوالف ... انا اعرف نوعيتها .. بس خــلها علي ...
خــالد واهويشيش تركي : بنشوف .. هذا اذا ما طردتك كاااااااك
تركــي ومبين عيه معصب ..: اقول لا تراهن .. انا قلت اجيبها يعني اجيبها ...
خــالد : خلاص لك علي الي تبيه اذا الاسبوع الجاي نفس هاليوم الاحد الجاي عندك رقمها ... بس هاا تكون اهي راضيه .. مو تدور على رقمها وتجيبه ...؟
فهـــد واهو يهدي : هيييه خالد وش هالكلام الله يصلحك ... حرام عليك هذي بنت ..؟ ومهمــا يكون البنت علشان ما ضحكت لك عصبت وقلبيت الدنــيا ...؟ اقول خلكم من هالكلام ويلا بنطــع ...
تــركي وعجبته سالفه خالد : خلاص خالد تـــم ... ولي الي ابي ...قدها ياخالد العاجــي >> بدت سوالف المسلسلات كاااااااااااااك

خالد وعيونه تلمــع : قدهــا وقدوود ... انت بس سوها ولك الي تبي ..
فهــد : يا جماعه صلو عالنبي ... خلاص انسى السالفه تركي .. حرام عليك ... تخيل انها وحده من خواتك ..؟
تــركي واهو معصب : تخـــسي وحده من خواتي .. اساسا مافي مجال مقارنه بينهم ... خواتي يالحبيب ساترين نفسهــم .. مو مكياج ودلع ومصخــره ...
فهـــد : خلاص يا اخي .. فكنا من هالسالفه ...

يتــــبع .. والسمووحه ^^

​

 

[امي الحنونه]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

روعه آلبآرت
نآطرينج بس بلييز لأطولين

 

[✿¸3ώẪṧĤ»]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

بليييييييييييييييييييييييييز كمللللللللللللللللليييييييي
\/\/\/

 

[شمعة أبوها]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

يااااااااااااااا دبااااااااااااااااااااااااااااااااا
يا هبله ^^"
هههههههههههههههه
ماشاء الله انا من متابعينج ^^
الى الامام
اليوميات تحفه

 

[mac7noon5-m]

يلا حبووووبه بانتظارج جديدج
رووووعه القصه يسلمووو ويت يو

 

[آقوى شي]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

روووعه + إبداآإع آأنا من متاآبعيينج ومتاآإبعيين شمووعه
إبداإع صرأآإحهـ ويسلوووو ناط

​

رين التكمله

 

[Sara.M]

ناطرينج :>

 

[mac7noon5-m]

ويييييييييييييييييييييييييييييييييييييينج
يلا بانتظاااارج حياتي

 

[teen girl]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

شكلها حيييل حلوووه

نااااطرينننننننننج

 

[~اتعبها غلاه~]

كملي حبوبه ..
متآبعتج ..
وآن شـآء آلله تركي مـآ يسوي شي لـ مهآ ..

 

[كراميلا مرة]

بسجل حضوري حفظتها عندي بكره ان شاء الله اقراها بس ان شاء الله مو طويله ماحب الطوال

 

[lady.shasha]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

حباایبی والله :$

فدييتكم ع الردوود .,

ثواني وانزل البارت لعيوونكم ​

 

[lady.shasha]

رد : ~ يومــــياتي الجامعيــــــه ~ // قصه تحدي مع اختي شمعه ابوها :$

~ البــارت الثــالث ~

امــا الحال عند شموخ ومــها كانو باقي لهم محاظره وحده لمها بعدها يردون البيت ... وباقي للمحاظره ســاعه .. ولما كانو يمشون بالممــر ..
دق تلفون شمــوخ ~ بلاك بيري ~ ...
...... : شوووووشو حياااتي ....
شموخ واهي مشتغربــه : سوري بس منو معاي ..؟
...... : افااا شوشو نسيتي صوتي ..؟
شموخ وبدت تعصب : انا قــلت منو معاي ..؟
..... : اووف منج ... خلااص انا سارونه الاموره ...ارتحــتي ..؟
شموخ بعد مارتاحت وقعدت تضحــك : كااااااااك ... سارونه الاموره حياااتي ... خخخ ... والله وصرتي مراه ...
ساره تقاطعها واهي متنرفزه : اقوول انا مره من قبل ما تنولدين ..فهمتي؟
شموخ واهي تضحــك : هههه خلاص ولا تزعلين .. شخبارج ؟
ساره واهب تتنهد : واااي بخير حياتي .. يااي شوشو متى اشوفج عندي لج سوالف ... اووف الله عالم فيــها ...
شموخ : اي صــح الحمدلله عالسلامه ...متى وصلتو ..؟
ساره : الله يسلمج .. وصانا اليوم الفجــر ...
شموخ وقصرت صوتهــا : اقول لا يكون اهو عندج ..؟
ساره واهي تضحك بصوت عالي : ههههههه ليش حيااتي عندي واكلمج..؟ شبــي فيــج ..؟
شموخ وعصبـت منها : اقوول ووينه ..؟
ساره : راح لبيت اهله يسلم عليهم ... وبعد شوي بيرجع ...
شموخ : اهاا ... خلاص انتي اليوم تعالي بيتنا ... علشان تسلمين على جدتي .. لانها بالفتره الاخيره تعبت حيل فابوي خلها عندنا علشان نداريها ... ونتابعــها ...
سـاره : خلاص ان شاء الله ... اقول يلا شوشو معاي خط ثاني .. باي
شموخ : باي ..
مهــا واهي معصبه لانها ما سمعت اي شي ... : منو هاذي ان شاء الله.؟
شموخ : يعني منو بعد ساره بنت خالج ...
مــها بعد ما تضايقه وكانت تقلد صوت شموخ : ساره بنت خالج .. وااع ياكرهي لها ...
شموخ واهي معصبــه : ليش انتي عمرج حبيتي احد .؟
مها .. : اقووول فكني من هالسوالف ... يلا بس بنروح نتمشى .. ابيج تعرفين على كل مكــان ,,
شموخ طالعتها وتقول بقلبها : ساره من خذت محمد وانتي متغيره.. مدري شسالفتــج ....

~ ســــاره ~
بنتوتــه طيبه وحبــوبه عمرها 21 كبـــر شموخ .. واعز صديقه عنــدها واهي بنت خالهـا .. رومانسيــه ... كانت مشاغبه و داجــه .. بس بعد ما تزوجت محــمد ولد خالهم الكبير واهي تغيــرت ... صارت اهدى من قبل ... تموت ع محمد .. كانت عطيته من كانو صغــار ... وتوها راده من شهــر العســل ..

ولكــــــن ...
~ محمـــــد ~
انســــان بايعــها ... يحب الضحك ووناســه ... تقدر تقول رومانســـي بس مو حيل ... طبعا يعتــر براد بيت العايلــه ... من كثر ما اهو حــلو عمــره 25 سـنه .. يشتغل بالمــطافي .. وكانت عنده علاقات قبل الزواج للراس ... وكان اكثــر واحد بالعايله عايش حياته .. يسافر من دوله لدوله .. ومحد يكلمه بشي ..

...........................
امــا الحال عند ربعــنا ...
بعد ما طلعو من القاعــه .. ولا تركــي يشتغل بتليفونه ... وقال لهم :
شباب شوي واجيكم عندي مكالمه ضروريه ...
خــالد : ومن متى ماكانت مكالماتك مو ضروريه ..؟
فهــد : اوكيه .. تلقانا بالقاردن ... بالكراسي الي على الجنب ...
تركــي : اوكيه ... يلا ســــلملم ..
راحو فهــد وخالد .. وبقى تركــي .. قعد يدور بالاسامي ... لقى اسم ابو هادي ... دق عليـــه .. * طبعا ابو هادي شخص ثاني *
....... : ياهلا وغـــلا ... اخيرا ... اخيرا تذكرت ..؟
تركـي واهو يضحـك : يا حياتي والله ... السمووحه بس انشغـلت ..
...... : ما اقول الا الي ماخذ عقلك يتهنى بك ...
تركــي وغير نبره صوتـه : خلاص عااد حبي ... تبين تقلبينها نكــد ..؟
...... : لا خلاص ... المهم اخبارك والله اشتقت لك ...
تركـــي واهو يبتسم : الحمد لله عال العال ... وانتي .. علومك .؟
...... : دووم يالغالي ... بس انا تعبانه ... وحيل بعــد ...
تركــي ويبي يبن لها انه مهتم : افااا ... ليه عسى ماشر .؟
..... : ابد سلامتك بس اليوم اول دوام لي بالكليه ... احس بضيقه وحدي متكسره ... احمد ربك خلصت دراسه وماعندك شغل مقابل المكتب 24 سـاعه ... هذا من غير سفراتــك ...
>> للي ما فهــم تركي مكذب على البنت وقايل لها انه عمره 25 سنه واهو موظف في قطاع خاص ...تعرفون سوالف الشباب >> كف كاااك
تركــي واهو ماسك الضحكــه : يلا ما عليه .. ايام وتعدي .. يلا عاد لا تتأففين ... باجر شلون تدرسين عيالنا اذا ما كنت مثقفه وجامعيه بعـد .؟
....... >> حدها مستانسه ومتحطمه واستحــت : هههه اي والله معاك حق .. يلا حياتي بروح عندي محاظره ...
تركـــي : اوووف منك .. ماشبعت من السوالف معاك ... خلاص رووحي الله معاك ...
....... : هههههه حياتي اول ما ارجع بشبك اكلمـــك ... اوكيه ..؟
تركـــي : خلاص اوكيه ... يلا بحفظ الرحمن ...
........ : باااي ..
تركـــي سكر التليفون وبوجهه ابتســـامه عريضه ... وراح للقاردن عند ربعـــه ...
امــــا شموخ ومهـــا ...في هذي اللحظات كانت شموخ تفـر باختها بالكليه .. علشان تعرفها ...
ولمـا كانو يمشــون و شموخ كانت تمشـى بعكس الطريق كانت توري اختــها المكـان ...ومعطــيه الناس ظهرها ... وفجــــأت صدمت بواحد طويل وعريض ... حست ان ظهرها تكســر ... لانه كان بنيه جسمــه قوي وعريضه ..
...... : هيييه انتي حوله ... ماتشوفين ... في احد عاقل يمشي بالعكس..؟
ولما لفت شموخ وكانت يترد عليــه لكنها انصدمت انها كتت الموكــا على بلوزته .. ومالها عذر ردت بكل برود : شنو يعني صار الي صار خلاص عاااد ... ولفـت على مها وتجرها وتقول : يلا نمشي ..
...... واهي معصب : شنو يعني صار الي صار ... صج وقحــه بدال لا تعتذرين ...؟
شموخ وعصبت منه ونرفزها : ماراح اعتذر وكيييفي امشي مثل ما ابيه.. مو انت تقول لي شلون امشــى ...
........ ومسكها من ايدها : احترمي نفسـج مو تسوين غلط وما تعتذرين..؟
شموخ وحست ان جسمها كلــه كـــش ....وتطالعه بنظرات ... مستغربه منه ومن جرأته .. وحســت انه يضغط عليها وعورها بس ما بغت تقول له : هـــد ايدي لا انادي السكيورتي ... اقول لك هــــد ايدي ...
........ ولما انتبه انه مسـك ايدها : هالمره عدت على خيــر بس المره الجايه لا تلوميـــن الا نفســـج ... فاهمــه ..؟
مهــا طول الوقت متجمد بمكانها لانها بالمواقف هذي ما تعرف تتصرف وتطالع اختـها وتدمع عيونها ... حست ان اختها تعورت ...
شموخ وخرت ايده : اقــول روح بس ... انت وقــح شلون تسمح لنفســك تمسكنــي ... انت تدري اني اقدر اوديك بداهيــه الحين ..؟
....... ولا كانه يهمــه ويضحـك بستهزاء : اقــول روحي بس الله يستر عليج ... تقولين بتوديني بداهيه ...؟
شموخ عصبت منـــه وحست للمره الاولى في حياتها انها ما تعرف ترد على احـد مع العلم انها ملكــعه وتعرف ترد على الكــل الا اهو قاطعتــها مهــا واهي تدمع عيونها : خلاص شوشو تكفيــن خلينا نروح ...
اهـــو بكل برود قط المــوكا بالزباله الي قريبه منه وراح ...
شموخ تطالع اختها وشافت الخوف في عيونها ... : خلاص يلا امشـي ..
وكانت طول الوقت تشوفه لمــا راح وبعــد عنهم ... حست انها وقتها عاجــزه .. بس ما بغت تكبــر الموضوع لان اختها معاها .. ومبين عليها انها خايفه ...
وراحت شموخ واختها يمشون بالممــر وقالت مها: شوشو شفيج .. ؟
شموخ حاولت ترقع الوضع : مافيني شي .. يلا هني مكان محاظرتج الاخيره ... انا الحين عندي فراغ ... راح انطرج بالكافتيريا ... اوكيه
مهــا وتطالع شموخ وحست ان اختها متضايقه : خلاص اوكيه .. باي
وطلعـت شموخ من القاعه وكانت صاكه فيها الدنيــا .. انقهرت .. كان ودها ترد عليه .. بس تذكرت انه صبي ومن ثقته بنفسك حست انه يمكن يسوي فيها اي شي ... فتجنبت تفكر فيه وحاولت تنسـى الي صار ... وصــلت الكافتيريا ... طلبت عصير برتقال طبيعي ... فتحت لابتوبها .. وشبكت على النت ...
....................................
وفي هذي اللحظــات ...
وصل تركي للقاردن .. طبعا للي ما يعرف القاردن وخصوصا بالكليـه زحمــه ... مصخــره ... الكل قاعد بصوب يعني قروبات ونادر ما تلقين واحد بروحــه ... والي يضحــك ... والي مشغل اغاني ... والي يوزع ابتسامات ... والبنات رايحين رادين ..
التفــت دور علـى ربعـه لقـى فهــد ياشر له ...
تــركي : هااا فهــد ووين خالد ...؟
فهــد واهو يطالع من بعيـد : ها هذا هو تو ماشرف ...
خـالد مبين عليـه معصب حييل ... واول ما قعد طـق ايديه ايده بالطاوله .. وكان رافع حواجبه ...
تركــي : افاا .. شفيك يالخــوي ... لا يكون هجرتك وراحت ..؟>> دايما تفكيره جذي ...
خــالد طالعه بنظرات معناه اسكت احســن لك ...
تركي فهم عليه ... وسكت لانه يدري ان خالد معصب حيل ويمكن يقط اي كلمه لانه معصب ...
فهــد : اححح ,,, اوووف مشفيها بلوزتك ..؟
خــالد واهو يرفع بلوزته يطالعها : هذي بنت حوله وعميه وماتشوف بعد
تركــي سمعت اسم بنت : هههههه ... ليه شنو السالفه ..؟
خالد ما بغى يكثــر بالموضوع لانه معصب : في حوله صدمتني وبس .
فهــد واهويضحك : خخخ خلاص ماصار الا الخير .. بس بقى محاظره وترجع البيت ...
خــالد واهو يطالعه ببرود : وانت عباك بحضــر .. خلاص برجع للبيت ... تعبت ومالي خلق .
فهــد واهو مستغرب ويطالع تركي ...
تركـي : احسن شي سويته ..يلا وانا بعد بسحب عليها ..
خالد واهو يضحــك : ومنو قال لك انت بعد ...
تركي وفتح عيونه : ليه ... شفيك بعـد ..؟
خالد : انت بتحضر وبتحضرني معــاك ... فهمت ..؟
تركي واهو يضحــك : لا يا الحبيب ... ماراح احظر دامك منت معاي ..
وبالطقاق .. اليوم ما اتوقع بياخذ الغياب ...
خــالد يشوف تليفونه .. : يلا شبــاب مع السلامه انا برد البيت ...
تركـــي : مع السلامه ... بس هااا لا تنســى اليوم الجمعه عند سلطان بالدوانيه ..
خالد : والله مدري ... بحاول ... لاني برجع انام وبشوف متى اقعد ..
فهــد : خلاص انت حاول ... لانه فـــله توه شاري عود جديد ..
خالد : دام السالفه فيها عود ... خلاص ماني جاي ..
تركي واهو يضحـــك : لا ياولد الحلال ... فهد يضحك معاك ...
انت بس تعــال ...
خالد : خلاص ... ان شاء الله ... يلا ســلام ..
راح خالد وترك فهد وتركي بالقاردن ..​

 

[Riooma]

na6retech 7bebti

 

[ŚnfôôRă ŽǒǾŏ`3ǎ]

ناطريييينج